翠園 (黃大仙中心北館)

同屋企人食父親節飯，順便慶祝爺爺生日十幾個人包咗房▶️ 幸運生日金豬先上生日乳豬🐷好有儀式感▶️ 翡翠蝦仁象拔蚌底部西蘭花咬落清脆🥦蝦仁味道唔錯▶️ 脆皮鮮奶百花球炸粉較厚，遍油膩▶️ 翡翠玉環瑤柱脯底部係BB幼苗，上面係瑤柱釀冬瓜冬瓜夠熟，唔會太硬芡汁重但味道相對清淡▶️ 竹笙海皇燴仿翅呢個湯味道唔錯，入面有啲粉絲同竹笙▶️ 鮑魚汁花菇扣鵝掌花菇夠香，朔盡鮑魚汁▶️ 清蒸沙巴花尾斑大大條多肉🐟肉質順滑，唔多骨▶️ 當紅一品脆燒雞燒雞厚肉，唔係骨慘慘雞皮亦燒得香脆🐔不過肉質偏嚡▶️ 金腿帶子粒炒飯炒得幾有鑊氣又唔鹹主要有蛋同芥蘭🍚反而食唔出帶子仲帶少少薑味▶️ 甫魚乾燒伊麵伊麵彈牙，唔會太硬不過如果多啲其他配料會豐富啲▶️ 百年鴻運露好滋補嘅紅棗蓮子雪耳糖水▶️ 添福添壽蟠桃中式生日唔少得‘Pat pat’包包夠軟熟🍑蓮蓉還好-食物味道有啲水準，始終屬美心旗下份量超大，相片中為4-5人份最後食唔晒要打包粉麵😀環境服務正常價錢方面，大概$600/人…查看更多

中午時間到場，人都可以直接入去食，但食物價錢偏貴。同埋職員會成日趕你走咁樣，好似茶餐廳😂😂 應該冇必要唔會再去，食物質素都係一般水平。。我相信黃大仙仲有其他選擇。…查看更多

今日難得有多少少時間 特登同同事過咗嚟黃大仙北館呢邊嘅翠苑飲茶食飯 好彩我哋都預先book咗位 唔使等幾耐大概5分鐘就已經有得入 我哋2條友求其叫咗個龍蝦伊麵 一個燒腩仔 同個牛肉腸粉 三樣嘢食都OK唔錯 保持應有水準…查看更多

這間翠園在黃大仙區算得上是飲茶及中式晚飯的好地方，入門口即見有擺滿洋酒的透明酒櫃，看起來相當高級，環境舒適，整潔衛生，空間感足夠，較一般酒樓寧靜，令人心曠神怡，侍應服務態度不錯。價錢相當合理，款式眾多，點心即叫即蒸，精緻美味，品種多變化，品質有水準。叫了九款點心，包括陳皮牛肉球、甫魚滑燒賣、棉花雞、潮州粉果、花膠瑤柱灌湯餃、鮮蝦菜苗餃、叉燒腸粉、蝦餃、流沙奶皇包，合共500元，價錢相當合理。灌湯餃的餃皮做得很薄，湯汁味道很好，餡料亦都很足，很有滿足感。叉燒腸粉的叉燒切到粒粒分明，腸粉亦很滑。特別推介鮮蝦菜苗餃和蝦餃，皮薄餡靚，棉花雞份量亦相當多，整體食物質素穩定，性價比高，值得一試。…查看更多

早前到過尖沙咀翠園晚飯，覺得服務同食物嘅質素都不錯！剛好有屋企人生日，本以為同一品牌，就算唔同地區 都應該唔會有太大的差異，便訂了 黃大仙北館嘅翠園，點知 原來是差到無朋友😭😭剛到步時，都沒有什麼差，唔知是否因為我拒絕要「餐前小食」，該女服務員嘅態度就有所不同。點菜時，好似街市買餸咁要大聲講唔係由服務員拿着落單的手機到枱前幫客人落單的要服務員「沖水」時，佢完全當聽唔到☹️☹️之後佢話「我有叫你等等，你聽唔到咩！😡😡借問聲這樣嘅服務態度，怪不得香港人都唔留港消費啦！真的希望有關嘅管理層應該要認真處理一下！…查看更多

