興記豬什專門店

興記豬什專門店 (長沙灣)長沙灣元州街482-492號金碧閣地下12號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：足料豬什皇加辣胡椒湯公仔麵 $55，冰鎮豬生腸 $56，菜乾豬肺蝴蝶腩湯 $36足料豬什皇加辣胡椒湯公仔麵：加辣胡椒湯底喝下去能瞬間暖胃，濃郁的湯頭與胡椒的辛辣完美結合，卻不嗆喉，麵中鋪滿了足料的豬雜皇，包括豬肝、豬肚、豬腸等，每種內臟都處理得乾淨且口感爽脆彈牙，搭配煮得彈牙的公仔麵簡直一流享受！😄😄😄冰鎮豬生腸：豬生腸經過細心處理和灼熟後，立即用冰塊鎮涼。這種快速冷卻的處理方式，使得生腸的口感變得極度爽脆，咬下去發出令人愉悅的聲響。冰鎮後搭配芥末醬油入口，能突顯其本身的清甜和爽口，有效地解除了油膩感！👍👍👍菜乾豬肺蝴蝶腩湯：湯底以菜乾的甘甜和豬肺的清潤作為主調，經過長時間熬煮，呈現出醇厚而清澈的湯色，具有清熱潤肺的功效。湯中加入的蝴蝶腩，燉煮得極為軟糯入味，帶有膠質的黏性，豐富了湯水的口感！😍😍😍…查看更多

今日中午我哋去咗長沙灣興記豬什專門店醫肚，真係冇揀錯！一坐低就叫咗佢哋招牌「足料豬什皇」，啖啖都係精華，豬心、豬肝、豬肚煮得啱啱好，冇腥味又入味，湯底濃郁得嚟又唔會太油膩，飲落暖笠笠。跟住試咗「冰鎮豬生腸」，爽口彈牙，配埋酸酸辣辣嘅醬汁，真係開胃一流。最後叫咗碟「郊外油菜」，芥蘭翠綠爽脆，油鹽比例啱啱好，清新又解膩。整體嚟講，價錢合理，環境乾淨，阿姐服務又親切，係一間值得回頭再食嘅地道好店！…查看更多

呢間店是專門做豬什的店，見菜單上基本上都是圍繞豬什，就可以知道豬什必定是他們的拿手好菜。第一次幫襯，首選當然揀個招牌唔會出錯。諗住今日降咗少少溫，所以揀咗胡椒湯底。個胃真係暖笠笠呀！（店內冷氣都開夠，放心）不過最值得讚都係滿滿一大碗的豬什，唔單止分量多，仲每一塊都好大塊！尤其塊豬潤，好嫩的口感，一啖咬落去真係滿足嗮！仲有豬肚豬橫脷豬肺……簡直係一次酣暢淋漓的維他命b補充餐🥰😂附上的米椒豉油，同亞媽喺屋企整豬肚時整嘅一樣，配豬肚或者豬脷食一個字絕呀！好地道的味道。一路食一路影，可見啲分量真係好jeng好多，55蚊食到又飽個胃又舒服。…查看更多

今日中午同女友去咗長沙灣搵食，揀咗間街坊至愛——興記豬什專門店。呢間舖頭喺區內好有名，平時好多人。今日見到啱啱有位，女友話要補補佢。我哋叫咗馳名胡椒豬肚湯飯，胡椒味夠晒惹味，啖啖都係精華。三餸就揀咗豬膶、牛丸同鮮肉片，全部都新鮮熱辣，配埋白飯一流。仲有清湯蘿蔔蝴蝶腩，湯清甜，蝴蝶腩滑溜唔膻，蘿蔔煮到入味，超好味；咁多牛腩好抵。最後嚟個白灼鮮豬什，豬心、豬肝、豬腸樣樣齊，灼得啱啱好，配埋辣豉油同薑蔥，真係食到停唔到口。呢餐真係食得開心又滿足，地道滋味小店，香港真係買少見少；抵食又有水準！真心推介！…查看更多

今日同太太試咗間興記豬什專門店，舖，聞說佢哋每日清早起自上水屠房取鮮豬雜，食材新鮮度果然有保證。 小食先試冰鎮豬生腸（半份$24），口感爽脆無騷味，冰鎮過後更突出鮮甜；麻辣鮮肚絲（$12）辣度溫和，肚絲爽口入味。湯同主食最出色，菜乾豬肺蝴蝶腩湯（$33）清潤回甘，菜乾吸晒肉香，腩肉軟腍；足料豬什皇（胡椒底$50）料多實在，豬什處理得乾淨，胡椒湯夠嗆暖胃。頂級黄沙潤兩碗（各$45），分別配米粉同油麵，潤身嫩滑無渣，掛住胡椒湯香，米粉爽滑、油麵彈牙，各有風味。 整體價錢合理，食材新鮮是最大優勢，值得再來。#香港地道食肆 #長沙灣美食 #興記豬什 #豬雜湯專門店 #街坊靚食…查看更多

