美富菜館海鮮蒸氣火鍋

夜晚6:30嚟到已經座無虛席，咁熱鬧應該唔差，於是就坐低試下先😋店員好熱情招待，介紹佢地庶水，真材實料自己店煲，咁就要飲啦👍真係唔錯，夠凍，有竹庶茅根紅羅白甜味，天然材料甜，正👍服務態度好，價錢又經濟，碟頭又足，下次要嚟試蒸氣火鍋🍲✨砂煲生腸🐷上枱聽到嘟嘟聲，好有獲氣，熱辣辣，聞到好香疆蔥蒜香味😋生腸冇腥味，咬落好易咬開，唔會覺得硬，成煲食到停唔到口。✨芥辣牛柳粒🥩一睇菜牌就好想叫，因為覺得幾特別，未食過這種煮法，冇失望，勁好食，芥辣炒牛柳原來味道好夾，牛柳粒又林又好食🤤✨刴椒蒸大魚頭🐟好大一個魚頭😍刴椒辣辣地好嘢味😋有時候食魚都怕腥，但今晚俚個魚頭一啲都唔腥，好鮮美，魚雲滑滑😋都係喜歡菜館，又唔洗加一，又即叫即炒，夠晒獲氣，肯定唔會食到預制菜👍…查看更多

這間位於太子的【美富菜館海鮮蒸氣火鍋】，主打海鮮火鍋，除了有粥底外、還有雞煲等，另外有多款鑊氣小菜，價錢貼地且份量十足。店員先送上小食兩碟。脆皮牛腩薄薄一層粉漿炸至金黃香脆，牛腩半肥瘦，肉質略有咬口且肉味濃郁。金銀蛋肉碎浸菜心菜心翠綠表面舖滿了皮蛋及咸蛋，加上雜菌及肉碎，湯底清甜。蝦膏豆腐蒸鮮豬頸肉蝦膏味道突出但不會過咸，表面舖滿了爽口豬頸肉，下面以香滑的豆腐墊底，吸收了肉汁更添風味。乾炒牛河牛河十分有鑊氣，牛肉帶焦香，河粉爽口而且有大量的芽菜及葱等配料，十分惹味。…查看更多

兩條友簡簡單單食餐飯 首選雞煲配啤酒！入場費小食20$ 走唔甩嘅兩碟小吃 免茶芥重慶麻辣雞煲 (半隻雞) 168$ 小辣惹味！配料都好新鮮 雞量好多 食唔哂已經想開始打邊爐加配料~ 皇帝菜 (菜量驚人) + 烏東雞煲最佳partner 索哂d汁真係you can’t stop me同場冰凍啤酒 24$ 3round都唔肉赤忍唔住口 追加佐酒小食 椒鹽九肚魚即炸！香口！啖啖肉！好食過好多大排檔p.s 身邊好多staff 服務好貼心周到 五星級服務洗碗斟茶仲會介紹有咩好食 吹下水關心食成點 sweet!…查看更多

位於太子的「美富菜館」提供傳統廣東美食，還有很多經典佳餚，每樣餸都用心製作，而且大大碟，絕對適合三五知己來把酒言歡。🥢杞子豬潤浸勝瓜 $98新鮮清甜的勝瓜，搭配豐腴的豬潤與杞子。湯汁清澈卻不失鮮香，令人食不停口。🥢古法生炆龍躉腩煲$178龍躉肉和腩肉放在熱辣辣的瓦煲內，上枱時吱吱作響，香氣四溢。龍躉肉經過慢火炆煮，肉質軟嫩，入口即化。支竹吸收了濃郁的湯汁特別好吃，腩肉的油脂與瘦肉的比例恰到好處。🥢乾炒牛河$68炒河粉的火候掌握得當，外焦內軟的口感令人驚艷。牛肉切片鮮嫩，與韭菜和豆芽的搭配，為整道菜增添了清新的口感。真讓人回味無窮。🥢竹蔗茅根水一揸$37剛煲好的“竹蔗茅根水”消暑解渴，非常適合搭配這些重口味的菜色。…查看更多

