美味餃子店

营业中

休息中

呢間水餃店我由舊舖食到而家，由20幾蚊食到而家$47 （我淨係食韭菜餃㗎唧），其實食到有啲嬲嘅，唔係佢哋唔好食，亦都唔係佢哋偷工減料，而係呢個加幅實在太過驚人啦！如果我冇記錯我第一次食，大概6年前，嗰時只售$23，就算係細舖都搬大舖，就算係平民米芝蓮鋪頭，都唔使100%加幅吓嘛！😡 OK! 以價錢嚟計，香港閑閑哋食一餐都要$50，而我又負荷得到，又有時間排隊，就食下喇，因為：👉🏻 食唔出味精果種好好味嘅味道，絕對係真材實料🤤👉🏻 住家靚湯，真係放心飲用👉🏻 大大隻，男人食十隻都夠飽其實我真係好鍾意食韭菜水餃，荃灣有一間好出名嘅，又係排隊排到癲咗，佢嘅賣點係好大隻，感覺好抵食，不過你真係會食得出好多味道，係味精果隻好食。而美味餃子店係好清果隻好食。真心希望佢哋唔好再加價，日日都咁多人排隊，回饋一下社區啦！

知朋友介紹，知道呢間都幾多人食。所以琴日7點走左去排隊，7點15分就有位。入到去，空間雖然細，但唔緊要啦！最重要係好食！ 我就揀左最出名既煎韭菜水餃。嘩！煎得好金黃色，外皮好脆， 值得推介呀！ 好重既韭菜味， 值得大家一試！

今日有事來到太子，在解決事情之前先醫肚先！晚上大概六點半來到店外，無需等位，一個人直接入座。搭檯是必然，大家食完就走，即使等位也不會太久。如果一定要我在這裡的煎餃和湯餃之間選擇，我更喜歡脆口的煎餃。上次食的時候，外皮香脆，肉餡爆汁，上檯時燙口到要攤上好一會才能食。今次明明也是即煎，但入口竟不算燙口，是適中的溫度。而餃子的水準忽然下降，單單是餃子皮，就煎得不夠脆身，而且極度多油，雖然之前食完的碟底也是油到反光，但今次油的份量是之前的兩倍，結果食到第三隻餃子時，已經感覺很油膩，令戰鬥力極速下降，要不斷蘸醬和加菜脯增加食慾。希望只是偶然的水準下降吧，不然真的很失望。（沒記錯的話，當晚食的白菜餃十隻$49，豆漿$10，最後埋單$59，給大家一個參考）

朋友帶我食 太子唔同的餃子店今日終於食到美味因為佢星期日唔開 成日試唔到菜單簡單 白菜/韮菜/椰菜，湯定煎白菜好快賣哂 夜晚去多數都無左同朋友一個湯一個煎煎的韮菜 特別香 配埋辣菜鋪 勁正湯的椰菜 清甜好味 加菜鋪 增添口感食餃子 真係唔少得辣菜鋪一口放一啲 實無錯中意食辣的朋友 可以加多啲辣油相反怕辣的朋友 就唔好加咁多油啦

好耐無食呢間餃子店Small Mui 想食餃子，於是黎到太子專登去大南街呢間「美味餃子店」，去到門口排左條小人龍排左20mins先有位，嗌左大碟煎餃，細碟湯餃 加杯豆漿 但Small mui唔鍾意因為有陣燶味咁好耐無食餃子，叫做回味一番！好掛住荃灣餃子屋！

寶仔今日星期五去同舊同事食lunch, 因為寶仔經常都係係減肥狀態中，所以舊同事都好好，陪我食健康餐！又想食健康，又想食好味，又想飲下啲湯水，就一定要嚟食美味餃子店！張寶仔其實都已經食過無數次，但係寶仔最近因為減肥，所以唔可以食呢度最出名嘅榨菜醬，但係發現原來唔加，清清地飲湯，亦都可以帶出餃子餡入面嘅鮮甜味！其實得個女仔食一碗細嘅，有七隻大大粒嘅餃子，已經非常飽，仲有一碗咁大碗嘅湯(無味精㗎)，係非常之足夠！非常之滿足！

