更多
2025-05-25
0 浏览
自從翠華平民化之後,間中我都會去吓佢啲分店食吓,今次假日嚟試吓佢嘅午餐。話就話平民化,但係而家嘅常餐仍然高達$68 ,咁我就叫返佢嘅普通午餐,包括一個鐵板黑椒豬扒,一個海南雞飯,同一個四寶湯河。但整體嚟講呢個午餐嘅質素相當一般。首先係呢個鐵板豬扒,佢係包咗湯同嘢飲,薯菜可以改飯或者意粉。首先嚟到嘅份量,以豬扒嚟講相當少,豬扒切得好薄,只有兩塊,加埋上邊為數不多嘅薯菜,其實作為一個$78嘅午餐係相當昂貴。至於海南雞飯就仲衰,啲雞望落去又乾又嚡,食落口都係。不過佢總算跟咗甜豉油同老火湯。最後講吓個四保湯河,價錢表面上唔貴,但湯同河粉都冇乜味,春卷好似有浸陳皮味,我哋就唔係太鍾意。最後要提吓呢度係有分店內外區,店外雖然係商場範圍,但係冇乜冷氣,真係會食到成身汗。
話就話平民化,但係而家嘅常餐仍然高達$68 ,咁我就叫返佢嘅普通午餐,包括一個鐵板黑椒豬扒,一個海南雞飯,同一個四寶湯河。
但整體嚟講呢個午餐嘅質素相當一般。
首先係呢個鐵板豬扒,佢係包咗湯同嘢飲,薯菜可以改飯或者意粉。首先嚟到嘅份量,以豬扒嚟講相當少,豬扒切得好薄,只有兩塊,加埋上邊為數不多嘅薯菜,其實作為一個$78嘅午餐係相當昂貴。
至於海南雞飯就仲衰,啲雞望落去又乾又嚡,食落口都係。不過佢總算跟咗甜豉油同老火湯。
最後講吓個四保湯河,價錢表面上唔貴,但湯同河粉都冇乜味,春卷好似有浸陳皮味,我哋就唔係太鍾意。
最後要提吓呢度係有分店內外區,店外雖然係商場範圍,但係冇乜冷氣,真係會食到成身汗。
张贴