羅勒印度餐廳 (東旺樓) (已結業)

今日經開香港區途經筲箕灣諗住食個下午茶因為中午食得唔係好夠飽所以就諗起，不如食咖喱有啲肉又可以食naan，飽肚啲最多夜晚嗰餐可以唔使點食就OK 。去到本身諗住都以為會有下午茶餐牌或者仲有午餐因為其實我哋三點半左右去到點知佢都只係俾à la cat-a嘅Menu 我地佢嘅小食大概五十幾至到七十幾蚊都有主食就通常都大概百一二蚊左右或更貴不過如果佢真係有米芝蓮水準嘅話咁我哋都會覺得合理一啲。我哋叫咗一個小食係咖喱菠菜薯餅另外叫咗一個甜酸雞一個咖喱牛肉本身雞應該唔辣，但係點知食落辣辣地，其實用嚟點薄餅好好食不過可惜佢唔夠汁。本身牛肉，預期應該係辣辣地嘅，點知一啲都唔辣，但係佢又好多汁，點完晒四塊薄餅都仲有剩而個咖喱菠菜薯餅都係唔知點解會有辣辣地嘅味道至於naan,佢每份係會有兩塊的！我哋叫咗原味同埋garlic味建議食原味就足夠！我哋每人嗌咗一杯芒果lassie，味道其實有少少似細個食嘅三色雪糕裏面嘅芒果味 😂兩個人就咁樣就食咗$442唔係平，一試無妨不過我哋應該下次會搵另外一間米芝蓮印度食店未必會返轉頭再食了…查看更多

門口貼曬話有套餐.入到去就畀個貴價餐牌你！價錢爭成倍！錢唔係問題！畀你咁樣呃法條氣真係唔順！唔怪得知你冇生意等執.水喺枱面又話收錢！呢間嘢經易臭明遠播！睇佢幾時喺東大街消失！印度騙子手法層出不窮！我寧願去恆河食老鼠咖哩屋或者王子食咖哩！裝修係好.味道亦都好但份量少.你叫佢嗰個貴餐牌佢就笑騎騎！你問佢有冇套餐佢就話冇！你堅持叫嘅話呢佢就會180度反轉豬肚！套餐餐牌亦有寫時間！你喺佢寫明嘅套餐時間內叫佢都話冇！很多筲箕灣街坊易中招！唔信可以睇下谷歌地圖或臉書評論！多謝各位…查看更多

平日食邊爐開始食到有啲悶😞今次去連獲多年米芝連推介嘅「羅勒印度餐廳」🇮🇳.勁辣薯仔蝦🦐咖喱香辣濃郁🌶️蝦肉新鮮爽彈😆.瑪沙拉羊肉🐑以優格和瑪沙拉醃漬羊肉👩🏻‍🍳食落無羊羶味，肉質軟腍☺️.什菜咖喱🍛有大量雜豆、紅蘿蔔🥕薯仔等🥔唔太辣😉.印度香料炒飯🍚炒到粒粒分明🔥不過味道比較清淡🥺.天多蘿香燒雞(2件)🐓雞肉嫩滑，帶陣陣炭香😋印度香料已經入晒味落雞肉🍗.咖喱角(2件)🔺外型脹卜卜😍好大隻，外層鬆脆，🤤咖喱餡料有薯仔、青豆🫛松子同洋蔥🧅.蒜蓉烤餅🫓蒜蓉帶少少香料🧄食落幾香，烤得比較軟😗.芒果乳酪特飲🥛香濃芒果味🥭乳酪質感醇厚幼滑😌…查看更多

點咗個印式無骨烤雞肉卷配薯條餐。價錢$56。個烤雞肉好嫩。混入雜菜沙律。好味。加點少許青咖哩汁。好滋味。個薯條好美味。杯冰檸檬茶好冰凍。價錢公道。間餐廳橫裝好重印度風味。…查看更多

今次行過，隨便發現咗間印度菜餐廳，心諗：不如嚟個異國之旅啦！🌍 食咗幾樣小食同主食，真係一個字，正！👍 Dahi Puri嘅酸酸甜甜好惹味，口感爽口得嚟清新過人，真係一食難忘。😋再講吓啲Naan，普通嗰款就算，但Black Truffle Naan，雖然免費送嚟，但都要講句justice，松露味真係差啲火候，嚟呢度食講真唔使特意點。話曬Lamb Kebab Tikka呢啲，好有份量嘅羊肌，肉質鬆化，啖啖香料味混合埋羊肉嘅鮮甜，根本停唔到口。🐑飲品方面，Mango Lassi甜過頂，喝完口腔急需清新一番，Masala Tea救命啦！濃郁香料味令人一嘴心曠神怡。呢個食評就嚟尾聲啦，下次同朋友仔又嚟開餐啦！😄💬🍛…查看更多

