影片
以上资料只供参考，请与餐厅确认详情
食家推介
老港冰室一直以其地道的港式风味和实惠的价格吸引著食客。晚市真的要早点排队等位，座无虚席的。没想到这里职员服务超好，除了说话有礼，一坐下，会问我们需不要不要协助下单，还是QR code下单，上菜时又会说唔该，真是意外的好服务。见到餐牌上写著三大服务承诺：不满意服务态度，全单可享85折；点菜后30分钟内不上菜，超时菜品85折；对菜品不满意，菜品85折。怪不得如此好服务！这三大服务承诺，真的能做到。明火例汤一盅$9，这晚是青红萝卜猪骨雪耳汤，没想到如此浓郁，可能已经盛到底，真的是精华所在，又浓又甜，不加味精，有家的味道。鸭屎香柠檬茶，跟餐加$12，这款饮品的酸甜恰到好处，柠檬的清香，独特的鸭屎香茶味道浓郁，香得不得了，别具一格，推介要喝，特别适合在炎热的夏天饮用。蒜蓉粉丝蒸凤尾虾$88，虾肉新鲜爽口，粉丝吸收了蒜蓉的精华，弹滑又开胃。这道菜的视觉效果也很吸引，开边虾蒸熟后卷成圆形，色彩鲜艳好看。招牌酸菜鱼$68，鱼片嫩滑，酸菜的酸味恰到好处，汤底的咸香，带有微微的辣味，令人食欲大开。这道菜超值，$68有一盘一人份量酸菜鱼，晚市时间往哪找了？红烧五花腩肉$78，半肥瘦的五花腩，肉质肥而不腻，酱汁浓郁，卤得入味，还有生菜垫底。每一口都能感受到五花腩脂肪溶化的口感，十分邪恶！芝士流心西多$28，当甜品让人心情愉悦。切开时，浓郁的芝士流出，芝士咸香的口感取代传统花生酱馅，洒上糖浆，甜而不腻，适合喜爱芝士的朋友。总的来说，老港冰室的菜式无论从味道、价格还是服务来说，都让人感到满意。这里的每一道菜味道都很好，连鸭屎香柠檬茶都做得很出色。无论是家庭聚餐还是朋友聚会，都是一个不错的选择。
继续阅读
星期五吾知食咩好，决定同老公去葵广扫街食野兼夹公仔，顺道经过新都会广场，睇到呢间新开既冰室，成班人排队，仲有三大服务承诺好吸引！最惊讶既系佢地提倡三大保证，如果吾满意服务态度，可以全单8.5折；如果叫左既菜品吾系30分钟内送到，都系8.5折！吾满意菜品都可以8.5折！价钱吾贵，服务质素又好，顺势就决定试下啦～.招牌美国西冷牛扒 $120 吾好以为一块牛扒咁简单，呢个招牌美国西冷牛扒真系大啖过瘾！份量真系吾少，目测西冷扒厚度有2cm，热辣辣上枱，听到「刷刷」声超有气氛，配埋黑椒汁坚正！而薯菜仲好有心思，焗薯好腍，仲有沙律酱点缀，带出一种清新口感，仲加埋鲜甜既粟米！套餐仲有牛油餐包、罗宋汤同埋热奶茶，整个餐嚟黎讲超满足！罗宋汤好浓郁，酸酸辣辣好好饮，而热奶茶茶香味浓，衬埋牛扒perfect😁 西冷牛扒肉质鲜嫩，每一口都系满满肉香，成个体验超值！.古法手撕连骨盐焗鸡 $78虽然份量吾算多，但食落去发现有好多鸡肉，吾会好干，块块都咁嫩！呢个盐焗鸡真系要大力推介，鸡肉味浓，盐焗味入哂鸡肉中，好香口，食得出佢地既用心，搭埋白饭真系一流.咖喱薯仔吉列鱼柳饭 $69一啖食落去，咖喱味浓郁，椰香味十足，吾会太辣但好过瘾，中意食多汁既人既首选！d鱼柳炸得外脆内嫩，浓郁既咖喱汁配上香脆既鱼柳，口感层次感丰富，好满足！再加杯冻奶茶（$9)，正！.招牌拉丝芝士菠萝包 $19 望落去好似普通菠萝包，但用刀一切，d芝士就爆晒出黎，果份拉丝感真系吾可以吾试！包皮香脆，芝士味道既香浓又吾腻，简单但好正
