老掌櫃東北菜館 (利奧坊)

营业中

休息中

哩間老掌櫃晚晚爆滿真係唔係冇原因, 雖然佢D位有D迫, 個晚去到仲要唔知冷氣壞左定坐門口位既關係, 好鬼熱焗, 但係依然全場超熱鬧。無他, 就係因為一個字, 抵食。北京填鴨只係$168有半隻, 皮肉均勻, 唔會肥滕滕。該有既青瓜, 京葱絲同埋醬都齊備, 仲有麵皮都有十幾塊, 基本上都唔洗再另外加。哩個價錢對番哩個質素真係唔知去邊度搵。土豆燒牛肉 $86都係好多料, 牛肉已經炆到好腍, 醬汁係五香牛肉既味道。好彩叫左杯超大檸茶 (可能真係壞冷氣好焗), 飲啖舒服哂又唔洗懢住飲

今晚又去咗老掌櫃食飯次次想食北京填鴨就會好掛住呢度今次照舊嗌咗半隻鴨另外仲點左京式炸醬麵、京蔥羊肉餃同埋高力豆沙食物質素不嬲都好價錢又平碟頭又夠大份填鴨係正常版唔係迷你版同埋京式炸醬面都係好大碗京蔥羊肉餃今次第一次試好鍾意佢有羊味但又唔會太騷高力豆沙熱辣辣肯定係新鮮炸起而且夠曬軟熟好好食！嚟開食都知餐廳啲位係迫夾啲㗎喇但係老實講呢個價位食到一餐飽肚得嚟又好味嘅東北菜迫少少咪迫少少囉呢晚我哋兩位$300左右埋單仲要飽到打包走樓面侍應又好好傾佢哋係好爽直果種風格多一分真誠少一分虛偽係抵讚嘅👍🏻

當晚晚上九點去到，但依然全場滿座，枱與枱之間嘅距離都幾近🫢 招牌北京填鴨已經售罄，不過都好彩佢售罄，我先發掘到佢哋啲小菜仲出色🤫松鼠大鱸魚 $158一整條魚上枱，夠哂霸氣，都真係好大條，炸到熱辣辣，小心焫親個嘴仔🤭 紅紅嘅糖醋汁下係炸到金黃酥脆嘅魚，師傅已經起哂骨，食落啖啖肉，酸酸甜甜，開胃得嚟又夠惹味👍🏻蔥爆牛肉 $86炒得幾有鑊氣，牛肉肉質嫩滑，幾濃牛味，夾埋啲蔥一齊食，惹味到震，一啖佢一啖飯加多支啤酒，爽啊🤪蝦蛋炒飯 $76份量都幾多，炒到啲飯粒粒分明，夠乾身，恰到好處嘅調味，食落係啱啱好，呢個炒飯睇得出師傅嘅功架😗除咗好食之外，最重要係佢無收加一，你知喇，叫得多嘢食，個加一夠你叫多個餸啦😜

想食片皮鴨 近近哋就去大角咀老掌櫃🦆鐘意呢度選擇多 價錢唔貴 由舊店食到利奧坊新店 一直都多人幫襯 建議預先book位☎️ꕥ 北京填鴨每次去必食 兩個人叫咗半隻 份量好足 跟嘅摩摩皮大約有20塊 配料都係青瓜/京蔥嗰啲基本款 皮夠脆 唔會太肥🦆ꕥ 回窩肉第一次食呢度嘅回窩肉 幾惹味 唔會太辣 送飯一流🍚美中不足係食到底就真係太多油ꕥ 黃金蝦球黃金即係醎蛋黃✨調味啱啱好 唔會食到好漏 最正係蝦球夠大隻 啖啖肉🦐呢度其實好啱一大班人嚟食 不過留意有限時交枱 想食完嘢再慢慢傾計就未必適合

今次就嚟到大角咀搵食，離遠已經見到呢間舖頭排滿晒人，好受街坊歡迎👍🏻佢哋有勁多菜式選擇，不過就淨係收現金，大家要留意返🫶🏻辣子雞丁🐔（$87）入面有雞肉粒，紅辣椒洋蔥。整體唔會辣🙂‍↔️孜然粉味比較重。雞肉係嫩口的🤍呢款應該炸完之後有焗過⚡️片皮鴨🦧（$168）聽講係店舖招牌。啲鴨嘅色水好靚，鴨皮閃令令識發光咁。配埋啲填鴨醬、京蔥、青瓜同埋面皮一齊食好夾~ 京蔥同青瓜可以refill 㗎🤍

呢度特色係食東北菜同上海菜，位置就坐得比較迫，枱同枱之間嘅距離都幾近。😊坐底先知北京填鴨已經賣晒，真係好可惜~ 我哋揀咗另外幾款款招牌菜，第一款係砂鍋雲吞雞，用咗半隻砂鍋雞煮咗一鍋濃郁嘅湯底，湯底入味，雲吞都彈牙，而且份量都好多，可以同3-4個朋友一齊share🍲另外一道菜係蔥爆牛肉，就係將嫩牛肉同蔥一齊爆炒。牛肉質地嫩滑，加埋蔥嘅香味，配白飯食一流！🥩 最後一款係炸銀絲卷，佢係一款小食，炸到外脆內軟，點少少煉奶，作為最後一道甜食結尾🍮

