羅東肉焿番

营业中

休息中

聽講元朗有間出名食芋泥嘅台灣菜，今次終於過來朝聖啦！餐廳除咗提供唔同種類嘅台式美食，另外仲有多款含有芋泥嘅菜式，非常之適合我呢個芋泥控～香煎大雞扒魯肉飯💰HK$65雞扒外皮煎到好香脆，肉嘅部份保持嫩滑多汁！魯肉係唔肥膩嘅嗰一種，用來撈飯一流！仲有半隻溏心蛋同埋青瓜絲，令到成個飯嘅口感更加豐富～胡椒豬肚雞腳湯刀削麵💰HK$56豬肚爽口有嚼勁！雞腳滑嫩，而且容易去骨，係滿滿膠原蛋白嘅感覺啊！湯底雖然看似清澈，但胡椒味非常突出！刀削麵口感Q彈，吸收咗湯底嘅味道～芋頭奶酪紫米糕💰HK$52底層同埋表層都各有一層煙煙韌韌嘅紫米糕，中間夾住咗甜度適中嘅芋泥同埋芝士奶酪，味道同口感都好有驚喜，值得一試～凍奶茶💰跟主食+HK$5奶茶嘅茶底味道清新，而且有少少回甘嘅感覺！加入咗牛奶之後，入口更加順滑～

元朗出名多好野食，好多有質素又唔貴既小店，今次試左呢間台灣小店，同朋友都非常滿意👍🏼餐廳面積唔大，平日唔夠7點，已經坐滿人，深受街坊歡迎。餐牌選擇多，一般台灣出名既食物都有👍🏼👍🏼煎雞扒滷肉飯雞扒好大塊，煎得香脆，上面仲舖左好多滷肉，份量好多👍🏼紫米糕呢個係餐廳既招牌甜品，好特別好有特色，好多層次，上下果兩層係紫米，中間係cream cheese，然後係芋泥，好有口感，好好味😋而且整體唔太甜，食多啲都無罪惡感

📝1. 紅燒牛肉湯麵✔️湯底香氣四溢，色澤濃郁。✔️牛腩經過慢煮後，肉質軟嫩，充分吸收湯的味道。✔️麵口感彈牙，吸附湯汁的能力強。2. 芝士蛋餅✔️蛋餅的外皮煎至金黃酥脆。✔️內裡加入豐富的芝士，融化後有芝士拉絲效果。3. 台南鮮蝦卷✔️蝦仁肉質鮮甜。✔️搭配特製的甜辣醬，味道更層次分明。✔️外脆內嫩，蝦的鮮甜與醬料的酸甜形成絕佳平衡。4. 滷肉飯✔️香料慢滷，肉質軟嫩，味道濃郁。✔️白飯吸收滷汁的精華，飯粒粒分明，卻又帶有滷汁的香氣。5. 紫米糕芋頭奶酪✔️用紫米製作，口感Q彈，富含纖維，顏色鮮豔。✔️用芋頭泥與奶製作，滑順細膩，香氣撲鼻。✔️色彩豐富，層次分明，既好看又好吃，是完美的餐後甜點。這一餐不僅味蕾滿足，更能感受到台灣獨特的飲食文化。真係好正啊😊

雖然就黎飛台灣，但我老闆都係急不及待，話要食台灣菜，係元朗買蛋捲順便搵下邊樹有台灣菜食。搵到啦，入去坐低睇下有咩好食先。乾拌麵、花枝丸胡椒湯餐，呢度啲套餐真係好抵食，又平份量又多，最緊要係好食。乾拌麵微辣，有芫荽好香，闊麵條有咬勁，加上魯肉汁超入味。花枝丸QQ彈彈，個胡椒湯好夠味。胡椒豬肚雞腳米線餐，豬肚好乾淨食落爽口，雞腳都有3隻，煮得夠腍。鹽酥一口雞粒，熱辣辣勁香口，層炸皮唔厚，食落脆到咯咯聲。芋頭奶酪紫米糕，試下呢個新岀品，紫米好煙煙韌韌，芋泥微甜食落唔漏，仲有層奶酪個奶香後勁湧岀黎，掂！跟餐仲叫左古早冬瓜茶、台式濃厚奶茶

