因为想揾一间养生又有新鲜海鲜既地方庆祝朋友既小聚，所以我就黎到旺角新开既养生餐厅——老四云城轩。环境舒服，吾会太迫，气氛轻松，最重要系菜式有心思，食得健康之余又有惊喜。😄.蒜蓉鲜虾荷叶蒸饭 $68招牌之一，开边虾上面铺满蒜蓉，视觉已经吸引。虾肉鲜嫩弹牙，蒜蓉带来香气但吾抢味；荷叶香渗入米饭，饭粒吸满虾汁同蒜香，口感湿润又有层次，$68黎讲真系抵食。每一口都有海鲜既鲜甜同蒜香既温柔结合。🦐🌿.龙趸酸菜米线 $88真系第一次见龙趸酸辣米线，餐厅每日落单买最新鲜既海鲜，龙趸肉大大块，咬落去好实净有弹性，完全食到鲜味。汤底酸辣得岩岩好，开胃但吾会盖过鱼既鲜；米线滑身有弹性，同大块鱼肉一齐食，好有满足感。对于中意海鲜同重口味既朋友，呢碗真系有惊喜。🐟🔥.盐香鸡翼 $28外皮香炸到微微起脆，入面仲保持多汁，咸香味够而且均匀，作为小食或者配饭都好正。每只鸡翼都炸到金黄色🍗😋.手撕鸡 $58手撕鸡伴住油洋葱丝、芹菜丝、红萝卜丝、青瓜丝，口感好有层次：鸡肉嫩滑，配菜爽脆，油香提升整体风味，加上香辣既调味，食落有少少刺激但好开胃。非常适合想食清爽又有味道既选择。🥗🔥,奶茶 +$5；手打鸭屎香柠檬茶 +$9（套餐优惠价）奶茶顺滑，甜度控制得好，做埋饭后既收尾刚好。手打鸭屎香柠檬茶香柑橘味突出，带住清香既果皮味，两样饮品做套餐加少少钱好抵饮🍵🍋…查看更多
