影片
更多
2025-05-02
14 浏览
新舖抵食之《美味的泰國菜》朋友住嘅附近，最近開咗間新嘅泰國菜小店。雖然舖頭細細間，但味道、價錢，超級有驚喜😎。燒雞翼兩串：燒雞翼大大隻、啖啖肉，烤得幾香，唔錯嘅小食😊。綠咖哩雞肉+蒜蓉包四件：咖哩微辣，配料多，有雞肉及不同嘅蔬菜。另外，建議蒜蓉包可以浸曬成件落去青咖哩入面，再攞返上嚟食，除咗有麵包嘅香味，亦都有咖哩味，兩種唔同嘅口感，咸加微辣嘅感覺相當特別👍🏻。碎肉生菜包(豬)：傳統嘅泰式生菜包，份量十足，生菜新鮮，而且生菜有切大片細片，鐘意大大啖可以，鐘意細細啖食又得😛。泰式濕炒河配海鮮：大大碟嘅河粉，濕濕地唔會太乾，海鮮同配料方面豐富，有魷魚、青口、蝦及不同嘅時菜等等，性價比高👍🏻。燒豬頸肉飯配煎蛋：本餐精選，豬頸肉燒得剛剛好，份量非常足夠😆。白飯粒配上煎蛋食，口感不錯。凍奶茶 + 青檸梳打：傳統嘅泰式奶茶再架青檸梳打，好有泰國風味🇹🇭🇹🇭🇹🇭。總結：本人係極支持呢啲細店，由泰國人主理，上菜速度都幾快。雖然環境唔大，亦都唔係for打卡，但係味道、性價比極佳。頭先上面講咗咁多嘢食，但係成餐只係需要$431，真係超級平民價😁，而且嘢食份量真係十足，所以絕對會番食！
朋友住嘅附近，最近開咗間新嘅泰國菜小店。雖然舖頭細細間，但味道、價錢，超級有驚喜😎。
燒雞翼兩串：
燒雞翼大大隻、啖啖肉，烤得幾香，唔錯嘅小食😊。
綠咖哩雞肉+蒜蓉包四件：
咖哩微辣，配料多，有雞肉及不同嘅蔬菜。另外，建議蒜蓉包可以浸曬成件落去青咖哩入面，再攞返上嚟食，除咗有麵包嘅香味，亦都有咖哩味，兩種唔同嘅口感，咸加微辣嘅感覺相當特別👍🏻。
碎肉生菜包(豬)：
傳統嘅泰式生菜包，份量十足，生菜新鮮，而且生菜有切大片細片，鐘意大大啖可以，鐘意細細啖食又得😛。
泰式濕炒河配海鮮：
大大碟嘅河粉，濕濕地唔會太乾，海鮮同配料方面豐富，有魷魚、青口、蝦及不同嘅時菜等等，性價比高👍🏻。
燒豬頸肉飯配煎蛋：
本餐精選，豬頸肉燒得剛剛好，份量非常足夠😆。白飯粒配上煎蛋食，口感不錯。
凍奶茶 + 青檸梳打：
傳統嘅泰式奶茶再架青檸梳打，好有泰國風味🇹🇭🇹🇭🇹🇭。
總結：
本人係極支持呢啲細店，由泰國人主理，上菜速度都幾快。雖然環境唔大，亦都唔係for打卡，但係味道、性價比極佳。頭先上面講咗咁多嘢食，但係成餐只係需要$431，真係超級平民價😁，而且嘢食份量真係十足，所以絕對會番食！
张贴
