脆味批

今次喺網上平台落單，嗌咗一個一人餐嚟試。個餐$65，總共包1個細Pizza、1個小食、1罐嘢飲。我就揀咗1個升級夏威夷批、1件皇牌炸雞、1罐梳打檸檬茶。🍕/去到舖頭，同預計時間差唔多準時有得攞嘢食👍🏻店員都好有禮貌幾nice🧑🏻/我攞到返屋企pizza仲係熱辣辣，食落OK足料，個餅底都軟熟，不錯🙂‍↕️👍🏻然後炸雞個皮非常之脆，入面好juicy，好食！😆✨$65呢個價錢呢個質素，很可以！🉐👏🏻…查看更多

外賣入面有頭髮，而且係焗飯入面同啲食物混埋一齊，十分嘔心及嚴重影響食慾。廚房工作員工理論上都要戴上頭套 ，廚房嘅衛生問題令食客十分擔憂。店舖嘅衛生問題好難畀食客有信心，應該唔會再幫襯。…查看更多

疫情期間，食外賣已經習以為常，外賣既食物質素必定比堂食差，因為運送期間，食物會變涼，或者焗得太耐，尤其是pizza, 焗得耐餅皮會變淋， 好彩屋企附近有間pizza店，外賣自取，拎完幾分鐘就到屋企，食物質素沒有太大影響。今日叫左個2人餐，有一個普通批 - 啖啖肉，名副其實餡料全部都係肉，芝士香濃，剛出爐既pizza 熱辣辣好好味。另外仲有兩個跟餐焗飯意粉或小食， 我揀咗炸雞兩件同埋焗白汁魚柳飯，依度既炸雞真係不得了，外皮香脆，但雞肉仍然保持嫩滑Juicy, 焗飯就中規中矩，白汁都香濃，魚柳份量都唔少。 個餐仲有兩罐汽水送，都係$142, 超值抵食。…查看更多

我其實都食無咩要求，但一定唔可以食完太口渴，因為好多時食完太重味精的食物，身體就很難排到水，雖然我好鍾意食包類，但因為包類相當吸水，所以都少食😑。好幸運我家樓下有間～脆味批🍕，每當我耐唔耐好想食🍕時，我都一定會選擇佢點解呢🤔係雖然成都係集團式，但每間分店整出黎嘅🍕水準都唔同，我覺得係好有❤️，同埋價錢經濟，唔會將貨就價，咁多年都無大幅加價，真的很有社會良心💖今晚叫左個星期一至五先有既套餐，可選擇大批🍕一個、意粉🍝/焗飯/小食一個、咖哩角拼春卷🫔/炸雞2件、飲品🥤2罐/餐湯2客/蒜蓉包，咁多食物都只係$158我就選左個啖啖肉🍕、香草汁煙鴨胸意粉、咖哩角拼春卷同埋2罐飲品，🍕一如既往既好多料，真係每啖都有肉😂，🍕雖然係厚批，但皮邊相當脆；咖哩角拼春卷無任何挑剔，炸得啱啱好；意粉芝士勁多，鴨胸都唔錯總結黎講咁既價錢有咁既水準，相對而言係無得輸，日後我想在家食🍕都一定只選脆味批…查看更多

冇時間買餸煮飯，唯有叫外賣pizza，冇諗過可以咁難食😩輪候時間唔耐， 半個鐘就送到可惜餅底沒有麵粉味，好似未焗完咁，完全唔脆，餅底一點燶也沒有，食材淡而無味☹️雖然已沒有期望，但無諗過咁失望😞…查看更多

放假唔想煮飯又要啱小朋友胃口，就最啱叫Pizza坐喺度等食啦！6:30落單7:00送到，果然有效率，唔使個個坐喺度捱肚餓！黃金海岸芝心批：餡料有火腿、吞拿魚、菠蘿、芝士碎，另加🧀芝心批$28。打開紙盒feel到pizza 🍕熱辣辣，千島醬足夠，餡料算多，口感十足，比較口批來說，芝心批似乎細一點點🤏🏻脆炸雞🍗：未打開盒已經感到熱辣辣，咬落去非常香脆，咬開有雞汁滴出，非常好食😋！而且每件都大大件！檸蜜炸雞🍗：比普通炸雞要額外加多一蚊，真係有靈物香味，小孩非常喜歡，而且雞皮薄不肥膩，很好吃！招牌肉醬意粉🍝：招牌意粉永無失手，醬汁和意粉分量十足，配有三片辣肉腸，不會太乾，亦是小孩至愛！…查看更多