嚟到呢間店，實不相瞞，我對印度美食嘅期待可以話係天高海闊嘅！而家我講真嘅，一試成主顧啦！😍 開胃嘅黑松露烤餅，外酥內軟，每一啖都嗅到滿滿嘅松露香味，真係惹味到不得了。又點可以錯過蕃茄扁豆香菜湯呢？湯底非常醇厚，滋味十足，芫荽那種清香拂過舌尖，飲落去真係暖笠笠嘅幸福。👏跟住嚟嘅牛油雞，奶香四溢，香料味層次分明，只係如果雞肉再滑啲就真係無得輸。羊肉炒飯咳，辣度攞捏得好，粒粒飯絲毫唔黏，嗜辣嘅你一定鍾意！唯有下次記得話BB辣，免得辣到出汗！😅最後一定要提下印度香料茶，飲落呢個就真係舒服到暈，香氣重而唔霸道，一啖啖都係享受。今次食嘅每道菜，都令我心情大好，實踐我個人對舌尖上嘅旅行嘅期望，下次一定再嚟回味！🤤🤤🤤…查看更多

去之前係Openrice睇食評，知道呢間餐廳有套餐餐牌，諗住午市試下水準。去到就淨係見到主餐牌，而望落其他枱客都係睇主餐牌，但都試下問下有無套餐餐牌。嗰侍應就指住嗰主餐牌，不停推介價值$300幾蚊嘅二人餐。我地同佢講話午餐吃唔到咁多，佢就不停話二人餐份量唔會太多。我心諗：唔係呀？！$300嘅套餐份量唔多，咁咪好唔抵食？！多次來回之後，佢終於肯俾套餐餐牌，供應時間係由朝早11點至晚上8點。嗰侍應見我地嗌套餐之後，就無咩服務可言。餐廳如果真係唔想提供套餐餐牌，咁不如直頭話取消咗仲好。嗰套餐話包一杯凍檸茶或熱茶，下半部就有其他茶餐廳飲品，例如：咖啡、奶茶等。我地太習慣港式茶餐廳，直覺覺得熱茶包下半部飲品。直到埋單先知原來唔包，係要另外俾錢。我地唔介意另外俾錢，但問題係侍應點餐嗰時無提到呢點。即使係文化差異，唔覺得要提醒顧客，咁嗰餐應該包嘅凍檸茶或熱茶又去咗邊呢？！之前行過都好奇點解無乜人幫襯，但今次試過就知點解。食物質素正常，唔算突出，但咁樣嘅經營手法令人唔舒服，吃餐飯都驚被伏，唔會再幫襯佢。…查看更多

朋友住筲箕灣附近，於是我哋今晚去咗呢間曾經拎個米芝蓮嘅羅勒印度餐廳，佢哋開咗間分店。原本同閨蜜煩惱緊叫咩好，餐廳職員同我哋講其實有二人套餐，$318 Happy Meal for Two ，唔使再諗食乜嘢，令頭腦放空下。我哋叫咗個Happy meal for 2 ，再升級左Mango Lassi 。之後額外叫咗個打卡一流嘅酸奶醬配脆餅 Pani Poori 。作為芒果控嘅我，都要👍一下個Mango Lassi 🥭💖 頭先睇咗好耐仲諗緊點解見唔到芒果特飲，原來好嘢係唔需要特登去搵，（套餐加$15就有一杯Mango Lassi, $30 兩杯）。濃厚芒果味，仲有奶滑質感。酸奶醬配脆餅，呢個額外點嘅小食，用匙羹筆一羮特製嘅酸甜醬汁，到入去脆餅波波，之後成個波波放入口，可以感受到嗰種薄荷酸甜清新嘅口味，同埋咬落去脆薄嘅口感。香燒雞配咖喱角特製嘅醬汁，有少少辣，成個雞都好滋味。咖喱角就正常發揮，保持到北角原店嘅水準。用佢比嘅青色酸味醬汁，令到食物更加開胃。Garlic Naan食印度菜必要嘅燒餅，用嚟點咖喱主菜，我哋用手食。我哋揀咗蒜蓉味，就咁食都幾香。燒餅比較軟身。Vegetable Curry整體感覺唔辣，第一次食蔬菜咖喱，閨蜜話揀道蔬菜🥬咁樣比較健康。Lamb Masala羊肉趁熱食先好食，肉質比較淋，呢一個就有啲辣。正常發揮嘅印度炒飯，點咖喱食用。對兩個女仔嚟講，呢個份量，咁樣食落去都幾飽肚。…查看更多

