老媽拌麵 (北角匯二期)

营业中

休息中

手機Scan QR code落單，點左椒麻手撕雞拌麵&芝麻薑燒汁豚肉，蜆湯，拌麵，呢兩個（新）晚餐可以各加$30蚊升級做套餐，套餐有前菜，飲品&甜品，再加$24蚊點左香煎蔥抓餅豚肉好腍，無肥豬肉,溏心蛋不比拉麵店遜色，適合口味清淡既人，唯一唔明既係蜆湯我飲唔出蜆味，反而係好鮮甜好香既雞清湯味🤔我唔鍾意飲羅漢果，我唔知，但係屋企人話呢個好讚呢個椒麻手撕雞拌麵好得，首先唔係一味死辣，椒香，麻味有層次,配上呢隻刀削麵，都幾掛汁,手撕雞又入味，好食適合喜歡果味無糖人士，幾清新唔油，唔肥膩，煎得香脆套餐包嘅黑糖珍珠愛玉凍餐廳空間都幾大下，比起同類型餐廳用餐環境舒適，枱與枱之間有一定距離下次可以再黎試其他野

星期六一點前到北角匯，呢間老媽拌麵仲未滿座。裝修幾得意，落地玻璃窗配木條屏風。用手機落單好方便，今次專登試佢兩款招牌飯加甜品。沙朗肉燥飯 ($98)上枱見到五件厚切沙朗舖到滿一滿，驚喜係肉質居然唔韌！咬落有少少筋膜但算易咬開，肉汁鎖得幾好。肉燥係手切豬肉粒嗰種，帶少少肥膏咬口，同台灣食到嘅碎肉燥唔同路數，撈飯夠香但略嫌油咗少少。麻醬手撕雞飯 ($82)雞絲份量比預期少，麻醬掛得唔夠勻循，有啖好濃有啖冇味。雞肉本身夠滑，但凍食加上醬汁收得乾，食到一半要加枱面辣菜脯先夠味。草莓花生雪糕吐司 (+$48)呢個反而有驚喜！蜜糖吐司切到手指咁粗，烘到脆卜卜，襯住雪糕未溶時啪落口，冷熱交織好過癮。花生碎同草莓酸味平衡到甜度，四個人分享都夠食。埋單人均百蚊左右，以商場舖來講算合理。經過見佢午市套餐送飲品都幾抵，下次可能試返招牌拌麵。

今日同好朋友約定傾偈食晚餐。去了北角滙，選了這間台式美食，地方光猛明亮，又大又舒服。我哋點了2人餐加2個小食，3大1細都好夠食好豐富滿足。2人餐包小食、台式特色小食、主食2份、飲品2杯及2份甜品特色小食我哋點了小食拼盤：台式香腸片及蒜片、炸雞、花枝丸主食： 酥炸雞扒配蚵仔肉燥飯、話梅酸汁豬手鍋（這個好惹味好開胃）有紅蘿蔔、白蘿蔔、豬手更有甜品（選了芝士蛋糕、花奶仙草）飲品點了自家製羅漢果海底椰（唔會好甜幾清甜）服務就普通，有一個服務員姐姐幫我哋倒水却倒到枱濕晒，請佢幫忙抹干態度却麻麻地。

只有近門口的3張枱是竉物友善枱如果遲左嚟就有機會要等位台灣牛肉麵正正常常如果以$80-100一碗黎講 份量唔算多但牛筋幾淋幾好食勝在坐位夠闊坐得舒服可以帶竉物嘅台灣菜餐廳唔多呢間仲有竉物打卡位算係唔錯了

在這家專賣台灣食品的餐廳，我試了他們的招牌拌麵。麵條滑順，搭配的醬汁香氣四溢，鹹味和微辣的平衡讓人十分滿意。新鮮的蔬菜和香脆的花生碎增添了口感層次感，使整道菜更為豐富。不過，值得注意的是，份量相對較少，對於大食量的人來說可能不夠滿足。餐廳環境簡潔舒適，服務人員也很熱情，讓人感到放鬆。整體而言，雖然味道出色，但如果能增加份量，會更完美！

