臨家麵館

最近见到临家面馆新开张，位置方便，环境干净企理，于是忍唔住试咗三次。整体嚟讲，质素算系稳定，唔算惊喜，但都有啲值得推介嘅选择。首先讲下我最欣赏嘅红烧台湾牛腩面。牛腩炆得够腍但唔会散，入口有牛味又唔会太重，份量亦相当足够，唔会食到一半就冇晒肉。我每次都拣台湾扁面，面质烟韧得嚟唔会太硬，吸汤力好，配合浓郁嘅汤底，整体味道相当平衡。汤底系偏重口味，但唔会死咸，饮落仲有少少回甘，系成碗面嘅灵魂所在。至于卤肉饭，就比较普通。唔系唔好食，只系冇咩特色，唔太似台湾街头𠮶种卤肉饭，反而有啲似屋企自己煮嘅版本，酱汁唔算特别香浓，饭亦冇吸晒汁。食落去唔会失望，但亦唔会令人记得。佢哋主打嘅酸汤海鲜面，我就觉得比较失色。汤底味道有啲奇怪，唔系我预期中𠮶种酸辣开胃，反而有啲偏酸又唔够鲜，饮落去唔太舒服。海鲜方面冇乜问题，虾同八爪鱼都算新鲜，但米线就太腍，冇咬口，食落去有啲似浸过头。整体嚟讲，呢碗面唔太合我口味，未必会再叫。…查看更多

一入到去坐左喺近厨房及回收餐碟既位置，见到有第二张台吉左所以调左位，但因为角落位比较暗，加上隔离台好近有人呻紧鼻水，之后见到有其他位吉左而又未点野食，所以再调左位。无耐就听到职员讲‘呢个人调左3次台，由x号又调去x号，调左3次’，佢呢个说话最粉重覆左2次，其实唔俾调既可以直接讲，唔驶俾说话人听，同埋唔该搞清楚，系有原因先调的，感觉真系好差，如果唔系约左人，我会转餐厅唔会留喺到。两碗面餐牌无写系辣，但食落系有啲辣，虽然写住台湾餐厅，但唔似系台湾，面食一般，崩沙腩唔知皮定筋似橡筋硬到唔知想点。不过埋单时收银职员同另一女职员都有礼貌。…查看更多

美孚开了一间新的面店，刚开都好爆！因为美孚都冇呢类型的台湾面店终于今天全家人出晒街，得我一个就去试下新店啦红酸汤崩沙腩面是$70碗呢间面店最贵的一款谂住对自己好些就试食呢碗啦图片里好多肉，啖啖肉！但我碗就一般我呢碗骤眼睇唔差，拎起嚟全部都系边和皮肉真系好小块😂😂$70食牛腩想食到肉好似寻宝甘得之不易，成碗都系皮😂😂😂汤底不过不失，又唔算好好味或好差！甘的食物对应价钱，CP値超低我只可以讲，唔会再食…查看更多

$61碗 台湾牛肉面 4大旧牛腩 又淋身又入味 汤底9成似台湾 面又多 女仔可以两个人食一碗 再叫个小食 掂哂!今日全日黑雨 1830开餐 全场只有一张抬系吉 美中不足系 拎水要自己行出去斟 但有柠檬水拣 正 嫌矛服务嘅可以唔去性价比非常高 🤟…查看更多

见美孚新开，喺二期平台，不过地铁站口行上去都方便，试吓个面如何，下午去见到无下午茶餐，不过见到佢一个面跟杯嘢饮，点咗个蚵仔台湾扁面+冻柠茶。57蚊有埋嘢饮就是但啦，点知一上枱好大碗，午餐都还好，下午茶真系撑到饱，味道比想像中好，带少少辣味，我唔食辣嘅都接受到，蚵仔好多只，食极都有，碗面仲有啲配菜，嘢食同嘢饮整体可以。店舖装修就新装修无得弹，冷气属于殓房级，怕冻最好带件褛去。员工无乜特别好与唔好招呼，系入门口时男职员带位，跟住自己QR code落单，埋单去柜面，感觉可以再食。…查看更多