群記牛肉圓豬手

粉嶺群記嘅豬手米係我美味推介😋佢哋嘅豬手炆得非常入味，肉質軟嫩帶啲彈性，皮脂爽滑而且唔會油膩，真係令人口齒留香。湯底清甜鮮美，帶有濃郁嘅肉香味，但唔會太重口味。環境方面，群記係典型嘅街坊小店，乾淨整潔，店員服務親切自然，落單同上菜都幾快捷。價錢親民，絕對抵食🙂總括嚟講，粉嶺群記嘅豬手麵係一碗充滿傳統及美味嘅美食，無論係想懷舊定係想試啲真材實料，都係唔錯嘅選擇。你準備好約埋朋友一齊去試吓未？😋🍜美食能容天下事😋🍜…查看更多

坐巴士嚟到粉嶺聯和墟，無理由唔去群記牛肉圓豬手食番碗牛肉丸豬手既。下午時段到店，客似雲來，剛好比我揾到張空枱坐低，一坐低店員就送上一碟辣椒醬，我就即刻點咗淨細手淨細丸。淨細丸有8粒，牛丸爽彈，有牛味，湯底唔錯，淨細手有6，7舊，多數啖啖肉，肉香口感唔差。整體滿意。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

在粉嶺的聯和墟，有一家頗具人氣的小店——群記豬手。每當我經過，總能見到長長的隊伍，吸引著不少食客慕名而來。這裡的豬手以其獨特的味道而聞名，讓人忍不住想一試究竟。這裡的豬手口感滑嫩，肉質鮮美，，令人食指大動，搭配米粉十分合適。難怪吸引咁多食客排隊都要食到依碗豬手米！真心好食！不過，這裡的環境就略顯不足。店內沒有冷氣，炎熱的天氣讓人感到些許不適。儘管如此，許多食客仍然願意等候，足見其豬手的受歡迎程度。…查看更多

住粉嶺嗰時，其實冇乜幫襯，搬咗去馬鞍山，反而去多咗，原因呢？連我自己都唔知！每次食完都會外賣1斤牛丸，放係雪櫃冰格，得閒攞出嚟慢慢嘆！佢哋十分窩心，會比埋幾小包秘製辣椒醬你，自己煮都可以食到原味道！今日收早去聯和墟街市探朋友，順路又去食番餐😋兩點幾唔洗等位，細豬手米粉+淨牛丸，坐低幾分鐘全部送到！辣椒醬配豬手，所有回憶返晒嚟！最愛嘅牛丸保持水準，不枉此行👍🏼👍🏼是日消費：豬手米(細)$44 淨牛丸(細)$37 共$81…查看更多

粉嶺聯和墟“群記牛肉圓豬手”是經歷半個世紀還屹立不倒的一間簡陋小餐廳，這裡以其新鮮且美味的豬手和牛圓而聞名。一進門，您會被那一大鍋滿滿的豬生所吸引，看起來新鮮且多汁，這是餐廳的招牌之一。今天有幸再品尝到了兩道令人印象深刻的佳肴：白鹵水豬手和牛肉丸米粉。首先，白鹵水豬手的呈現令人垂涎。豬手經過精心鹵制，肉質酥軟，皮層富含膠質，入口即化。鹵水的香味滲透至每一丝肉纖維，搭配上蔥花和香菜，不僅提升了香气，更增添了層次感。旁邊的辣椒醬為這道菜提供了額外的辣味選擇，使得整體風味更加豐富。接著是牛肉丸米粉，牛肉丸彈性十足，肉質鮮美，每一顆都飽含著濃郁的肉汁。米粉細滑，吸收了湯底的精華，口感細膩。湯底清澈，味道鮮美，與牛肉丸的濃郁相得益彰。蔥花和辣椒醬的點綴，讓這道米粉更加誘人。這兩道菜不僅展現了食材的新鮮，更體現了廚師對傳統烹飪技藝的精湛掌握。無論是作為正餐還是小吃，都能讓人感受到美食帶來的愉悅。…查看更多

行完山出黎聽講好多人食就試下豬手我冇食評論唔到所謂爽滑牛丸驟眼睇有10粒左右，完全冇牛肉味，冇肉汁，唔知食緊乜肉，好鹹食唔哂，出面連鎖店牛丸都好食過佢，唔好食多都冇用啦...麵口感正常，但係個湯都好鹹菜正常不得不提服務態度，成間野冇一個人有好面色，當然都唔會有禮貌，冇一樣野好食唔知佢地憑乜咁串3碗粉1碟菜承惠$163個人覺得對唔住條脷....fd1食完話大受打擊，fd2食完話永不錄用😂…查看更多

