肥哥車仔麵

肥哥车仔面真系由细食到大，食咗十几年，突然醒起我未写过食评，今日补上啦！😆 讲真，肥哥系石硖尾白田一带出晒名！佢 嘅辣味绝对独一无二，出面未试过食到呢种辣味佢用新鲜姜片、洋葱同指天椒慢慢熬制，辣唔单止猛烈，仲带层次分明嘅暖胃感觉，每一啖都过瘾到爆，辣星人绝对中意！🌶️🔥最推猪红唔易碎好弹口，大肠入味软腍，无半点臭味，煮得恰到好处；加上豆卜吸晒汤汁，好惹味，配埋滑溜河粉，啖啖都满足，汤底浓郁鲜美，简直一流享受！🍲🥢 不过，如果唔食辣嘅朋友嚟呢度，可能觉得普普通通，辣度会盖过其他元素。但对我哋爱辣一族嚟讲，值得专登冲嚟试，辣得够正！😋其实整体嚟讲，除咗价钱稍贵少少，其他真系无可挑剔…查看更多

亲眼睇住啲呀姐徒手将渌完嘅菜、𩠌、面抓落碗度，放错碗都系用返五只手指抓起放落另一碗，唔怪之得食完肚屙咗成晚，成间舖全部呀姐都冇衞生常识，摸完枱走入去渌面，系咪可以报食环？永久black list!…查看更多

见面不如闻名，老板嘅气焰好有老细嘅风范，唔会理你喜唔喜欢，总之佢觉得自己嘅出品系最好。油面-正常野萝卜-的确系冇根，口感太淋猪肠-卖相非常一般，冇猪肠嘅香味，睇落仲以为系好瘦嘅鹅肠鸡翼-肉质死死实实，只系靠佢嘅特制辣汁掩盖味道，最离谱仲系冻嘅牛腩-韧，好似牛腩碎，得三四件，同老细反映。佢串串噉话，我哋系用新鲜牛腩嘅，你唔识食嗻汤底/秘制辣汁-根本就系洗肾系列，咸到冇朋友，食过一次唔会再想食，食完口渴到冇朋友。纯属个人意见，可能我唔钟意重口味。座位-我坐商场嘅走廊位，一望右边另外一间铺头嘅厨房，就见到一块老鼠胶板，上边仲有好多老鼠屎。…查看更多

转头应该又俾人以为我系Foodie🥹因为我真系想讲呢间嘢真系好好食系搞到我成日都好想再去可惜因为对于我嚟讲石硖尾 真系平时我唔会去嘅地方但系如果食辣嘅，你哋系一定要试一次不过都唔容易去㗎，因为星期日佢唔开星期一至五就系收5点零钟。我平时真系完全唔食公仔面，但系佢依间嘅公仔面我真系完全抗拒唔到。我问咗佢哋好多次究竟依款系边只公仔面，但系佢都答我商业秘密。☹️☹️不过我觉得就算我有呢只公仔面，都唔会有佢嘅辣汁配合🥹佢哋嘅菜呢仲要系例如嗌西洋菜汤底唔系平时𠮶啲清汤我觉得你哋一定要食啱𩠌：猪肠、牛腩（㩒牛姜）、萝卜、炆猪手、凤爪。平时食车仔面我一定拣油面，但系依一间真系要拣公仔面。你哋试过就知我讲咩真系好正好正好似食紧零食咁因为佢好够硬！！呢个就系牛姜，口感好特别🫶🏻…查看更多

石硖尾肥哥我每一两个月会食一次今日叫咗牛腩猪红支竹公仔面（小辣)，承惠52蚊(补充：我平时食开谭仔五小辣)我会自己带定清水一小樽，怕辣到傻咗今次好鬼失望😭我份牛腩多部分系牛筋，几乎无牛腩🥴个公仔面煮到好硬😑支竹/猪血，现成嘢，唔系差姨姨依旧好友善点解今日咁差？！发现今日老板（叔叔）唔喺度变咗一个女士煮嘢..….地址：石硖尾伟智街38号55号舖福田大厦地下完-------------------------…查看更多