臨家麵館

呢间专做台湾面嘅小店，真心唔错！主打嘅蚝仔同鱼片真系好新鲜，蚝仔胀卜卜，一啲都唔腥；鱼片又滑又嫩，好好味。个汤底系精华，每日新鲜煲，饮落好清甜，好足料。试咗佢个酸汤版，微酸微辣，更加开胃！佢哋用嘅扁面好特别，咬落去又弹牙又挂汤，同啲海鲜好夹。平均$50起都算平食材新鲜难揾到。唯一要弹嘅系碟牛腩，咸咗少少，遮咗本身嘅肉味，如果改善下就完美啦！整体嚟讲，系一间会令人想返转头再食嘅小店，诚意推荐！系另类嘅台湾味道！…查看更多

每次嚟临家面馆，都系为咗佢哋碗「红酸汤扁面」！汤底真系一绝，酸得嚟好温和，唔会呛喉，味道浓郁得嚟层次分明，一饮就知系用心熬制。配料仲要超足料，每一啖都夹住丰富食材，我试过几款面底，扁面弹牙、米线爽口，口感满分！我本身唔食猪肉，同店员讲咗之后，厨房居然特地帮我整咗碗无猪肉嘅版本，净系红酸汤底已经够晒滋味！呢份贴心真系要大力赞👍！无论荃湾街市街或美孚分店，员工都好友善，有求必应，令人食得特别开心。如果你同我一样钟意酸汤，呢碗红酸汤扁粉绝对系你杯茶！汤浓、酸度恰到好处，加埋弹牙扁粉，真系食到舔舔脷～我已经同无数朋友推介过，100个保证你好食！快啲去试吓啦，保证一试难忘！小吃：虎皮凤爪亦属必试推介…查看更多

之前食过荃湾大坝街𠮶间唔错，原来荃湾街市街近熊猫酒店都有一间。红酸汤崩沙腩台南扁粉（$68）冻柠檬茶（$0）上次无试红酸汤呢款汤底，今转唔使谂就嗌嚟试。汤底同预期中一样偏向重酸味，个人口味唔太合适。崩沙腩有四旧，标明「新鲜本地牛腩」，有肉有筋膜，有牛肉味，可惜肉质唔软嫩稍稍偏嚡。台南扁粉即系幼身河粉，口感滑身唔糊口。配菜有三款菇、猪肉碎、旺菜丝、芫茜葱，反而好欣赏啲配菜，味道不错又份量多。蕃茄浓汤虎皮凤爪扁面（$51）冻阿华田（$0）蕃茄浓汤酸酸甜甜，加埋蕃茄件及蕃茄蓉，呢款汤底啱口味啲。虎皮凤爪有三只，够腍。扁面面条有咬口，面质较扎实。配菜同样有三款菇、猪肉碎、旺菜丝、芫茜葱。下午茶时段，送冻热饮品。「临家」三款汤底试哂，每款都不错，但如要排先后，个人认为蕃茄浓汤 > 沙茶汤 > 红酸汤。…查看更多

去朋友屋企烧烤之前，先食个晏再去买海鲜。天气太热唔知食咩好突然间谂起间面舖想试。叫咗个沙茶汤底配台湾面。个汤底相当惊艳，好似去咗台湾食沙茶汤底边炉咁。又几有客另外有啲菇菌食吓。猪软骨超大嚿，又腍滑够入味。啲腩肉都好好食唔会太肥。另外啲麻辣猪肠，处理得好干净冇怪味。食到半路有啲热，个店员自己食紧晏都好醒目，见我抹紧汗，即刻起身开冷气，呢度值得一赞。同埋佢个面嘅份量都几大，食到一半都有啲饱。另外试咗个朋友个猪润酸汤面，猪润熟到啱啱好，另外个酸菜汤都好清胃，夏天都几啱食。食完呢次之后隔咗一个星期念念不忘个沙茶汤底，又过嚟试吓佢个崩沙腩，又系大大嚿问得好腍，最钟意食𠮶块薄边位有啲咬口。呢间店相当有水准，完全可以取代我以前成日落荃食另一间鱼汤米线。…查看更多

食物还可以，价钱可接受，但职员态度及衞生意识极差👎🏼👎🏼当客人行过时，一女职员(年约45，无眼镜)面露凶光，语气很差地叫客人: 行开！她大可以礼貌地讲声”借借”而无需用”行开”此词，而且说话无尾音，极度无礼！另外那班女职，经常没戴口罩地大声聊天，除十分滋扰外，并把口水喷落食物上，十分不卫生👎🏼👎🏼👎🏼👎🏼👎🏼我也明白现时难请人，但上面那个极无礼的女职员，既然那么不喜欢工作，那就倒不如辞职，勿再上班找客人出气，令付钱光顾的客人难受，也令香港饮食业多一个害群之马。希望此店老板能顾及香港饮食业形象，勿再纵容员工找客人发脾气！…查看更多