紅火鮮料火鍋專門店

营业中

休息中

今日在長沙灣附近買完野後，經過了一間平平無奇的火鍋店，然後點了一個有手切牛肉嘅餐，初初沒有太大期望，但因為真係太肚餓所以入左去，但野食上菜時十分驚起，最意想不到是手切牛肉同手打蝦丸，肉味濃！蝦丸鮮甜彈牙！係我在出面連鎖火鍋店吃不到的味道我會再黎的另外值的一提係這小店還有小食，係一口豆腐同油炸鬼讓蝦，另外酒水任飲同多款湯底，先黎入味雞煲再上濃湯火鍋，用料足！湯底真材實料，難得一見的小店,下次會試下其他湯底！

落開深水埗買野，想求其搵嘢食，諗起想打個hea邊爐，一時之間任食嘅喺附近只係得呢間，心諗自己冇咩要求，只要求正正常常就算，點知中哂伏。開頭上個雞煲就普普通通入得口，打湯叫火鍋料就勁耐先到，仲要漏好多單，明明間野已經冇咩人，耐都算，黎到d料大家有眼睇，大部分d野仲衰過佳寶，絕對冇下次。最後，只有啤酒是正常的，但仲要好多都係唔凍，明明冇咩人食，仲要唔係好早到場，啤酒都可以唔凍，無言。如果味道有得揀負分，我絕對比得出，嬲到我會專登想開個account黎寫一間餐廳都係第一次，有時明白香港生意難做，但呢啲咁嘅餐廳冇心做就冇乜人幫襯🤬🤬🤬🤬🤬🤬🤬🤬🤬🤬🤬🤬🤬

朋友住附近食過好幾次話抵食，咁就嚟試吓，呢間火鍋店應該係有兩三個舖位，當日我哋9:30到，唔駛等位，店員就安排我哋坐隔離舖，入到去地方唔算大，得三至四張枱，坐位有少少迫，坐好我哋就開始點食物，一開始就叫左個小辣雞煲先，個汁好香辣好惹味，可能個汁太濃，食唔到啲雞有雞味，之後我哋換咗個清湯打邊爐，對於任飲任食火鍋嚟講種類都算多，我哋叫咗以下食物1）蝦 - 雖然死，但都好彈牙2）牛骨髓 - 新鮮、嫩口3）水魷魚鬚 - 爽口4） 鵝腸 - 新鮮、有肥膏5） 田雞 - 新鮮、嫩口6）雞腸 - 新鮮、有肥膏7） 淮山 - 新鮮8） 冬瓜 - 新鮮9）肥牛 - 冇乜牛味整體嚟講，食物質素還好，兩百幾蚊真心抵食嘅。

每年都會黎兩三次琴日再黎點左個雞煲一上台已經係燶既係煲雞都係燶味同女店員反映佢堅持話乾雞煲係咁既味我就住樓上每年食兩三次每次都係食雞煲都未試過有燶味之後話換比我地要加錢真係傻左，你既錯要我地加錢？問左兩三次都唔得Ok 算數繼續食加完湯都係一樣成煲野都係燶味餐牌同上年比已經唔同左桶豪，豬腦無左任食，蒜蓉果D配料要加錢，手切牛要加錢埋單人均都近$300呢個價錢我不如去食對面鍋心同埋深水埗蚊蚊豬好過你失去左一個幫親左好幾年既客，包括我既朋友，永遠唔番黎

好多特色嘢，又新鮮，而且價錢親民，賣相好，滿分啊‼️‼️‼️希望唔好喺我出完post之後要排隊物食到🙊（OS：我依啲薯仔，應該冇咁大影響力）百年古方雞煲 半隻 💰218 免加一 ❤️‍🔥10/10分惹味，但無咩雞味，雞有幾嚿韌，其他都算嫩〰️🌟必嗌🌟1️⃣有膏鵝腸/鵝腸，滑捋捋，鵝油好正，甘香（？），唔知點形容，總之就正🤤2️⃣脆鯇腩，超爽脆，有魚味😉3️⃣墨魚滑，超彈牙，起哂膠，又有墨魚味👍🏻4️⃣豬仔肚，滑，香💖5️⃣牛脷，估唔到打邊爐都咁正，重牛味又有咬口😚6️⃣魚肚，滑，有啲似笙竹feel，索哂啲湯😍7️⃣魚皮鮫同雲吞可以一試，自家製，豬肉餡超多，好大粒😝8️⃣隻燒芝心丸，純粹覺得佢有燒烤味，正過普通嗰啲🤪⬇️新鮮好食但唔係幾啱打邊爐🤣⬇️1️⃣牛坑腩，有牛味但可能要一開始落，否則好韌🙈2️⃣田雞，唔夾邊爐，索唔到湯汁，嘥哂🫠3️⃣雞雜，同上😶‍🌫️4️⃣牛柳粒，都係bbq好啲😌5️⃣魚頭，打邊爐會碎哂，蒸好啲😆🔅建議book咗位先，雖然佢應該都有位畀你walk in（我星期六530pm喺佢開鋪嘅時候打過去都有好多時間畀我揀），不過實際座位唔算好多🫡🔅Openrice search 「紅火雞煲」見到深水埗「紅火鮮料火鍋專門店」先係，長沙灣應該唔

