喺社交平台上睇到短片介绍大坑居酒屋「肥后屋」，片中嘅食物好似好得咁，周四晚屋企冇饭开，所以就约埋薯爷一同去探索一番
！网上订座流程简易；用餐前有专人联络，确认人数、用餐日期及时间，并告知店子只收现金、开瓶费同必先预订菜式等详情
。暗藏于横街内嘅小店门面唔系咁起眼，冇做定功课的话真系未必会揾到。一入门口就见到大大只字写出「禁止十八岁以下人仕饮酒」，莫非有好多人博懵
？！用餐大堂一眼睇哂，室内空调充足，油烟味唔过份，餐桌地板都好干净，唯一正门同侧门𠮶几块落地玻璃窗劲多积
，有洁癖嘅薯爷由埋位讲到第二日，摆明坚介意！墙上嘅黑板写满精选项目。推介酒品前方摆有菂薂嘅招财猫仔
，佢地举起𠮶只手手彷佛正召唤着酒鬼们快啲饮多两杯咁，几栈鬼。一页饮品牌日英对照，简单易明。深觉开瓶费设为$80/樽实在抵玩，所以就带咗樽新买嘅「神藏 祝米 纯米大吟酿」孝敬长辈。
点知未食到一半已经饮哂成枝
，结果就加多樽哥哥仔推介嘅有机「奥丹波 纯米吟酿」（$602/樽）。底面两边嘅餐牌同样中英对照，款式都几多。每位席上都摆有自用嘅餐具。
和风沙律（$52）加牛油果（+$14）加温泉蛋（+$14）：沙律嘅菜菜新鲜爽脆，另加嘅牛油果量足柔滑，清新可口。柚子汁烧蛏子（$72/只）：已预先切开嘅蛏子厚肉得黎都好爽，无奈即使用咗柚子汁去调味都仍有阵阵腥味
。汁烧鲍鱼（$58/只）：两只鲍鱼同样预先一开二，明显大厨知道四人系叫黎分嘅，实在细心
！鲍鱼Q弹惹味，送酒一流！汁烧扇贝（$66/只）：汁烧𠮶件扇贝厚肉得黎偏韧同实。牛油扇贝（$66/只）：反而用牛油煮𠮶件食落爽润啲。鸡皮（$24/串）：鸡皮串烧够干身，可惜韧皮得滞唔够脆
。洋葱牛肉卷（$36/串）：卷物个馅就爽，败笔在于出面件牛肉唔够肥又冇乜肉汁。五花腩（$34/串）：厚厚嘅五花腩瘦肉过多，脂肪少，又嚡又干
，不吃也罢！虎虾配柚子盐（$56/只）：橙白纹理鲜明嘅虎虾爽甜脆口，轻轻点上柚子盐即有效提升鲜香，尤其醒神。鸡软骨（$24/串）：油份过高嘅鸡软骨带有一阵膻味
，真心食唔过！清酒煮蚬（$58/碗）：细佬食到蚬有沙，个清酒汤汁仲有啲苦，完全唔掂当呀！鸡肉软骨棒（$36/串）：棒棒中嘅免治鸡肉十分软嫩，混入咗鸡软骨成功令口感加咗份脆卜卜，浸入蛋黄浆后即倍添香滑，
！鸡肾（$32/串）：鸡肾粒粒虽则唔干，但就韧到老人家话有渣
（估计其实系佢自己牙力唔够所致）。鸡翼（$32/串）：鸡翼一串有两件，皮层尚算香脆，个人只系略嫌佢唔够肥。牛舌（$38/串）：厚薄适中嘅牛脷熟到挛哂，所以都估到佢韧，不过最令人反感嘅系个胡椒味太劲，食第一啖已经打哂乞嗤，真系唔讲得笑啰！黄芥末籽肉眼（$42/串）：平心而论，烧至两三成熟嘅黄芥末籽肉眼系咁多款牛肉中最松润多汁嘅一串，只系个芥辣味盖过哂应有嘅牛肉味。堕落午餐肉（$28/串）：劲多食评推介嘅午餐肉切得够厚，烧焦咗嘅外皮好香口，入面则保持软嫩嘅质感，黏上之前鸡肉软骨棒剩余嘅蛋黄浆先系神来之笔呀
