肆年八月米線專門店

营业中

休息中

平時少入大圍，今日黎到本身想食蛋包飯，點知星期三無開🫠附近見到呢間餐廳裝修幾簡約，原來係食米線既專門店，又唔使排隊就抱住一試無妨既心態。入到去用QR code自己落單，想叫招牌滷什滙撈米線點知無晒，麥芽啤酒滷什滙飯都無😂所以就求其叫左個招牌滷鴨片撈米線同秘製豬頸肉雙蛋飯。▪️招牌滷鴨片撈米線 ($52) 另加滷豬腸 (+$7)揀左自家醬汁，湯底有驚喜，有少少辣既香味，但唔會覺得over，滷水味都好香，略帶甜味。鴨片都算入味，易咬開，只係唔算特別好食。反而豬腸好正，入味之餘唔會好肥👍🏼不過係略嫌米線碎左啲，有啲難夾同偏稔。▪️ 秘製豬頸肉雙蛋飯 ($52)個汁撈飯唔錯，豬頸肉幾惹味，唔會好肥。蛋煎得啱啱好，吉穿再撈埋啲汁加啖飯好滋味🤭▪️招牌手拉奶茶 (跟餐+$12)樽裝既奶茶幾特別，茶味幾香，唔會好甜。呢間喺區內應該算幾受歡迎，一路食見佢一路有出外賣👍🏼

#顯徑黃店 💛💛山長水遠入左黎顯徑食呢間米線！其實係第一次黎呢個對我黎講幾山旮旯嘅地方 平時應該好少可入到黎晏晝一黎到已經都排左幾長龍 等左差不多半個鐘位 果然好有人氣 米線有好多款湯底揀 有蕃茄 麻辣 沙爹等等叫左酸辣嘅雞翼米線 大大碗份量都幾多必點佢個炸饅頭😛💛外面好香脆入面又鬆軟 仲有成6件咁多 加埋煉奶好完美 2個人都食得哂 😛😛最後仲叫左兩枝招牌手拉奶茶 跟餐+$12好香好滑 食辣嘅話又可以解下辣 不過要排咁耐先食到 值唔值得就見仁見智了

-{大圍小鍋米線🍜}🤤麥芽啤酒滷什匯小鍋米線🤤 ($62)金銀蛋芫茜湯多芫茜但冇啤酒味的同少芫茜味😗係偏淡嘅金銀蛋味 而麵質偏淋嘅太多米線😂滷大腸: 好入味！有啲咬口係最好食嘅配料🥳滷雞腎:幾爽！而且滷水味濃唔錯嘅😛滷鴨片: 有兩片係有啲韌😗滷蛋:冇乜滷味 仲要個蛋黃實曬心😭👖褲評: 6.5/10🤤酸辣撈米線🤤 ($59)友人嘅米線撈反而有驚喜😎撈酸辣汁幾惹味而且個豬頸肉不醬汁同個肉本身都出色 唔係平時脆嗰種 而麻辣手撕雞我冇試😂😂😂👖褲評: 8.3/10🤤手拉奶茶🤤 (+$12)偏甜之後有奶味最後茶回甘後有啲澀😗好麻麻👖褲評: 5/10唔太建議食上面個湯！但撈米線可以一試😋性價比: 7.5/10服務: 7/10環境: 8/10🚩 肆年八月米線專門店 🚩地址: 大圍上徑口村148號地下#fuudjai #fuudjai #fuudjai港式 #fuudjai大圍

話說朋友講左好耐話想食呢間米線好耐難得夾到時間就去左食啦🤓🤓🤓麻香手撕雞特製番茄湯米線 (小辣) $48番茄湯甜甜辣辣 好開胃 手撕雞份量都好足夠 食到尾都仲有好多 唔會話兩啖就食晒秘製豬頸肉撈米線 $50豬頸肉份量同樣足夠 夠入味又爽口不過食完之後番到屋企肚有些少唔舒服但係就唔肯定係咪關食完米線事喇～

最近同米線好有緣咁🤣去開既區份都近出名既米線呢間算係近年 大熱既米線之一🤩自選米線(轉菜底)主食 :生菜湯: 特製蕃茄湯入口甜甜地(可能係餸有甜度)蕃茄味吳出🤔有蕃茄肉2-3件另外 又辣油(又可能有餸係辣)但可能餸D醬汁 夾上夾個效果既幾正😋不過吳係因為 蕃茄主要既帶出黎🙈餸: 麥芽滷雞翼入口有甜甜地肉鬆化好快就骨肉分離🤣肉都入味類似 鼔油雞翼不過見個名就寫滷就吳多覺 滷水味🤔 招牌滷鴨片呢個ok做到乎口個名😉有少少鴨酥味要睇個人喜號而定 麻香手撕雞係手撕雞不過size就像雞柳個人喜歡一絲絲既口感多D個麻辣可能因為湯有甜度係我喜歡既甜甜辣辣咁😯🤨 秘製豬頸肉呢個食得出吳係湯煮熟而係醃製過之後燒熟有少少焦香腩肉片相對無咁濃味感覺清水煮過之後加入湯煮熱咁招牌手拉奶茶用樽仔上賣相幾吸引🤨奶味相對出D之後就淡淡地既茶味☕️功架上不錯👌🏻合格之上食野順便叫黎食👌🏻結: 續荃灣老闆娘呢間都係 用心做好每款餸👍🏻當中推薦: 麥芽滷雞翼秘製豬頸肉#麥芽滷雞翼#秘製豬頸肉#肆年八月米線專門店

