翡翠冰室

呢个舖位前身系由细食到大嘅兰香园，所以一踏入呢个舖位迎面感觉系无限唏嘘。标准早餐沙嗲牛面炒蛋多士热奶茶少奶，碗面上枱第一感觉系，哗，做乜咁多汤呀？！沙爹牛汁和开基本上已经系淡晒，牛肉观感系碎牛，不过夹起，咦？都尚算完整㖞。入口软硬适中有咬劲，亦都有辣味不过沙嗲味就真系少，可能都系因为太多汤啦。面身偏硬唔淋，钟意爽面嘅朋友应该会like.成碗面整体算系中品，要汤嘅比例少番先可以食到佢沙牛既真面目。炒蛋多士份量非常之足, 呢个要不过个奶茶嘅茶味就比较淡…查看更多

前身系兰香园，由细食到大，到转左尼间翡翠，开铺我觉得都ok架，但都系愈做愈差，d人态度差，见到当见唔到，又落错单，落漏单，又唔识落单都有都常见，味道又上上落落有时会咸得滞，又有时会淡得滞，搞唔掂😂今日叫下佢地写住招牌黄金厚西多，咁餐牌又冇wo，咪问员工咩价钱，员工：咪上面上粉咩咩咩…我打断地问几钱，先讲：咪同果个差唔多价（指住翡翠奶华西多士），咁咪要啦，落左2个餐冇落西多士，叫佢落返啦，咁好啦出到尼同个图样唔同咪问一问，佢地员工话系佢黎，咁算啦照食，但系好难食又话招牌，连个边都唔脆，睇到块包好似浸到变成鸡蛋方包😂我自己整仲好食，好肯定既就系唔会再叫佢地黎食…查看更多

琴日叫热奶茶 入口鞋到唔知点形容 个底仲要有茶叶系度 普通茶餐厅水准既奶茶都达唔到😠之前仲要比我见到佢地整跌外卖热饮杯盖执返起扮冇嘢 有几个人见到叫佢唔要咋 唔系既话大家一齐饮病毒落肚架喇今日叫鲜什菌牛肉汤饭加冻饮 送到上黎冇嘢饮都算 外卖姐姐收完钱即走 入到去打开hi比个鲜茄汤我仲要冇白饭 我50蚊饮碗番茄汤??打翻落去问两次 两次都cut我线🤬听电话个个真系好冇礼貌解释又冇😡道歉又冇😡比钱仲要搞到谷鬼气😡不推荐任何人再去食…查看更多

早几日lunch time经过呢间冰室，见到门口既早餐menu几抵同好有弹性，肠仔火腿鸡蛋烟肉餐肉可以任转，跟餐多士转奶油同奶酱多都唔驶加钱👍就决定揾日返工前过黎试下～我叫左沙爹牛米配煎蛋同奶油多，热斋啡～米粉比较粗身，份量超多！沙爹牛个汁几浓郁，带少少辣，味道唔差，但啲牛就有点韧～煎蛋俾左两只，面头有啲胡椒，水准正常～奶油多系厚身既，外层几脆，不过炼奶搽得有点hea，系晒中间所以好多流左落个碟度 (虽然我都明白唔多餐厅真系平均咁搽，so far我心目中只系得两间🙈)斋啡味道偏酸，亦唔太香咖啡味，都几一般般估唔到佢开系呢个位置平日8点零都keep住全场坐满人😅 但系几抵同多选择，食多几次都唔会厌，可以一试～(btw茶餐厅嚟讲呢度服务都几好几有礼貌又唔会催你，抵赞👍)…查看更多