影片
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
夏日炎炎，又系去食冰嘅好时候～上几次都系主要食聪嫂个生果冰，今次想试下佢个椰皇奶冻1. 蜜瓜冰豆腐花（$45） 呢个咁多年依然系我最钟意嘅甜品，蜜瓜咁多年都唔会食到药水味～2. 龙眼冰仙草冻（$39） 觉得今次既龙眼味比以往都更甜～配埋仙草冻系夏天消暑之选3. 椰皇炖莲子双皮奶（冷）（$69） 本身以为太水，原来双皮奶最顶系加左d椰奶系到，双皮奶奶香十足，仲有椰皇同莲子嘅香味，都唔错，d椰肉仲系可以食架！唔系好老好硬个只～
继续阅读
呢排真系热到溶，系旺角行玩完街，热到顶唔顺，要去食冰冻糖水消暑！原来旺角都开左两间聪嫂，今次试左四款人气甜品，质素依然keep到喔！芒果椰果冰新鲜芒果打成细腻冰沙，甜中带微酸，椰果Q弹同冰沙绵密形成对比，偶尔咬到啲水晶珠，层次感更丰富！夏日必食！芒果奶昔双皮奶面层有三大块香甜芒果，中间系冰冻芒果奶昔，口感似沙冰，底下系双皮奶，带浓郁奶香，质地顺滑。芒果奶昔巧妙平衡双皮奶既厚重，一次体验两种风味。榴梿冰仙草冻榴梿控必食！榴梿冰沙香气浓郁，仲有一球香甜榴梿蓉，同仙草清香形成绝妙平衡。仙草冻微苦刚好中和榴梿甜腻，底层淡奶更增添醇厚感，整体口感好丰富！杏仁茶炖蛋白（热）杏仁茶磨得极细，炖蛋白口感软滑，甜度控制得宜，系好养生既甜品。
继续阅读
好耐之前屯门有一间分店可能生意唔好执左之后好难喺新界揾到呢一间嘢以为一定要去过海估唔到旺角都有虽然门口好多人等位但系好快就等到了终于食到心心念念嘅龙眼冰龙眼冰第一啖食落去好清甜你会食到每一啖冰入边都会有龙眼肉我朋友叫做蜜瓜凉粉 话试吓新嘢不过佢食咗我𠮶份都系觉得龙眼冰比较好食所以如果大家去到就记得嗌佢嘅招牌龙眼冰呢间都系QR code落单俾咗钱之后先至开始制作所以佢先至可以转枱转得咁快都不尝是一件好事
继续阅读
🍧听闻聪嫂最出名系龙眼冰 约埋钟意食榴梿嘅朋友去食刨冰🍧龙眼椰果冰 $49用上30 粒新鲜泰国龙眼肉 冰爽刨冰拌啖啖龙眼肉碎 水晶珠推荐怕甜嘅朋友食呢款够清淡🦠榴梿水晶珠 $59一球新鲜榴梿 唔食榴梿嘅我都唔觉得太浓烈加埋爽口爆爆水晶珠弹弹仙草🥥椰汁芒果黑糯米$46采用泰国椰汁够香浓 吕宋芒够大件熟度刚好 充满芒果香🥭🥭芒果布甸29布甸滑溜溜 加埋花奶🥛滑到舖面芒果粒滑走🌼黑芝麻汤圆配桂花糖水 $32食咗咁多款冻糖水 试吓热中式养生款暖胃糖水散发桂花清香 汤圆糯米皮烟靱黑芝麻馅流心
继续阅读
每次经过旺角店都好多人排队，今次终于有机会慢慢坐低试几款人气甜品，传统得嚟又有新意，质素一直都keep得好稳！😋🔸椰皇炖桃胶双皮奶（热）用真椰皇上，已经够吸睛！双皮奶滑得嚟唔会太甜，桃胶够足料又养颜，饮晒个椰水真系超满足～🔸黑芝麻汤圆配桂花糖水（热）天气凉啲饮返碗糖水啱晒，黑芝麻汤圆好足馅，咬落爆浆，配埋桂花香气嘅糖水，饮到尾都唔觉腻。🔸芒果布甸啖啖芒果肉，口感实净唔系啲水汪汪款，香甜好味，夏天食一流！🔸士多啤梨冰豆腐花呢个就比较有惊喜～豆腐花够冰冻、滑溜，配上微酸草莓酱，成个感觉refresh又开胃，好适合唔想食太甜嘅朋友。
继续阅读