！粟米（$24/串）：鲜黄亮丽嘅粟米爽甜多汁，感激厨房帮忙一开四。炸鸡皮饺子（$48/客）：即叫即炸嘅鸡皮饺子够哂热辣辣，皮层脆就够脆，不过就好油，好在配上柚子味秘汁可一解腻感，加上馅心幼嫩，都算勉强合格嘅。猪肉紫苏梅酱卷（$34/串）：意外地，猪肉卷冇牛肉卷咁嚡同干，散发出嘅紫苏香甚为芬芳淡雅。安格斯肉眼（$40/串）：烧到黑哂㶶哂嘅肉眼咬落韧之余，个胡椒味实在太强啦！七里香（$34/串）：XO仔食过唔少鸡尾，记忆中真系冇食过如此唔爽又冇弹性嘅㶶鸡尾
，俗啲讲句，似系鸡界嘅老pat pat㖞！冷荞麦面（$38）：哥哥好少评论，𠮶晚只系讲咗句话啲荞麦面太腍。芝士年糕（$24/件）：芝士年糕外脆心拉芝，轻盈不溜滞。香蕉朱古力（$38）：甜品炸到好似福袋咁，卖相都几得意，个香蕉朱古力馅都好润甜，但系个袋皮偏厚同油，如果可以做到好似芝士年糕个皮咁干脆咁就完全唔同哂啦！铜锣湾居酒屋「肥后屋」隐蔽不起眼，两位年轻嘅服务生（Elvis哥哥同阿铭哥哥）同样温婉有耐性，且专业有效率。虽然厨房上𩠌速度控制得好好，最大嘅问题系食物质素极为参差，重口味嘅菜式疑似用上太多味之素，四人饭后都劲口渴（一滴酒都冇饮嘅哥哥都唔例外），搞到两位长辈凌晨要食安眠药先瞓得著，好难反转头啰！…查看更多
！网上订座流程简易；用餐前有专人联络，确认人数、用餐日期及时间，并告知店子只收现金、开瓶费同必先预订菜式等详情。暗藏于横街内嘅小店门面唔系咁起眼，冇做定功课的话真系未必会揾到。一入门口就见到大大只字写出「禁止十八岁以下人仕饮酒」，莫非有好多人博懵？！用餐大堂一眼睇哂，室内空调充足，油烟味唔过份，餐桌地板都好干净，唯一正门同侧门𠮶几块落地玻璃窗劲多积，有洁癖嘅薯爷由埋位讲到第二日，摆明坚介意！墙上嘅黑板写满精选项目。推介酒品前方摆有菂薂嘅招财猫仔，佢地举起𠮶只手手彷佛正召唤着酒鬼们快啲饮多两杯咁，几栈鬼。一页饮品牌日英对照，简单易明。深觉开瓶费设为$80/樽实在抵玩，所以就带咗樽新买嘅「神藏 祝米 纯米大吟酿」孝敬长辈。点知未食到一半已经饮哂成枝，结果就加多樽哥哥仔推介嘅有机「奥丹波 纯米吟酿」（$602/樽）。底面两边嘅餐牌同样中英对照，款式都几多。每位席上都摆有自用嘅餐具。和风沙律（$52）加牛油果（+$14）加温泉蛋（+$14）：沙律嘅菜菜新鲜爽脆，另加嘅牛油果量足柔滑，清新可口。柚子汁烧蛏子（$72/只）：已预先切开嘅蛏子厚肉得黎都好爽，无奈即使用咗柚子汁去调味都仍有阵阵腥味。汁烧鲍鱼（$58/只）：两只鲍鱼同样预先一开二，明显大厨知道四人系叫黎分嘅，实在细心！