聚味軒

家人推介位于九龙城的聚味轩，于是呢晚我地嚟帮衬一吓！餐厅内座位不多，如有家庭聚会，请提前预订。昨晚几乎全场爆满！甫坐下，侍应生递给我们一盘洗碗用的滚水及餐牌。我哋研究咗一阵，就点咗以下几味小菜。菜式非常精致，兼且好有镬气。这个玛卡火焰鸡煲，全场只有我地一枱点咗。当著火一刻好多食客都望住个著火嘅鸡煲，好搞笑！小炒王脆皮咕噜肉真系做到外脆内嫰！真功夫炒饭真系几好食，米饭粒粒分明！反而个脆鳝球则略位逊色，因为唔够啖啖肉，或者是鳝鱼而家唔当造之故？其他菜式都不过不失，要赞吓厨师的手艺。总结来说，有机会会再嚟试吓其他嘅功夫菜！…查看更多

听闻 聚味轩 结业嘅消息，急赶过嚟九龙城帮衬，外卖咗几个小菜当时星期六大约傍晚六点，堂食嘅客人唔多，但买完外卖再留意下九龙城其他食肆都系咁上下。感觉系九龙城比以前静咗好多，乜事呀？有冇人可以话我知？讲返食物，原本想叫咖哩酥炸生蚝，但突然留意到有 姜葱生蚝，即改。果然无叫错，啲生蚝泡过油，再加大量姜葱同洋葱调味。生蚝固然香口且啖啖肉，伴 🍻 一流，葱同洋葱亦爆香哂，千祈唔好嫌弃佢哋，至啱伴饭另外 霸王鸡 半只，系用一个大饭盒装住，份量多少大家可想而知 😘 鸡肉好滑，而且只有少少肥啖啖肉，配上特制葱油，实际系当晚3个𩠌嘅首选为咗平衡下两个𩠌都咁邪恶，最后叫多一个𩠌 干煸四季豆。唔好睇少佢， 除咗四季豆同肉碎，另外仲有辣椒同埋菇类。佢嘅辣度对于我嚟讲系适中 😋 呢味四季豆入面加咗一啲菇类，一嚟增加口感与，亦都令到内容更加丰富 👍虽然啲𩠌菜真系十分好食，但可能 no next time。唔系我唔想帮衬，但系佢哋已经出咗结业通知，实在令人可惜 😥…查看更多

见佢有个一人晚餐抗疫套餐…嗌外卖叫咗个海南鸡饭…返到屋企打开，唔知佢俾咗碟咩我…本身见佢写明白饭，我都冇乜所谓，反正唔系话好想食饭，想食下𩠌多啲…但啲鸡就得几旧…有骨我都算，都明佢唔系专卖海南鸡，又明唔系间间海南鸡都会冇骨…但骨多过肉都唔知想点…然后酱又冇，得盒姜蓉…啲鸡又老又鞋…真系摆唔落口咁嘅一盒嘢收我$70….然后$25加左碟油菜，都算摆得落口，但蚝油都冇滴，好健康…食个外卖好似见到自己人生咁…同社会百态咁…一样咁惨……查看更多

地下有啲污糟叫咗6样野落咗单成个钟啲𩠌都未嚟之后先起一个𩠌：霸皇鸡，系好食三催四请 先起第二个𩠌 冰镇咕噜肉好嬲到最后cut 单差唔多0服务质素 茶又唔加 又收人茶介咁贵临走之前个四眼伙计 仲话到点解唔同佢讲赶时间 厨房可以配合 真系鬼知成个钟都冇得食😡😡😡简直不知所谓！…查看更多

经过舖头门口见到有羊腩煲，撞正要同屋企人食饭所以book左位一试。 (咁啱夜晚返到屋企睇到有位YouTuber 都有话唔错) ,所以更加期待。简单总结一下，小菜系中上嘅。但羊腩煲真系唔好叫！原因非常简单，$330一煲羊腩煲，入面食得嘅肉得四旧，另外俾左两旧骨我哋。啲肉虽然系淋，但一夹完全散晒。味道不过不失。但你会唔会想用$330去食四旧仔羊？都见到隔离枱有投诉份量少，但听到佢哋答正常。咁我都费事投诉了，但就劝大家真系预咗得几旧都ok先好叫呢个羊腩煲。好失望真系…查看更多