影片
营业时间
今日营业
08:00 - 21:45
星期一至日
08:00 - 21:45
公众假期
08:00 - 21:45
公众假期前夕
08:00 - 21:45
以上资料只供参考，请与餐厅确认详情
相关文章
机场附近影日落相，影完顺便过东荟城食晚饭，星期六间间都排晒队，拣咗间净系等一张枱嘅试～罗麦记。印象中，用得人名做公司名，一般都会有返咁上下质素同历史，呢间嘢历史我无兴趣知，但质素就⋯⋯叫咗～秘制香辣鸡煲伴大虾铁板烧汁芥末牛柳粒海南鸡饭避风塘鲜鱿(辣)芥末牛柳粒～牛柳大家都知道肯定「淋」过西冷等其他扒，但呢碟牛柳粒个咬口系「硬」，唔系『韧』！真系唔够牙力都搅唔掂，另外「芥末」，头几啖系有新鲜感，但有一啖食落去，食正成啖芥末，霎时间辛苦到爆。辣鸡煲伴大虾～啲鸡系有辣味，唔知系咪星期六好繁忙，啲鸡肉同牛柳一样，煮到过晒火，「柴」到离晒谱，啲虾一样求其炸到熟晒至起货～干到呢。避风塘鲜鱿～我嘅认知用得避风塘呢三个字，必定系大量蒜片之类，同好野味，呢碟蒜粒小量，大量嘅系厚厚嘅炸浆，咁厚嘅浆食一旧就够。反而都系海南鸡最正常，但系我哋食左以上三味一半，要催单至上枱。最奇怪嘅事系D5餐牌打$128，手机落单$138，问过佢哋，佢哋话跟apps, 事弹啦，唔通我要同你拗！？二口子埋单$444回头度：3/10咁嘅质素，真系唔怪之得啲人要北上消费，又一话香港人依家食嘢系无要求？求其平同饱就得？以上纯粹个人食后分享，绝无收受任何利益同优惠，亦对以上言论,承担所有责任。
继续阅读
装修前一直有食开，今次来想吃炸子鸡可惜鸡已经卖晒，叫咗两个焗饭尝试，但极度难食，𠮶啲汁系又咸又苦，牛脷又薄又鞋 焗猪扒干到一个点 ，简直就贴钱买难受，食完极度口渴唔舒服！真系冇下次了 唔知佢系咪转咗个厨房师傅，同以前相差甚远 ，希望佢会有改进啦，今次真系极度失望唔开心🥲🥲🥲
继续阅读
罗麦汁牛河，咸到极致，中午食完到晚上成个胃都系唔舒服嘅，饮好多水，无下次，好失望，排队等位，无服务，难食，贵，仲要唔舒服，真系贴钱买难受，完全无一个点系令人再次帮衬
继续阅读
装修前有时晚餐都会嚟食下饭，装修之后，第一次再嚟，叫咗两个晚餐，之前未装修嘅时候啲晚餐都叫做正正常常茶记嘅质素。经过见佢装修咗之后就坐低食下啦，叫咗一个松子鱼同埋一个牛肋骨小菜，𠮶碟松子鱼首先未上到台嘅时候好远好远，已经闻到超酸嘅醋味，哗下一😑食落去。。。。。😑 我从来冇试过系酸到抢喉 条鱼炸到干到介口既😵💫😵💫咁都谂住算数啦，可能失手，等下一个牛肋骨小菜可能好食挂🙄 再等多15分钟左右，𠮶个牛肋骨小菜到咗都😣食左一旧😣哗😣点呀😣从来冇试过呢种味又咸又苦😵💫 原先谂住唔想浪费，不如夹硬食埋佢算😑但系难食到真系食唔到！讲真，𠮶句从来冇试过去一间食市系咁难食，管理层其实请人既时候，有冇试过啲师傅煮过比你地试菜？ 唔认为一个所谓厨师嘅人可以得出啲咁嘅嘢😑 真系好难食！
继续阅读
呢间餐厅之前都有去过，都唔少分店，但之前同朋友去时都知道呢间餐厅食物比一般同类既餐厅偏贵，所以平时都少去...今日行到咁上下，见呢间餐厅唔太需要排队，所以就入左去食。点知真系无咩人排队系有原因...晚餐餐牌上有个猪软骨捞乌冬，因为食物名中文同英文都无提及用咩酱汁捞，所以我就谂住问下侍应，点知佢既回答系：「我讲唔到俾你听wo... 系我地既秘制酱汁。」真系听到呆左😧咁即系咩？😧我再问：「咁系咸定甜？系豉油定番茄酱？😅」佢先好敷衍咁答，系甜甜地既... 连自己公司既食物都唔识介绍或形容，客人更加唔会知系咩黎... 到食物黎到，猪软骨有4件，㶶左2件😅秘制酱汁其实同甜豉油无咩分别...今次用餐既体验真系好差... 食物唔得，服务态度又差，仲要收呢个价钱，唔值得亦唔推荐👎
继续阅读