過了一個星期打工生活，終於可以係星期五夜晚出來蒲啦！味道唔錯，招待熱情，面帶笑容，下次會再同屋企人來我推薦既係Garlic Nan Mango LassiOverall, highly recommended~!…查看更多

中午路過，見唔係太多人，亦想轉轉口味，就入咗去試吓午餐$70 一份Butter chicken curry with rice (or naan) ，味道香濃，份量充足，食完唔口渴，仲送咗一碗碗豆湯，滿足！…查看更多

這家位於筲箕灣東大街的羅勒印度餐廳，裝修充滿印度風情，兩位店員也非常有禮貌。我們品嚐了多種菜式。其中一道咖喱角用脆皮包裹著香料豐富的咖喱餡料，非常美味。接下來，我們品嘗了香燒雞和馬沙拉羊，這兩道菜都非常入味，香氣四溢。咖喱雜菜也是我們的菜單上必嚐的一道菜，這道菜用多種蔬菜煮成，味道濃郁，非常適合搭配印度炒飯。除了主菜以外，我們還品嘗了印度燒餅外圍酥脆，內裡柔軟，配上咖喱汁，香氣四溢，口感綿密。最後，我們還品嘗了印度啤酒，這種啤酒的風味非常獨特，讓我們的用餐體驗更加完整。…查看更多

朋友推介筲箕灣東大街有間米芝蓮店舖係食印度菜嘅。基本上我很少食印度菜，所以一口答應跟他去試一下，果然係冇介紹錯。店舖位於最多食肆的東大街，門外佈置跟一般印度餐廳沒有多大分別，店內裝修簡約，給人一種溫馨嘅感覺。我們一行兩人叫了一個性價比超高嘅二人套餐（包括咖喱角，香燒雞，馬沙拉🐑及雜菜咖喱，印度烤餅和印度炒飯）。首先就係香燒雞，他用上大量印度香料和乳酪醃製，非常入味，而且雞肉一啲都唔乾，非常juicy。跟住就係另一道招牌菜～咖喱角～它呈三角錐體，外型非常飽滿，入口鬆化香脆，入邊有很多材料包括洋蔥，薯仔和青豆，老闆說配一些薄荷乳酪醬味道更好。另外印度炒飯和烤餅也非常有印度特色，整體而言我非常滿意😄…查看更多

平日來來去去都係中西日韓，開始有啲悶今次朋友帶我嚟筲箕灣食印度菜餐廳嘅店員都係印藉菜式味道正宗，夠地道打開Menu有好多款式揀咗二人套餐，份量好充足✨香燒雞雞肉嫩滑，加上醬汁一齊燒更加惹味✨咖哩角三角形嘅咖喱角大大隻，好重手外皮香脆，裏面仲包着好多餡料✨瑪沙拉羊平日唔食羊肉嘅朋友，試完呢款咖哩羊肉都話好味咖喱味香濃，✨ 什菜咖喱 + 蒜蓉烤餅蒜蓉烤餅口感好鬆軟，唔會太乾身加上蒜蓉，就咁食 或 添上什菜咖哩 都一樣好好食✨印度炒飯好鍾意印度炒飯，炒到粒粒分離口感軟綿綿，加少少咖哩撈埋更好味✨酸奶醬配脆餅試咗呢款好有特式嘅脆餅圓波波裡面放著肉粒同薯仔店員教我地將醬汁倒入波波裡面然後一啖放哂入口Wow...脆卜卜嘅口感，仲有爆汁感✨芒果乳酪特飲我地加+$15 upgrade咗芒果乳酪，芒果味幾香，又唔會好甜…查看更多

