老楊家老壇酸菜魚

营业中

休息中

經朋友介紹到此一試，老實講，叫咗三樣野，鵝腸，皮蛋同酸菜魚，先講紅油脆鵝腸，份量可以，但唔覺脆而且好有咬口，皮蛋好過譚仔，最後到魚，魚冇骨，夠滑，但唔夠味，唔夠酸！

重慶食物近排喺香港都好普遍 開到周圍都有 本來以為香港人都唔係好食得辣 但睇嚟佢哋都同我一樣進咗化 越嚟越鍾意食重口味嘅食物 🤞🏻今日食嗰間我覺得價錢算合理 由於其他朋友唔食得辣 所以冇叫水煮魚 淨係叫咗個酸菜魚 酸菜魚比起其他餐廳做法有少少唔同 就係比較薄 不過好彩佢火候控制得幾好 所以冇過老嘅情況出現 不過人比較薄嘅關係 口感就比較差 咬落去冇乜質感 炒土豆絲 呢個係大陸人先會講嘅 我哋通常係叫番薯仔😂😂😂 薯仔炒得好嘅話會超爽口 去咗個薯仔都幾好食 上次攞呢啲唔鍾意食澱粉質嘅人都食咗唔少 不過總體來講我淨係覺得間餐廳算普通 驚喜唔算特別多不過又唔會太失望

幾個月前搬嚟黃大仙喺鳳凰村一帶周圍搵嘢食經過呢間一直以為係普通雲南米線店第一次食嘅時候見到幾乎每枱都點一窩窩超大碗嘅嘢食先知呢度最受歡迎嘅係酸菜魚酸菜魚分為1人/1-2人/3-4人份大大窩裡面有米線底如果食量唔大一般1人份已經夠哂兩個人食酸菜魚賣相好靚湯底好香 酸菜味道非常醒胃魚嘅肉質嫩滑 份量都好多之前北上都試食過好幾間人氣酸菜魚店而呢間平民小店嘅水準絕對不比內地嘅人氣店差而且價錢都算抵食唯一缺點係店舖衞生環境一般飲品方面鹹檸七係我嘅至愛解渴一流

佢既蕃茄湯同媽咪煲既蕃茄薯仔湯簡直有得揮，爭d想添飲建議女士可以叫小米線，因為叫埋小食會食唔晒自己好少係出面食煎魚，因為吐唔到骨，老闆娘好好話比我聽邊款係大骨，而且煎得好好味，屋企多數煎因為油煙既關係呢款係什錦，2個人食再加小食夠晒飽鵝腸-辣到跳舞皮蛋-辣好味過葱油，咁當然要微辣辣菜魚老公自己食，因為個人覺得呢d魚好腥，食唔到，但個湯好好味，飲左4，5碗紅糖滋粑-夠晒煙un，好鍾意個口感，順便解解辣

本來想去另一間餐廳吃飯，但遠處看到酸菜魚三個字便頓時被吸引過去。地踎小店的格局，與乾淨企理談不上，但勝在食物種類算多，而且店內還有個電視，也吸引很多附近居民開餐。本想點個一人份酸菜魚加小窩米線，但姐姐提醒我們一人份也很多，所以便在酸菜魚加份豆腐作配料，另外多點一份蒜泥白肉。一上菜便給那個碗嚇着了，即使是一人份也看似超級多。本身已有米線在裏面，所以$88價錢也很合理，我和老公兩人吃也夠飽。酸菜魚與大陸名店比較就有點距離，少了點惹味的感覺。不過我覺得這裏的酸菜魚勝在不太油，帶點小辣，很易入口，叫做一解酸菜魚之癮。加配料豆腐味道也很搭而且份量很多。魚塊有點失望是還有很多鱗。蒜泥白肉不錯，重口味、大大件，不會太辣。店員很熱心，體會到小店的人情味，但我們落單三樣食物加一罐可樂，兩樣漏單一樣打錯價錢。😅只是小事但如能改進一下會更好。

D米線幾好食，味道幾特別， 但衛生麻麻. 感覺好dirty.事關佢d米線上面個d芫西唔係廚房加上去，係出面個d侍應加的.但我見到佢地無用工具，係用手直接拿落去. 隻手又要用黎收錢， 抹枱，執台面d骨. 抹台塊碗布仲要臭臭的.其實我好想試佢地既酸菜魚、但見到噤🤷🏿‍♀️，真係無勇氣再去了

作為一個爸爸我帶得屋企人去食嘢嘅地方有幾個先決條件。 地方一定要企理，廁所一定要 乾淨， 店員一定要 有善， 同埋一定要有wi-fi! 呢幾方面呢間地坊小店係做到嘅。 我唔鍾意食太熱嘅嘢， 但係肯整凍撈米線嘅鋪頭又唔係太多， 好彩呢度有! 我唔太食得辣， 大老闆娘居然 願意幫我特別將啲豬皮減辣， 配合又爽又滑嘅米線，good! 另外值得一讚嘅係老闆娘親手沖嘅凍奶茶， 好滑好濃 亦有茶味! 三十幾蚊一個下午茶食到呢啲嘢而且坐得舒舒服服乾乾淨淨， 以地坊小店嚟講係十分好㗎啦。

