翠園 (新城市廣場一期)

张枱明明唔喺厕所门口，都喺啲通风位度飘啲厕所味出嚟，请问仲边有胃口食嘢呢？从未讲唔系净系单单胃口同味道嘅问题，而系卫生嘅问题。同个经理讲，佢话冇啊边有姐，跟住唔礼貌咁耸耸肩觉得我好似傻仔咁。我话系做服务业直程系连做人嘅基本礼貌都冇。然后我再上返嚟睇睇食评，原来呢度大家留嘅劣评都系真嘅。如果系好食嘅话价钱贵等得来都完全唔系问题，但呢度确实嘢唔好食、价钱贵，然后俾咗钱都仲要俾人不礼貌咁对待。求其揾一间屋村酒楼都好过佢。真心，以后都唔会再嚟呢度食。…查看更多

同长辈嘅家庭聚会离不开都系食中餐，虽然我两个阿姨喺外国返嚟，但系今次系庆祝我老豆生日，所以都系去食中餐，中餐都冇乜特别地方多选择，来来去去都系酒楼冇乜特别。我想讲每次去翠园食饭庆祝，每次都系叫一围，首先想讲有时有啲信用卡优惠，叫餐食都几抵食，同埋每一碟都几大碟。我想讲佢哋啲烧鸡好好食，之后呢乳猪仔都唔错，佢有时啲汤都几好饮，我最钟意系食佢哋个鸭脚，真系好鬼大只。最紧要啲服务员姐姐个个都好好礼貌招呼都几好…查看更多

星期日午市约两点半入座，初初都好惊最喜爱的蜜汁叉烧王已经沽清。皇天不负有心人，庆幸食到远近驰名，手切透光叉烧，足以媲美某烧烤集团嘅簿切牛舌，除开每片都系十蚊左右，非常抵食😋其他点心都中规中矩，唯没有蜜汁叉烧王咁突出，令人一试难忘。😙可能已经接近四点准备落场，枱上面嘅吉碟吉笼堆积如同集团的寿司铺仍未有人清理，等我仲以为电脑系统坏咗，埋单前会有职员前来数碟。好彩隔离枱埋单后仍然杯盘狼藉，可以腾出些微空间借来放少少碗碟，否则迟来的点心可能要再等一阵先有空间降落。😉…查看更多

平时来翠园多数是午市饮茶﹐今次同朋友来食晚饭﹐我们六人﹐叫了一个套餐﹐质素很好﹐龙虾海斑套餐﹐个上汤龙虾焗伊面好好食﹐只龙虾够大肉质弹牙﹐份量足够六人。条鱼清蒸花尾斑﹐中等大细﹐肉质够滑。脆烧鸡半只﹐肉质够腍﹐表皮脆脆卜。紫米露糖水不太甜﹐唯一美中不足是不够热﹐已经摊冻了。其他炆鹅掌和倣翅都好食。另外再加了两个小菜。当天晚上人流不算太多﹐服务员数量一般﹐见到他们都忙过不停。今餐都算抵食﹐每人平均$250﹐值得推荐。…查看更多

【沙田区】【翠园】又系同两位上司食饭嘅时间，喺沙田饮茶，唔错。新城市广场一期嘅高层就系被美心集团啲酒楼霸咗咁嘅，今次嚟嘅系翠园。反正都系 share 食，我用价钱嚟划分食物。一开始讲嘅系后尾先叫而卖 $39 嘅中点「鲜虾炸云吞」，味道同卖相都颇为一般，失望。跟住 $44 嘅大点有「叉烧酥」、「咖喱炆土鱿」、「蚝皇鲜竹卷」、「甫鱼滑烧卖」，都唔算好特别，只系好正常水准嘅点心。而 $50 嘅特点「北菇棉花鸡」就够晒热，蒸得都 okay 不过几贵吓。反而 $72 有份细嘅例牌「烧鹅」又唔差，起码唔算好细份先。其他仲有 $45 嘅「叉烧肠粉」同 $68 嘅「花菇红烧豆腐」，都可以啦。然后张单仲有 $54 系三位嘅「茶/开水」，饮个普洱连加一都成廿蚊位。埋单价 total 就 $554.4，都系情理之中，我反而觉得呢度最大嘅特色系有推车仔点心、煎糕等童年回忆环节。。。（地址：沙田沙田正街18-19号新城市广场一期8楼801A号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #翠园 #新城市广场 #鲜虾炸云吞 #叉烧酥 #咖喱炆土鱿 #蚝皇鲜竹卷 #甫鱼滑烧卖 #北菇棉花鸡 #烧鹅 #叉烧肠粉 #花菇红烧豆腐 #1am1610 #1ambackup…查看更多