美胃餐室

5-10-2025（Sun）晏昼同老公唔清月饼住，出去食晏，食边间？我谂起呢间嘅叉烧，于是走嚟，我哋嚟到时都重有位，坐低后店员即送上两碗例汤，我哋睇menu，就快可落单时，店员又要因有一组4人嘅客人入嚟，而要我哋调位，呢种情况上次都发生喺我哋身上（上次食评系2024年10月6日提交嘅呢篇：https://www.openrice.com/zh/hongkong/review/%E5%87%BA%E8%89%B2%E5%8F%89%E7%87%92%E5%8F%AF%E5%AA%B2%E7%BE%8E%E7%87%92%E8%87%98%E8%88%96-e5714207）。转完枱，落完单，我哋就饮汤先，一饮就系甜，睇见系绿色嘅瓜同鸡脚，唔知系咪合掌瓜。4.3分而我哋要咗：2. $56.00嘅常餐叉烧忌廉汤意配火腿，双太阳蛋同牛油多士睇见叉烧系全瘦，应该都唔会好食，但当老公食完佢嘅份量后到我食时，觉得佢虽然系全瘦，但唔系好干好柴𠮶只，重有啲嚼头，蜜汁味道就当然冇乜。而其他嘢都正常冇问题。3.4分3. 叫套餐加$9.00嘅抹茶红豆冰睇见都几多红豆，饮落味道几好唔太甜，红豆都腍晒，唔错。5分1. $36.00嘅蜂蜜叉烧脆脆猪由于我唔太饿，所以见到呢个就觉得好啱我，睇见叉烧颜色好靓，切开睇，佢重有沙律菜，食落，呢个叉烧虽然都系瘦，但蜜味够，肉质又弹又juicy，好味。个脆脆猪都脆嘅。4.5分抵食系2.7分…查看更多

「坝王蜂蜜叉烧饭」意想不到这家茶餐厅的烧腊食品又颇OK!! 叉烧饭份量超级十足，满满十片又美味，老板娘表示，只要有要求，”瘦叉、半肥瘦、全肥叉烧”都可以满足食客，大家只要在下单时注明，厨师会依照您的要求安排，另加$3即可享受指定热饮，不过热奶茶有待改进。此外，「粗粒黑椒猪扒什菌炒意粉」上桌时，黑椒香气扑鼻，配上几条温室豆苗作点缀，加上青椒、红椒、什菇等配料，再搭配两件厚切兼碎上的猪扒，入口肉嫩美味，呢餐真系满足极了。…查看更多

餐厅因为人多安排咗一张二人枱搭枱，见我好多嘢，自动自觉拎咗张凳俾我摆嘢，好贴心。之前食过晚餐，叉烧滑蛋饭好好味。早餐食物中规中矩，早餐回锅肉同埋肉碎公仔面系手工炒唔系罐头，有诚意。…查看更多

环境光线充足💡整齐干净，仍保留疫情间隔。 食物份量充足👌味道不错😋略嫌茄汁豆冰冷😅。 怀旧金曲不停播📀情未了、每一句说话🎶。 服务亲切👍🏻姐姐充满笑容🧑‍🦰☺️企枱厨房👨🏻‍🍳有讲有笑，气氛融洽🥰…查看更多

晚餐同老婆去美胃餐室，叫咗咸蛋蒸肉饼饭，配例汤同热咖啡($63)。整体嚟讲几好食，份量够，味道唔错，食得满足，系一餐稳定正常嘅快餐选择。食品部分咸蛋蒸肉饼饭：肉饼蒸得啱啱好，入口滑嫩又有肉汁，味道唔会过重，咸蛋仲帮成个肉饼提升咗咸香味，配埋白饭啱啱好。虽然肉饼冇话特别突出，但胜在稳定，加上份量足够，感觉实在又饱肚。例汤：汤系例汤类型，清甜暖胃，饮落感觉好舒服，冇过重嘅调味，算系健康款。热咖啡：配餐咖啡都系正常水准，够热，带少少甘甜，饮落ok。⭐食品评分：4/5环境与服务餐厅环境中规中矩，系典型茶餐厅格局，干净企理。侍应服务唔算话特别热情，但都好有礼貌，落单快，出餐亦都迅速，无需等好耐。⭐服务评分：4/5总体感受美胃餐室嘅咸蛋蒸肉饼饭系稳定正常嘅选择，唔会有惊喜但亦唔会踩雷，配埋例汤同咖啡，$63价钱合理。如果你喺附近揾简单又饱肚嘅晚餐，呢间可以考虑。⭐总体评分：4/5…查看更多