粉嶺既聯和墟都係一個我曾經做野成日會黎搵食既地方呢個地方都算幾多選擇雖然好多舖頭好快開完又執執完又開但都仲有好多幾有名既舖頭存在係度老婆就話要去食呢間群記豬手話係開業左幾十年好似話同大埔執左既群記無關係既見網上成日都話要排晒隊去食呢個暑假星期六兩點幾就直入群記就真係好老式粉麵店既舖面多人時間應該要搭檯而且入面仲係無冷氣暑假黎到係比較辛苦既檯面無餐牌然後坐低無耐就會有小二問你要咩兩頭望都係得牆身上面幾隻字其實就睇唔明有麵定無麵後面又寫粉麵13蚊總之就叫左碗牛腩粗麵一碗豬手米仲有碗細牛丸四方檯夠大張擺晒係完全無問題呢度仲有樣話好出名既辣油就係出面自己拎佢已經分好晒細細碟擺係度豬手米我地就無叫到大定細比錢果時計番個價錢就應該係大黎既47蚊同牛腩一樣好大份舖滿晒成個碗豬手完全唔靭唔會炆到淋晒仲好有咬口 膠質都豐富唔多骨咁係幾好食既不過我地落完單之後見有唔少人想入黎食豬手門口侍應個個都彈番句無晒豬手啦三點半再黎啦但係之後又見到有人可以買到wor有傾有講果隻即係熟客就留比你生客就下輪先有牛腩粗比較碎同有膏位不過份量都一樣多腩汁好惹味咁個辣油個味太過出我覺得會蓋過晒所有野仲有碗淨牛丸上網睇就係同細牛丸麵同價淨牛丸既話會多幾粒話係自家制但就唔係彈牙比較實果隻感覺普通我覺得傳承係牛方面就出色過呢度太多黎呢度都係食番豬手比較好如果覺得太寡既話牛腩都還可以牛丸就唔洗特登黎試粉麵都係配菜正常無咩特別八月三十幾度食野又未話會熱死入面都有風扇吹麵都唔算好熱還可以接受到環境比想像中算好些少檯面就無單去櫃檯比錢果時都係睇你檯面有d咩三樣野加埋129都食得幾飽豬手同牛腩份量都多牛丸都有八粒咁我覺得都算抵食唔洗排隊又有豬手既話係值得一試既侍應對我態度就無咩差既都係聽到熟客有得食豬手生客要等呢度就kick kick地姐…查看更多

群記的其實一直都好有名氣，當日去到都係排哂隊，好彩剛好入左一輪客，所以唔洗等十分鐘都入到座。出名豬手米豬手唔係齋骨，都好多肉咬，而且味度唔係重，亦無騷味，肉質煙韌牛丸勝在丸量多，味道不錯，彈牙稱唔上，不過都是值得點的配料麵得韌度剛她，我覺得出色過米粉全店靈魂辣椒醬，會令人上癮的味，用黎點肉定加落湯麵都即時令其升華，如果唔太食到米線店小辣，其實應該頂唔順，有啲可惜！可惜今次叫唔到炸圈，如果唔係應該更加滿足。…查看更多

第一次到這個墟，不知道這裡有什麼美食較為出名，於是便從網上看看網友有什麼美食介紹。結果便到了這間「群記」，這間出名食「牛丸」和「豬手」。沒想到，2點多到達，店員話要等到3:30pm先再有豬手賣。於是我們大約3:40pm便再到店舖，排了一陣間便可以入座😌。店內裝潢仍保留着40年老店的裝修色彩。我們點了一份細豬手面和一碗淨牛丸。首先試了一口湯「豬骨湯」。很好👍🏻味！之前便試馳名的「豬手」！果然！本身並不是豬手愛好者的我，一看豬手白白的，並沒有抱任何期望下食這一口！嘩！好好👍🏻食！豬肉燉得好林，但豬皮卻依然保存彈牙煙靭嘅口感。肉也好入味。我真係好耐沒食過咁好味的豬手！真的超乎預期！難怪，我離開時，大約4:05pm…付款完畢後，便已經聽到👂🏻職員話「豬手賣光」啦！因此，我先立即睇手錶，先記得4:05pm….心諗，咁快便賣完？我再望望店舖的營業時間。嘩！11-5pm…..真係好厲害👍🏻！勁！…查看更多