想食清啲就去左呢間美味餃子店 店如其名啲餃真係好美味好足料 我地六點半左右去食 唔洗排隊 但食完就見到出面有十幾個人排緊隊 果然早到早享受今次嗌左大碗韭菜湯餃同雲耳椰菜湯餃 各十隻 黎到時見到成個碗都係餃 隻隻都大大粒 我就飲左啖湯先 真係好清甜 再食粒餃子 入面真係超足料 菜同肉都好多 加啲辣菜脯 仲正 不過要小心啲菜脯真係幾辣下 建議食細細粒試下個辣度先～ 而雲耳椰菜餃食落就清啲 都好甜好多料 十隻餃真係會食到好飽 下次嗌細碗七隻都夠食 下次試埋佢嘅煎餃先！

經開呢頭 見到餐廳入面坐滿曬人 出面仲有d人等緊外賣 唔洗唸入去先講雖然係街邊鋪 但係入面都乾乾淨淨餐牌唔多野簡 個個都係食緊水餃/煎餃 由於得我一個 整係叫左個細size既韭菜湯餃 真心想建議下整個兩併套餐 (煎+水餃) 都俾d獨L(me) 有得試曬兩樣等左10分鐘到就有 一見到已經心知不妙 唸住食小小野 點知咁大隻!! 仲要隻隻d餡都咁豐滿 食落去淡淡都有餡 個湯底唔會太鹹 最緊要加埋啲菜脯 辣辣地一齊食 呢個細size已經有7隻 食到第5隻已經飽左埋單5x 好經濟仲見到d姐姐包緊餃子 隻隻size都差唔多 好專業👏🏼 值得一贊既係雖然鋪頭好多人 但係姐姐d服務態度都好好

係OpenRice 留意左呢間鋪好耐，今日終於有得黎試下。晏晝十二點三左右到，兩個人唔洗等好耐就入得。因為想飲個湯，叫左兩碗白菜湯餃十隻。餃子好足料大大隻，點埋個醬食更好。女仔點7隻其實都好夠飽！朋友男仔黎都話10隻太多。。。最後飲曬成碗湯，個湯都好正。可惜食到差唔多最尾嘅時候無啦啦俾個呀姐叫埋單，話出面好多人等，好似趕人走咁，個陣我朋友仲有3隻餃未食完。希望員工服務態度可以改善下，叫人埋單先都可以有禮貌d。

The best pan-fried dumplings in town! 🤤There’s always a massive line and it takes more than 20 mins for takeaway- but these big fat pork and chive dumplings🥟韭菜豬肉煎餃 ($47 10pieces) are so worth the wait!! And the spicy turnip condiment that comes along with the dumplings is golddddddd!名副其實嘅皮薄餡靚😍Food ⭐️⭐️⭐️⭐️1/2Setting ⭐️⭐️Service ⭐️⭐️⭐️📍Dumpling Restaurant🥟 74 Tai Nan St, Prince Edward 🇭🇰

美味餃子店美味餃子店的餃子是美味的，毋庸置疑不論是餡料、調味抑或是餃子皮的厚薄，都是上上佳品可是湯頭⋯⋯這個湯頭⋯⋯實在是太差了湯頭和餃子是完全不相配的湯頭，是野葛菜煲生魚豬骨湯是招牌主打的湯，喝了一口，是帶腥味的鮮，跟腥，是一線之差，也是隔著一個鴻溝的距離喝了一口湯之後，馬上要求店員給我另外一個碗將餃子瀝乾，再慢慢的細味餃子的美味始終，餃子都是帶著湯的味道，影響著口感湯頭，可以說是一個敗筆也是唯一的敗筆