元朗名氣台式店同朋友突然好想食台灣嘢，就俾佢嘅芋泥產品吸引咗✨芋頭奶酪紫米糕✨上次食唔到，今次終於食到，推介！每樣材料好夾，芋頭味香濃，紫米又有咬口，芝士奶酪甜而不膩，食完令人心情好好！✨鹽酥炸大雞扒配乾拌麵雞扒成隻手掌咁大塊真係勁抵食！外脆內嫩乾拌嗰麵麵質地好索汁，好煙靭咬完一啖雞扒再食麵，超滿足呀！✨酥炸杏鮑菇外面酥脆咬落去多汁，完全唔油膩每一口都有濃郁的香味，配埋醬汁，一流小食！✨芝士肉鬆蛋餅蛋餅外脆內軟，芝士融化得恰到好處，肉鬆嘅鹹香味又添多咗層次

行山後經過元朗見到呢間台灣野都幾多人食就試下。紅燒二寶牛肚牛肉湯麵 $70牛肉炆得好淋，牛肚又好滑，牛肉湯清甜，整體好有台灣風味魯肉飯 （小）$35魯肉飯更出色，望落唔係太多汁但可以食哂成碗飯，肥豬肉入口即溶，連我唔太鍾意肥豬肉的都停唔到口芝士芋泥多蛋餅 $45芋泥好香甜好足料，芋泥產品必點，配上芝士的蛋餅好香，鍾意食蛋餅的一定要試下。滷肉汁配菜 $15跟餐加錢可以加配菜同飲品，滷肉汁配咩都好好味，好滿足的一餐

喺元朗搵食，想食有台灣味道嘅菜式，於是就上網搵到咗呢一間舖頭，決定入去試吓😎我哋叫咗二人，$211，有小食有正餐有嘢飲，大家可以睇吓圖片嘅份量，真係勁足料啊，我哋覺得好抵食，首先係個蛋餅好有台灣風味，我哋加咗$10拼芋圓口味，超級好食軟軟地，QQ彈彈😍😍 然後滷肉汁生菜超級好食，好特別，必點。主食方面再，叫咗一個湯飯同埋一個米線，兩個都好足料，份量好多😍😍 小食就叫咗三料台灣小食，我哋揀咗花枝丸、台灣腸同埋蝦卷，正👍🏼 最後再嘆埋個台式奶茶，滿足😎見到餐廳都好旺，門口都有唔少人等位，推介大家過嚟試吓😊

羅東肉焿番今次要介紹一間喺元朗嘅一間台灣菜嘅小店叫「羅東肉焿番」，呢間小店入面空間唔算好大，但輪椅人士都可以入到去，小店門口有一級，如果輪椅人士要入去食野嘅話，就要自備斜板！出面仲有得拎辣椒油，係佢哋自己整，鍾意食辣嘅你可以出去自己加辣！1.小魯肉飯+精算炸物籃（花之丸、鹽酥雞粒、甜不辣）+無糖烏龍茶$38（9/10）呢個下午茶套餐，我揀咗小魯肉同精選炸物籃，魯肉如果肥少少會更好，魯肉飯上面仲有半粒溏心蛋，精選炸物籃入面有1粒好彈牙嘅花之丸、3舊甜甜地嘅甜不辣同3粒炸得好脆唔會死硬嘅鹽酥雞粒，飲品揀咗無糖烏龍茶！2.胡椒湯米粉$38+輕量炸雞扒$5+熱台式奶茶$5（9.5/10）呢個下午茶套餐，我揀咗胡椒湯米粉同輕量炸雞扒，胡椒湯米粉個湯底係牛肉湯底，米粉口感好爽，至於輕量炸雞扒絕對唔輕量，大大塊雞扒有成年人手掌咁大，切開大約有5舊雞扒，每舊雞扒都炸得好脆身，雞肉肉質嫩滑，飲品揀咗熱台式奶茶，奶茶好滑，甜度啱啱好，好正！3.芝士芋泥蛋餅$45（9.5/10）呢個芝士芋泥蛋餅已經幫手切開4舊，每舊芝士芋泥蛋餅入面餡料芋泥多到滿瀉，食落煙煙韌韌，仲有淡淡嘅芝士味，好好味！4.仙草芋圓（凍）

