老厝邊

营业中

休息中

香港很多食肆經營困難，不過亦有些逆市奇葩，眼看這間由大角咀開始的台灣小店，逐漸在香港發展了四間分店，想必食物質素不錯，今天便專程來看過究竟。下午茶：迷你牛三寶麵$52，油菜、冬瓜茶加燒仙草。迷你牛三寶麵內有牛腱、牛筋和牛肚，三者都很軟腍可口，麵質爽口彈牙，湯底味道濃郁。生菜份量適中，爽脆可口。冬瓜茶甜度適中，燒仙草爽口彈牙。下午茶：大腸麵線細份，花雕醉雞三片、冬瓜茶加椰果、愛玉。大腸麵線是正宗台灣味道，麵線軟腍可口，大腸清潔得很乾淨，邪惡又美味。花雕醉雞酒香肉嫩，作為小食一流。冬瓜茶加上愛玉和椰果之後，顏色變得淺了很多，味道不變，椰果帶點嚼勁，愛玉爽滑可口。肉鬆皮蛋豆腐$40，肉鬆帶起了皮蛋和豆腐的味道層次，是台式小食的佼佼者。台式蒜片香腸$38，台式香腸已經切片，方便進食，加上表面的懷疑、蒜片、和蔥絲，味道層次豐富，蒜片亦可以減少油膩感。

老厝邊佐敦上海街86號地舖經開佐敦，老友推介地道台式餐廳，環境舒適有驚喜，尋找台灣的味道！😽經典滷味大拼盤配料有鹵水豬大腸、鹵水豆腐、鹵水豬耳、鹵水蛋和海帶，口感煙韌、爽口、入味。面層加了辣椒和芫茜提升層次，醬汁鹹度適中，古早風味，大滿足！🤤香炸魷魚即叫即炸，炸油新鮮，香脆煙韌，調味恰到好處，好邪惡！😋起司肉鬆蛋餅大廚即叫即製，蛋餅皮薄餡靚，起司肉鬆惹味，一口一件，趁熱食好正，食到中段加醬汁提升層次，推薦！😻百香蜂蜜綠茶茶膽清香，百香果味香濃，酸酸甜甜，冰底夠凍，飲完好舒暢。😋蜂蜜烏龍香甜蜂蜜夠滋潤，烏龍茶膽夠香濃，少甜少冰啱啱好。😁老厝邊 環境舒適，食材新鮮，台灣古早味，侍應服務態度好，還會再來。😎🤘🏻

Weekday Dinner 充滿台灣特色的裝潢，牆身掛著台灣景點相片，有一種台灣古早味道。超濃芋泥肉鬆起司蛋餅 $44即叫即製，蛋餅皮薄脆，中間以雞蛋、芋泥、肉鬆及拉絲起司作為餡料，每一口都很滿足，鹹甜鹹甜，推薦。三杯雞蔥油乾拌麵 $58三杯雞肉入味嫩滑，幼身拌麵加入香氣撲鼻的蔥油，是滿足的主食選擇。大腸麵線（大） $45大腸麵線有驚喜，像是在台灣吃到的味道，味道濃郁，有不少大腸，足料有水準。珍珠鐵觀音奶茶 $26鐵觀音茶香與奶味比例剛剛好，加上煙靭珍珠，很不錯。凍蜂蜜檸檬愛玉 $24愛玉QQ彈彈，配搭蜂蜜及檸檬，味道酸酸甜甜，清新解膩。

同朋友行完裕華既台灣展，就好掛住台灣嘢食，搵到附近有間好性價比既台式小店，我哋樣樣都想食🤣太多選擇，又有小食。超濃芋泥起司蛋餅第一次食呢個配搭，估唔到原來芋泥都可以同肉鬆咁夾！一咬落去好香軟，芋泥就爆出黎，仲有陣陣芝士🧀味，推薦👍🏽大腸麵線（大）都幾大碗，份量好足，麵線好多，每啖食落都有蒜香，大腸份量都幾多，而且好肥美😋好有台灣風味海陸炸物拼盤佢咩都有啲，鹽酥雞、魷魚、花枝丸、甜不辣、四季豆、玉米筍，滿滿一盤，炸到好香脆，食完點都要飲杯珍珠奶茶先圓滿，好滿足既一個晚餐😊