早已經試過此店的金銀蛋湯底，今次一於試試它的「重口味麻辣湯底」。此店的招牌滷鴨片幾高質，唔會老乾柴之餘、滷得入味份量又夠，幾片啖啖肉，是翻叫之選～今次仲試埋佢個豬頸肉，亦都幾好，醃得岩岩好！雖然我略嫌佢d肉稍肥，但豬頸肉一定係肥，無得計。部分豬頸肉有脆邊的感覺添！重點想試餐牌所寫的「重口味麻辣」，一般雜誌都介紹佢其它湯底，但今日想食麻辣就試試佢，結果有驚喜。叫左小麻辣，有足夠的芫茜芹菜蔥，明顯見到花椒，香氣十足，辣度岩岩好。湯底有不少辣肉碎，很惹味。喜愛吃辣的人可挑戰中辣或以上。缺點是整碗米線是稍嫌油左d，花椒油辣椒油在面頭有明顯一層，極度健康人士見到一定怕怕！或者唔好叫豬頸肉啦下次。同埋希望多返d花生、酸菜之類加多d口感。總括都ok，重口味真的是惹味。下次會試佢個辣蕃茄湯底

今日時間比較方便，又見到食評頗好，就去一試。網上全部都顯示11:00開，11:45到達食店，仍然烏燈黑火。致電多次後終於有人接聽，她表示今天開12:00。其實貼上告示是否很困難？另外若開12:00的話，其實11:45都沒有㕑師職員返到食店準備是完全不合理。就算食物再好，如此服務，一定不會再來。

阿姐又帶我食好野!♪(´ε｀ ) 今次去到大圍村屋 鄰近顯徑站附近 店鋪位於村屋地下🏠 由於是新店關係 門面和店內都算整潔 外牆也有一幅簡單壁畫~如果不是在附近地區上班 實在很少有機會來這個小區呢! 雖然是平日中午 但同樣不乏支持者 看到有不少街坊/學生 什至有朋友手持go pro拍片呢📽️! (果然是米線關注組的威力🫡 感覺就是米線界的新寵兒!) 等候大概約10分鐘 算是可以接受的程度!🔻🔻🔻🔻🔻 ✨ 手撕雞酸辣湯米線 ($48)單看手撕雞的賣相已經非常吸引!ʕ •ᴥ•ʔ 手撕雞的份量多到能在米線上形成一座小山丘🗻 幾乎和米線的份量成對等～ 雞絲散發著淡淡麻香味 肉質幾嫩滑! -秘製的酸辣湯底沒想像中辣 辣味不算好突出 特別的是湯底帶點甜味 且充滿肉碎粒 是作為米線湯底必備的配料 但個人認為比較多所以有點油膩🤏～ 至於米線煙韌有咬口🍜-✨ 麥芽滷水雞翼 ($32/4隻)雞翼幾入味 好香滷水味 但未算有太大驚喜(｡･ω･｡)ﾉ～🔺🔺🔺🔺🔺 📍 肆年八月米線專門店🗺️ 大圍上徑口村148號地下

作為米線愛好者🥹🥹🥹成日去親邊度都係想食米線🥹🥹🥹大圍嘅肆年八月一直都係bookmark咗好耐想去今次終於有機會可以去試🥰🥰🥰如果晏晝去食嘅話要預多少少時間排隊我今次等咗45分鐘左右先入到去🥺入到去叫咗碗沙嗲肥牛撈米線😚🍜價錢都只係$5X而且份量絕對唔少🤩沙嗲汁非常惹味而且肥牛同米線亦非常入味米線唔會太淋亦唔會太硬軟硬適中🤤🤤🤤呢間米線專門店一定會有下次幫襯😚米線愛好者都可以去試吓🤩🙌🏻

佢11點開門，我11點到，佢叫我等10分鐘，我10分鐘之後嗌嘢食，我係第一個嗌嘅，俾我後來嘅嗰啲堂食嘅人，已經開始食緊，我第一個嗌嘅外賣等咗40分鐘先拎到，真係多謝佢，我以後都唔會再買

