膳藝餐廳 (已結業)

來到大元邨，閒閒地樓上食店都有十間八間，全以平民價錢，供給街坊們選擇。小妹真的沒事好幹，來大元邨吃自家製面包。店子一點也不難找，小妹順道沿著方向看看其他餐廳有甚麼好吃的，真夠八婆性格！最後回頭來到膳藝。自個兒找卡位坐下，環境超級平民風格，大部分食客都是附近的街坊，聽到他們正悠閒地談天說地。看看下午茶餐牌，配什麼好呢？魚柳、豬扒、抑或雞扒？都是雞扒好了。 雞扒包拼薯角$28，小妹並不太好薯角，因為太淋身不好吃，不過只有這個選擇，可以加錢改轉沙律，但小妹又覺得不抵吃，所以都要回了薯角，蕃茄汁店員幫你加在碟邊。炸雞扒連帶雞皮炸得香脆可口，面頭抹上少許沙律醬，底下墊付生菜。自家製面包整塊四四方方，面上洒上面粉，富有面包香氣，咬落鬆軟。 熱奶茶（餐飲）用上鐵杯送上，保温一流，但還是茶餐廳的好喝。吃完都感滿足！另外出名自家製甜品，未試過呢~…查看更多

睇Openrice去食叫左個西炒飯真係唔好食除左什豆 加左火腿同腸仔就去加蛋炒料普通 炒功差 汁又差:(同甜品set $60泡芙唔太甜幾好味 但冇乜特色朱古力餅朱古力味不濃 唔岩我焦糖燉奶最好味 焦糖面好脆又唔太薄讚！其餘的布丁類好甜 太甜喇不過不失 有機會再試過…查看更多

認識大元村這個地方已經有十年了, 想不到在大元村街市上, 是會有一家供應西式甜品的店子. 就趁是日回文迪家晚飯前, 先來這裡吃甜品當下午茶吧. 店子環境一般, 就是典型茶餐廳格局, 街坊們都是在吃港式下午茶, 專門來吃甜品, 就只有我們兩個了.精選甜品拚盤 $60: 7分, 這客精選甜品拚盤, 每天兩點半後供應, 另加$8享用熱飲一杯, 加$10就能夠享用凍飲一杯, 不過我們是日就不想再另加飲品了. 甜品陣容包括有木糠布甸, 焦糖咖啡燉蛋, 紅豆綠茶奶凍, 忌廉泡芙以及杏仁朱古力餅, 實在是相當豐富的.先吃忌廉泡芙, 共有兩件, 正好一人一件, 不用分. 泡芙質感是幾脆的, 不會太硬, 但就不太香, 中間加入了不少忌廉, 夾埋一齊食, 是幾甜美的.至於紅豆綠茶奶凍, 用上的綠茶不算太香濃, 綠茶味道委實比較淡, 但就是幾滑溜的. 配上面頭香甜的紅豆同吃, 當然是匹配的.下一款吃的是木糠布甸, 層次感做得幾好, 質感對辦, 不會太實, 淡忌廉配上煉奶的比例剛剛好, 而面頭的馬利餅香脆之餘也夠幼細, 有水準.到了焦糖咖啡燉蛋, 焦糖面不算太香脆, 有點點硬, 不過燉蛋就是幾有水準的, 幾香滑, 但就不太有咖啡的味道, 是因為我們吃的其實是普通焦糖燉蛋?最後就是杏仁朱古力餅, 也是有兩件的, 杏仁是幾脆口的, 而朱古力味道亦算濃烈. 簡單但是幾討人喜歡的.這客精選甜品拚盤, 只賣$60, 但就能夠享用到五款甜品, 即是平均$12就能夠享用到一款甜品. 加上幾款甜品的水準是不俗的, 這客甜品拚盤, 是值得推介的. 能夠在街坊小店吃到有水準的甜品, 也是個有趣的體驗.…查看更多

星期日，同老公加埋班朋友去大埔農墟買有機野，買完就去食Lunch，地膽朋友介紹呢間餐廳，一於去試下！去到正值Lunch時間，全間爆滿，我地一行五人要等約10分鐘先有位。見到個午餐餐牌都有唔少選擇，隔離枱叫咗焗茄子肉醬意粉，超香！經過一量相量，我同老公叫咗個午餐咖哩牛腩，我叫咗番茄通粉，兩樣都好好味！咖哩牛腩與白飯分開，可以自已決定撈幾多汁，由於太好味，我地結果都撈晒！牛腩好淋同埋入味，薯仔份量亦剛好，番茄通粉個汁亦好好味，非一般罐頭加水。另外再後加香蕉pancake，唔太甜! 好味呀!!!!…查看更多