. #哈比四圍食 #佐敦 #佐敦美食🐮 招牌牛三寶麵 $86一次過試晒牛展、牛筋、牛肚，份量都好多，牛展超好切但淋而入味，湯底滿滿嘅牛香，麵質適中🥢 香蔥油乾拌麵 $42呢碗都好抵食，四十幾蚊鬆啲，大大碗麵，而且蔥油味確係好香，調味又惹味🥚 芝士肉鬆蛋餅 $40爆滿嘅芝士每件到有拉絲效果，配埋超多肉鬆，淨係呢個蛋餅都可以好飽肚🐔 塔香鹽酥雞 $40新鮮炸起熱辣辣脆卜卜，炸粉又唔會好厚，肉質都嫩，每粒都均勻沾滿調味粉➡️ 老厝邊 (佐敦)佐敦上海街86號地舖

黎到佐敦呢頭搵野食, 想食個間無開之下就唯有搵第2間, 見呢間環境OK又有位就入去試下了睇完menu 揀左雞扒滷肉大碗公, 醉雞試下啦雞扒滷肉飯, 見到比較失望既...  (POOR) $58一見到滷肉真係太少了... 應該係出黎食野以黎最少滷肉既一次... 見到都嚇親...拼返哂出黎都只係得幾舊... 一個正常size 既飯得呢個份量既滷肉真係少得誇張...雞扒既味道係正常既, SIZE 正常, 不過有D飯有D係好林, 有D就係正常口感叫疌熟D,令到出現左2種口感.... 唔知點解可以一碗飯會咁...醉雞 (OK) $48份量同口感算係OK,肉質未算最滑個種但OK, 不過唔夠酒味...因為無飲品跟食物, 要另外叫,最後$22 蜂蜜綠茶, 味道正常不過不失啦呢餐加埋都已經~$120了... 另服務就正常態度~總結黎講.. 醉雞算係可以接受, 但雞扒滷肉飯真係比較失望.... 滷肉同飯既口感都係唔OK...

📍 老厝邊（佐敦）每次經過依一間台灣店，其實都已經好想入去食🥢一入到去裝修已經好有台灣風氣，而且啲食物質素都好地道，果然係台灣之小店👍✨ 三杯雞扒煎蛋飯雞扒外層輕輕煎過，食落好香口，一咬落去好Juicy，不過塊雞扒勁重量，最鍾意都係佢個醬，用佢個醬撈飯勁正🥢配咗小食-{九層塔手抓餅}香口有蔥味，即叫即製• 熱辣辣而且用料十足🫶🏻✨ 紅蔥油雞肉飯望落去一啲都唔吸引，但係紅蔥油撈埋雞肉，特別易入口😍配咗小食-｛炸物拼盤｝有花枝丸同埋地瓜，都係台灣出名小食😊✨ 麻醬雞肉粉皮粉皮夠薄而且口感爽口~上面鋪滿哂雞絲，麻醬同花生醬，夠哂惹味加上有清爽嘅青瓜絲•可以平衡翻成個前菜嘅感覺~✨ 起司肉鬆蛋餅現點現煎，熱騰騰的蛋餅配芝士，果然係最棒～蛋餅很軟Q，邊邊帶點微脆，比起麵香，蛋香味更濃郁，而裡頭的肉鬆放的很大方🥚✨ 烏龍奶茶這款奶茶奶味濃郁亦有烏龍茶的回甘味。甜度沒有太甜更重要的是它選用了台灣種植的茶葉☘️✨ 古早味冬瓜茶顛覆傳統甜膩的冬瓜茶加上滿滿的配料 👍清爽解渴又有飽足感！

