老荔冰室

营业中

休息中

門口戲棚元素其實好吸引到我，店內龍鳳牆好有舊時味道音樂係懷舊金曲，又有老荔金句正！✅我哋二個人叫咗幾款食物花膠雞米線，米線爽口彈牙，好滑，想成三舊花膠，重本滑蛋沙嗲牛肉飯 沙嗲牛份量多、大大碟，啲蛋又煮到好滑，味道偏甜、有少少麻辣味，好特別👏🏻👏🏻 外面未食過蟹肉西多士第一次食呢個口味，唔錯，多士外層鬆化 ，唔錯👍🏻咸金扣特別開胃🤤食物⭐️⭐️⭐️⭐️⭐️服務⭐️⭐️⭐️⭐️⭐️地點⭐️⭐️⭐️⭐️⭐️

外賣叫左麻麻地豬扒餐加腸仔，$82蚊餐如其名麻麻地，飯又乾，豬扒又柴汁，係得2條腸叫正常，講明想要多汁但都係得2滴汁衰過茶記碟頭飯仲要收82蚊以後唔會再食依間野，得個門面靚，野食垃圾

之前朋友仔喺social media見到有人介紹呢間老荔冰室，見到佢介紹嘅花膠雞湯米線都幾吸引，直頭係睇見都流哂口水🤤所以就約好咗專登去試下。。。不要有期望。。。我叫咗佢哋餐廳推薦嘅麻麻地豬扒酸辣米線，朋友仔就梗係試佢嘅麻辣花膠雞阿媽足料雞湯米。以為個菜名有兩個雞字真係好有雞味，錯了，只有少許嘅麻辣味，一啲都冇我地所期待嘅濃郁雞味😥足料。。。都算係掛，有舊好大嘅花膠但都係冇乜味囉🤷豬扒酸辣米線都只係普普通通，如果係餐廳推薦菜，就真係，唔知點講好。。。我地再加左小食，炸單骨雞翼（+$18）夾埋應該係3隻雞翼，抵讚既係上枱熱辣辣，不過靠醬汁加持先有味🫢望望其他枱，飯類都好似幾吸引，或者會好過粉麵？原本想試金莎朱古力流心西多原來下午茶先至有所以今次試唔到，不過都應該唔會再黎試😅我仲叫左杯凍柚子茶，不過比枝幼飲管我，不停比啲柚子肉塞住，啜唔到，好攰呀（唔知有冇人同我一樣感受）加上今次坐既枱好唔穩陣，成餐飯係咁搖，體驗都幾差（親隔離枱埋單，試搖左佢地張枱，又冇問題，係我地黑仔😓）

先前見到網上面好多人都話呢一間老荔冰室有一個花膠雞米線好正，所以今日特登同我朋友一齊去試吓。門面同店內環境都算幾有特色。坐低嗌咗個麻辣花膠雞阿媽足料雞湯米線，麻麻哋豬扒酸辣米線同埋炸彈骨雞翼。首先嚟咗個炸雞翼，可取之處就係佢熱辣辣咬落脆口，啲肉係嫩嘅，但就平平無奇，要靠泰式酸辣汁先有味，而且6隻單骨雞翼（三隻完整雞翼）$32，個人覺得有小貴。跟住嚟到萬眾期待嘅花膠雞米線，嚟到嘅時候湯底尚有餘溫，麻辣味超輕微，花膠的而且確係大塊嘅，但係冇咬口，仲有幾件雞肉尚算新鮮。豬扒酸辣米線湯底一樣，湯底尚有餘溫，酸辣味超輕微，個炸豬扒真係麻麻哋。用餐時間大概35分鐘左右，不停聽到要幫人收碟，感覺好似喺度趕客，而同時一個頭頂扎辮的男侍應，好有幾次地行路碰撞我坐的椅，我已經心口接近貼住桌面，但依然仲係俾佢咁樣碰撞。埋單嘅時候除咗俾錢外，仲收到一張黑色嘅臉色。無必要再去。

本來諗住去好好運，不過公眾假期冇開。行返去老茘。啱啱唔使點排隊。不過一開始安排坐嘅座位，啲冷氣兜頭吹落嚟，實在有啲頂唔順。好彩之後見到有人走，可以搬去第二邊坐。冷風兜頭吹，實在唔適合老人家。食咗沙嗲牛肉煎蛋飯、加麻麻地豬扒、蕃茄叉燒米線，同飲熱奶茶。都幾好食，不過地方真係好窄，價錢唔算貴，但係都唔係平。所以只可以話係一間普通嘅茶餐廳，會唔會排隊食就真係見仁見智。

