肉料理とワインCARVING (已結業)

💕今日同老公去拍拖食晚餐🍽️今次去食一间比较高级嘅餐厅😋门口系比较平凡入到去都系比较少位置但感觉就好有私隐度☺️Staff安排我地坐梳化位今次嗌左枝纯米大吟酿🍶评分：👍🏻👍🏻👍🏻👍🏻👍🏻好易入口，淡淡嘅米酒味好好饮A5和牛他他🐄评分：👍🏻👍🏻👍🏻👍🏻👍🏻用腐皮包住上面有鱼子酱带子刺身配忌廉腐乳挞有矶煮鲍鱼，好特别我初初以为系贝壳，原来系用腐乳整嘅挞，矶煮鲍鱼好软腍，墨鱼刺身好新鲜牛舌三味🐮评分：👍🏻👍🏻👍🏻👍🏻👍🏻由右至左食，首先系苦苦地嘅柚子灯笼椒，再到系Wasabi少少辣辣地，最左系加左干花带出蕃茄梅子味，连我唔食牛舌嘅都觉得好好味，肉质好似火腿咁好得意立鳞烧甘鲷评分：👍🏻👍🏻👍🏻👍🏻👍🏻大爱呢个甘鲷，鱼皮超级脆鱼肉超嫩滑，鱼皮上有自家制嘅昆布蚝豉酱，下面有蕃茄莎莎味噌酱，两种配搭相当夹，令到口感更升华北海道椰子油 西冷评分：👍🏻👍🏻👍🏻👍🏻👍🏻油脂分布得平均，每啖都有肉汁，鲜嫩丰富…查看更多

肉料理carving 系一间日式高级 fine dining 餐厅，比起传统嘅 omakase 或者鱼生刺身，呢度有一啲fusion 菜式，例如前菜系和牛，同时配搭鱼子酱，非常香口有层次。鲍鱼同帆立贝都好新鲜弹牙，非常开胃。而本身嘅大豆主题舖底望落更加吸引，望落更加高档色香味俱全。阿根廷赤海虾大大只，食材本身高质，加上酸酸地嘅汁吊味，下面铺咗水云，即系一种藻类，令到口感更加丰富有层次😍上面有一条茎，啲紫色嘅花都食得架～三味牛舌顾名思义有三种调味，分别系wasabe,柚子灯笼椒同埋梅子蕃茄。山葵配刺身就食得多，衬牛舌真系第一次～辛辣嘅刺激感配住仅烧过半熟嘅嫩滑牛舌，刺激完再食返酸甜调味，非常有创意嘅一道料理～一夜干三文鱼约克布甸上面铺满鲑鱼子，再洒上雪盐调味，份外凸显鱼子嘅鲜味～布甸底令整道料理更多层次，一次过满足晒三个惊喜！最后不得不提就系牛骨髓蛋饭同椰子牛，一只牛只有少少牛骨髓，但系呢个位就系精华所在，非常甘香，用嚟送饭加少少蛋，令成个饭都充满牛香。椰子牛除咗肉质鲜嫩牛味突出，仲有渍物五点，伴住几款蔬菜吸油更加唔会觉得腻，非常贴心。总括而言，肉料理carving 每一道菜都用心制作，有一啲系创意料理，有一啲系食材高质，烹调技巧一流。以呢个价钱系港岛食到fine dining 物有所值，推介大家工作辛苦想食餐好嘅不妨试试～…查看更多

餐厅主打西日料理，dinner set有几款Tasting Menu，仲可以拣餐厅嘅Wine Pairing😍店内座位唔算多，但胜在私隐度够高，可以慢慢享用高级料理。✨CRAVING PREMIUM COURSE✨北海道椰子牛鱼介尝味套餐🍽️ 大豆题材 (鱼子酱 • 帆立贝 • 鲍鱼 • 和牛)前菜好吸睛，唔单止菜式设计特别，摆盘亦都好花心思。次序建议由淡至浓，和牛他他同鱼子酱用腐皮卷包住，好有层次同口感。之后可以试吓带子同银鱼配豆腐mousse，好重大豆味，带子都好爽口。最后先食腐乳酱鲍鱼挞，味道又几夹。🍽️ 阿根廷赤海虾赤海虾鲜美，肉身好实，加咗鱼子酱吊味，提高咗整碟菜嘅层次。🍽️ 牛舌三味牛舌慢煮之后好有嚼劲，肉质弹牙。有三款味道，由左至右食起，先食柚子灯笼椒，再到山葵茎，最后系蕃茄梅子。三款味道配搭都好特别，最钟意蕃茄梅子嘅酸甜味，又冇盖过牛舌嘅原汁原味。🍽️三文鱼约克布甸三文鱼子铺满成个布甸面，再夹住布甸皮同香滑嘅奶油，两种唔同嘅口感结合埋一齐，好特别。🍽️ 甘鲷立鳞烧主菜之一，鱼鳞脆口，肉质软嫩多汁，用淋油方式令鱼鳞立起，炸得啱啱好。鱼身有自家制蚝酱，旁边再加上沙沙蟹肉味噌酱，出奇地夹！🍽️ 北海道东原牧场椰子牛（渍物五点•伴菜）西冷牛味浓郁，简单调味已经好出色，肉质口感软嫩，油脂丰富，渍物五点非常解腻。肉料理とワインCARVING📍上环皇后大道中338号338 ApartmentUG楼1号舖…查看更多

人生第一次写食评，因为真系太差，接受唔到！唔想见到其他人再中伏😮‍💨千几蚊食嘅嘢唔应该系咁嘅质素…..三文鱼籽鲍鱼食唔到鲍鱼蟹食唔到蟹d 食材味道唔好话突出，直情感受唔到贵价食材唔夹都架硬整埋一碟海胆牛舌 单独食每一样都唔错，但包埋一齐真心融合唔到 互相遮盖晒对方嘅味鸡肝黑松露 冇黑松露味，鸡肝得个咸味白子饺子得满口油腻熟成午阿辣根卷 除左个鱼皮煎得几脆 唔错 但成分嘢由头咀嚼到尾都感受唔到味道唔讲我仲以为自己又中covid 丧失味觉日本和牛寿喜烧陪梦王卵：全餐饭终于有一样嘢可以用好食黎形容，当然并没有任何特色感觉得到，任何人都可以买靓食材系屋企轻松复制到….大闸蟹白菌紫苏花：勉强过到骨有饭焦几脆口，蟹膏份量刚好够，不过都系衰在调味，冇乜心思调制过每一道菜都系内心淌血甚至想举报去消委会😮‍💨😮‍💨来自一个小薯美食爱好者真心话揾食艰难，个人觉得不要浪费你d钱系度…查看更多

本身见到啲评价觉得好似好吸引咁，但食完真系货不对办，严重怀疑系造马咁嘅价钱比咁样嘅质素讲真觉得佢迟早会执首先，环境方面佢好落力想营造一个浪漫气氛，但系环境迫，加上屋顶只系一个雨篷，所以其实完全做唔到，仲有少少夹硬嚟第二，食物方面，成千蚊一个人，比咁样嘅质素，真系有啲过分，坦白基本上冇一样系会有惊喜。所有食物都好唔夹个味，成个Menu比较正常嘅，其实得个寿喜烧牛，就连本身好期待嘅大闸蟹饭都令人失望，个甜品简直不知所谓，茶记嘅西多士好食过佢一百倍。。。希望餐厅见到呢个post，可以认真考虑吓，系咪继续用呢种经营方式欺骗消费者。食完系好饱，但系完全系谷住谷住，嬲到谷住谷住…查看更多