｛食盡佐敦之台式 — 老厝邊 ｝————————————————去旅行大家可能好鍾意返日本，但係間唔中都會懷念起台灣食物嘅台灣味道， 而我今日係行街諗食晚餐食咩既時候，就諗起台灣嘢喇！ 🔸滷排骨滷肉飯 $64 本身想單食佢個滷肉飯，又想散叫排骨，但係又驚食唔曬🤨所以呢個餐就滿足曬我嘅要求喇！ 一嚟到真係畀佢手掌咁大嘅滷排骨驚親呀🤣佢嘅外皮炸得黎有滷肉既味道， 好鍾意佢有唔同嘅配菜包括係白菜，半隻蛋，仲有啲芽菜， 感覺健康d🤗 🔸半筋半肉麵 $78 佢有紅燒湯 麻辣湯 同埋蔥油乾拌麵可以揀， 我就揀返紅燒湯啦， 一啖湯一啖牛肉， 啲牛好似食極都有，尤其是係牛筋，好似有成五六塊😂， 滿滿骨膠原 🔸 薯餅起司蛋餅 $38 其實食一人一碗嘢都已經好飽㗎喇，但又拒絕唔到起司蛋餅，而且佢既薯餅都煎得好香口，既邪惡又美味呀！🥸 Overall comment: 店內應該有幾位店員都係台灣人，聽住佢地講野就特別有台灣味道🤣，餐廳主要以2人或4人位為主，得閒經過可以一試哦！

因為最近好想飲下台式飲品 ，揀左揀咗間台式料理店食個晚餐：通常台式料理嘅 滷肉飯蛋餅都比較油膩 ， 雖然呢間餐廳招牌菜係蛋餅， 因為唔想食得咁肥膩，所以想揀餐牌入面比較清淡嘅菜式，估唔到，佢有藥膳粉麵，好養生好有驚喜❤️👉🏻 藥燉排骨湯米粉：呢碗排骨湯米粉真係燉得arm arm 好，排骨湯濃郁，米粉又Q彈，入口滑嫩， 而且藥膳湯底都有好多杞子，藥材味唔算好濃， 好容易入口 令人回味無窮🐰🐰🐰👉🏻 茉莉奶綠：茉莉奶綠清新香濃，茶香與奶味完美結合，清涼解渴，叫左微甜少冰，同埋佢有奶嘅茶品都用鮮奶，very good🐰🐰🐰

佐敦人氣台式餐廳，主打多款性價比高嘅台灣美食，經典飯麵、夜市小食、特色飲品樣樣有齊，就連個名都充滿台灣風味，依家港九新界都有分店，鍾意食台灣菜嘅唔好錯過～ 夏日之選有三絲麻醬涼麵，混合青瓜、雞蛋絲同火腿，麵條軟硬度適中，冰冰涼涼，混合邪惡麻醬，十分開胃，建議可以額外添加醬汁，雖然好肥但食落真係好過癮🤣私心推介三杯雞排蔥油拌麵，麵條同涼麵大同小異，相比起會更黏同鹹，上面放上兩大塊雞，肉質嫩滑可口，啖啖肉，外皮夠香，份量十足，值得一試。飯類有香噴噴炸雞排大碗公，包含粟米、芽菜、蛋同少量蔬菜。炸雞切開為四大件，外層炸至酥脆，肉質同樣嫩，味道調得唔錯，唔會死鹹但又有少少香氣，唔夠食嘅可以選擇多飯。小食方面要咗個香酥炸排骨，大件夾抵食，炸法同雞一樣，只不過換咗款肉，調味亦係一樣，感覺比較重複，下次會叫其他款色試試。

去開佐敦做嘢，經過上海街有間老厝邊，之前一直好想食呢間台灣菜，原來呢到開咗分店，一步進店有台式風味嘅橫裝。價錢唔貴，款式多樣化。 下午茶時段都係$42起😍 雞蔥油拌麵 ，蔥香十足，雞肉嫩滑一d都唔鞋，麵身幼滑彈牙😋醉雞卷，有淡淡的花雕酒香，入口啖啖肉，肉質嫩滑👍烏龍鮮草奶茶， 茶香奶滑😋仲想食埋蛋餅，牛肉麵，鹵肉飯，大腸線麵，甜不辣，台灣腸，手抓餅等等😋下次要同朋友一齊嚟食share可以食多🤩