群記豬手呢間舖，真係令我有啲疑惑喎。🤔🐷話說佢係粉嶺嘅名物，成日見到大排長龍，仲要經常賣斷市。🚶‍♂️🚶‍♀️🚶 睇落好似好出名咁，但係我就真係唔明點解咁多人慕名而來。😕首先講豬手啦，應該係主打嚟㗎？但係食落去味道好淡喎！🥱 完全冇我想像中嘅香濃味道，真係有啲失望。😞再講五香卷，我覺得又偏鹹咗喎。🧂😫 食完真係成個人好鹹㗎！至於牛丸，真係好普通嘅。🥩🤷‍♂️ 街邊隨便一間牛丸檔都差唔多咁嘅水準。最慘係個環境仲要坐得好迫。😓🏠 周圍都係人，根本就冇私人空間，食得好唔舒服。仲有啲店員態度比較粗魯，真係令人食得唔太開心。😠🙅‍♂️老實講，我真係唔明點解咁多人慕名而來。🤷‍♀️❓ 可能我嘅口味同大眾有啲唔同？定係我去嗰日佢哋發揮失常呢？🤔總之我覺得食過一次就夠啦，真係唔會再幫襯。🙅‍♂️🚫 相比起要大排長龍，仲要可能買唔到嘢食，我寧願去第二間好過啦！如果你都係慕名而來嘅遊客，我建議你都係諗下先啦。💭🤔 粉嶺仲有好多其他好食嘅餐廳㗎，何必要浪費時間喺呢度呢？希望群記豬手可以改善吓佢哋嘅問題啦，咁先可以對得住佢哋嘅名聲啊！🙏💪 但係喺未改善之前，我諗我都係唔會再去喇！👋😅…查看更多

屹立粉嶺多年嘅老字號麵店，一直都想黎朝聖，但係唔知咩原因從未踏出第一步，直至一次同朋友路過就入左去。 環境方面係會令到大家坐得親密少少，富有香港舊式鄰里關係嘅情懷。 豬手同肉丸都出名嘅，所以就叫左豬手肉丸米粉。另外都想試下炸卷，可惜兩點幾已經賣曬（當日係平日），想試嘅朋友可能要早少少去。 整體黎講有一種懷舊嘅感覺，味道方面好似無咩焦點，又唔係唔好食，但係好似講唔出有啲咩深刻印象咁。辣椒油幾香，同舊式魚蛋粉舖頭嗰啲差唔多。 總括黎講係不過不失同埋港式懷舊風味。…查看更多

以前得閒經開都會過嚟食豬手米粉 每次去到都係坐滿人不論任何時候 亦有唔少人外賣最近依幾次過嚟咁啱都冇開門 今日過嚟終於有開門啦今次冇選擇喺堂食，因為book咗枱食飯，所以即刻要買返兩碗外賣返屋企宵夜食😚 味道同以往一樣都好好味 唔會話好肥，亦唔會話太瘦湯底好似比以前鹹咗少少 或者可能看耐咗少少，所以佢鹹左辣椒油係配豬手必備嘅調味料 辣椒油比起其他舖頭鹹少少，但係亦都唔太差下次再去幫襯嘅時候要食返米粉 豬手配米粉，再加少少辣油係絕配…查看更多

朋友帶左我去粉嶺，話有間豬手好食，咁就去試下la一坐低，就一人一碟辣椒油，嗌左豬手撈粗同牛丸牛腩米豬手好淋，撈粗好食，牛丸同牛腩都唔錯辣椒油好香，唔食得辣嘅我都忍唔住再refill🤤…查看更多

開心今日下午陽光普照，和熙的陽光，微涼的清風，蔚藍的天空，帶我到了聯和墟。景致依舊，在肚皮有限的空間下，我想念群記豬手。就心動即行動，好好品嚐一下。藉當日依稀的印象在聯和墟市間穿梭，在小巷中再到群就。。。已時下午三時。。。決定豪食一次要牛家鄉炸卷及大碗凈豬手。。。要係好嘢，就會特別搶手。。一聲賣哂，欲哭無淚，只能好好細嚼豬手了。當然對我來說，群記另一名物是其辣椒油，佢哋自家製，超香辣度適中，與豬手極夾。…查看更多

淨牛丸無咩特別唔算彈牙只係覺得湯甜炸卷腐皮包住鹹牛肉腐皮脆口牛肉多汁值得一試豬手麵豬手味出色唔會太韌爽口彈牙白烚都好有味道米粉普通湯底加辣椒油一流群記牛肉圓豬手 (粉嶺)粉嶺聯和墟聯昌街5號豐景樓地舖…查看更多