知道呢間係 pet friendly 餐廳，附近又有狗狗公園，所以今日行完街街就過嚟試下~日式裝修感覺幾溫暖幾舒適，入到去會有一種家嘅感覺，而且環境大，座位闊落，同朋友傾計都唔怕嘈親隔離。仲有塊大玻璃可以望到出面景色，可惜今日好 full 所以無得坐窗邊位 😋 半筋半肥牛拌麵 ~ 牛嘅油香浸晒落碗湯度，令個湯充滿住濃濃嘅牛肉香味，而且肉質入味，好正~😋 清燉牛筋湯麵 ~ 刀削麵夠彈牙有口感，牛筋炆得好淋，尤其牛筋有豐富嘅骨膠原蛋白質，啱晒女士食用！

#63 老媽拌麵🥹又係介紹台灣野sor，呢間野價錢都算可以(below $100)私房花雕雞拌麵 $78會話有珠玉在前(上個post講嘅「一起食堂」）相比之下呢間野嘅花雕雞唔ok，雞肉太嚡，唔入味，個拌麵汁完全唔夠味太淡，仲要唔夠汁比我撈勻🤡。份量正常賣相：⭐⭐⭐味道：⭐⭐⭐CP值：⭐⭐服務還算可以，但係手機落單都可以上錯野飲🥹🤡，凍飲變熱飲，侍應嘅反應速度都有待提升🙏🏼。另外店入面有$10抽獎活動，可以抽到小食，但係完全冇人講🤡。#Foodporn #Foodie #平民 #小資 #北角美食 #北角

老媽拌麵 北角匯店和牛炸醬拌麵 刀削麵（$84） 7.5/10 拌麵一定係揀粗麵/ 刀削麵先會掛汁係上面。個炸醬既特別之處係用和牛肉碎做既，食落好香而且醬既粉量好足夠。👍🏻拌麵額外仲有雲耳絲、青瓜絲同紅蘿蔔絲，食落清新又唔會好膩😆如果中意食拌麵又唔想太重口味係唔錯既選擇，會再去食🤰🏻

幾年前去過北角呢間老媽拌麵，都無咁差，今晚去簡直大開眼界。呢間嘢係好大一個直升機場「伏伏伏伏伏」。兩個人去，坐低就例牌QR CODE落單，搞一大輪，居然send唔到出去，唯有叫侍應幫手，佢話可能個系統出問題。咁算啦，佢都幫我地落。我地點咗個半筋半肉牛肉麵同香麻豬手肉燥飯，各加廿八蚊變餐有嘢飲同甜品。精彩喇，碗麵唔講佢，普普通通咁，但我個豬手飯，嚟到得三小舊，嚴重發育唔健全咁！仲有個所謂跟餐甜品雪糕，居然係牛奶公司細杯裝！嘩！我頂佢個掣，駛唔駛食水咁深啊？我唔係食唔起貴嘢，但啲嘢同你個餐牌令食客嘅期望，出入好大囉！總之一句，食完成個餐連嗰杯雪糕係唔飽嘅，夠膽死一個咁嘅餐收104。頂！仲要加一！自己落單要收加一，系統唔得浪費時間，未食完又想執走人地啲嘢！個場人又唔夠，叫人叫極都無，服務費俾咗，有咩服務啊？如果齋傳菜、埋單要收服務費，咁駛唔駛我自己入廚房煮埋啊？俾啲咁嘅嘢同服務俾客，超伏！

lunch經過呢頭想試下佢個拌麵簡左個秘製豚肉紅蔥醬油拌麵表面有啲炸蒜油，幾香拌麵底既醬油微甜味道唔重，所以食落覺得有少少淡用既系關廟刀削麵，微微彈牙豚肉就比較可惜，食落有啲乾芭樂檸檬茶唔錯，酸甜清爽

外賣等左多過一個鐘，黎到凍嘅，食左兩啖，入面有隻疑似煮熟左嘅小強⋯ 麻辣手撕雞椒麻拌麵點解會有小強做配菜⋯ $96呢個價錢得一碗麵，又唔係大碗，又唔係好食，對唔對得住食客。台灣知名連鎖過到黎差過街邊檔，仲要開係新商場入面。味道同超市買即食麵拌無分別，黎到一餅嘢咁⋯ 最恐怖係撈撈下、食兩啖、有隻小強有手有腳撩出黎⋯ 認真食物安全問題建議唔好幫襯，隻小強完整一隻。 入得嘢食即係成個廚房嘅嘢食都有可能爬過。噁心至極