鲍鱼Q弹惹味，送酒一流！汁烧扇贝（$66/只）：汁烧𠮶件扇贝厚肉得黎偏韧同实。牛油扇贝（$66/只）：反而用牛油煮𠮶件食落爽润啲。鸡皮（$24/串）：鸡皮串烧够干身，可惜韧皮得滞唔够脆。洋葱牛肉卷（$36/串）：卷物个馅就爽，败笔在于出面件牛肉唔够肥又冇乜肉汁。五花腩（$34/串）：厚厚嘅五花腩瘦肉过多，脂肪少，又嚡又干，不吃也罢！虎虾配柚子盐（$56/只）：橙白纹理鲜明嘅虎虾爽甜脆口，轻轻点上柚子盐即有效提升鲜香，尤其醒神。鸡软骨（$24/串）：油份过高嘅鸡软骨带有一阵膻味，真心食唔过！清酒煮蚬（$58/碗）：细佬食到蚬有沙，个清酒汤汁仲有啲苦，完全唔掂当呀！鸡肉软骨棒（$36/串）：棒棒中嘅免治鸡肉十分软嫩，混入咗鸡软骨成功令口感加咗份脆卜卜，浸入蛋黄浆后即倍添香滑，！鸡肾（$32/串）：鸡肾粒粒虽则唔干，但就韧到老人家话有渣（估计其实系佢自己牙力唔够所致）。鸡翼（$32/串）：鸡翼一串有两件，皮层尚算香脆，个人只系略嫌佢唔够肥。牛舌（$38/串）：厚薄适中嘅牛脷熟到挛哂，所以都估到佢韧，不过最令人反感嘅系个胡椒味太劲，食第一啖已经打哂乞嗤，真系唔讲得笑啰！黄芥末籽肉眼（$42/串）：平心而论，烧至两三成熟嘅黄芥末籽肉眼系咁多款牛肉中最松润多汁嘅一串，只系个芥辣味盖过哂应有嘅牛肉味。堕落午餐肉（$28/串）：劲多食评推介嘅午餐肉切得够厚，烧焦咗嘅外皮好香口，入面则保持软嫩嘅质感，黏上之前鸡肉软骨棒剩余嘅蛋黄浆先系神来之笔呀！粟米（$24/串）：鲜黄亮丽嘅粟米爽甜多汁，感激厨房帮忙一开四。炸鸡皮饺子（$48/客）：即叫即炸嘅鸡皮饺子够哂热辣辣，皮层脆就够脆，不过就好油，好在配上柚子味秘汁可一解腻感，加上馅心幼嫩，都算勉强合格嘅。猪肉紫苏梅酱卷（$34/串）：意外地，猪肉卷冇牛肉卷咁嚡同干，散发出嘅紫苏香甚为芬芳淡雅。安格斯肉眼（$40/串）：烧到黑哂㶶哂嘅肉眼咬落韧之余，个胡椒味实在太强啦！七里香（$34/串）：XO仔食过唔少鸡尾，记忆中真系冇食过如此唔爽又冇弹性嘅㶶鸡尾，俗啲讲句，似系鸡界嘅老pat pat㖞！冷荞麦面（$38）：哥哥好少评论，𠮶晚只系讲咗句话啲荞麦面太腍。芝士年糕（$24/件）：芝士年糕外脆心拉芝，轻盈不溜滞。香蕉朱古力（$38）：甜品炸到好似福袋咁，卖相都几得意，个香蕉朱古力馅都好润甜，但系个袋皮偏厚同油，如果可以做到好似芝士年糕个皮咁干脆咁就完全唔同哂啦！铜锣湾居酒屋「肥后屋」隐蔽不起眼，两位年轻嘅服务生（Elvis哥哥同阿铭哥哥）同样温婉有耐性，且专业有效率。虽然厨房上𩠌速度控制得好好，最大嘅问题系食物质素极为参差，重口味嘅菜式疑似用上太多味之素，四人饭后都劲口渴（一滴酒都冇饮嘅哥哥都唔例外），搞到两位长辈凌晨要食安眠药先瞓得著，好难反转头啰！…查看更多
