老川皇川菜風味館

这个品牌的川菜店，在油麻地砵兰街内已经有多间分店，开业多年，近日开了一间新店，比以前的大又宽阔，座位舒适!金汤酸菜海驴鱼，鱼的份量有1斤，所以食落非常多，鱼肉嫩滑无骨，食落啖啖肉。汤底可以拣辣度，我地拣左微辣，食落酸辣度刚刚好，内有大量酸菜，而且仲有宽粉，吸收左汤嘅味道，更美味!干锅鱼籽，干锅用上小镬送上，再用上小炉热住保温。鱼春有先炸过，鱼籽满满，而且仲有鱼肠，中意食鱼春鱼肠的朋友唔可以放过。由于是干锅的关系，亦用上洋葱、青椒等配菜炒香，食落带有微辣，几香口!烧澳洲珍宝蚝、烧大元贝，佢地嘅重庆风味烧烤都唔错，今次就叫左澳洲珍宝蚝及大元贝。珍宝蚝蚝肉肥美，加上蒜蓉一齐烧，再加入少许辣粉，非常惹味!而大元贝加入粉丝及蒜蓉一齐烧，元贝大粒，味道美味!蕃茄蛋花汤，估唔到咁大盘，2个人饮每人都可以饮到3碗小碗。汤内有蕃茄同埋蛋花，味道带有少少酸味，非常清新，食完浓味野饮返碗可以清清口腔又解腻!…查看更多

柠檬🍋鲜花椒酸菜鱼🐟，小辣啱啱好，鱼肉滑嫩，配埋酸菜，味道鲜甜，仲有啲花椒香，食完真系令人心情好咗好多。🦆香辣鸭唇第一次食鸭唇，好有惊喜，中辣个辣啱啱好，钟意麻辣味嘅朋友一定会钟意。麻香又有啲嚼劲，好爽口。🍬红糖糍杷，每次食川菜都会叫，外脆内软，加埋红糖甜甜地，可以解辣，系甜品中嘅一个好选择。🥢川北凉粉微辣，口感清新，配上特制酱汁，食落去真系好清爽，但个人唔太钟意呢只酸，过酸。🥤另外叫左2杯特饮，又几靓，而且味道都唔错，岩晒食川菜解辣用。呢间川菜价钱唔贵，而且好大碟，食到饱住个肚…查看更多

今晚放工 约咗朋友2个人去咗旺角砵兰街「老川皇」食川菜 好耐之前食过 口痕又想食酸辣鱼 上OpenRice search见到都有几间分店 所以入去试吓有任食青爪 辣萝卜酸菜鱼🐟必点个金汤酸菜海鲈鱼 鱼身肉起晒骨啖啖都系肉 冇什么骨 份量十足 酸度刚刚好 我叫左bb辣 有酸萝卜 有薯粉 朋友仲叫咗碗白饭 一斤嘅鲈 一大碗根本食唔晒 份量好足👍🏻串烧串烧白鳝 串烧猪颈肉串烧韭菜串烧鸡肾串烧金针菇饮品🥤草莓爆珠（少冰） 蜜桃爆珠😋最后仲叫咗个冰粉 冰冰凉凉 同埋糍粑😋😋…查看更多

前一排同朋友去咗呢间老川皇度食川菜，睇落似新装修，座位都几舒适，食物水准中上。呢度有个自助吧畀你斟水，𠮶度仲有啲麻辣青瓜畀你任食，味道唔错。煎韭菜猪肉饺子外皮脆，馅料juicy。麻辣鸡煲用花椒洋葱等配料爆香鸡件，惹味可以用来送饭。另外叫个炒菜，干锅花菜爽脆，带少少焦香，仲有少少咸肥猪肉。饮品推荐百香果水果茶，生果多到好似食紧水果盘，西瓜、火龙果、蓝莓、橙、红莓样样齐，百香果茶底系用新鲜百香果出味唔系用糖浆，唔会死甜。…查看更多

今晚同班friend去咗砵兰街「老川皇」食川菜，其实呢间野系几条街之隔已经有几间分店，好耐之前试过佢其他分店嘅出品，今次黎食整体都仲keep到水准！必点个金汤酸菜海鲈鱼，原条鱼，鱼身肉起晒骨啖啖肉，鱼肉滑溜，另外仲有整个鱼头，份量十足，酸菜汤底够酸辣，个底仲有薯粉！干锅花菜镬气够，仲有个蜡烛仔热住个锅，keep住暖笠笠。凉拌腐竹清爽带微辣，但如果冻啲令到腐皮更加有咬口就再好啲。串烧方面，串烧部分比较似炸物，但鸡全翼、鸡肾、五花肉、猪颈肉同鸡软骨都香口，送啤酒一流。金菇就索晒啲孜然粉味啱晒我口味，但如果钟意真正烧烤风味可能略嫌不足。讲开啤酒，宜家呢度做紧优惠$32枝大青岛，买二送一，所以隔离枱成枱都系酒樽！呢餐整体价钱合理亦满意食物，会再encore！…查看更多