之前入開顯徑食唔成米線，今次再次嚟到附近，無再摸門釘了。-▪️自選湯米線 $62：金銀蛋芫荽湯，配麻辣手撕雞、招牌滷鴨片（+$7）、秘製豬頸肉（+$7）［可以多芫荽、多蔥］自選湯米線會跟一款餸，今次貪心少少，試埋鴨片同豬頸肉🫢-原來碗米線都幾大，三個餸堆埋一齊都幾誇張🫢有一堆雞肉，三塊鴨肉，四塊豬頸肉。-先試原味湯底，味道鮮甜同平時滾金銀蛋湯差唔多，內有約莫半隻皮蛋（散開晒，所以粗略估計）食食吓仲搵到啲鹹蛋碎。米線腍滑，整體味道清清哋，容易入口，唔食辣嘅人啱食。-▫️ 招牌滷鴨片：比起食開嘅潮州滷水鴨肉無咁重口味，鴨肉容易咬得開。面頭仲有加啲芝麻，食落除咗有滷水味，仲帶點芝麻香。▫️秘製豬頸肉：一睇就知佢惹味，豬頸肉面底都有秘製醬汁。最好一開始就食，浸落湯到會慢慢沖淡晒啲味。▫️麻辣手撕雞肉：集中放喺一角，份量亦唔小氣，食到最尾都仲有幾嚿。先飲啖湯再撈啲麻辣雞肉落湯底，兩溝都唔會太重口味。不過略嫌雞肉有啲韌，今次鴨、豬就比較出色。-假期12點半前嚟到餐廳都可以直入，想坐吧枱亦得。如果揀唔到食咩餸，又想試金銀蛋湯底或者可以直接揀「招牌啤酒滷鴨片配芫荽湯米線」$52。-記得帶現金，同埋喺顯徑站落車

忘記左影相我另一半叫左豬扒蛋飯，塊豬扒又硬又乾，唔好食，應該係選材唔好不過我就叫左豬頸肉撈米，豬頸肉好惹味，推薦！米線方面我自己喜歡食淋，所以覺得佢既撈米偏硬（但好彈牙！）服務方面就普通

逢星期六中午都會在附近工作，這間食店永遠排隊，而且約4-5點就截龍😵～------------------------------光顧過數次，今次點了招牌滷水鴨，大腸，重口味麻辣燙（中辣）+凍咖啡。----------招牌滷水鴨大腸麻辣米線（$52+7）：鴨件：厚切加分，若有5舊，鴨肉紮實，皮有點肥厚，但皮下無脂肪👍🏼。---大腸：肥厚，還有彈性，不是煮得太腍太爛，個人十分喜愛😌。---麻辣湯底：中辣像譚仔少辣，十分夠麻，湯底偏甜，不咸，但多油，重口味，愛飲湯底未必適合。另外配料多，芽菜，蔥花，肉碎，生菜等。---凍咖啡正常發揮，不飲茶餐廳般的（酸）。------------環境屬細店，較逼，夏天冷氣不太足夠。

終於黎食到！平時成日得個講字！知道佢係顯徑上徑口村，今日早上去完威院坐幾個站食中午！鋪頭都開揚光線好充足，都幾舒服，白色柔光兩個人嗌左幾多野，辣茄湯底 配秘制豬頸肉. 份量大碗👍🏻 米線軟滑 偏淋身, 米線配料都好豐富 芽菜 韭菜 生菜 個湯底仲有幾舊大蕃茄同洋蔥 係足料既! 蕃茄味好夠 湯底屬於偏甜茄湯👍另一款係濃香沙嗲湯米線配大腸，個湯都好香沙嗲味都幾濃，厚身啲。仲有叫咗兩樣小食，竟然呢度有炸燒賣，仲有一個出名啲嘅麥芽雞翼，燒賣炸得好好，黎到仲係又熱又脆，麥芽雞翼其實唔係好食到麥芽味，不過都味道唔錯！仲有叫一個樽仔奶茶，呢個就普通正常味道。鋪頭好似仲未請夠人 繁忙時間可能人手未到好充足 大家比啲耐性我覺得都算值得! 👍

⚠️⚠️⚠️湯底偏甜，但 是我杯茶！推介⚠️⚠️⚠️🫶🏻 好遠🥲雖然佢話係大圍，但其實都要入到去顯徑個邊，大鄉里表示第一次去🫢有少少難搵。 當日去到有一條少少長嘅人龍，我諗排咗30分鐘!?.🍜🍲 自選 麻香手撕雞+秘製豬頸肉 配麻辣湯 $59佢份量都幾多，配料同米線都同樣地多😂 配料我要咗手撕雞同秘製豬頸肉，手撕雞食極都重有，口感唔算好鞋口，都幾索汁。豬頸肉好多舊，舊舊都好厚實大舊，爽口彈牙😋😋麻辣湯我要咗小辣，上枱幾香，飲咗第一啖湯，覺得幾麻，但唔夠辣，佢嘅辣度應該係譚仔3小🤏🏻🫢不過要講聲佢湯底係偏甜，係麻辣中會食到甜甜地😋😋🍜🍲 麥芽啤酒滷水什滙小鍋米線 配金銀蛋芫荽湯 $52朋友叫的，我食咗幾舊滷水都好入味，特別係大腸一啲都唔韌。 金銀蛋芫荽湯就😂😂😂 我唔鍾意芫荽，個人覺得都幾濃味🥵🍞🍞 脆炸一口小饅頭 $28正常發揮，冇特別😂🧚🏼整體推介指數：🟤🟤🟤🟤🟤/5