原來長沙灣開了一間專門食豬雜的店，這天來到平日午膳時間非常繁忙，可見它很受歡迎~足料豬什皇$50這碗真係名副其實的「豬什皇」！豬潤、豬腰、豬心、豬肚、豬肺、粉腸、生腸、大腸、黃喉、豬橫脷、蝴蝶腩，樣樣齊全，件件都大大件，完全唔係平時食開嗰啲細細碎碎的豬雜。每啖都食得出新鮮又乾淨。湯底可以揀清湯或胡椒湯，我揀咗胡椒湯，湯底較清不會很辣，而配的河粉相當多，我都吃不完。菜乾豬肺蝴蝶腩湯$33呢碗湯真係超值！湯底清甜，似屋企煲嘅湯，菜乾份量多，配上豬肺同蝴蝶腩，可以食又可以飲，又健康。…查看更多

牛雜食得多，豬雜反而好少食～今次經過長沙灣就去呢一間豬什專門店試一試，叫咗碗王牌嘅豬什河粉超大一碗，可以點清湯或者胡椒湯，我就點咗胡椒湯，非常輕微嘅胡椒味～我自己一個真係食唔晒，豬什都好大一碗！豬潤係大家最熟悉嘅，好大塊同好厚咁！我自己比較鍾意食黃喉，都幾特別！另外有蝴蝶腩，第一次食，同牛腩又冇咩太大分別！另外叫咗炒豬潤，蔥薑爆得都幾香，我自己唔係食好鹹，所以叫廚房減鹹，就啱啱好，佢哋嘅豬潤都比較大塊同厚！…查看更多

豬什是香港街頭美食之一，充滿懷舊味道，而長沙灣竟然開咗一間豬什招徠的專門店，仲要大大隻字寫住新鮮豬雜由屠場直接運送到店，嚴格挑選決意大快朵頤。招牌豬什米粉：豬潤、豬腰、豬心、豬肚、豬肺、粉腸、生腸、大腸、黃喉、豬橫脷、蝴蝶腩、一個招牌食晒咁多刁鑽部位，每樣都大大件沒有異味、非常乾淨。仲可以配上不同粉面河粉公仔麵白飯做底，點少得香濃不嗆口的胡椒湯，呷一口湯頭，溫和胡椒味，啱曬咁凍天氣暖身 而多種豬雜部位口感不同層次豐富，鮮嫩爽脆，各有千秋。蘸上店家自家製辣椒豉油，絕對是神來之筆，不嗆口而且夠香，將豬什味道提升另一層次。頂級黃沙潤公仔麵：黃砂潤質地細膩，質地柔軟濕潤，嫩滑無渣甚至帶甜。是豬肝中的頂級品種，感粉嫩如細沙，無腥臊味，味鮮回甘。涼拌新鮮生腸：麻辣紅油配搭新鮮爽脆生腸，清涼爽口，辣感適中，酸甜開胃，也是不可錯過的小食。麻辣鮮肚絲：新鮮豬肚滷製或白灼後切成細絲，肚絲本身講求爽脆有嚼勁，與麻辣的調味相得益彰，好開胃。總結：豬什愛好者天堂大推涼拌新鮮生腸#長沙灣#豬什#興記豬什專門店#黃沙潤豬腸#豬心#豬腰#涼拌生腸#辣椒豉油#自家製醬料…查看更多

湯係好飲，湯飯都好吃但係另人唔高興的餐廳，下午18:00又未到晚巿旺巿時間到店時連本人全場只有5人，但一長髮女工要求你座佢指定的面壁位置，冇椅背位等，食嘢想座得舒服d點解要強制人座的位置？到後期我話走另一男同事介入先比我座有椅背的位置，但那女的還不忿氣說有人座時要搭枱，由頭到尾我冇話唔比人座搭枱，只想座得舒服些飲碗湯就走，還有上湯時那女員工的手指甲插咗入碗湯內，之前佢手仲摸緊剛拆紙箱的外賣盒，個人衛生很差，唔會再去囉！…查看更多