餐廳平日都滿坐，人多一定要訂位。我好彩得兩個人，咁啱有細枱埋單唔洗等咁耐🙈菜品款式豐富，份量都幾大，兩個人叫兩至三樣菜就好夠食🫣值得一贊的是餅皮分量很足夠，不會發生到後面沒有餅皮包片皮鴨的問題👍🏻填鴨全皮的位置夠香夠脆🌟可惜全皮的部分不多🥲大部分是多肉少皮，雖然也香～但阿婆更想吃全是脆皮的片皮鴨🙈這雲吞雞嚇到我了😂半只的量也太大鍋了🔥雞湯有很香的雞肉雞油味道，也有金華火腿的咸香♥️雲吞是全肉的，肉餡調味也剛好👍🏻那半只雞的肉也不會很柴，阿婆表示滿意🌟宮保雞丁有麻辣香味，有點微酸，蠻下飯的👍🏻醬汁稍微稠了一點🙂如果可以沒那麼稠的話，應該會更清爽好吃。炒飯味道很香很濃🔥米飯粒粒分明，料很多♥️炒得清爽不油膩👍🏻如果沒有青豆更好了🤣

山長水遠，嚟到大角咀同朋友慶祝生日北京填鴨（半隻）（跟一份摩摩皮約2 0塊）$168喺香港好少用呢個價錢食到咁大份既北京填鴨新鮮熱辣燒出嚟好香脆可口。酸辣湯麵$52大大碗好足料，好有口感。韭菜豬肉水餃$50（10粒）我覺得呢個水餃，以呢個價錢超級抵食水餃好多肉汁好Juice。平日夜晚都好多客人去食，環境闊落坐得幾舒服所以一定做足準備，要記得book定位。老掌櫃東北菜館 (利奧坊) (大角咀)大角咀嘉善街18號利奧坊地下G708-G709號舖

之前吃過兩次，覺得這間食物大份抵食，今晚9點半才到，不幸地已經沒有了北京田鴨。點了糖醋魚塊、醉雞、酸辣湯面及豆漿。糖醋魚塊大份，醉雞肉質鮮嫩，酸辣湯面的面很多，但酸辣湯的味道可以再濃一些及多一些湯

街坊介紹在奧運站附近開了一間東北菜館，價錢夠平，質素很好，而且一定要試佢地的北京填鴨。😋北京填鴨半隻 $168份量很多，鴨子皮酥脆，肉質鮮嫩多汁，配埋青瓜、大蔥及甜醬，為整道菜增加了層次感，香氣四溢，值得一試！😋韭菜豬肉餃 $50外形飽滿，餡料扎實，肉質細嫩，配上味濃的的韭菜，為餃子增添了獨特的味道，每一口都帶來滿滿的肉汁，令人回味無窮。😋清炒萵荀 $78萵荀新鮮翠綠，非常爽口，美味又有營養，清爽又開胃。

喺出面望落去見到地方闊落 同埋都多小朋友一家大細過嚟 睇個Menu其實一啲都唔貴半隻北京填鴨只係$168我最鍾意北京填鴨皮同埋肉連一齊 出面好多剩係得個皮 少少肉都唔俾 食落去就會好留 但今次加埋肉口感一流，同埋啲皮又薄，可以包晒成碟，正之後叫咗個炸排骨擔擔麵 好鍾意呢種東北風味嘅辣味 以為你仲未返大陸先搵到原來喺香港都有 少少麻好惹味 而家排骨好厚肉 好酥脆最後叫多個拔絲蘋果 其實呢碟嘢整落好花功夫 同埋要趁熱食 比多一碗清水 拔施表皮一落水即刻變脆 咬落去入邊係蘋果 食落去又甜又有蘋果香 香港好多店舖呢個餸製作麻煩都唔整

老掌櫃東北菜館 (奧運)📍：大角咀嘉善街18號利奧坊地下G708-G709號舖🚗：奧運地鐵C1出口 步行5分鐘📞：+852 2572-8366💲：~HKD150/head for dinnerFood quality✔️：北京填鴨 (半隻)、拔絲蘋果👌🏼：熱豆漿、大葱羊肉餡餅總結：😋一間有成三間分店嘅熱門東北菜館 大角咀分店都好大間 但閒日夜晚一直人流不斷 滿座嘅狀態 深受街坊歡迎👏🏼😋幾乎枱枱人都點嘅北京填鴨 睇餐牌時見$168有半隻已經覺得好抵 一上枱出乎我意料地好靚仔 切片嘅鴨份量多 切得好均勻 青瓜🥒京葱條 十幾塊薄身嘅麵皮全部另上 蘸埋蠔油 好食 😋拔絲蘋果係典型京式胡同嘅食物 原理同冰糖葫蘆差唔多 一上枱仲畀埋碗凍水要即刻過冷河 快速冷卻形成外層脆脆嘅拔絲 食落真係好家鄉feel 味道唔係好好食但係回憶嘅舊味道👅🤔大葱羊肉餡餅🫓熱辣辣上枱 一撕開肉汁已經流出嚟 羊肉味重但一啲都唔羶 如果改京葱應該更清新啲 另外至少要叫2件 對我哋呢啲2人行唔太友善🥲🤔豆漿就正常 豆味唔多但勝在無渣同抵飲👍🏼🤔整體食物味道唔係出眾但勝在性價比高 難怪咁多人幫襯 以呢個價錢味道係合格餘多多 好食