口寡寡果陣，最啱食印度野刺激下味蕾😆😆今次黎到呢間連鎖印度餐廳🇮🇳 — 羅勒印度餐廳～～餐廳由印度大廚主理，主打多款印度菜！更多年獲得米芝蓮推介，味道夠正宗🫶🏻🫶🏻🍅蕃茄湯 $50✨蕃茄味道濃郁，調味啱啱好～～口感濃稠，啖啖蕃茄同香料香！酸酸辣辣好開胃😋😋🥠咖喱角 $48✨一共有三大件，外層炸得香脆！！裡面包住薯仔同青豆內餡，配薄荷醬食都唔錯👍🏻👍🏻🥘牛油雞 $104✨呢個係餐廳的人氣菜式，想試好耐🤤🤤咖喱加入蕃茄同牛油烹煮而成，味道香濃、唔辣～雞肉嫩滑juicy，仲好惹味添🔥🔥🫓蒜蓉烤餅 $32✨食咖喱又點少得叫印度烤餅～～烤餅偏薄身，咬落好鬆軟！仲帶少少蒜香🧄，好滋味😋😋☕️Masala Chai $28✨呢杯係印度香料奶茶，熱飲風味更佳～～奶茶入口順滑，香料味重！味道甜中帶辣，飲完可以暖暖胃♨♨…查看更多

真是很久沒有吃印度菜，今晚跟好友慶祝生日，她選了這間印度餐廳。認識了這麼久也不知她喜歡吃印度菜，點做人好朋友呢？醜呀！它位於美食雲集的東大街內，鮮黃色的招牌好搶眼，門口貼了全部菜式，好清晰。內裏整齊企理，設有多張二至四人枱，座位都算多。選擇好多，分門別類，有開胃小食、輕盈小食、湯類、印度炭燒鐵板、雞類、羊類、海鮮類、印度烤餅、飯類、甜品、套餐、廚師推介和飲品。***********************壽星女看中Happy Meal For 2 ($318)，共五道菜加兩杯飲品，好豐富。先上咖喱角和香燒雞，咖喱角Samosa 是一款經典印度小食，立體三角形，脹卜卜，樣子可愛。厚厚的外皮炸得金黃香脆，並不油膩，內裏包着以香料和咖喱烹調過的薯仔粒、青豆、椰菜碎、洋蔥粒等，口感豐富，辣度適中，風味十足！香燒雞 Tandoori Chicken表面鮮橙帶些焦燶，肉質嫩滑，並沒有夾雜肥膏，吃起來不肥膩。其烹調入味，少少鹹香，亦滿有印度香料味，好吃！***********************什菜咖喱 Vegetable Curry 的咖喱醬汁呈鮮黃色，質地偏稀身，辣度溫和，帶點香料味，用來配什菜就適合，幾夾！用料有三色豆、豆角、薯仔和椰菜花，款式不算多變，但挺入味！***********************瑪沙拉羊 Lamb Masala 的醬汁就呈鮮橙色，質地濃厚，辣味比前者香濃，辣味漸漸滲出，相信用上多款香料烹調而成。約有四五件羊肉，肉質有咬口得來都算嫩，還能嚐到微微羊羶，有風味！***********************兩款烤餅中揀了蒜蓉烤餅 Garlic Naan ， 已剪了四塊三角形，外層烘烤至帶點微黃，沾滿蒜粒和香料，嚐到淡淡的蒜香味，口感柔韌。配上兩款咖喱同樣美味！還有幼長扁平的印度米飯，粒粒分明，並不黏口，鬆散兼有嚼勁。米飯炒得乾身，並不油膩，當中夾雜了一些沾上橙黃色，亦加了些茴香，很有特色。淋上咖喱佐它來吃，添點濕潤，味道亦吸引！***********************另加了一道天多羅烤椰菜花 Tandoori Gobi ($112)以一個鐵板盛載上枱，霧出熱煙，發出喳喳聲，還有陣陣炭燒的香，好誘人。內有多件椰菜花，並椰菜絲作配料。椰菜花烤得剛好，保持少少爽口，鹹鹹微酸，吃到獨特的醬料味。喜歡加些青瓜乳酪醬或羅望子醬，前者清新，後者酸甜，各具特色！***********************二人餐包茶或咖啡，我點了杯熱檸茶 Hot Lemon Tea($0/跟餐)，茶底好香濃，加上鮮檸檬，酸咪咪，開胃解膩；壽星女要了杯冰凍的芒果乳酪 Mango Lassi (+$15/跟餐），呈淡黃色，加人紅糖醬， 賣相更吸引。她覺得甜度調製得剛好，果酸味突出，清新香甜，好喝！-----------------------------這頓久違的印度菜讓我重拾印度菜的美味，相信陸續有來，再跟不同朋友一嚐印度菜的滋味！…查看更多