肥仔記粉麵茶餐廳 (已結業)

呢间野好多时街过都唔会入去食, 但最近有同事推介就睇下咩料, 无想像中差又无想像中好, 不过不失, 老板娘态度一般, 选择多, 但如果太迟去又会迫住食第2样, 提供地方唔多, 但佢吸引地方系学生会平D加野饮又平D, 至于食物味道唔觉得太好, 比起转湾位间珍真差好远, 新蒲岗食市虽然多, 之但系级数符合水平唔多, 珍姐虽然位唔多, 有时要问几次先GET到你食咩, 但呢D小店要多支持尤其珍真所有野都无味精, 反而肥仔记都有汤, 饮落有少少味精, 来来去去都系个10款, 唔系芙蓉蛋, 咸蛋蒸肉饼, 蒸鲩鱼,相信好多系预先煮好整热, 汤无珍真咁大碗又落足料, 但新蒲岗呢D店唔少, 如果赶时间呢间系首选唔洗等, 反而珍姐有时落左单要等, 因佢即叫即煮.…查看更多

食物质素尚算可接受，但老板娘的面口极其差。事源上次同老公两人去食，撘咗落一张已有两人嘅四人枱，因两边都叫咗三个𩠌，枱面有点挤，当对面第三个𩠌黎嘅时候，老板娘二话不说，将我哋其中一碟食咗3份2嘅𩠌，直飞落垃圾桶。眼见咁嘅情况，第一时间同佢理论，佢仲话都食晒啦，无位放，梗系要収碟㗎啦！！呢D咁细嘅食店，当然不能expect太好服务，但也绝对唔系差成咁啩！？贴钱买难受，永不会再去！！ …查看更多

今日行过 见到快餐有焗猪扒饭咁就谂住入去试下点知要等到12点半先有我望一望个钟 我坐低11点9-_-咪即系要等9个字=0=原来个焗炉坏左㖞-.-于是叫左个时菜斑腩炒河+冻饮($23)有碗中汤送 都几好饮 杯冻好立克都正正常常不过个炒河就唔掂虽然斑腩系新鲜炸起但河粉冇味 仲好多油 D粉都未整得散好似食紧千层河粉咁-_-食左半碟就冇食-_-老板娘仲话唔好意思 听日再黎食过焗猪扒饭-_-我心谂 都好难有下次= =…查看更多

现在转了手,试过叫了一碟杨州炒饭外卖,完全唔掂,叉烧变火腿,得D雪藏虾毛,炒得D饭又唔够干身又无镬气,好似将D野捞埋兜几兜算数,简直做坏旧阵时肥子老细个招牌,唔怪得初初转手时渺无人烟.但前一阵子见店内店外人气旺成,个人八卦行去睇下,原来大多数人都系打边炉,呢次寒冬真系救佢一命.…查看更多