與家人來了膳藝下午茶我點了豬扒包配俄羅斯薯仔沙律包是膳藝自家出品, 很鬆軟大個而豬扒是半煎炸的, 咸香不會油淋淋, 還吃得出很鬆化豬扒包裡還加了一點點菜絲, 吃起來不會只吃肉般膩而薯仔沙律份量亦超多大大粒的薯仔加上些雜菜豆粒, 提子乾再加上很多沙律醬, 和黑椒, 頗開胃家人點了黑椒金菇肥牛卷意粉和一個兒童餐…查看更多

之前試過膳藝既自家包，覺得幾好食，今次試埋佢既午餐叫左泡菜肉片飯+熱檸茶 ($2x)泡菜肉片與白飯分開，這樣就不會汁浸飯，可以自行決定撈幾多汁，咁樣幾好~始終食太多汁都係唔好，好高鈉質!泡菜同肉片都幾多，辣度適中，連埋泡菜一起食好開胃呀~家人叫了紅酒牛肉意粉+熱奶茶($2x)她說意粉汁太多了，不太好，而紅酒牛肉無乜紅酒味，好似屋企煮意粉既味道wor~午餐可加$10配是日甜品 (木糠布甸)個布甸好好味，唔會太硬或者過軟身，而且仲有好多層，無偷工減料，good!!…查看更多

成日都想試新野，係OPENRICE 發現依間餐廳有自家製包包，搵左個下午來吃呢~叫了魚柳包+薯條 +熱檸茶($24)價位不算平，而且係大元廣場上面有好多平價茶餐廳，膳藝算是進取的一間~聽聞老闆曾在酒店任職，所以對於自家包有很大期望啊~包包很鬆軟，烘熱了的，很美味~ 可惜魚柳勁厚炸漿，好似無咩魚係咁到，食炸漿食飽~至於薯條，熱辣辣，很美味~這是豬扒包，是另一次來吃時點的，比起炸魚柳包好好多呀，至少豬扒不會用炸漿麻~笑面是比自家包的，很好的小店，香港多些這類有heart的食店就好了…查看更多

繼續是假期天，是日要從外婆家把BB接回，上去前，我先來大元邨，要去試一試紅叮介紹過的膳藝餐廳。據聞是一間開設在屋邨的西餐廳，但當我上到大元邨的平台時，幸好記得大概的名字，不然真的會留意不到，去了旁邊的愛爾蘭，雖同是茶餐廳，但其標明了一個為人熟識的歐洲城市名字。膳藝，也許解作膳食的藝術，的確，做出一份好睇又好食的食品，有60%是藝術成份。相信，好睇是吸引人去食的方法，好食就是吸引人再食方法。是西餐廳，店內的食品選擇就像一般在外國街市找到的茶吧仔，有平價的雜扒Brunch，有奶茶咖啡同一些似十足學校飯堂的東西。太太千問萬問，問到這一個俄羅斯薯仔沙律是一份全素的沙律，成日說要減肥的她就決意去食這個沙律。出來的沙律，同一般的港式沙律冇乜分別，多了的是著仔同提子乾，沙律醬薄少少，亦加有少少橄欖油，有港式的風格，有西式的味道，看來並不是普通貨色。 說過這兒有些食品似足外國學校飯堂的東西，我叫的這一個 Chili con carne，就是由中學開始、至大學飯堂、甚至公司飲堂都長期有供應的"飯"。Chini con crane，中交譯就是墨西哥辣肉豆，肉醬加上辣醬，再伴以紅腰豆。味道濃香的肉醬，又腍又粉口的豆，辣度適中，醬汁濃，這是一手好的辣肉豆醬。若是多加少少奶油或芝士，相信會是更加之香。 奶茶咖啡就是港式的味道。而此餐廳，外表平凡，但食物在香港來說，並不平凡。此店，把平凡的外國味道帶來了香港，用返平凡的外國形式去經濟，把local的東西套入返local的香港社會，有意思。…查看更多

千島吉列魚柳飯個汁開胃, 但偏少, 唔夠撈飯所以食淨左半碟飯魚柳係熱辣辣, 好脆同埋幾大塊！普普通通勝在夠大碟！間中先落大元廣場搵野食太多選擇有時都唔知食乜好呢間餐廳勝在坐得舒服同光猛同朋友食飯都開心D嘛！本人好怕坐到密麻麻又嘈既餐廳下次黎要試下甜品下午茶！…查看更多