荔枝角成日經過都好想入去試，門口戲棚元素真係好吸引，店內龍鳳牆真係好正，杯碟上有不同金句/迷語都充滿兒時回憶🥰麻麻地豬扒酸辣米線🍜+ 雞蛋🍳 ($65)酸辣的米線配上美味豬扒，湯底拍得住正宗米線鋪🥩🍚滑蛋沙嗲牛肉飯 ($72)⁠沙嗲牛份量多，絕對超值，食落味道偏甜，有少少麻辣味，有雙重味道🧇沙嗲牛肉西多士 ($54)即叫即整，配糖漿更好食，第一次夾埋沙嗲牛肉食，份外驚喜生炸雞脾 ($34)炸到皮脆金黃顏色，雞髀頗有分量，第一啖食到香脆外皮，第二啖雞肉的厚身，入口非常滑🥤阿華田脆脆火山🥤椰汁紅豆冰老荔冰室📍荔枝角青山道495號誠信中心地下1號舖#老荔冰室 #LoLaicafe #沙嗲牛肉 #熱香餅 #荔枝角

今日開完個長會，即刻同同事落樓開餐，估唔到公司附近都有好食既茶餐廳🥰🥰首先要講嘅係花膠雞雞湯米線😀😀呢個湯頭真係非常之鮮甜，雞肉煮得剛剛好，花膠更係增加咗湯底嘅豐富口感。米線吸收咗湯汁之後，食落去特別滑，非常舒適。😆接住講講芝心多士配酸辣米線*😋呢個多士真係好特別，入面有濃濃嘅芝士，外面炸得金黃酥脆，咬落去芝士流出來，真係令人心情大好。配搭佢嘅酸辣米線，又酸又辣，食得出好驚喜，搭配起來真係一流。😝之後有同事試咗減脂手撕雞清湯黃麵😙雖然係減脂，但味道一啲都唔馬虎。🤪手撕雞肉嫩滑，清湯好清爽，黃麵煮得剛剛好，冇過軟，食落去好有彈性，令我一口接一口，根本停唔落嚟。🥳然後見到隔離枱叫左滑蛋沙嗲牛肉飯好正😍😍亦係一個唔可以錯過嘅選擇。滑蛋真係好滑，沙嗲醬味道香濃，牛肉切得薄薄一片，炒得啱啱好，搭配白飯簡直係完美嘅組合，食完之後成個人都覺得滿足。🤩🤩由於太多人食唔飽😂😂再叫雙拼（餐肉蛋）三文治🥪呢個三文治真係好實在。餐肉煎得香脆，蛋液滑嫩，夾埋一齊食，簡單卻又好味，特別適合早餐或者輕食。😙😙又心思思試埋個沙嗲牛肉芝士熟香餅漢堡😆😆更係另類嘅驚喜，漢堡包外脆內軟，牛肉同芝士嘅搭配係無可挑剔，食到最後

今日同friend去咗荔枝角呢間超IG-able懷舊冰室，裝修勁有七八十年代港風feel，龍鳳牆，各種特色餐牌打卡位多到影唔完！重點係食物唔止得個樣，仲有驚喜～ 🍜 增肌減脂手撕雞清湯蒟蒻麵- 雞胸肉手撕成絲，嫩滑唔鞋口 - 蒟蒻麵爽脆零負擔，湯底清甜到飲晒成碗 - 朋友大讚：「健康得嚟唔似食緊減脂餐！」 🍜花膠雞阿媽足料雞湯米線- 成塊花膠厚過手機！雞湯飲得出冇落味精，膠質黏嘴唇 - 米線索盡湯汁精華，仲有半隻嫩滑走地雞 🍛 滑蛋沙嗲牛肉飯- 牛肉用安格斯牛柳片，嫩到識發光 - 滑蛋流心程度滿分，撈埋秘製沙嗲醬同珍珠飯，邪惡到停唔到口 🍤 芝心蝦多士- 麵包糠炸到金黃，咬開爆出流心芝士+原粒蝦仁- 配泰式辣醬，脆中帶辣超上癮 🍗生炸雞髀- 即叫即炸，外皮脆到似玻璃紙 - 肉汁多到滴落枱，跟餐加$20有齊薯條+懷舊雜果沙律 必試恐龍美祿，用咗馬來西亞原裝美祿粉，濃到黐線。人均$100食到高質港味，懷舊得嚟唔老土，仲要影相靚到呃like！