今日同老婆去太子大南街「美富菜館海鮮蒸氣火鍋」，佢地以鑊氣小菜出名，地舖位置易搵，環境算乾淨企理，坐得都舒服。 我地點咗三樣餸，首先試咕噜肉~ $108，塊肉炸得外脆內軟，唔會太油，糖醋汁調得岩岩好，唔會過甜，咬落有汁，幾有水準。跟住係古法生炆龍躉腩煲~$178，龍躉腩夠大件，炆得夠腍，肉質滑嫩，冇腥味，再加上有火腩，支竹，豆卜等配料，醬汁入味，撈飯食一流，镬氣好足，食得出師傅手藝。瑶柱蛋白炒飯~$78，飯粒分明，蛋白夠滑，瑶柱味夠香，唔會太淡，分量都夠兩個人食。 最抵讚係全店免收加一，呢個價錢食到咁嘅質素，性價比算高。整體嚟講，餸菜有水準，真的鑊氣夠，上菜服務快手，下次想食小菜可以再嚟。 #太子美食 #美富菜館 #镬氣小菜 #香港食評 #龍躉腩煲 #咕噜肉 #免收加一…查看更多

今日去開太子，朋友想食下小炒小菜，即刻搵下附近有咩食，然後搵到呢間美富菜館十分唔錯，勁有鑊氣，價錢亦都親民👍🏻👍🏻椒鹽肉排$108-一上枱望落就知炸得好酥脆，咬落仲有少少肉汁，肉質唔會好乾好硬，加上椒鹽蒜粒香口惹味😋。古法砵仔魚腸焗蛋$88-而家而經唔係太多地方有得食，焗得外脆內軟，魚腸混入薑絲、果皮、芫荽再加雞蛋油條，食落甘香無腥味。👍🏻👍🏻馬拉盞炒通菜$68-通菜色澤脆綠，炒得爽脆勁有鑊氣，鹹香適中，餸飯真係一流，超惹味！！📍美富菜館海鮮蒸氣火鍋 太子大南街46號…查看更多

寫就寫美富菜館海鮮蒸氣火鍋，但係中午係有午餐嘅，所以今日工作嚟咗呢邊，就試試佢今日個午餐其中一個， D餐係男人的浪漫豆腐火腩飯首先即上台既係大大碗既例湯，非常好味，睇到咁多料就知足料例湯飲左一陣湯，男人的浪漫都跟住上台了都係夠晒大碟，味道係我鍾意既，夠惹味，火腩肥瘦均勻。碟飯仲要加多幾條菜，非常好可能因為豆腐火腩飯好送飯，所以我係全部食晒，現在去超市買幾盒燒肉都三四十蚊現在加埋凍飲又有例湯都係$53仲要大大碟 抵食經開我都會再食…查看更多

▪️黃金鮮魷 驚艷度爆燈！鹹蛋黃粉漿裹着彈牙鮮魷，邪惡但停唔到口▪️脆皮牛腩神級反差！外層脆如炸鮮奶，內藏慢煮級軟腍牛腩，蘸喼汁更昇華▪️啫啫生腸煲街坊價錢酒樓功架！生腸脆嫩無異味，啫啫醬香撲鼻▪️ 薑蔥蜆蚧魚雲煲 - 魚雲滑如豆腐+蜆蚧鹹香雙重暴擊▪️ 椒鹽九肚魚 - 薄漿鎖住啫喱魚肉，撒椒鹽手法老道🥬啫啫通菜煲 - 阿姐即席翻炒誠意加分，蝦醬味濃而不搶街坊價錢呈現酒樓級鑊氣功架，特別推薦黃金系列同創新脆皮牛腩，適合鍾意「有聲有氣」大排檔風味的食客。服務態度親切有溫度，想體驗老派粵式小炒風情值得一試！…查看更多