之前喺荃灣都食過一次，味道真係幾好，同埋好多人排隊！今次嚟到利奧坊再食，依然係非常之爆滿～餐廳性價比高，我地叫咗五樣餸，都只係三百零蚊🤪食到捧住個肚出嚟！北京填鴨（$168）鴨肉肥瘦均勻，鴨皮脆卜卜！片得都幾薄估唔到半隻嘅份量都咁多，兩至三人食係非常足夠～摩摩皮薄身，放上青瓜、大蔥，點埋醬料一啖咬落去，超有層次感，仲減輕左油膩感蕃茄蛋拉麵（$52）湯底係蕃茄蛋湯，裏面仲有少量蔬菜同豬肉拉麵彈牙，好好味🤤紅油抄手（$50）有十粒大大隻，餡料份量十足～紅油調味加蒜蓉，夠香但唔會好辣！雞絲粉皮（$68）普普通通😂粉皮彈牙，雞絲份量都多～不過麻醬味道太濃，不過不失高力豆沙（$26/2）好鍾意嘅甜品之一👍🏻高力豆沙大大嚿，質感鬆軟，入面d豆沙夠多唔好睇佢糖粉好似好多咁，食落唔會太甜

🍽️抵食高質家鄉菜😋-係大角咀附近返工嘅朋友仔呢晚話約食飯👀 所以㨂咗間佢平日team lunch好鍾意去嘅好抵食專食北京填鴨嘅中菜館🦆-🐥砂窩雲吞雞 $148/半隻因為當晚朋友話要戒口所以冇得食鴨 所以我地轉戰咗另一個出名嘅項目 砂窩雲吞雞😝 一大窩熱辣辣夠哂氣氛😙 佢個半隻雞都唔細 煲完肉質都仲係幾嫩 一推夠可以同骨分開😜 雲吞大大粒都有好多隻 皮薄饀多😎 最正係佢嘅雞味煲哂入去湯底到 飲落好清甜😋-🥟韭菜豬肉餃 $50 (轉煎底+$8)另一個招牌係佢嘅餃子 做咗功課知道佢係行皮比較厚身嘅流派 所以更適合煎嚟食😎 果然冇㨂錯 佢煎完 外皮係焦香嘅金黃色 內饀扎實之餘好多汁 同小籠包有得揮😂 大家記住唔會心急 如果唔係就會好似我地咁差啲淥親🤪-🐄秘製牛奔麵 $52朋友話佢lunch食過牛奔麵都唔錯 係樸實無華嘅comfort food好味道😆 果然冇介紹錯 佢湯底濃得嚟唔會死鹹或者好油膩 佢唔係啲好fancy好有變化嘅湯頭 但係就非常平實穩陣信得過嘅果款味道😂 牛肉同牛根都煮到幾淋 都幾出色😍-🍎拔絲蘋果 $78最後見到甜品竟然有買少見少嘅拔絲甜品當然唔可以錯過啦🤣 上碟嘅時候熱辣辣

之前已經聽朋友講話大角咀有間東北菜館入面既北京填鴨好好食，晚晚都有好多人排隊同預約；咁鍾意食填鴨嘅我又點可以錯過，梗係要過去試吓喇🤣我地食左：👉🏻✨北京填鴨（半隻）✨ $168店內招牌之一既北京填鴨當然係唔少得❣️我哋只系叫左半隻，已經好夠飽；鴨肉肥瘦均勻，鴨皮燒到脆卜卜！每塊都有皮有肉，仲片得幾薄添👍🏻餑餑皮較薄身，放上青瓜🥒大蔥連沾上醬料嘅鴨肉包埋，一啖咬落去，超有層次感，仲唔會覺得好油膩，的確系幾正😋✨京燒羊肉✨ $138孜然粉同羊肉一向都係Perfect match。羊肉🐑好夠腍，唔臊唔嚡啱啱好，惹味之餘又香口🤞🏻✨高力豆沙✨ $13/1個高力豆沙係我妹幾鍾意嘅甜品之－❤️呢度嘅高力豆沙大大嚿，入面d豆沙又夠多，沾上糖粉，質感鬆軟又唔會太甜，正😋✨拔絲蘋果✨ $78上枱嘅時候店員就提醒我哋要將d拔絲蘋果放入涷水「過冷河」，過程幾好玩😆過完冷河之後，包裹住蘋果既糖漿即時變到脆脆哋，食落外脆內軟，口感都幾得意😎既有糖嘅甜味又有蘋果嘅微酸，超好味😋餐廳食物幾高質⭐️價錢亦唔貴😍餸菜仲大大碟添，係多人聚餐嘅好地方👏🏻