今次試咗呢間玩懷舊mix新派嘅冰室。**「花膠雞阿媽足料雞湯米線」**有原味同麻辣揀，真係落足料，花膠大大塊，雞湯用雞殼熬足鐘數，濃到黏嘴唇，同即沖湯真係兩回事！**💪健身友必食「手撕雞蒟蒻麵」冰室好少見咁健康嘅選擇！蒟蒻麵爽口唔會「膠膠哋」，手撕雞份量夠，蛋白質爆燈，減肥都食得開心。**🦀「滑登粒粒蟹肉飯」鮮味爆燈** 一啖飯夾住大大粒蟹肉，海水味超濃，滑蛋仲要係流心狀態，撈飯食簡直無敵！ **🍤「芝心蝦多士米線」$58 邪惡之選** 蝦多士即炸超脆，芝士半流心，配酸辣米線出奇地夾。特飲試咗**阿華田脆脆火山**同**椰汁紅豆冰**，兩杯都夠濃唔會稀𠺘𠺘，+$8跟餐抵！**✨打卡✨**-裝修好玩懷舊戲棚風，仲有打卡龍鳳牆 ，杯碟仲印住啲搞笑金句同謎語！**✅總結**：大推花膠雞湯同蟹肉飯，足料唔hea做！想健康就揀蒟蒻麵，裝修仲有心思，值得encore！ #荔枝角 #沙嗲牛肉#LoLaicafe#熱香餅 #打卡 #港式茶餐厅#美食探店观察者 #美食打卡 #美食探店#茶餐厅天花板#带你去吃隐藏美食

滿心期待特登晏就抽時間去食朱古力流心西多士，只可以講真係未試過西多士都可以咁難食，個西多乾到好似食緊麵包咁，入面純粹係有朱古力醬，姐係食緊一個有朱古力味既麵包，完全睇唔到邊度有流心？切落去既時候已經心知不妙，上面既朱古力一舊舊硬到切唔到，以為食緊餅乾咁，真心好失望，大家應該睇相都應該可以感覺到個西多有幾dry!另外個炒蛋熱香餅，都係好乾，真係純粹塊餅夾左個炒蛋同肉，麥當勞既熱香餅夾塊炒蛋可能仲好食鬆軟過佢😂

老荔冰室．懷舊冰室 夠晒老黎！最近同朋友又去左搵老黎野！老荔冰室！講真，香港冰室多到數唔晒，但呢間真係由裝修到食物都「老荔」得嚟又夠晒「貼地」，仲要性價比爆燈，難怪開業無耐已經成為荔枝角街坊同OL嘅飯堂，連健身猛男都專登過嚟幫襯！先講環境：戲棚龍鳳牆，打卡打到手軟一入門口就俾佢個戲棚簷篷設計吸引住，紅燈、舊式鐵閘花紋，仲有牆身大大幅龍鳳雕刻，完全係將香港七八十年代情懷搬咗入舖！最抵死係連杯碟都印住啲港式金句同謎語（坐低未食已經瘋狂影相。老闆明顯唔係淨係賣食物，仲賣緊份集體回憶！飲品篇：奶茶紅豆冰 x 阿華田火山「奶茶紅豆冰」絕對係驚喜之作！奶茶茶底夠厚，紅豆煮到起沙但唔會過甜，兩者撞埋一齊竟然出奇地和諧，飲落有層次得嚟又解膩，配濃味主食一流。至於朋友encore嘅「阿華田脆脆火山」，賣相已經贏晒——杯面堆滿阿華田粉同脆脆，撈勻後每啖都係童年回憶，甜度剛好唔會齁喉，飲完成杯都唔覺滯。老闆仲好細心提供少甜option，抵你紅！主食篇：花膠雞湯米線 vs 增肌蒟蒻麵作為食肉獸，首推「花膠雞阿媽足料雞湯米線」！一上枱就聞到陣濃郁雞味，湯底真係冇偷工減料，飲得出老火雞湯嘅甜味，花膠厚身又彈牙，雞

🍴荔枝角地道茶記｜麻辣米線×邪惡沙嗲🌶️📍 裝修懷舊，食物有驚喜，有辣有甜有創意1️⃣ 【麻麻地豬扒酸辣米線】 $65🌶️ 麻香突出但辣度溫和，豬扒厚身又彈牙。米線偏軟身，厚切餐肉煎過略油，建議加$8配特飲解辣。 【阿華田脆脆火山】 跟餐$8🍫 童年回憶升級版！冰凍阿華田頂層鋪滿脆米，飲前攪勻，飲落就有crispy口感，甜度啱啱好可以解辣又唔會膩。 2️⃣ 【滑蛋沙嗲牛飯】 $72🍛 鑊氣滿分！沙嗲醬濃稠帶甜香，牛肉嫩滑，炒蛋半熟流心撈飯超邪惡。份量多到兩個人share都得～ 【奶茶紅豆冰】 跟餐$8🧋 奶茶茶底夠濃，但甜度較高，啱晒螞蟻人。3️⃣ 【沙嗲牛肉西多士】 $54🍞 創意爆燈！厚多士炸得金黃，夾住沙嗲牛肉+鹹甜交織。加埋糖漿罪惡感爆燈但值得一試，建議2-3人share。 4️⃣ 【生炸雞髀】 $34🍗 即叫即炸！上枱熱辣辣，雞髀成塊面咁大，外皮金黃酥脆到有「咔嚓」聲，咬開肉汁直接滴落嚟！醃得夠入味，絕對係大件夾抵食！

