老街 (彌敦道)

营业中

休息中

晚上行過見到依間裝修幾別緻，於是行左入去食，total叫左2樣麻辣湯牛肉面麻辣湯很出色，湯很惹味，面條煙韌，牛肉亦有4塊，以價錢來說算ok!炸雞扒雞扒有少少干，肉較簿，但勝在脆口檸檬愛玉整體太甜，口味不太合適

中午時間嚟到食個快飯，唔使等位即入，即刻叫咗個麵，落單十分鐘內上菜，好有效率！鹽酥雞加拌麵我就揀咗蔥油味，拌麵味道邊面就食唔出蔥味或油味，只有豉油味，不過味道唔差嘅，熱辣辣，仲要咁嘅價錢，可以接受啦👌🏻👌🏻👌🏻。至於鹽酥雞就普普通通啦，都香脆嘅，係唔夠鹽啫！整體味道OK，調味略微偏淡，如果怕肥又想食台灣嘢，咁就啱哂！下次經過都可以再食，尤其平日中午食晏時間，到到都要等位，係一個唔錯嘅選擇。

友人話茶X 一般，叫我試吓老街⋯第一次去當然係要招牌牛肉麵，面唔錯，細細份，湯清蒸淡淡，不過好有味，可惜最慘嘅就係牛肉，三條牛只有兩條咬到，第三條牛筋⋯咁硬俾我做乜⋯至於服務，佢見我第三條仲喺個碗度，佢問都唔問，就收咗我碗野嘢，其實禮貌上你又知我食晒？至於見面加＄既珍珠奶茶⋯其實可唔可以做得有誠意啲，佢呢杯野分分鐘仲差過街邊嗰啲呀⋯⋯冇乜嘢我都係唔會再幫襯啦。當我埋單嘅時候我都忍唔住同收銀嗰個講⋯你個招牌牛好難食⋯⋯

❤️忽然想食台灣牛肉麵，特登去油麻地搵黎食，好彩冇令我失望😊紅燒牛肉麵湯底同牛肉都好入味好淋👍🏻肉操乾拌麵辣得夠出色👍🏻炸豆腐去到最尾先食都好脆口👍🏻胚芽奶茶預咗甜死肥死，點知竟然唔甜，胚芽味好重，正👍🏻📍招牌老街紅燒牛肉麵👍🏻📍椒麻鐵路雞扒肉操乾拌麵📍鹽酥雞拼炸豆腐👍🏻📍胚芽奶茶👍🏻📍蜂蜜檸檬水食物：8/10抵食：8/10環境：7.5/10

油麻地呢邊好多嘢食，成條街超多餐廳間，都唔知食咩好。咁岩見到有一間台灣野，就入去試吓啦。時間都算早嘅，所以入邊都幾多位置可以揀。我一個人就坐咗個四人枱，坐一個角位，都幾舒服。咁啱對住牆壁，見到掛滿咗好多台灣相片，感覺都幾靚，感覺有少少回到了台灣的氣氛。打開餐牌，選擇都幾多，選咗一個一口小香腸滷肉飯，再加一杯粒粒香芋奶茶飲品。滷肉飯好快上枱，佢嘅擺設都幾靚嘅，都幾開胃，有啲滷肉放咗喺飯上面啦，隔離再加半隻雞蛋，再有一舊炸薯仔，再加少少菜脯, 小香腸就放咗一個角位，整體顏色都幾靚。小腸味道都幾好食嘅，個量都適中;滷肉，有肥肉，亦都有瘦肉，味道幾好，唔太甜亦都唔咸。反而係個炸薯仔，太凍啦，個皮凍咗，就唔好食。粒粒香芋奶茶，真係有一粒粒嘅芋頭粒喺底部，食落去到甜甜地幾好食;但冇乜茶香，芋頭味係好重，但係好似芋頭粉沖出嚟嗰種味道，我就唔係太喜歡。場內播咗好多歌，其中有一首係「後來」，佢配左呢啲歌，整體個環境氣氛令到我好舒服，雖然食物嘅味道係中規中矩，而且快餐來講唔算平，但是配合埋環境，還可以吧！