好耐都冇去過台灣，一直好想試香港正宗嘅台式餐廳。朋友介紹呢度嘅台式餐廳好正宗，而且上網都見到好多人推薦，今日一於嚟試吓啦。因嚟到估唔到呢到六點幾已經好多客人，如果上嚟試嘅記住早啲嚟食啦。佢嘅下午茶仲平過晚餐好多，真係好抵呀。首先我就叫咗一個牛肉麵，一上枱估唔到咁大碗，而且聞落都好香，食落佢嘅湯底好有中藥味，而且牛肉好大舊，麵質仲係刀削麵咁，真係好有台灣嘅風味。朋友叫咗個胡椒豬肚雞腳湯刀削麵，試咗佢一啖湯底，真係好有胡椒味。而且仲有四嚿大嘅雞腳，呢個價錢真係好抵食。呢度仲好出名芋泥吐司，不過同朋友都太飽，所以我哋就揀咗芋泥蛋餅。估唔到咁細嘅蛋餅都有咁多芋泥，食落甜甜地鹹鹹地，本身會覺得好奇怪，估唔到食落好特別。鹹鹹的雞蛋餅襯落甜嘅芋泥，好有層次感。呢間台灣餐廳又平又抵食，而且好正宗，非常推薦大家嚟試吓啊。

放假唔想出九龍……訓醒貢入元朗搵食見到呢間有我想試好耐既甜品🤩我地叫左兩個T1輕盈假日常餐胡椒米線～湯底太甜唔算好辣魯肉飯～唔會太肥仲有d豆皮～幾好加$5轉鹽酥輕量雞扒～皮脆肉嫰多汁，好食配炸物籃（花枝丸，鹽酥雞，甜不辣）甜不辣好煙韌，鹽酥雞炸得剛好，花枝丸彈牙兩杯冬瓜茶～飲落微甜解渴解膩芋泥肉鬆吐司$42呢款好期待～一上枱見到超厚既芋泥比薄薄既肉鬆包住，芋泥打得十分綿密，一d粒粒都無，微甜非常啱香港人口味🤩紫米芋頭奶酪$52呢款可以外賣～靚盒裝住幾精緻留番夜晚做甜品～想試好耐層次十分豐富🤩紫米好有咬口芋頭一樣咁綿密～奶酪好香下午茶食一件都幾飽肚絕對會因為呢款再番去幫襯～

早兩日去咗元朗呢間羅東肉焿番食夜晚飯👅我哋叫咗一個鹽酥雞扒滷肉飯、胡椒豬肚湯雞腳米線、芋泥肉鬆蛋餅、甜不辣❤️ 首先鹽酥雞扒滷肉飯嘅雞扒炸得好鬆脆☺️✨而且份量好大塊🫶🏻之後胡椒豬肚湯雞腳米線嘅胡椒味好重好香😁😁芋泥肉鬆蛋餅嘅芋泥唔會好甜 夾埋肉鬆一齊整做蛋餅 個口感出奇地都幾夾💜至於甜不辣 炸得好香 啲椒鹽粉又唔會過鹹 我最鍾意食甜不辣👅👅👅總結呢間小店都唔錯 店員服務都好親切👍🏻價錢亦都唔貴😇羅東肉焿番 (元朗)📍元朗鳳翔路69號建輝大廈地下5號舖