一直都好想試老荔冰室放假同老Best一齊去試😋食物款式實在太多 😍今次試咗沙嗲牛肉西多士 / 豬扒酸辣米線/生炸雞髀/滑蛋牛肉飯 生炸雞髀🍗 ：啲雞髀肉好嫩滑 必食👍🏼沙嗲牛肉西多士🍞：第一次食鹹鹹甜甜嘅西多士估唔到味道咁夾 有驚喜喎！豬扒酸辣米線🍜：酸辣湯底好開胃 個炸豬扒都好好食滑蛋牛肉飯🍚：牛肉好入味 個蛋更加唔使講 真係好滑成日見到啲人排隊 原來真係好值得試🤤🤤下次要再去試埋佢其他嘢食先☺️

今次嚟到荔枝角嘅老荔冰室 冰室係行懷舊元素門口有戲棚元素 店內有龍鳳牆同舊時電影院嘅佈置佈置懷舊又啱打卡📸最緊要係佢多選擇仲聽講幾好食👏🏻位置唔難搵嫁 就係油站隔離滑蛋粒粒蟹肉飯
蛋漿滑嫩 蟹肉鮮甜飯粒吸滿蛋汁好入味調味突出海鮮香份量都好夠 啖啖都有蟹肉夠抵食😋芝心蝦多士配酸辣米線 🍜
芝心蝦多士酥脆 芝士爆漿香香蝦味 配埋酸辣米線微辣開胃 米線滑溜湯底酸香帶鮮 食落幾開胃趁熱食夠哂正 份量剛好 夠哂滿足❤️花膠雞阿媽足料雞湯米線🍜
雞湯底濃郁 花膠軟糯魚翅 同 雞肉都咁滑嫩入味米線順滑 吸滿湯汁好香份量真係好足真係似足阿媽嘅足料版🫶🏻芝心蝦多士配酸辣米線
芝心蝦多士酥脆 芝士爆漿香香蝦味 配埋酸辣米線微辣開胃 米線滑溜湯底酸香帶鮮 食落幾開胃趁熱食夠哂正 份量剛好夠哂滿足❤️增肌減脂手撕雞清湯蒟蒻麵
湯底清甜 手撕雞嫩滑多汁蒟蒻麵彈牙低卡蛋白質豐富 一上格熱辣辣份量適中啱哂健康人士😎阿華田脆脆火山
勁邪惡✨✨✨阿華田香濃 面頭脆粒添口感甜度適中唔膩口 冰涼入口 而且層次幾豐富幾有趣 好有滿足感✨.椰汁紅豆冰
椰香濃郁 紅豆軟腍甜香冰底清涼順滑 甜度自然入口消暑幾舒服 呢個天氣飲夠哂涼爽😎

門口有戲棚元素，店內有幅龍鳳牆，用上紅色摺凳，就是老荔冰室的記認。杯碟上還有各款金句，叫打工仔好有共鳴！🥩麻麻地豬扒酸辣米線 $65豬扒火候恰當，肉質不柴，有少許孜然香；酸辣湯底夠味，酸與辣比例協調，刺激味蕾，米線爽滑勁道，每一口都吸滿湯汁，令人滿足😊🍳滑蛋沙嗲牛肉飯 $72滑蛋嫩滑，牛肉片軟嫩，份量多，鋪在粒粒分明的米飯上，配上味道偏甜、有少許麻辣味的沙嗲醬，一口飯一口肉，好惹味😋🍞沙嗲牛肉西多士 $54沙嗲牛肉的鹹香配上糖漿的香甜，加上西多士的香脆，吃起來香口又特別。除了西多士，發現這裏還有沙嗲牛肉熱香餅，同樣吸引🤗🍗生炸雞脾 $34外皮炸得金黃香脆，內裡的肉汁軟嫩，咸香適中，是道不錯的招牌小吃☺️🤎阿華田脆脆火山 跟餐+$8❤️椰汁紅豆冰 跟餐+$8前者阿華田味濃郁，脆脆的口感豐富味覺體驗；後者椰汁香甜，紅豆軟糯又大粒，冰爽解膩。下次有機會的話更想嘗試奶茶或咖啡紅豆冰😍