油麻地真係冇幾間唔熱氣又唔洗食粥又夠平仲要我未食過嘅.呢間店真係行過左好多次次次都唔係first choice 今次就難得入去試下.我就叫左肉燥香葱排骨湯麵$56再加一杯熱嘅胚芽奶茶 $12佢啲麵有四款湯揀 分別係清湯、蕃茄湯、麻辣湯同紅燒湯因為唔想太熱氣我就揀左清湯但佢個湯都幾夠味嘅 唔會真係清水咁但佢個麵就比較遜色啦唔彈牙 咁煙韌 好明顯太多粉咬落去仲係好似直接食麵線咁佢個排骨我就唔知係咪即炸因為我就浸左落湯 不過我食落都仲有少少脆嘅佢個排骨又偏瘦 九成都係瘦肉嘅啲肉燥就好啲 係半肥瘦 不過有啲豬皮上面毛都未抆完😅.朋友叫左蒜香豬軟骨便當$59同粒粒香芋奶茶$12朋友嗰便當我就冇試到 因為唔想整病佢不過試左佢個豬軟骨 覺得都可以不過就唔太夠淋 又係多瘦肉.至於飲品我就覺得我杯胚芽奶茶麻麻地又唔夠甜 啲奶味又唔夠 胚芽多但冇口感似一pat殘渣多啲佢嘅粒粒香芋奶茶就好飲好多 夠甜又好香香芋味 仲真係有粒粒香芋.衛生又真係做得唔太好地板痴住晒真係好影響印象分.不過啲waiter真係好好我哋唔記得攞走嘢俾完錢出左門口過埋馬路都追出嚟攞翻比我哋真係好多謝晒佢哋👍🏻🙏🏻

行開現時點嘅人都知，如果你逛逛下依度上百間細舖，欣賞緊bearbrick, lego, figures嘅途中急尿，其實都幾麻煩，依度冇廁所借俾你用，除左硬住頭皮衝入3樓好似就執笠嘅茶樓之外，我都諗唔到有咩方法，而今次依間小店正正位於現時點樓下，係一個為你踏上現時點長征之旅前嘅加油站。其實依間舖我諗我都食左幾十次，但可能因為太愛佢嘅關係，都唔捨得(記得?!)推薦俾大家。我黎依度通常都係叫下午茶餐。下午茶餐$35，包熱飲一杯主食5揀11)滷肉飯2)肉燥飯3)肉燥湯面4)椒麻拌麵5)胡麻拌麵小食11揀31)鹽酥雞2)脆薯3)木魚豆腐4)香腸5)花枝丸6)蔥餡餅7)豬耳8)大腸9)牛肚絲10)小黃瓜11)滷蛋主食🙂下午茶份量黎講都算正常，女仔黎講ok。主食嘅肉燥飯唔鹹，肉燥份量唔多，但都幾似台灣嘅味道；椒麻拌麵都正常味，面身都幾實淨，唔太淋，辣辣地都幾開胃。小食🤤我平時食嘅話，膽就係木魚豆腐+香腸；腳就隨意。豆腐外面炸到脆脆地，但入面豆腐就滑捋捋，加埋酸酸甜甜嘅醬，食完會想再食多舊。如果嫌太炸嘅，食少啲外層嘅炸漿就得。香腸就一貫台灣香腸嘅味道，入面都有啲肥豬肉粒，同埋偏甜，同係台灣夜市食嘅大腸

中午正好路过这家店，这家店离当时要前往的地方不是特别远，因为不想挤在店里甚至跟别人拼桌吃，我就决定直接点完带走，本人不喜欢吃卤蛋，点的时候特意告诉店员要把卤蛋去掉，他也有认真操作，后来餐品做好的时候，还给我好好打包了一番，以至于我把包装拆开吃的时候，发现饮料和便当一点都没漏，就很赞。

🔍 老街（彌敦道）好味指數😋😋回頭指數 ⭐️開心指數🤗同朋友響附近想食個快 dinner，就求其入咗一間食台灣嘢嘅店！佢有少少扮台灣嘅裝修，職員指我哋去較後嘅卡位，一除口罩就有強烈漂白水味！🍴紅燒牛肉麵（$66）試下個湯底先，失望！完全唔知自己飲緊咩，個湯底冇「紅燒」feel 就即係冇咗個靈魂一樣！只不過係有少少牛味嘅豉油水… 麵係比較圓身嘅，質地都 okay 彈牙！ 牛肉都幾多，有3大條，不過就唔係好入味同好硬！其實有少少牙力大挑戰！不過，原來低處未算低，最後一舊大大舊嘅牛根位係完。全。咬。唔。開！痴線！一整條要放棄😡🍴麻辣鴨血（$42）鴨血係幾入味嘅，個麻辣汁都唔錯，最後我用呢個麻辣汁去撈個麵食… 先可以食晒碗麵🍴柑桔檸檬話梅愛玉（+$12）用濃縮化學糖水沖嘅，唔好飲都唔算難飲！呢間可以直接放棄，好難再回頭！