午飯時間, 又幫襯Chubby了, 上到去見到坐滿哂學生, 嗌外賣先. 感覺上個menu同對上一次食唔同左(定係我太耐無幫襯😂?). 一人餐到六人餐都有齊, cashier放左幾個size嘅pizza盒參考.>3人脆味套餐 (HKD166)>三文魚飯好”痴sy(Cheesy)”嘅焗飯, 一揭開首先係一陣熱氣, 新鮮熱辣, 濃濃忌廉同芝士, 飯底份量唔少, 面頭放滿粟米粒, 勁多三文魚, 蟹柳粒, 青椒, 飯芯軟熟, 好足料呢!>炸雞三件有兩大件炸雞搥🍗加一大件雞胸, 現炸點滿炸漿的雞皮口感勁脆的, 雖然不及生炸咁正, 但都係啖啖肉, 每一口都嫩滑, 而且非常juicy.>餐湯三個濃滑粟米忌廉湯, 感覺奶嘅比例較重, 個人喜歡重奶和忌廉濃稠口感.>千島海鮮9“批升級12” (+HKD30) 加芝心 (+HKD28)Li款芝心批同Pizzahut出品嘅分別係佢唔係成個批邊包實哂整條芝心邊, 整出黎效果好似一朵花, 食落無咁heavy, 批底口感似麵包好得意, 魷魚粒, 蝦仔, 蟹柳, 洋蔥滿滿, 又係足料之作.>Remark: 雖然lunch hour坐滿人, 但外賣order佢應承左嘅時間真係完成到, 要俾like.…查看更多

最近睇尹食堂見佢哋整炸雞好好味咁戚起我想食炸雞嘅心！點解香港冇橋村炸雞食。。。。不過醒起有外賣炸雞！一個電話，半個鐘都冇就到！勁快！可能係因為4點幾呢d時間叫咗set A有3隻炸雞！好大隻！2隻脾！一隻上脾拎上手仲夠熱！咬落去仲脆！皮就略厚，肉都嫩，唔會乾算幾好食！揀咗墨西哥辣椒pizza9吋薄批食落去真係辣！對於我鍾意辣嘅人黎講好開心批底仲脆，唔錯跟餐其實仲有個意粉同3碗忌廉湯但2個人食完個pizza同炸雞已經飽到上心口剩返嘅留比其他屋企人ko😂食住炸雞睇電視。。so happy!…查看更多

今晚有朋友嚟，叫咗個三人餐一齊食。本來呢，pizza依啲嘢冇諗住會有咩驚喜，點知驚喜到我食到一半即刻要影張相寫食評。自問都唔係唔食得辣，但係依個香辣海鮮意粉辣到非常過份。上面灑咗好多辣椒粉，辣到我哋幾個朋友，都係食咗一啖就食唔落⋯⋯…查看更多

Around the world pizza was delivered hot and tasty, enough sauce, cheese and fillings. Pizza base was soft and tasty too. Sadly, the pastas tried (seafood fettuccine, duck breast spaghetti) were dry and almost tasteless; there was clearly too much pasta and hardly any sauce. The corn soup was mild in flavour but a bit less flour and more real ingredients added would have been a bonus to its appearance and taste. …查看更多

A random lunch at Chubby’s Pizza. Average quality and friendly service!It is a small place with around 10 seats. When I got there at 1:30pm, no customers were there. Perhaps it was not lunch hour, or maybe the location is not popular. Students nearby should be the daily customers.The super meal set was quite affordable among the area- at $38, rice/ pasta + a piece of pizza + drink were served. I chose the baked rice with chicken, seafood pizza with thousand island sauce, and honey chrysanthemum tea. Served immediately once ready. Friendly staff member who introduced the menu and served food and cutlery (I supposed to serve myself in the fast food type place). Food was slightly below average- small chicken and seafood portion.Overall, while improvement could be made on protein-carbohydrate ratio, friendly service was appreciated.…查看更多

之前這間店店名又脆意雞、芝脆鷄定脆味批，我一年前之食評已敘述過，終於現在其集團將此店命為脆味批，此集團主打外賣薄餅、焗飯、意粉、炸物，有些店亦有堂食，此店有10個座位，先點餐及俾錢，點了意粉套餐($32)，煙肉蘑菇意粉跟粟米忌廉湯，湯是暖的、有幾粒粟米、仍有些少半固體狀態，過了一會，煙肉蘑菇意粉也到了，用錫紙兜去焗，所以熱辣辣的、煙肉少少焦香、芝士汁不算太多、也不算太油、意粉也算硬，不過不明為何蘑菇是凍的？…查看更多