今趟第二次幫襯啦, 上次係因為食晏時段, 大元村間間餐廳都人滿為患, 迫於無奈要試新嘢, 發覺呢度光猛乾淨, 座位闊落, 而且餐牌都幾特別.今日我點咗午市特平餐, $25的咖哩肉碎奄列飯,奄列內包咗咖哩肉碎, 用的是日式咖哩, 味道好mild的, 混入青瓜粒幾清爽,咖哩其實冇乜汁, 所以碟側又加多殼蕃茄汁, 但因為碟白飯幾乾幾硬, 迫住要多撈汁, but撈兩撈已經乾塘, 結果食剩三分一 :(oh well, 下次要叫少飯.老公點咗 (唔記$32定$33) 吞拿魚醬包+薯仔沙律個中東包用嘉頓的比得包, 半塊, 吞拿魚醬填得好豐滿, 伴碟的薯仔沙律加了醋, 酸酸地, 中和咗薯仔的飽滯感. 讚讚讚.餐廳冇話將枱枱凳凳擺到密密麻麻, 所以坐滿人都唔覺擠迫, 員工態度都唔錯.唯要要彈的是飲料, 咖啡過酸, 奶茶唔香唔滑, 搞到我地只敢叫阿華田, 唉…查看更多

佢地既餐包真係好好味，鬆軟，不過今次無上次食咁熱，暖暖地，差少少。其他既早餐都好好味。我今次今左蕃茄；蛋大餐包。個包都算大個，大食既可能唔夠食。不過服務差左少少，泥錯哂啲野飲，可能多人，亂啦。整體係好既。…查看更多

哩間餐廳已幫襯多次午餐、下午茶同最愛既酒店級甜品。不過今次要評既係佢地既晚餐。一向餐廳六點已關門，有日同老公去搵食發現佢地開埋晚市做馬拉西亞菜，立即試試，好味，隔兩日再搵埋一家八大兩細試多幾樣款式，食下又再叫多啲，叫叫下一共叫咗十二碟，超誇張：P1）芝麻蝦多士2）脆香鹵水骨3）豆角蛤蛤4）辣子蟹5）乾煎參巴蝦6）馬來亞參燒魚7）馬來咖哩牛腩8）海鮮喇沙9）沙爹串燒（牛豬雞）10）馬拉棧炒通菜11）甘榜炒飯12）炒捰條(牛)厚厚一層蝦膠，聽店員講係師傅自己打蝦膠，足料，可惜今次炸得過火少少，上次試個樣靚仔啲香脆！個骨好林唔韌，不過欠缺伴碟啲蜆好大隻，豆角鮮嫩個汁超超超好味！！！酸酸甜甜少辣，蟹新鮮多肉，第一次食蟹配酸甜汁，個汁好味到可以橯一碗白飯就咁食。唔食蟹，佢另外都有辣子蛤蛤。哩個都係超好味，好香脆，老公連殻都食埋，不過我就覺得辣咗少少我唔食魚，老公話好條魚好鮮味，個汁係鼓汁加咗香料既味道個汁比較稀，問過店員，馬來咖哩係稀既。哩個真係幾辣，但牛腩好林好入味。我超鍾意食喇沙，馬來喇沙同平時食開既唔同，無加奶(定係椰汁?)，所以食完唔會有飽飽滯滯既感覺，非常好。唔辣，海鮮都好新鮮。沙爹串燒（牛豬雞）個沙爹汁好好味，唔太辣帶少少甜，如果個汁淋上面個賣相會更好馬拉棧炒通菜唔太辣，比平時食開既無咁油甘榜炒飯個飯加咗馬拉戔，非常好味，尤其熱食，香到不得了！我唔多鍾意食飯都食咗成碗。炒捰條(牛)有啲似乾抄牛河，唔多油，做得好！感覺哩間餐廳無論做早午晚餐甜品，師傅都好有要求，店員又會問客人意見，有禮貌，雖然店細細，但有誠意，值得推介。…查看更多