冇得去飛去台灣一轉就嚟到公司附近呢一間台式餐廳叫埋2位同事食lunch 過吓口癮我就叫左鐵路雞扒魯肉便當（魯肉比較鹹咗少少）（雞扒味道濃郁咬落去Juice比我預期好食 而且份量非常足夠 啖啖肉）佢哋叫左一個鹽酥雞肉肉操湯麵（鹽酥雞香脆內嫩 不過相對真係較少得嗰幾粒 另外落粉不夠平均）另一個香酥排骨肉操拌麵（面比較淋但還可以）（排骨上既粉唔算多所以都唔錯）講真呢個價錢唔貴份量啱啱好係鹹咗少少男士食可能要叫多份小食

公司喺附近，行過見到台灣野，於是決定入去試吓！佢個下午茶set都只係$35可以揀一款主食同埋三款小食我主食揀咗揀咗肉操飯，而小食就揀咗鹽酥雞，梅子脆薯，涼拌青瓜同埋$5加咗杯凍嘅檸檬紅茶（熱飲唔洗加錢）佢成個套餐嘅份量唔算多，但係味道同價錢尚算好。個肉操飯味道濃郁但個人認為偏鹹，鹽酥雞好脆，我個人本身好鍾意梅子脆薯嗰種酸酸甜甜又脆脆地，所以覺得幾好食。涼拌青瓜就係正正常常但個人認為呢個價錢都係抵食嘅下次應該會再幫襯！

以前返學嘅時候成日幫襯呢間台灣野以前嘅食物質素好好👍🏻但今次特登返黎食明顯差咗好多😔😔平且嘅lunchtime黎到都幾多人好彩嘅係暫時唔洗等位陸陸續續都有好多人黎堂食/叫外賣到埋單走嘅時候就要等位啦🧋酥脆鹽酥雞滷肉便當 $49呢碟有個👍🏻嘅公仔係menu度應該已經係推介嘅食物但係味道都只係叫做ok🥺雞嘅份量有7舊 size係正常偏大有幾舊好明顯好似食緊炸粉咁😢😢配菜方面有滷蛋半隻 薯仔一舊 同埋少少類似係榨菜嘅野配菜味道正常 雞方面如果可以少啲炸粉就好了🧋椒麻牛肚絲 $25牛肚絲每條都切到好大條同埋偏向淋身個人比較鍾意食煙韌少少嘅牛肚另外都唔係好入味 冇乜椒麻味呢碟都係唔合格😢🧋珍珠奶茶 套餐加配$8珍珠奶茶飲落好似糖水咁好好好好甜冇奶茶味 只有好少量奶味唯一ok嘅係佢嘅珍珠都幾q彈幾好咬整體今次對呢間真係好失望😢😢水準差左好多都唔推介大家去食😢

下午茶時段$34起！仲要有好多種類任你配搭～😋一定揀到自己嘅心水😚下午茶 $34 （配飲品檸檬紅茶）主食方面我揀咗麻醬拌麵🍜麻醬比得好闊綽😋夠晒撈麵，麵質都好彈牙，不過份量多啲就好啦🤭小食方面：🐔酥脆鹽酥雞，落得唔夠胡椒鹽，所以味道略淡😭不過食落啖啖肉，亦都脆卜卜，唔錯嘅！🐟木魚炸豆腐，味道鹹鹹酸酸，應該唔係即炸所以唔夠脆，個人覺得味道麻麻😕🍠黃金脆薯，個人認為太多梅粉😖番薯亦都比較硬，不過炸得夠脆身，整體普通👌🏻賣相：7/10味道：7/10

$55 一餸車仔麵，但車仔麵好味啲肉燥的份量亦只可以當調味，不能算是餸吧！吃不出台灣的味道！匙羹就返學咁大，真係一下就撈晒啲粉上嚟啦！伏，無下次伏，唔推薦下午茶都嫌唔夠飽！

之前睇OpenRice，都見過呢間台灣菜餐館，不過有唔少劣評，所有一路都無試，但油麻地都食得7788，今日經過，試一次無防。估唔到裏面都幾多枱，裝修都幾特別，有啲台式感覺。食物係自己填form，上菜速度簡直超強，5分鐘左右，已經上哂2個飲品1個飯加2碗麵。牛筋有咬口，唔係冧到一口就溶果隻，不過可以加少少辣就更好。湯底好清甜，飲完無口乾，無味精，麵質好QQ，有彈牙感覺，麵係最出色的。牛腩唔係好冧果隻，有咬口但又唔硬身，我個人覺得好正，而牛筋就太冧，麵質都係一樣好彈牙好QQ，湯底有啲甜，唔似台灣湯麵湯底。台灣菜，點都要試下滷肉飯，叫左碗細既試下，有菜鋪配滷肉都幾夾，不過菜鋪可以加少許辣就更好。飲品一般。如果去試呢間餐廳，建議食湯麵。