滿地垃圾無人清潔食物最基本要求夠*熱*咁簡單但這間翠園都未能做到我叫的點心有牛肉*只有微温*蝦腸*粉皮是偏硬*因唔夠熱 萝白糕 *微温×义燒飯*＞飯只有微温*只能差評不會再幫襯:(…查看更多

第一次寫食評，因為個經理實在語出驚人，我實在不敢相信我耳朵！今天是9月27日。去黃大仙翠園食晚餐。如其他網民所指，叫呢樣又無，叫果樣又無，叫左，個餸又遲遲都唔黎。不重複類似經歷。叫樓面呀姐跟進過三四次。呀姐聽到客人話有餸未黎，竟然毫不緊張，唔係話「立即幫你跟一跟！」，而係一副I don’t care的模樣，仲懷疑你係咪真係有叫過呢個餸。兩個唔同呀姐都係咁既態度。第三個呀姐話，漏左，而家幫你落返！由於已經花了不少等待時間，並已食完其他餸，所以我地唔想重新落單。然後第三個呀姐叫經理黎。經理得悉有遺漏情況，我地表達想埋單，不重新落單。經理竟然向廚房方向大叫：「喂！又唔要喇！煮熟左都唔好拎出黎！」真係笑死！不敢相信我聽左既野！煮熟左都唔好拎出黎？！😆係咪所有員工夾埋，博執粒？！🤭…查看更多

同屋企人黎食晚餐，本來屋企老人家鍾意黎飲茶，所以就習慣性黎食。啱啱落完單，過一陣就上左一碟雞，之後等左半個鐘都無人理我地，一碟菜都無，第一次反映嗰陣，嘅侍應敷衍我，扮左一下同廚房講，唔夠一秒就話講左，然後就搪塞左過去。過左一個鐘以後我又投訴多次，同佢地講你唔上菜我就走；佢見我態度堅硬，就真係叫經理去跟進，但態度極差，得到嘅回應只係：唔知，我已經講左比廚房聽，我幫唔到你㗎啦。當然，過左陣先有多一碟極其惡劣嘅餸。服務人員態度完全惡劣，敷衍了事，不知所謂，不斷用廚房做唔切為藉口。服務差，食物質素差，價錢就貴。一係就請多幾個人，唔好搵我地呢啲顧客買單。…查看更多

每星期都陪家中長老去呢度黃大仙翠園👈🏻飲茶 🫖啲嘢食都幾貴 碟碟都至少 三、四十蚊起錶 冇辦法啦 因為長者🧓👵唔行得遠、貪佢近 點知個個星期職員都幫佢嘅熟客罷住呢兩張檯😤😤 事關所有檯都貼檯 想坐張闊少少🤏冇 今時今日 去少少貴地方飲茶都要咁受委屈 職員幫熟客沖一壺熱水放定係檯 扮有人坐低左 次次一早去到 佢啲熟客未到 已經擺壺熱水 係度 但其實佢嗰熟客未到 過多一、二小時度 佢熟客就慢條斯理咁行入嚟… 今時今日連飲茶🫖都要比職員擺住位唔比人坐 先講服務態度其實啲大媽都係一般般？二來咁樣情況個個週末重覆發生？有檯冇人都話有人坐 佢覺得人哋係傻的嗎？飲茶🫖預先幫人罷位 係咪涉及收受罷位錢？就冇從證實 🤔😓…查看更多

