美心皇宮 (德福廣場1期)

失望嘅晚餐-德福美心皇宫Fb:下一站猪栏; IG@Pig7station见AE card 有优惠，就试吓美心皇宫，平日夜晚唔使排队，主餐牌有2-3位有6折😀就点左几个小菜，椒盐排骨、粟米石斑同小炒王，赞一赞小炒王嘅虾系几弹牙，椒盐排骨基本上如果无同表面嘅味粉一齐食，排骨系冇味😅另外粟米石斑，石斑炸得唔够香脆，石斑好似冇调味咁🫠好似唔够人手，职员叫咗几次都冇人招呼，食物方便真系麻麻🫣如果冇优惠就更加唔值🥲…查看更多

昨日有亲戚到来，附近都唔知有咩酒楼，美心大牌子应该信得过卦，于是近近地走去美心皇宫食，见到食评都算可以，好过沙田果间好多，沙田分店食到我怕怕了，点知食就出事了，点了叉烧唔热的，烧煵仔个皮唔脆，同早上利苑食的烧苑真系几何级数的区别，乳猪食落去一阵苏味，红烧豆腐仲要酸酸地，唔怪得大家都北上消费，真系食紧垃圾，其他𩠌菜都唔系好掂，d菜式又贵又少又唔好食，真系贴钱买难受，仲要食完今早疴到我七彩，好彩都系试一次，我永世唔会再去所有美心皇宫的店…查看更多

上星期同屋企人去咗德福广场嘅美心皇宫饮茶，感觉真系好正！一入去就见到点心车慢慢行过嚟，车上面嘅点心牌一目了然，望到有咩好食即刻心动。点心姐姐好亲切，会主动问你想唔想试车上嘅点心，仲会帮你拎碟同盖印仔！必点当然系虾饺，皮薄得嚟唔易烂，虾肉弹牙鲜甜，一口一粒真系满足到爆。不过虾饺唔系跟车出，要写点心纸先有，略为麻烦但值得等。其他点心如烧卖同叉烧包都好食，烧卖够juicy，叉烧包松软香甜。环境干净企理，服务态度唔错，价钱大约每人$70-$80，早餐黎讲真系抵食。！…查看更多

饮过几次早茶，不过不失，第一次食晚市，差到一个点，真系无下次，如果可以，真系连第一次都唔想黎！book左星期五晚7点半食饭，里面客人唔算多，原意系谂住屋企人简单食一餐饭，order 5个𩠌，4个𩠌都话无，话全部卖晒。嗌个芋头鸭，话卖晒，唔紧要，嗌碟豆腐都系无，嗌虾都系卖晒，净系得虾球，明，急冻阿嘛，食个青菜，又话无金银蛋，只可以上汤煮。老老实实，唔系见出边落雨，真系想走人！求其嗌左几个，上到黎既菜色都系唔得烧味拼盘系冻既，叉烧系鞋到咬唔到，我直头吞都吞唔落，仲衰过我系街市买，烧腩仔送到黎d皮系淋既，仲要系我比多20蚊转既咕噜肉普普通通，送上黎唔系热既，不过至少比烧味暖，我系咪应该偷笑上汤苋菜，姐系普通烚菜，正常味道香芒脆虾球，起码送上黎系热既，味道就系普通的沙律炸虾球，但相比起以上个几碟，已经算系今日之最人生第一次打食评就奉献左系度，我唔知其他人系点，亦都可能系得我唔好彩，但我一定绝对唔会再帮衬，反正睇佢客人都唔多，执左佢转其他食肆仲好过la🙂…查看更多

美心皇宫的吸引点之一一定系点心车饮茶，坐系度望下望下，见点心车行近就自然地瞄著点心车前的点心牌看看有甚么心头好点心姐姐又左望右望，望望那位客人要点心有时又会主动问客人要唔要车上的点心睇啱便挥动一下点心卡，叫出想食的点心点心姐姐听到后便停车，送上点心，并在卡上吸印仔，成件事有互动，充满仪式感，很有趣我而家饮茶必食虾饺。少时家贫，到酒楼只能享用小点点心，但眼见邻枱食虾饺，总是很想食，呢种渴求渐渐变了我心内无底的心灵需求。第一次食虾饺，已是成年时，我到酒楼自费一笼虾饺，不想与人分享，一粒接一粒的放入口，很满足。之后，我逢饮茶，都必叫虾饺出场。美心的虾饺，皮厚薄适中，夹起时不易穿烂，虾肉结实爽弹，一口一粒，人生一乐事。提一提，美心虾饺不是随便跟车出场的，佢都算大牌，通常要客人写点心纸邀请佢出场先会遇见。…查看更多