太子大南街都有好多美食，我最近到這裡品嚐了蒸海鮮，味道不錯。蒸海鮮前當然叫幾個小菜:🌟#燒乳鴿乳鴿有點燒過火，外皮酥脆，內裡乾身，完全食不出嫩滑和肉的鮮甜，有待改進。🌟#涼拌脆魚皮清爽開胃的菜品，口感酥脆，搭配著酸甜的調味料。🌟#潮式煎魚和辣酒花螺這兩道菜都展現了潮汕菜的獨特風味。潮式煎魚以新鮮的魚類經過簡單煎烤而成，魚肉鮮嫩多汁，外皮酥脆香脆，吃起來一口咬下去，彷彿能聽到嘩啦啦的聲音。而辣酒花螺則是一道辣味十足的菜品，螺肉鮮嫩，刺激的口感和豐富的辣味。🌟#蒸海鮮: #花甲王，#大扇貝，#石斑，#蟲草花荷葉雞 新鮮的海鮮為主角，搭配清淡的蒸煮方式，保留了海鮮的鮮味和彈性。蒸出的海鮮肉質鮮美，帶著淡淡的甜味，絕對是海鮮愛好者的最愛。必試！大扇貝的肉質豐潤，帶有微妙的甜味，每一口咬下去，都能感受到鮮嫩的口感和海洋的鮮味，讓人讚不絕口。最後食埋海鮮粥，香濃鮮甜，正。美富菜館以海鮮為主打，餐廳的服務友好，讓用餐體驗更加愉快。…查看更多

今日早收工, 朋友帶我過黎食小菜, 呢間菜館六點半多已經坐滿人, 雖然菜館名寫住蒸氣火鍋, 但九成客都係選擇小菜, 其實我見到好多菜式都想點, 又平, 下次再黎試其他1️⃣砂煲蒜頭生啫清遠雞機乎每枱客都有點, 等待期間, 每次侍應經過我張枱既時候, 香氣撲鼻令到我胃酸翻騰, 半隻雞份量, 加上洋蔥,蒜頭炒香令到雞肉更美味2️⃣芥辣牛柳粒呢個牛柳粒俾我有驚喜, 我之前都有喺其他菜館食過呢道菜式, 但呢度既 wasabi特別攻鼻, 又唔會蓋過牛肉既味道, 邊食邊流眼淚, 個人喜愛呢個辣3️⃣金銀蛋莧菜金銀蛋即是鹹蛋+皮蛋粒融合一齊再煮湯, 煮出黎既湯特別濃郁, 我都飲咗幾碗4️⃣竹蔗茅根水服務員很好, 幫我翻熱, 而且唔會太甜, 消暑解渴, 我鍾意…查看更多

呢區食肆真係點心🥧同餃子🥟最多，其餘都係屬於一大班人食嘅餐廳，除此之外就是打卡cafe。一直冇去呢邊搵食，因為大部分都係打邊爐/小菜/雞煲/串燒/烤魚….. 總之就唔係兩口子街坊食嘅嘢，原來呢間火鍋菜館係有午市好似茶餐廳咁嘅！唔係講笑，真係又抵食又有質素！本來星期日想去食，原來星期日唔開午市🥲鐵板豬扒炒公仔麵剩係見到啲芝麻同蔥花都覺得有heart! 公仔麵炒得剛剛好，豬扒夠味又夠穫氣！姐姐仲送例湯～$38 凍飲🥤+$3真係唔知呢頭有間似樣嘅茶記！碗湯超級大碗，不過比較淡同得嚿骨！第二次去見到比碗黑色咁嘅係藥材湯，所以我冇要喇，本來想叫焗飯但太肚餓，唔想等😅眼見左鄰右里都係星洲炒米 但略嫌唔夠咖哩黃色，所以叫咗我好少食嘅乾炒牛河！夠鑊氣而且唔油！真係可以Bookmark 做飯堂，為咗揀間近得嚟又抵又好食嘅茶記真係唔簡單😮‍💨呢頭好多間茶餐廳都好難食，雖然我就唔太喜歡茶記，不過呢間款式算多，有時候都要陪下男人食，而且終於有一間唔洗誇區又食得落口既🥹…查看更多