服務真係唔掂囉！我哋入坐後佢哋就放低左兩碟前菜，之後我地發現唔係好岩我哋食，就好客氣咁問可唔可以唔要我哋冇食過，跟住個姐姐就講唔要就早啲出聲，你哋冇食過我都掉咗佢，態度好差。我就講咁你放低過陣有冇問過我地要唔要先 ，佢就好不滿咁攞走左 ！講到野食得個叉燒係唔錯，龍蝦伊麵隻龍蝦肉質比較淋感覺唔新鮮咁。個扁皮鴨佢哋連埋隻髀一齊上，我都係第一次咁食😂個鴨皮係淋晒既，個包皮係凍既，因為佢哋一早就上左個皮隻鴨都未到😔其他就一般啦，不過我個人就覺得唔太好食，應該唔會有下次。…查看更多

生日來個早茶先食物味道不錯 環境舒適 餐具精美 用手機點餐非常方便 點了四個點心 薑蔥牛柏葉 咖喱土魷 咖哩汁醬剛剛好 放耐咗都不會杰身 鮮蝦炸腐皮卷 脆口 鮮蝦彈牙 鮮蝦菜苗餃 皮略嫌厚整體坐得舒服 環境亁淨 歎茶好地方…查看更多

今日11月20號，下午12點。我們一家人去黃大仙中心北館翠園飲茶。十一點幾遙距拎飛，十二點鐘已經到達門口。等了半個鐘頭，不停見到六個、五個、四個人客不停入座，我們只有詢問門口接待阿姐。阿姐答有就有 、冇就繼續等，一副佛系嘅態度對答我們，唯有繼續等！又等咗半個鐘頭啦，都係得一個等字！我們再追問去，四眼經理終於走出嚟話跟一跟！再等多陣，之後大約一點鬆d，四眼經理帶我們去坐一張疑似六人圓枱， 大家當堂啞咗！啱啱隔離有五個人，都坐緊一張六人嘅長枱，此情此境，情何以堪！最後，受唔到四眼經理嘅晦氣態度，一家人唯有離開！…查看更多

老友聚舊吹水，黃大仙找地方落腳，就可去去翠園食吧！紙包雞：正常雞味出！椒鹽九肚魚：魚炸得好好，皮脆同夠薄，香口！蝦多士：香口，蝦味出！魚肚牛腩煲：魚肚同牛腩炆得好軟，入味！蟹肉伊麵：蟹肉多！魚蛋湯：魚蛋大大粒，湯清聽甜出魚味！整體環境適合大家老友吹水聚聚！…查看更多

諗住商場抽獎有優惠券，所以帶媽咪去試下點知伏到咩咁，服務態度差，又唔係滿座，但安排門口第1張枱比我地，問佢地又唔比轉枱 仲要態度差，仲要員工推車會撞到櫈既，再問佢地轉枱 哦完走左去冇理8:40落單，9:20就叫我埋單，唔講以為你好多客等位，定夠鐘關門，點知2樣都唔係咁既服務同去左茶餐廳差唔多:(但係服務費茶芥加埋都100蚊衛生差，一路食一路趕烏蠅食品質素非常差蟹籽蟹肉燴伊麵--完全無味，一上菜就出晒水，改名叫湯伊麵好過畔塘炆米鴨--蓮藕淋到阿婆都食到，鴨無味肉質差到好似煲湯渣金沙倉魚球--唯一有味既餸，鹹蛋味 其餘冇特別，唔算好乾身…查看更多

在疫情禁堂食底下，我們是了不少餐廳外賣，這間黃大仙翠園，是我們會翻炒會繼續叫的一間餐廳。我們在OpenRice app叫了四人套餐，有四個飯，四個湯，三個餸。湯有海皇羹和有花膠仿翅，我們叫過兩次，試過兩樣，發現海皇羹更加值得叫。因為花膠那一個湯好似漿糊咁芡汁豆粉比較多。餸菜方面，叉燒一定要叫，整得半肥瘦，醬汁調校很好，沒有太甜，而且容易入口，最重要的是不像其他中餐廳只有10嚿叉燒，反而真的是足夠四人份量。蔥爆雞丁不錯，豆豉汁帶超雞的惹味。豆腐粒就睇吓你鍾唔鍾意食豆腐鹹魚味。…查看更多