翠華餐廳 (欣榮商場)

营业中

休息中

食個早餐嗻，叫杯茶走都唔識落，出又出錯。又話煉奶要加錢，轉頭又話唔使，點搞吖大佬。講返個B餐，牛肉得3塊，係咪下次要講“碎上”？個豬仔包細到呢，一啖食得晒，改名叫乳豬包，或者豬胎包都得。附近大把選擇，就咁。

今天來土瓜灣辦事，在翠華胡亂叫了個午餐【紅酒洋蔥脆皮雞意粉】。餐廳頗大，但侍應人少，明顯人手不足，提供餐具洗的不乾淨，換了餐具，還是要自己出去盛杯熱水洗一下餐具。食物水平不行，餐湯只是微溫，可能是怕人客燙傷。雞也是微溫，味道尚可，意粉是常溫🤣🤣。最正常是餐凍檸茶，有冰的，凍的。盛惠港幣62元。

由于赶时间，先吃点东西就要马上起行。走到欣荣花园的翠华解决。由于是周日，也要在店外等了几分钟才可安排。店外有宣传他们新推出素食口味，属于健康饮食。每张桌子的玻璃下面都有餐单，涵盖了大部分东西。吃一个传统的港式早餐，沙爹牛肉公仔面的份量确实不少，沙爹汁恰到好处，汤香浓又不咸。虽然牛肉的口感一般的，但我仍是把汤喝到一滴不留。炒蛋和面包都有水准，面包软熟，加热后再搽一点牛油，与咖啡是很好的搭配。埋单是39元，价格不贵，性价比算高。

黎翠華食冰鎮菠蘿油是必須的今次決定試吓新野就係傳統茶餐廳必備之選：瑞士雞翼撈公仔麵😎瑞士雞翼入味的！唔會剩係得個色！ 肉質淋，唔鞋！ 再配一杯熱奶茶！正！ 依家啲茶餐廳嘅奶茶成日都好細杯...呢度嘅份量比到驚喜我！呢個係下午茶餐嚟，經濟又實惠！$50有找👍🏻

聽朋友食過兩間翠華都無得堂食菠蘿油，而我家附近正好菠蘿油餐點。真是身在福中！而且這家還可以在店外買外賣菠蘿油！本身佢嘅菠蘿包都真係好挻身，又香外皮夠脆但不會太乾身，包身又夠軟，真不錯！我認為下午茶來個菠蘿油餐夾奶茶真是個享受，而且這間的座位都好舒適，一個人坐也不用搭枱。我估由於現在無了學生上學，又很多home office。今次我試其他野食：沙爹牛肉河但我鐘意配公仔面🍜，所以我同個姐姐講沙爹牛肉河轉面。點知，來到的是鹼水麵。個配搭好奇怪⋯⋯但個沙爹肥牛是好味的🥳！所以我第二次再接再厲叫它！我還特登同姐姐講轉公仔面🍜但還是來了鹼水麵！我很失望呀⋯⋯我念在它其他野食都不錯奶茶也ok!所以俾多次機會它！

話說今晚堂食放寬， 由六點改到九點。 咁耐冇出街食晚飯， 當然想趁住呢個機會出去食飯。 因為真係唔知食咩好所以就揀咗翠華， 同埋都真係好耐冇幫襯。我揀咗豬扒焗飯， 見佢有兩隻手指公諗住一定好食啦。 點知飯完全無味，又乾又硬。D汁仲恐怖， 唔知點解又係冇味。豬扒味道似白烚，非常伏的感覺老公揀左燒春雞套餐，又係難食到嘔。飯好乾，大佬都加D汁吖點食呀雞又係完全無味。 見到隔離有一位男士都係叫咗呢個餐， 走嘅時候又係淨返勁多 所以應該唔係我哋嘅問題餐湯係羅宋湯， 見到晚上已經唔想食。 水汪汪只感覺到有辣味。我哋食到一半已經覺得好叻 😭146蚊 都唔知食咗啲乜垃圾落肚， 永遠冇下次

星期五一人午餐第一次試食 瑞士汁牛肉炒河，衹覺太多芡汁及太油膩，凍奶茶都唔太好飲，咁嘅價錢俾啲咁嘅質素，此餐廳水準大跌，為何翠華會變成咁?! 太失望，冇下次，不快的回憶~

