老蔡台灣牛肉麵x茶茶滾

老蔡台湾牛肉面 x 茶茶滚大埔餐厅必食双杀：蟹皇干拌面 + 特浓芋泥鲜奶行开大埔想扫街食好西？约老蔡联乘茶茶滚呢个组合真系无得输！今次试咗两款招牌，食完直头想encore，同大家分享下～蟹皇干拌面：蟹膏控尖叫级！一上枱就闻到超浓蟹膏香，唔系味精味，系真·蟹皇𠮶种咸鲜！捞匀每条面都挂满金黄蟹酱，仲食到啖啖蟹肉丝，口感劲满足。面身用幼身拉面，爽弹唔淋，挂汁力100分。最惊喜系加咗少少醋提味，中和腻感，食完一碟都唔滞。重点：百零蚊有交易，比出面蟹粉专门店平一大截，性价比爆炸！特浓芋泥鲜奶：芋泥山火山爆发！茶茶滚嘅芋泥一向无敌，今次联乘版再升级！目测半杯都系芋泥，绵密到黏住喉咙，仲保留微微芋头粒增加口感。鲜奶用本地品牌，奶香醇厚但唔会抢芋头风头。甜度固定（约微糖），建议饮前疯狂搅匀，每啖都系芋泥+奶香double kill～冻饮杯底仲有芋泥沉淀，饮到最后都仲有料，抵赞！食评小笔记：蟹皇面记得趁热捞匀芋泥鲜奶拣少冰都够冻，冰量固定唔怕冲淡味。两样夹埋食超有罪恶感，但⋯⋯人生就系要任性啊！（笑）总结： 蟹皇面鲜味直击灵魂，芋泥奶诚意满分，两款都系「食过返唔到转头」级数。经过大埔记得留肚试，保证唔会中伏！…查看更多

CP值超高，😋set A乜都有套餐百几蚊超抵食，👍🏻真系乜都有，套餐包括🍱大碗牛肉面，🐮牛筋牛肉乜都有，牛肉好够淋好入味，仲有好多旧，清炖牛肉汤清甜无味精🥣小碗卤肉饭，其实都唔小嫁啦，一个正常饭碗满晒，太好味唔小心食哂然后牛肉面就食唔哂仲有三款小食，花枝丸，炸番薯条，🍠台湾肠，全部中哂我口味，都系我想点既小食再包一杯野饮，真系好丰富小食我另外再点左，肉松芝士蛋饼，👍🏻👍🏻👍🏻劲好味，皮烟UN,整体好balance，好好味，必点👍🏻👍🏻👍🏻另外仲叫咗盐酥鱿鱼须，都系无叫错，香口惹味，调味做得好好今次点嘅所有嘢都好合心意，系饮品太甜…查看更多

今日星期日同老公入大美督行吓，去龙尾滩晒吓太阳，𠮶日都好多人，好彩车位充足入嚟都唔使塞车，我哋喺沙滩晒紧太阳嘅时候已经睇定今晚食咩，见到前面有一间台湾菜，好似好好食就打电话去订枱试吓。夜晚6:00天都未黑我哋去到老蔡台湾牛肉面，好彩留咗枱，坐低落20分钟已经成堆人冲入嚟我哋叫咗个开不了口套餐，佢个套餐仲包一杯嘢饮，我叫咗鸭屎香手打柠檬茶，杯野够大杯又够冻，呢间店舖系用香水柠檬，饮得好正嚟咗个开不了口套餐，牛肉好腍滑，汤底浓厚药材味超正，饮完成个人好舒服，仲有台湾肠，地瓜条都好好味。跟住另外叫咗碗麻辣鸭血冬粉（走青），鸭血又大件又正，系个汤辣左小小，但麻辣味好香好正食到停唔到，见到出边开始有人排队，所以我哋都嗱嗱临食完走，埋单唔使$300唔错。…查看更多

星期日去大美督见到有一间台湾菜同茶饮店。餐厅好阔落，有户外同室内位拣，一入去两个侍应好热情咁招呼，感觉已经好好。嘢食方面有好多选择，全部都系正宗嘅台湾菜同茶饮。我叫咗一个三宝牛肉面同埋一杯黑糖波霸鲜奶，牛肉面有唔同嘅面种可以拣，我最后拣咗手工面。上菜嘅速度好快，同埋俾佢嘅份量惊喜到。碗面好大碗，同埋唔系一般牛肉面，而系有牛筋 牛肚 同埋牛键肉。汤底亦都唔系普通味精汤，系好重牛味，仲有啲药材味同少少辣。好足料，食完系会好满足同饱肚！嘢饮系超级大杯，好多珍珠，黑糖同鲜奶嘅比例啱啱好，唔会太甜。特别想赞下服务！侍应嘅服务非常好，好有礼貌。落单嘅时候有问必答，介绍咗唔同面嘅分别。好深刻嘅系佢哋嘅主动热情，上餐嘅时候揾唔到匙羹，我无问但系佢哋见到我揾紧，主动攞俾我，好加分！非常推荐去食，有种去咗台湾一转嘅感觉！…查看更多

今日晏昼嚟到呢间老蔡台湾牛肉面，好多人，等左室内一阵位，因为有冷气，午餐都系50-70$价钱，非常抵食，而且份量非常大份。我哋叫咗个满汉三宝牛肉新竹米粉，汤头非常浓郁药材味，热辣辣真系超正，牛肚爽阵，牛肉软林度岩岩好，喺香港真系未食过咁正嘅牛肉，配埋新竹米粉，唔知以为自己喺台湾食紧。朋友叫咗个蕃茄牛肉台湾面，浓厚蕃茄汤，系台湾人非常钟意食，呢度都试到真系非常惊喜。再嚟一个卤肉饭，热辣辣，食得出系自己做，加埋兰王流心蛋，诚意满分，可以讲话系香港最好食嘅台湾菜竟然喺呢度食到。饮品亦都相当惊喜，浓厚芋泥+鲜奶，普通一杯香芋珍珠都做得非常好（因为出边饮亲都系好似饮水咁），呢杯真系饮到香芋味，真系要大推！…查看更多