翠苑甜品專家 (波斯富街)

今晚得闲去翠苑食糖水，到嘅时间比较夜，啲伙记就唔睬唔睬，态度好差。决定买啲返去食，叫咗杨枝甘露同椰汁西米露，返到去打开之后，点知椰汁西米露竟然变坏咗，直头食唔到落口，成阵酸宿味！仅仅食咗一啖，就即刻吐返出嚟！唔好讲服务问题，连品质同味道都差到极！！！杨枝甘露淡到好似食紧纸皮，近排直头系断崖式水！今日单嘢离谱到爆炸，椰汁西米露酸过坑渠水！黑心店当客系人肉提款机，游客嚟到实吓到弹三丈！！呢啲害群之马，简直系香港美食界之耻！！天有眼就快啲收档啦！！！💢💢💢💢🔥…查看更多

天气冻特别想食中式糖水去到铜锣湾大家都会谂起嘅糖水老店，Order左🥄姜汁炖鲜奶(热)姜汁味够浓，又滑又香嘅炖奶，可以用甜品最高嘅评价黎形容，唔系好甜😂价钱合理🥄杨枝甘露(冻)足料杨枝甘露，用大大粒西米，大量芒果，新鲜芒果打汁，不过就偏甜，食咗几啖已经好漏😅平时我最钟意食腐竹鸡蛋、合桃露等，其他较传统嘅中式糖水，推荐畀大家…查看更多

见到介绍，翠苑系做传统糖水起家，今日喺铜锣湾经过就试吓。叫咗一个桑寄生莲子茶$25，店员好快手，一落单唔使2分钟就有。桑寄生莲子茶，唔系间间糖水舖都有，见到颜色比较深色，以为桑寄生味会好浓郁，但点知，味道系劲淡，好似沟咗好多水咁，令人失望。糖水入面有好多莲子同百合，仲有红枣，莲子都大大粒，但系桑寄生味太淡，完全唔觉得自己食紧桑寄生。店员态度正常，埋单都有讲多谢，不过呢个糖水质素，就唔会想再帮衬。…查看更多

想落单，店员完全无视客人。落两碗嘢要落完一碗先至再落另外一碗。仲要俾个店员闹返转头。完全无视客人。店员态度极差。下次吾会再去尼间餐厅食野，态度垃圾，食物垃圾😡😡😡…查看更多

假日来到铜锣湾行街，行到累见到有间甜水铺入去试下先😊餐厅好近Time Square 时代广埸，环境新净，光线充足，很多游客来食⭐️木瓜杏仁炖银耳份量很足，有3大块木瓜，木瓜很清甜，银耳爽口，糖水吾会太过甜，岩岩好，饮完成个人都好润🥰⭐️润肺杏仁蛋白杏仁茶无咩杏仁味。。好吾掂。。好似沟得太多水，唯一可取之处系蛋白够滑，有口感，但杏仁茶真系麻麻地。。下次可以skip, 试下第二样糖水😅😅整体来讲，虽然蛋白杏仁茶麻麻地，但价钱好抵食 ， 如果来食糖水试下其他会较好😂…查看更多