縱然有標榜「蒸氣火鍋」，唯當晚九成客也是小菜選項，甚至，久坐後，聽到鄰枱卡位——唯一一張火鍋枱（亦非蒸氣火鍋）之客人打落有點躁底，向老闆娘投訴火鍋配料遲遲未到，又發出不清理髒碟之碎碎唸。「虎皮椒炒生腸」$98，配搭少見，而此虎皮椒剛好辣度屬小辣，不負擔，生腸份量好足，有薄身轉彎位亦有厚身腸頭，腸頭亦煮得爽口易嚼，味道豉椒辣味，醒醒目目。幾乎每枱總有鍋「乾煸」。原來是侍應一手捧砂煲、一手拿菜餚，上枱時將菜餚全數倒進已燒熱的砂鍋，以不銹剛匙快速拌勻，使之二度衍生鑊氣。於是，「砂煲蒜頭生啫清遠雞」$138裏面的蔥段、芫荽在面前剛好炒熟，味亦剛好吊出滲滿疑似美極味的半隻雞份量的雞件。又是另一味內臟：「杞子豬膶浸勝瓜」$88。先夾豬膶，共六大片，時間拿捏準繩，煮得剛剛熟，不腥彈牙豬膶味濃，反而是個別勝瓜件切得太大件，熟與不熟腍與不腍之間徘徊（也還是能咬開）配頗大量切片雞髀菇，少量杞子。河粉午市用畢，「乾炒牛河」$68經主客同意下以烏冬代之。出來效果有點似淡味版上海粗炒，以此價錢來說相對大碟抵食。見幾張鄰枱炒起之薑蔥蟹、椒鹽瀨尿蝦顏值相當高，於是加單後者，有行路突然跣低感覺。每隻中至大size瀨尿蝦盛惠$128，味道、鑊氣是足，但雖聲稱是是日新鮮來貨，惜蝦肉鮮味不足，一隻肉質勉強撐起蝦殼，但肉質接近鬆散邊緣；另一隻變了「空氣蝦」（見圖）有一半肉身不貼蝦殼，吃之無癮。雖非打邊爐，但又砂煲又辣又炸促使要了一渣「竹蔗茅根熟米蘿蔔水」$35，聲稱自家鮮煲，瓶身坦蕩蕩見到用料，算是頗具誠意，不太甜少潤，至少吃完整餐煎炒熱氣也沒喉痛。老闆娘為補償蝦之鮮度不足，實收金額扣$28。…查看更多

菜單上的價錢跟收款不一樣菜單上話$10 醬油錢 賣單又話加左價$15小食得花生同幾塊薑片 唔食都要每人收$10都算最後嗌咗個滑牛單上又話$68 買單嗰陣時又話乜嘢加價 之後變咗$78龍門任佢擺懶到菜單價錢又唔改唔係想同佢計呢啲錢但開門做生意，可唔可以有返啲責任心希望呢間公司可以改一改嘢食已經唔係話好食真係得啖笑…查看更多

今朝行過太子，見到哩間食海鮮火鍋既餐廳咁早就開左，即係有得食早餐啦，於是望下嗰menu啦，望到有嗰歐綠早餐喎，即係all day breakfast 啦「歐綠早餐」我嗌左煎雞扒，腸仔，茄汁豆，多士配熱檸水不過今次我就嗌外賣既，好快就有外賣啦，番到屋企打開嗰外賣，見原來幾大份啵，嗰雞扒有成塊手掌咁大，不過肉質就一般既，應該雪得好耐，有雪味，同埋煎得太耐？有啲乾身，鞋口既，條腸仔炸得都ok🤩因為好唔鐘意平時白烚嗰啲hea腸仔。…查看更多

大南街的美富菜館，每次夜晚時段無位。逼住過對面k net酒吧用餐，當作外賣用餐。^_^芥末牛柳粒真的送酒首選。老闆美富餐館的服務員都好友善，街坊客差不多啦，食慣自然會再來。…查看更多