叫左個三杯雞得啲殼，腳踭位，雞皮,完全冇肉，店員都說冇辦法，因為係中央控制佢話老闆說其他部分做其他才三杯雞係得呢啲下爛嘢，雞皮，雞骨腳踭，雞殼，雞翼尖斬半，以前真係差好遠，服務冇問題但是食品質素極差，店員都說已經跟老闆反映，但老闆唔聽，佢都叫我幫手去投訴，以前食開都唔會係咁樣，老闆諗縮數，一隻雞嘅做法就係啲肉用嚟做手撕雞，脾位用嚟做花雕雞，其他下攔嘢，雞皮雞骨雞腳踭雞翼尖用嚟做三杯雞，價錢有增冇減！！！！

週末既午餐唔想頹食，所以就黎咗北角呢間老媽拌麵。午市既選擇都幾多，黎到呢度就梗係要試下佢出名既拌麵啦！我同朋友嗌咗私房花雕雞拌麵同台式半筋半肥牛·微辣湯·拌麵我好鐘意佢個微辣湯，其實食落真係唔辣，只係有啲花椒既麻，令再成個拌麵惹味咗好多。牛肉係火鍋肥牛而唔係平時食開果種牛肉跟餐仲可以用$48要草莓花生雪糕吐司，作為飯後甜品一個人食就會好飽，兩個食就啱唔好，味道仲要唔錯，以跟餐價黎講真係CP值好高👍🏻值得一提既係北角分店裝修好靚，坐窗口位仲可以望住北角匯外面既草地同北角海傍，景色咁靚食野都會開心啲🥰

今日第一次食老媽拌麵，去左北角匯入面食，間餐廳嘅裝修風格係落地玻璃，再加少少日式裝修，因為我地早去，所以可以自己揀坐邊，我地揀左玻璃隔離坐，用手機叫左個沙朗肉燥飯同麻醬手撕雞肉燥飯，再加配左個草莓花生雪糕吐司。先講下個沙朗肉燥飯，大概有5至6件沙朗肉，咁都算軟嘅，唔會好靭，肉燥係肉粒果種，唔係東坡肉切粒果種。個麻醬手撕雞份量比較少同埋唔多麻醬，所以比較乾同埋唔夠味。以味道同價錢黎講，呢間嘅2個肉燥飯都好似茶木所以我比較埋個甜品，佢個雪糕吐司係午餐+$48，有一球大雪糕同6條蜜糖吐司，再加啲士多啤梨、藍莓同花生碎。份量好夠同好脆，呢個價錢算幾抵食😋

同朋友係北角匯睇完戲，又未到晚飯時間，於是就落咗樓下商場食個下午茶坐下☕️週末嘅北角匯都幾多人，朋友話見到老媽拌麵嘅下午茶都幾吸引，種類幾多，所以就算要等一陣位我哋都照等等⋯⋯餐廳裝修好舒服，座位又唔會好迫，落哋玻璃對碼頭個邊景色，真係好啱同朋友嚟傾吓坐吓🉐🉐入到去我哋坐左係窗邊梳化位置，望住窗外嘅景色嚟食真係份外relax!!我哋揀咗一個湯麵、一個蛋餅SHARE食·台式原味蛋餅（豬肉鬆）配沙拉肉鬆唔算多但勝在餡料好足，加入蕃茄同生菜，口感非常好豐富。·酥炸脆雞排湯麵揀咗川味刀削麵，湯底好香辣，雞扒鬆脆唔會只得炸粉，以下午茶來說份量尚算可以，只係刀削麵略嫌未夠口感。·熱帶水果茶天氣凍凍地，想叫杯好飲但又唔會好甜嘅飲品，所以揀咗佢花茶系列裡面嘅熱帶水果茶。嚟到真係熱辣辣，好香甜嘅水果味。水果有蘋果、士多啤梨、菠蘿同藍莓，配埋茶底酸酸甜甜咁，又暖又醒胃。