這間餃子店應該都不需要多介紹了我想應該很多人都吃過吧🤣🥟煎雲耳椰菜肉餃拼煎韭菜餃 HKD$50外層煎得非常脆口 像炸一樣 油香撲鼻而且壓扁了 令餃子更易熟🤪非常大隻之餘 內餡也很充足🤘🏼🥟湯雲耳椰菜肉餃(7隻）HKD$43湯餃主要是湯底吧🍲他們採用了野葛菜生魚豬骨湯🐟淡淡魚香 濃到剛好🤪🥬辣菜脯一下單後 店員就會遞上一隻豉油碟不吃辣菜脯一定會後悔喔！吃的話不辣的 蘸醬才辣的喔！菜脯非常爽脆😝刺激味蕾 📌下午兩時半後來人流比較少 不需要排隊Follow Me : eatwegohk

幫襯呢間舖經已好幾年當初因爲雜誌推薦就試一試點知一試就咁多年如果一直Keep到好食抵食我唸我唔會有呢篇食評平均每個月總會黎食兩三次通常都係晚市先黎幫襯而「白菜餃」要食記得襯早經常晚市前經已賣曬如常等十五分鐘左右先入座但假如你係一人開飯店員通常有「快籌」俾你免等位出事既係近兩次食餃子除左無以前咁飽滿仲略為有啲鬆散「招牌野葛菜煲生魚豬骨湯」亦少左昔日清甜（其實可以話無味）希望係關最近豬肉價格較貴令餃子饀料比例唔同而唔係人手調動 / 內部因素 令味道變質就算煎餃煎得再金黃香口饀料少左質感整體層次 / 好味程度都會受影響吧另外不得不提既「自家製辣豆豉蘿蔔仔」每個食客總會伴餃子一齊食添加味道 + 口感近幾次食的確辣得有啲刺喉（係咪唔想我地食太多所以再整辣啲）但你會好自虐咁停唔到起勢夾黎食

忘不了野葛菜湯👍🏻 每次黎到都會排一陣隊嘅餃子🥟店 第一次黎到試嘅時候 好期待究竟係是什麼味道 因為都好多朋友介紹話呢間係好好食嘅餃子 雲耳椰菜肉餃 韭菜餃 白菜餃 呢三款已經夠做到排哂隊 其他選擇仲有車仔麵 豬手麵等等 我食完三款餃子 都係湯餃 今次怕熱氣😆餃子皮薄 入口軟滑 😋超大隻 好足料 三款都超好味 我食咗14隻餃子🥟 感覺係超飽 （下次10隻都夠） 同行嘅女士又食咗七隻都夠哂飽 佢有啲秘製嘅醬加豉油撈埋一齊食好味到不得了。另外最讚係招牌野葛菜豬骨湯 忘不了啊 推介！

為左試下呢間大熱餃子店嘅水準，放工就同男友即刻過嚟太子，因為晏啲撞正食飯時間就會大排長龍。我地叫左一份煎餃同一份湯餃加麵底，仲有兩杯凍豆漿。餃子未到之前試下啲菜脯先，辣辣地食落幾開胃，但就油左少少。雲耳椰菜湯餃($48，麵底+$10)好快就上枱，每隻餃子都有翻咁上下大隻，而且隻隻都包得脹卜卜好飽滿。餃子餡口感唔錯，椰菜同雲耳都好爽脆，不過豬肉餡比例少所以味道以菜蔬為主偏清淡，沾醋或者配埋菜脯食會開胃啲。飲啖湯試下先，湯底味道清甜，似我地平時飲開嘅家常老火湯。韭菜煎餃 $47/10隻煎餃應該係即叫即煎，所以就要等得耐啲，湯餃食完後先至送到。煎餃賣相不錯，外層煎得金黃香脆。韭菜餡都一樣好足料，食落韭菜味唔算太濃烈，對我來說剛剛好。豆漿豆味唔算特別濃郁，味道偏甜，不過不失。餐廳餃子整體不錯，不過味道就無想像中咁驚豔，值唔值得花時間排長龍去食就見人見致。