1. 豬腦已經不是任食了 2. 叫田雞好快就話冇貨 3. 任食叫得多就成日望住你張枱，同一張單叫餸, 平價食物就比一大堆你，貴少少就要催幾次先送到😡😡😡😤😤😤😤

先說總結，店舖整體讓人十分滿意。首先，食物選擇上可以說是豐富，味道相比同價格火鍋店好。員工態度友善，會盡快處理客人要求，上食物速度亦算快。老闆也十分友善，讓人感到十分窩心。

野食d質數好好味，雞煲離遠都聞到好香，餐單好多野食還可以揀，食完雞煲又可以打邊爐，真係超級讚😋另外手打蝦丸真係超級彈牙，好次話老闆娘親自手打，鍾意食雞煲同埋打邊爐的朋友真係一定要試試～😋

雞煲好有水準，雞肉嫩滑，好入味手切牛一般，可以慳返$20牛筋出色水魷及鵝腸好爽又多肥膏黑豚豬肉有豬味美國肥牛沒什麼牛味韮菜餃太咸，墨魚滑有點梅任飲任食$200多毛的確抵最不幸食到尾聲見天花上面有米奇出現即時埋單走人

今日同朋友行完街忽然想食雞煲，諗起好多年都無嚟過既紅火，於是一行五人立即出嚟，咁多年無嚟過，好在都無令我失望，水準依然！👍🏻雞煲我地叫咗唔辣，都ok好味（記得以前食辣既更惹味，不過同行朋友唔食辣，今次試咗唔辣原來都ok）火鍋料選擇算多，尤其係内臟選擇較多，但我本身唔食內臟既，唔知好唔好食，朋友就覺得唔錯，我就特別喜愛上碟都仲有跳動既田雞，非常新鮮！😁 鯇魚片都好新鮮，好好味！水餃好味！ 仲有鮮淮山加$20升級咗手切肥牛，係唔同啲！整體上以呢個價錢食到呢個質素，確係抵！

麻辣雞煲 唔麻 不過叫OK但其他火窩料就真係唔得肥牛唔肥，仲要軔到爆安格斯牛粒 軔過香口膠好在有海蝦係新鮮ge, 不過想叫多兩次嗎？唔好諗啦，加單就會漏左上蝦，淨叫蝦就會無左件事，吹佢比蝦 ，佢就話你地預鐘啦喎…不過鵝腸同粉腸就ok ge~服務就欠奉架啦 埋單唔洗兩百 算係咁啦～

香港人天氣一凍就想打邊爐。紅火雞煲餐廳坐位都幾闊落。黑毛和牛肉，肥瘦均勻，切得又薄，入口蠻嫩。<<黑毛豬肉>>，也十分嫩滑，入口很有豬味濃蘑菇，粟米，蘿蔔，白菜，皇帝菜等蔬菜類都十分新鮮。帶子幾甜。珍寶赤蝦大家都讚不絕口 好大隻 又夠新鮮 爽甜。

59年來最凍嘅天氣，令香港人感受真正嘅冬天。辣椒驅寒、食雞保暖都係我食雞煲嘅藉口😆有老友知我係雞煲癡，特別介紹呢間雞煲叫我試吓。老老實實，如果唔係嚟呢度食雞煲，我呢世人真係未嚟過呢度，尤其係凍到要著羽絨嘅夜晚，只見街上只嚟食雞煲嘅人外再無其他，如無人大力介紹真係唔知有嘢食。 店面唔大，只有一個舖位，連埋門口行人路都只係十張枱左右。價錢相當大眾化，每位任食火鍋都係$168/位，仲要免加一。唔怪得訂咗枱都要等十分鐘啦。餐廳全場爆滿，座位尚算闊落，厨房喺餐廳盡頭，只見師傅無停過手，但厨房內部整齊，忙而不亂。 一埋位梗係食雞煲先。今次叫咗中辣，雞煲醬應該有沙茶醬配辣醬，味道濃郁香甜，少少辛辣剌激味蕾，增加食慾，雞件嫩滑無雪氣，雖然唔係麻辣雞煲，但食完都成身暖笠笠，食完成隻雞都意猶未盡。不過唔緊要，呢度有2小時任食火鍋，即刻剔嘢食彌補我嘅空虛失落。 生料選擇都算多，唔計小食同飲品，總共有91款食物供應，隨時多過逐碟計嗰啲火鍋店！！而且不乏罕見，重本嘅材料，連田雞豬腦豬天梯都有得免費任食，雖然我對以上嘅材料無甚興趣，但都比張點菜紙嚇親！！今次好開心連海蝦

老婆想食雞煲,我地都係大食之人,選咗9點半後任食!雖然係任食,佢d料一樣咁新鮮,雞係仲陣緊,肉係即片既!墨魚滑正!雞煲方面,中麻辣我地都食到,唔係辣到出汗個隻!不過好香,一開蓋個陣香味,真係冇得頂!如果食得好辣不防試下大辣!兩個人任食有半隻雞,裡面都有半隻雞既份量!以前少人食好多時一落去就有位,而加有時要等或要坐街邊,所以打落去訂位穩陣d!

聽朋友講話呢間雞煲幾好食就黎試下，叫左一知小辣一個中辣，個中辣一開始叫都唔係好辣，但可以叫佢加辣椒，後來都還好，麻味好重，食完條利有少少麻左既感覺，叫野食都黎得幾齊，好少有漏單情況發生，但味道就唔係特別好味，普普通通，但可以黎試下另類辣味既雞煲。