以前想食米線，都會去幫襯譚仔。但個人覺得譚仔愈黎愈唔好食，而且比以前都貴左唔少。所以決定支持下小店，去小店試下佢既米線，點知有驚喜喎呢間米線店喺黄大仙，唔係開左好耐，半年左右。次次經過都無入去，今日決定唔食譚仔，試下佢環境都叫企理，因為客人唔多，所以一個人坐四人枱叫左熱伴米線，小辣，再加兩個餸，豬軟骨，腩肉米線份量好多，男仔都會夠飽，軟硬度適中，唔會太腍，有小小咬感，同一般鋪頭食既米線唔同，幼身小小，好啱用黎熱/涼伴平時食開小辣，呢度既辣度比譚仔再勁啲，但真係好惹味如果唔太食得辣既，建議十小辣豬軟骨，腩肉都好好食。特別腩肉，真係一塊塊大大片既另外，加$6有杯凍嘢，叫凍啡，正常水準呢間米線價錢唔貴，招呼唔錯，可以慢慢食，唔洗好似譚仔咁趕，會再幫襯

叫左碗肥牛墨魚頭小鍋米線～第一次食米線鋪有墨魚頭！好爽口好正米線又唔會淋～一流呀😆😆湯底又好正～待應仲好細心！好味！好味！好味！好味！好味！朋友叫左個涼拌腩肉撈面，好正呀，好開胃！

小編最愛吃麵食🍜， 得知屋企附近最近有間新開張的麵檔-「金品味」，所以便來一試！🙈 這裡和一般的粉麵店一樣， 都是以一碗粉麵作麵底， 其後可自己加餸，有差不多50款可以選擇，款式都算多。 雖叫米線專門店，但除了米線之外， 還有紅薯粉、水晶粉供應。😏 小鍋米線（$25）腩肉（+$8）豬大腸（+$8） 小鍋米線可選擇辣或走辣；有或無豬肉碎； 無辣不歡的我就點了中辣🌶， 但辣勁比我想像中少， 湯底感覺是味精湯，沒什麼特別，味道感覺有點水/稀， 小鍋米線本身已經有芽菜、酸菜、韮菜、蔥、芫茜等配料，份量都算合理。 豬大腸洗得乾淨，滷水滷得都算入味， 沒有多餘的豬羶味，值得一試！😏 但腩肉太肥了，差不多八成都是肥膏，😨 建議怕肥的不要點！🙅🏻 下午茶時段更可免費包凍、熱飲品一杯， 都幾抵！ 不過湯底和餸菜還有改善的空間。🙊

同事話晚上要去食大餐所以中午呢，佢話想食得清淡d 要留番肚皮既quota 加上今日又遲左放lunch 行過見依間唔駛等位，又冇咩人所以揀左食米線諗住快靚正食完，番去開工點知選擇錯左🙊依間餐廳價錢都唔算貴叫左 豬頸肉小鍋米線 $35飲品就要額外再加錢不過呢～真心唔太好食 😖豬頸肉好「硬」感覺唔太新鮮湯底亦好油 🙈米線煮得好淋 😟味道亦偏咸配菜有芽菜，芽菜略為正常食左幾啖, 已經有少少飽滯感唔想再食了下次唔會再黎了

本身喜歡食米線 食譚仔三哥食得多 但水準參差 米線有時一餅餅 又脹 但呢間金品味係屋企附近 有次偶爾見到就入去試試點知出乎預料地好食每次必點墨魚頭小鍋米線小辣+凍奶茶正令我經常去的原因係人情味老闆同員工都好親切 仲會幫我手抱👶🏻等我可以好好咁食一餐-價錢合理 -強調無味精（至少食完五覺好口渴）-即叫即整 -米線每次都keep到水準 五發脹又爽-湯底有肉碎芽菜酸菜等加埋秘制的辣 是值得去試試嫁推介：墨魚頭 豬紅 腩肉 留意返豬紅 豬皮同腩肉都帶少少辣 五食辣的人要留意喔

一個人食飯，去咗食米線，平時食米線食開譚仔三哥果d, 都食到有啲厭!呢度嘅米線係有辣肉碎，似尖咀星林居果隻，三個餸加埋嘢飲差唔多要＄50！ 坦白講，街坊店嚟講有少少貴，不過好在分量都得足同埋坐得舒服，家庭式運作，員工招呼又周到，所以到嚟食過幾次！今次叫咗蘿蔔、韭菜、雞翼三個餸，蘿蔔幾好食，完全冇喳，試過去食好出名嘅車仔麵，啲蘿蔔都唔得，雞翼同韭菜就冇咩特別，反而個湯底做得幾好，我諗我都會keep住嚟食！

食上癮啦！一星期食左兩三次。外賣自取返屋企慢慢嘆！每次都係食多酸麻辣薯粉小辣，真係好惹味！最近仲做緊全單9折，都幾抵食！豬潤保持到一貫水準，豬紅第一次食都幾驚喜，質地好好又無怪味，好食過附近打冷果間。薯粉好食過第一次幫襯試果隻扁身水晶粉。外賣個碗都幾實淨，返到屋企唔會熱到變左形。堂食叫過雞翼$36/5隻，跟泰式甜辣醬無乜特別。唔係特別好食，但又唔會難食，正正常常，肉質都幾嫩。下次可以試下啲小窩米線！

附近新開左間米線店，鐘意食川菜既我當然要試下！起初都怕會中伏，但碗豬潤重慶酸辣粉黎到又似模似樣啵！幾大碗！開頭以為個酸辣粉係圓身果隻，黎到發現原來係扁身，第一次試呢款薯粉。豬潤方面，新鮮無異味，仲有少少酒香，應係落左少少酒辟腥！花生比起平時食果啲大粒，好香好脆！小店似係一家人營運，feel 到佢地好有 heart，好想搞好間舖。環境都好乾淨舒服。希望將來生意好左都唔會變質啦！下次多啲人食再試佢地啲小食 😆