美蘭廚房

呢间餐厅已经喺social media有好多人介绍过，主打都系食叉烧饭！所以今次夜晚嘅时候就过咗嚟呢度买外卖返屋企食！一定要试吓嘅就当然系美国秘制叉烧饭啦，系暗然销魂饭嘅改良版！上面加咗自家制嘅葱油，呢度嘅葱油捞饭真系非常之惹味！叉烧肉都好好食，肥瘦适中，而且好有咬口！加埋上面嘅太阳蛋真系滋味十足！…查看更多

第一次去未开门，第二次去食物未准备好，今次第三次去终于食到。坦白讲，冇想像中咁神，可能之前睇D介绍实在有D夸张，影响咗对佢嘅期望，而且份量偏少。如果唔讲系自家制作嘅鸭蛋面，真心食唔出，味道只能说正常、普通or冇特别。汤偏淡口，但如果真系冇加味精或鸡粉，系OK嘅！油渣脆卜卜，冇猪油膱味，喜欢食脆渣值得一试！辣菜脯有辣和小辣，我拣咗小辣，辣椒粉味太重，可以改良吓。唔知点解有两旧叉烧，不过唔送好过送，比D汤浸到好淡，不过肉质系Ok嘅。下次再去会试叉蛋饭，因为见到D葱油好似唔错。…查看更多

睇完苹果介绍，我又钟意食猪油渣面，所以一试，但系地点距离地铁远，经过好多食肆先至会到达,在大热天时，个人好容易动摇.终于去到排队俾钱, 好彩去得早, 唔驶等好耐就有得食,买飞𠮶阵𠮶个阿姐已经话起码要等30分钟至一个钟头，又唔可以退钱,我已经打定个底嗌咗要等好耐,好彩唔系等咗好耐就已经有得食,想赞佢真系冇味精,个叉烧饭都几好食。猪油渣面，我以前成日喺深水埗食，觉得深水埗啲猪油渣面好污糟,但呢间我就觉得好好好干净，佢唯一个缺点就系猪油渣真系少，我嗌一个细嘅猪油渣面得四粒猪油渣,个碗又好细个，我建议如果想去食一定要大碗…查看更多

鸭肉翅有惊喜🎈超足料够火喉，用心整出来既食物绝对好食👍🏻老板娘仲送咗醉鸡翼同鹌鹑蛋俾我试食😎都好好食，好入味。真系唔到food court 都揾到美食而绝对唔hea,下次一定会再帮衬👍🏻慢慢试埋其他野…查看更多

今日试咗新开美兰厨房猪油渣面&麻酱牛柏叶，啲面系自家制，口感一流. 汤底好清甜....值得一赞就系佢啲辣菜甫同埋椒油👍🏻...麻酱牛柏叶都非常好食，牛柏叶非常爽口，同佢哋个麻酱绝配. 一定会再去🥳…查看更多