继续阅读
咁耐无去葵芳，呢个舖位又唔同左，依家变成一间冰室。作为一间冰室，茶记嘅常餐、奶茶，甚至碟头饭，应该唔少得。不过见佢餐牌嘅主打有酸菜鱼 、辣椒炒肉 ，用埋绿色装修、熊猫公仔Logo……真系老香港，新烹调，用心做啊！都系要睇餐牌再叫嘢食食物齐招牌沙爹牛肉面 $55去茶记，沙爹牛面应该走唔甩。呢度嘅公仔面系啱啱散，上枱仲系爽。沙爹味普通，唔系话超级浓嘅口味，牛肉又唔算松到散晒，呢个就系一个街坊茶记嘅口味。如果想沙爹味浓啲，记得走汤。火腿奄列及香酥丹麦多士 呢度嘅蛋煎得老啲，令蛋味更浓，同埋更香脆，更适合湖北蛋嘅做法。里面嘅火腿丝份量都几多。用得香酥丹麦多士 ，证明真系新派茶记冰室。不过烘脆嘅时候，已经将另外搽嘅牛油已经融入丹麦多士 本身嘅酥皮，所以香脆之余唔太油，都唔错。凉拌青瓜 $32依家系试新烹调嘅时候啦！想摄取多啲蔬菜所以叫呢个青瓜，有部分青瓜条有啲不规则，切之前都有拍过。味道香辣，手切蒜粒都几多，仲要有花椒，少少麻，非常开胃。鸭屎香柠檬茶（少冰）+$9除左奶茶，鸭屎香柠檬茶都系呢度嘅主打。上菜嘅时候，呢杯茶都有少少泡，香水柠檬片，都有打碎嘅一丝丝果肉，真系好大力嘅#手打柠檬茶 。整体成杯饮品都唔算太甜，主要系柠檬嘅清新，同埋茶嘅清香，非常适合解辣解腻。呢度嘅祖国口味，真系比茶记食物，好太多啦！总数：$96
继续阅读
葵芳老港冰室是一间值得一试的餐厅，以其咸鱼肉饼煲仔饭而闻名，吸引了大批食客排队等候。煲仔饭的米饭煮得恰到好处，肉饼鲜嫩多汁，搭配香浓的酱汁，让人一口接一口，令人难以忘怀，必定为此再光顾❤️此外，牛扒也表现出色，外焦内嫩，搭配新鲜的蔬菜和玉米，让整体口感更加丰富。饮品方面，清凉的鸭屎柠檬茶十分解渴，为这顿餐点增添了清爽感。汤品则简单却美味，为用餐增添了温暖的感觉。整体的用餐环境舒适、干净，服务人员友善，让人感到宾至如归。总体而言，葵芳老港冰室提供的食物质素高、价格合理，非常适合家庭聚餐或好友聚会。无论是肉饼煲仔饭还是其他菜式，都值得一试，必定会让你回味无穷。
继续阅读
呢间老港冰室真系旺到爆，未入门已经见到长长人龙，环境舒服唔迫，价钱亲民，菜式选择多又有水准，值得一试！🍲招牌酸菜鱼鱼片嫩滑，酸菜够味又唔抢戏，酸辣平衡得好，开胃一流！🍛瓦煲家乡肉碎豆腐煲豆腐滑溜，肉碎香口入味，热辣辣送饭一流，够晒家乡风味。🥦干锅花菜爽口花椰菜炒得干身，微辣惹味，配搭腊味增添香气，好下饭！🦐蒜蓉粉丝蒸鳯尾虾粉丝吸晒虾汁同蒜香，鳯尾虾鲜甜弹牙，清香唔腻。🍚豉汁排骨腊肠砂锅蒸饭豉汁浓香，排骨入味，腊肠油香扑鼻，饭底仲有锅巴，够晒香口！📌小总结：价廉物美，菜式多变，怀旧茶餐厅风格够晒亲切，钟意港式味道嘅朋友千祈唔好错过！
继续阅读