好耐之前都幫襯過佢哋，今次見到又有新嘢推出胡椒豬肚雞腳湯米粉$56佢嘅胡椒豬肚幾抵讚，會加少少紅蘿蔔。對於如果怕胡椒味太重覺得辣嘅各位，可以試下搞碎撈湯一齊飲，會多左種清甜減輕辛辣味道，非常有特色！雞腳非常香胡椒香味，但唔會淋曬仲有口感！另色豬肚份量都算多！食落亦都唔會覺得靭。天氣凍嘅時候飲番碗胡椒湯一流！酥炸雞扒 魯肉飯 $65雞扒超級大塊，炸粉上得啱啱好 唔好太厚，最緊要係夠juicy同滑，雞扒下面仲有d滷肉 ，大大碗 好滿足呢個係餐廳嘅招牌，雞扒炸皮好薄外皮調味適中香脆。雞扒嫩滑！滷肉有肥有瘦油香十足，非常下飯！飯嘅份量亦都非常多，成年人，絕對夠飽！食左幾塊雞扒先見到仲有半隻糖心蛋，可見份量真係超級多又好味！推介！熱冬瓜 $5冬天一定要飲返杯 甜度剛剛好芋泥肉鬆蛋餅 $45終於食到呢款人氣蛋餅了，蛋餅皮薄 內餡好多 原隻蛋、肉鬆同加咗小量蠔油調味 酥炸杏鮑菇 $35熱辣辣 勁脆的口感

[✨元朗羅東肉焿番 ]#羅東肉焿番 #元朗🔸酥炸雞扒魯肉飯 $65雞扒即叫即炸，炸得好香脆，唔厚粉油膩亦唔重；肉燥份量多，肉汁惹味拌飯一流。🔸紅燒牛肉麵 $67大大碗，配料亦好多，牛肉軟嫩湯底都好濃郁，麵條口感十足，水準唔錯！🔸芋泥肉鬆蛋餅 $45蛋餅一份四件，足料結實好飽滿，芋泥同肉鬆出奇地配搭得好好，值得一試！————————♡♡♡♡♡♡————————✨總結總店位於台灣宜蘭嘅過江龍店，正宗台灣風味；食物價錢亦好合理，加上份量同味道都唔錯，CP值好高！📍羅東肉焿番🏠元朗鳳翔路69號建輝大廈地下5號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #台灣菜

羅東肉焿番始創於1962年，元朗分店為香港總店，主打各種台式料理，獨家口味既肉焿，價錢貼近平民，店員態度親切。羅東肉焿湯配白飯自家研發獨家口味，肉焿湯口感濃稠，味道鮮甜，有淡淡豬骨湯既香氣，肉焿口感爽口彈牙，有古早既咸香味，湯內含有台灣甜辣椒醬、特製蒜蓉醬和烏醋，味道豐富，香口惹味。紅燒牛肉湯麵湯底有濃厚既藥膳味，牛肉炆得非常軟身，可輕易咬開，牛肉味濃郁，附有糖心蛋、唐生菜和紅蘿蔔。芋泥蛋餅蛋餅外皮香脆可口，而芋泥則細綿幼滑，一次過食到兩種截然不同既口感，食到芋泥原味道，無過份添加甜味，食落有輕盈之感。芋頭奶酪紫米糕大推甜品之一，外面上下兩層都鋪滿了紫米，中間一層為芋頭，另一層為奶酪，奶酪和芋頭一濃一淡既配搭十分和諧，再加上紫米甘香純厚既米香味，食落邪惡得黎十分滿足。仙草芋圓主要由三色芋圓、蜜紅豆和水晶組成，份量十足。芋圓有紫薯、蕃薯和芋頭味，蜜紅豆香甜可口，水晶口感煙韌。台式濃厚凍奶茶奶茶香滑濃厚，而且無含冰，唔會溝淡奶茶既香味。

可能係人生食過最好食嘅紅燒牛肉麵！牛肉麵湯底用藥材熬煮，有一股藥材嘅甘香🤤🤤超級好飲，幾乎全碗湯飲晒，牛肉亦都煮得好腍！配埋店舖自家製嘅辣椒油超級正呢間店舖非常之出名自家製芋泥，所以揀咗台式蛋餅配芋泥加粟米，芋泥煮得超級綿，配搭埋粟米好有口感另外叫咗碗人氣招牌胡椒豬肚雞腳麵，胡椒湯底唔會過濃味道適中，配埋刀削麵非常之夾，豬肚同雞腳都煮得好入味，熱愛雞腳人士必定要叫另外套餐包括埋椒鹽炸豬扒，份量估唔到都幾大，所以呢個套餐係超級抵食，除咗一碗麵之外仲包埋呢個炸豬扒仲有一杯飲品只係唔使$80，而且全部食物份量都好足夠，整體CP值超高，入嚟元朗嘅話一定要食！