我是經人介紹，所以特地去吃！果然沒有令人失望，只能說值得遠道而來試一試！因為太大碗了，所以我一個人根本食唔到咁多！鍾意豬雜的老饕記得過來自己試！記得細食的人可以叫一碗就好，同人分享食。不過我不知道兩個人可以只點一碗嗎？另一個我鍾意依間埔頭的原因係，他們會為每一碗豬雜湯配上一碟小辣椒豉油。這在其它店鋪我是從來沒有見過的！我推薦大家來食依度的豬雜湯，順便帶一個盒把吃唔晒的湯帶走，不要好似我咁浪費！[IMG:2][IMG:2]…查看更多

本身特登搭車入嚟食又唔近地鐵站 堂食叫咗豬什河胡椒湯胡椒湯正常 豬什每樣1-2件 豬肚就得一件味道清淡 無乜味 因為啲河粉太多食到好飽就叫咗老火湯豬肚胡椒湯外賣諗住拎返屋企食同職員姐姐講要外賣 一開始佢聽唔明 有小小唔正廣東話問:豬什湯？我話唔係 係豬肚！湯！隔離這些另外一個同事都頂唔順，提醒佢話係豬肚湯咁我以為實無死啦！點知山長水遠拎返屋企佢俾咗個豬什！湯我。。。個下勁無言我拎得咁辛苦，最後又係得一塊豬肚仲要個湯底無乜分別…查看更多

呢度自選兩款豬雜嘅兩餸麵只需要$38今次叫咗兩碗，分別係豬心大腸米粉，同埋豬心粉腸公仔麵，兩碗都揀咗胡椒湯底。豬心爽口，大腸軟綿，粉腸內裏粉糯無苦味。下次一定會encore粉腸，而大腸就略嫌欠缺豐富嘅口感，應該係因為佢無咩油脂，所以口感比較單一。而豬雜加埋附上嘅辣椒豉油就更加做到提鮮解膩效果。如果胡椒湯底可以更加濃、更加辣就更好了。中途追加咗一份涼拌鮮生腸，爽脆彈牙之餘，食落都入晒味，係絕佳嘅小食…查看更多

叫咗豬什油麵多青 & 芥蘭全走有潤(起沙), 腰(無異味), 豬橫利, 生腸(爽呀), 粉腸(無苦味), 肚, 大腸(有膏), 蝴蝶腩, 心…. 芥蘭爽脆最值得讚係店員有禮和小店有人情味好大碗食唔晒自備食物盒打包無將湯倒入盒靚女姐姐問點解唔裝埋啲湯我話唔想浸淋啲麵所以飲曬啲湯先:)靚女話送碗外賣湯比我叫我多啲嚟食重問我有冇袋裝:)我話有呀佢重送埋🌶️豉油 & 辣椒油比我*提外話* 本來一入店想去洗手間🚾 先🤨 但係阿姐話店鋪無廁所🫣 要係隔離大廈門口入去🤥 賣完單問老闆去廁所使唔使鎖匙🔑 佢話其實🔑 係開旁邊大廈門口的佢重親自帶我過隔離門口幫我開閘同埋教我點樣搵到個廁所🚽 其實有啲複雜(搭 lift 🛗 去一樓出電梯靠左邊樓梯落番地下就搵到🥹)…查看更多

興記豬什專門店 (長沙灣)。2025/June/Mon/16:27。1人共HK$60 免加一。位置⭐️⭐️距長沙灣地鐵行10分鐘，感覺乾淨⭐️⭐️⭐️，坐得舒服⭐️⭐️⭐️，招呼有禮⭐️⭐️⭐️，足料豬什皇跟油麵$50⭐️⭐️⭐️⭐️，胡椒湯底⭐️完全無味，懷疑比錯湯，油麵⭐️⭐️⭐️份量多又夾，豬潤⭐️⭐️⭐️，豬腰⭐️⭐️⭐️，豬心⭐️⭐️，豬肚⭐️⭐️，豬肺⭐️⭐️⭐️⭐️好淋好好味，粉腸⭐️⭐️⭐️⭐️，生腸⭐️⭐️⭐️⭐️，大腸⭐️⭐️⭐️，黄喉⭐️⭐️⭐️⭐️好爽，豬横脷⭐️⭐️，蝴蝶腩⭐️好老好鞋，樽裝忌兼$10⭐️⭐️⭐️，............豬什種類多，又大碗，會再去！..........九龍 長沙灣 元州街482號金碧閣地下 12號舖長沙灣港鐵站C2出口.........…查看更多

昨天下午路經小店，知道新開張入去試下，叫咗碗豬雜米線，豬潤豬腰好味，夠曬厚切，又冇腥味，但豬大腸及豬粉腸就一般啦。胡椒湯底味道唔夠濃，米粉就係一般米粉冇乜特別。可能由於新開張，並沒有奶茶檸檬茶等供應，只供應汽水。埋單一碗豬雜米，一支可樂盛惠$60。…查看更多