從素食嘅朋友口中得知，近年有隻新「豬肉🐷」叫做Omnipork，以全植物性材料所製成，味道、質感都可以同真嘅免治豬肉媲美，而卡路里同飽和脂肪仲低啲添🥗！食齋再唔局限於三色齋，而呢種新潮流亦普及至連鎖茶餐廳，登陸翠華😛呢日同媽媽嚟到翠華撐枱腳，見到用Omnipork整成嘅兩款新菜式，就決定每人試一隻。未來肉碎煎蛋飯（$45）首先將Omnipork同白菌粒、甘筍粒、西芹粒、香草等等炒香，撈埋番茄、茄醬同煮，整成肉醬。肉醬相當入味，配上半生熟煎蛋，篤穿蛋黃撈埋蛋汁同肉醬一齊送飯，勁惹味！新豬肉芝味焗意粉（$49）呢個新豬肉芝味焗意粉外貌同肉醬意粉無異😳同普通肉醬一樣，Omnipork整成嘅肉醬同芝士都係perfect match。同意粉一齊焗好後熱辣辣，帶點焦香嘅芝士可以拉絲，惹味至極✨兩款配以Omnipork新豬肉嘅菜式都無減真豬肉嘅味道同質感，更加健康，又啱素食者食，價錢仲幾相宜添，不妨一試呀🤪Menu:

翠華在土瓜灣區是最早開，別無選擇，就來吃早餐，要了沙爹牛肉麵餐$37。沙爹牛肉麵，牛肉比較少，沙爹味都可以。炒蛋有夠嫩滑而且有蛋味。脆豬外脆內軟，多一點牛油更好。熱鴛鴦茶味道一般，算是合格。

午餐時段如果有事要做但肚子又餓，去茶餐廳食就最好不過喇，因為快靚正搵咗位見餐牌有個至潮米線餐唔駛諗即叫啦！睇下點潮法先個名咁長既～～～鹿兒島風豬軟骨 拼 至潮魚蛋米線豬軟骨好入味又林。。。正魚蛋大大粒好彈牙加埋杯 冰凍奶茶真爽呀！

一早嚟食早餐叫咗沙爹牛肉麵b再加特式早餐。特色早餐係羅宋湯螺絲粉，啲螺絲粉浸咗幾日咁樣淋pat pat，羅宋湯就辣到阿媽都唔認得真係麻麻地。b餐沙爹牛肉麵一貫水準很好味👍

公司三文治非常足料,上菜又快,廚房無得了彈!唯ㄧ係D樓面。。。除咗ㄧ個較為後生的女waitress 係Ok之外,差唔多全店D樓面都係越叫越走,明明無理由聽唔倒你叫佢落單,但都要扮聽唔倒!個個揾個脊對住你,特登行開又有,企埋ㄧ堆傾計又有,見倒塊面時唔係黒口黑面態度差爆就係木口木面。。。係咪公司無糧出呢?以為平時夜晚9點後去可能佢哋做咗成日攰啦所以先係咁，今日下午茶時間去都係咁？！真係好離譜!(除咗個後生女侍應同廚房外)本來係好好味,但去食又要睇面色。。。真係食得唔係好開心。

今天五點起床早起，咁早附近都未開，而最早只有翠華，便等到六點就去到。我㨂了沙爹牛肉麵餐$37。沙爹牛肉麵，牛肉有點靭，沙爹味十足。煎蛋有蛋味。脆豬外脆內軟，讚。熱鴛鴦茶味比咖啡味濃，如果再多一點咖啡味更好。

放假起身已經十二點已經沒有早餐，但係又吾想食炒粉麵，翠華就有其他特色小食，例如公司三文治配薯條，魚柳包，招牌魚蛋河都是必食食物，奶茶記得叫（茶走）即是加鍊奶，飲上黎好香好滑

沙爹牛肉麵 +炒滑蛋+牛油豬仔包+熱咖啡 基本上呢個早餐配搭都不會出錯！ 但沙爹牛有小小普通，味道可以，但沒有特別好味！ 反而 豬仔包幾好，夠脆！ 滑蛋略嫌淡味左小小！ 熱咖啡比出面茶餐廳高質！ 可惜這間翠華的冷氣不夠，有些位仲要係擺左幾部風扇係度吹，我地幾個都覺得一路食早餐都有點熱！