自從大元邨街市大裝修後，小弟都甚少踏足了。但近來見佢就黎完工，小弟又重返大元邨街市樓上食晏了。見到冇黎一排開左呢間膳藝，食過晏試過下午茶，雖然選擇暫時少D，不過D野真係幾好食，尤其個自製餐包同下午茶D甜品，總括係一間冇乜佬味、野食精緻有要求好味既茶餐廳！(不過今次唔係評價佢既堂食，而係到會服務！)自從去左幾次又就黎聖誕，老闆娘就極力推介佢地既到會服務。眼見大X樂大X活美X呢D又貴又唔好食又刻薄員工，於是一於支持下D中小企幫襯佢地！以下係最後finalised餐單, for 12 adults + 5 kids：忌廉泡芙 2 打 之前試過，保持一貫水準，一口一個，好味！Macaron 1 打 有4種味，唔太甜，小朋友超鍾意！迷你fruit tart 2 打 有5種味，唔太甜，啱哂心多的人，又係小朋友至愛！卷煙肉腸仔菠蘿串 2 打 菠蘿原來好夾煙肉架播，小朋友好like呢個！碎蛋沙律小餐包！ 小餐包保持一貫水準，鬆軟可口，唯凍左冇堂食咁超好味！俄羅斯薯仔沙律 3 磅 加左青椒紅椒，口感清新！西炒飯 3 磅 好味，好有茄味！鮮茄燴一口雞扒 3 磅 個人覺得呢個最得！真係鮮茄之味，絕不是茄汁茄膏之味能夠代替！番茄怪必食！蜜糠燒烤汁雞翼 2 打 呢個好香好好味！仲要一讚老闆娘超好人，餐單有商有量，全程跟足有交帶，食品準時送到，食具供應充足！推！…查看更多

到會食物從三星期前開始講起， 我本來想去大元村另一間餐廳食早餐, 點知又係大排長龍， 阿女又唔想等, 於是去左呢間餐廳度食餐， 點知一食出事, 間餐廳好好食, 麵包自制的, 好多野都好比起食開既茶餐廳有些分別。 自此起去開大元村就會去食野, 知道佢地有到會, 也從其他FORUM 得知到會食物好好食。 好喇, 返返黎入正題, 我12 月26 日家中有一個小PARTY, 諗住點一些食物, 自己煮一些。 點知D親友見到D到會食物大讚, 而已爭住食呀! 我好鍾意羊架, 阿女鍾意FRUIT TART, MACARON, 我老公鍾意個蛋糕, 親友鍾意麥西哥辣肉醬同吞拿魚飽呀! 佢地送到黎我家熱的食物還是熱的, 很不錯呀!!! 希望下次有GATHERING 再訂過或試下包場。 …查看更多

呢間餐廳之前試個幾次, 發覺D野食真係同普通茶餐廳好唔同, 特別係佢地既甜品. 有次又去食Tea, 咁岩老板娘係到, 閒談中知道佢地有得包場攪生日會, 仲要係有得比小朋友即場整cookie, 個女聽到不知幾興奮, 見呀女12月生日, 所以就book左佢地個場開生日會. 派對當日, 佢地會預留時間比我佈置, 不過去到先發現, 基本上唔駛自己佈置, 因為佢地都有d簡單既擺設, 直頭好似酒店擺位咁.....以下係我今次點左既菜式: 木糠蛋糕-好軟好滑甜味岩岩好Macaron- 細細件顏色多小朋友個個都好鍾意, 但我覺得比較甜蜜糖雞翼-味道唔錯, 熱辣辣仲要配埋西芹一齊食, 好清新既感覺碎旦沙律/奶醬小餐包-新鮮, 軟熟, 配埋碎旦沙律味道一流 (無影相)Fruit Tart- 細細件, 生果一d都唔酸, 十足十係酒店食開果款, 係個皮身太軟, 一拎起可能會爛炸洋蔥圈+炸魚柳條-好鬆脆, 又係熱辣辣..正! 其實仲有肉醬意粉, 焗四蔬, 茄汁朱柳條, 同心太軟 (一切開d朱古力槳即流晒出黎, 好正呀!!!), 當然仲有就係小朋友自製既牛油曲奇. 今次我請左差不多20個小朋友, 開頭都擔心整cookie 既時候會混亂, 但佢地既安排好好, 小朋友個個都整到佢地既心頭好. 人人走既時候都可以拎番佢地自製既曲奇番屋企食, 連小朋友都話好好味. 有一樣我覺得唔錯既, 因為廚房係埋到, d野食佢地會分批出, keep住都有熱野食, 唔駛好似平時叫到會咁, 一陣間d食物已經冷冰冰. 成個party攪左3個幾鐘, 我地overrun 左老板娘都無趕我地走. Very Good!! …查看更多