我今日放工後，約同好友去位於佐敦上海街86號地舖的老厝邊食台式菜，環境舒適，有懷舊的裝潢，坐得舒服。我點左個大碗公飯配台式三杯杏鮑菇 $52，小食係花雕醉雞 $48；好友點左個 大碗公飯配黑椒杏鮑菇片$52，小食係麻醬雞絲粉皮 $48。店員將2個大碗公飯端上抬時，特別告知左邊那個是台式三杯杏鮑菇，右邊那個是黑椒杏鮑菇；兩個大碗公飯看起來是差不多款色，望真下就分得出，黑椒杏鮑菇是黑椒較多和較深色，當然亦是較辣；三杯杏鮑菇則較為淺色，少少的黑椒是調味作用。杏跑菇煎得入味，菇質結實有咬口，好味道；花雕醉雞賣相不錯，雞肉嫩滑入味；麻醬雞絲粉皮好味。

🔹️今日到佐敦“老厝邊” 食牛肉麵🐮🍜🥢店內装修明亮整潔, 食物多款式選擇🤔 店員友善、高效率👩🏻‍💼👩🏻‍💼 價錢親民💰🔸️花雕醉雞🐔雞肉鮮嫩幼滑滲入香濃花雕酒, 味道香醇撲鼻👍🔸️蒜蓉時蔬🥬以濃郁蒜蓉燙小棠菜, 鮮嫩爽脆😊🔸️半筋半肉麵🐮🍜以軟腍牛筋和爽口牛, 充滿牛肉香, 加上煙煙韌韌台灣麵配紅燒汁湯底 ～ 滋味也😋🔸️蔥油香煎雞排大碗公🐔🍲以鮮香蔥油香煎兩大件滑嫩雞排, 還有栗米粒、大荳芽、小棠菜和滷蛋配飯, 份量大滿足呀🤗🔸️炸物小拼盤🥘小拼盤以煙韌Q彈甜不辣和爽口滋味花枝丸🥢🔸️仙草凍鮮奶🧋清香仙草味, 鮮奶綿滑, 另點加了煙韌椰果, 口感充實🤤🔸️鐵觀音奶茶🧋鐵觀音配順滑牛奶, 入口的濃郁奶滑茶香👍

原來老厝邊係佐敦都有分店，位置都幾方便。炸雞排沙茶面雞排好大塊，就算切開左都見到好厚肉，外皮脆口，肉質仲係好juicy。浸左係湯到都唔會淋曬。沙茶面食落帶D微辣同微甜，配上油面，又唔會索曬水，好食。香煎雞扒滷肉飯雞扒同埋好大扒，而且好多配料，有滷蛋，有豆芽，有菜等等，係好飽肚既一個飯。雞扒預先有調味，所以食落唔洗醬汁已經好夠味。跟餐加左個炸物小拼盤，有花枝丸，甜不辣，2樣都係我鐘意食既! 而且跟餐價好抵食。蜂蜜烏龍唔會太甜，幾解渴。推介芋頭鮮奶，就算熱飲都好飲，芋頭好綿滑!

位置都算方便，距離九龍站同油麻地站都唔遠麻醬雞絲粉皮$48雞肉份量唔少，粉皮有薄有厚，食落去有口感，醬汁唔係屬於杰撻撻嗰一隻，仲有少少醋味，味道唔錯。紅燒半根半肉牛肉麵 $78有三大嚿厚切牛腱，肉質淋得嚟唔會散，牛根有爽有淋嘅位置，非常入味。成碗麵最好食係個蘿蔔，鮮甜同吸晒牛肉湯嘅精華。香蔥油乾拌麵$42有大量生菜係面，唔使另外嗌菜嚟食。份量好大碗，麵如果可以硬身少少嘅話會好的。下次嗌嘅時候可以要求下。