影片
开饭介绍
来自日本镰仓的人气和风Cafe，供应寿喜烧、丼饭、拉面、甜品等美食；其雅致舒适的木系装潢，提供一个可放松身心享受美食的用餐环境。
继续阅读
营业时间
今日营业
12:00 - 22:00
星期一至五
12:00 - 22:00
星期六至日
11:30 - 22:00
公众假期
11:30 - 22:00
公众假期前夕
12:00 - 22:00
以上资料只供参考，请与餐厅确认详情
有关奖赏计划
好钟意食日本料理嘅我哋，喺海之恋揾到新开嘅日式料理餐厅。入面采用木系嘅装修，感觉非常和谐。晚上同朋友食下饭，倾下偈，呢度系唔错嘅选择。餐厅设有好特别嘅tatami座位，入座须除鞋，望住辽阔嘅蓝巴勒海域，感觉更加特色。餐牌有唔同嘅定食料理、例如拉面、茶渍饭及猪扒饭等。 亦有抵食二人套餐，小食及特色甜品等。选择多多🤩1）👍🏻豪华原条鳗鱼茶清饭 （虾汤）- 上枱时好惊喜，好大条鳗鱼，摆盘型好靓。茶渍饭有两种食法，刺身食及下汤食。鳗鱼啖啖肉，非常肥美。而虾汤作为茶渍饭好少有，虾味浓郁，绝对值得一试2）🐟烧花鱼一夜干定食 - 制作需时15-20分钟，但等都好值得。一夜干烧得焦香，唔油腻，配白饭一流。定食凉菜仲有青瓜同沙葛，好fresh，唔会顶住个肚3）🍣三文鱼剌身（3片）- 新鲜肥美，鱼油香十足4）🍅胡麻冻番茄 - 清新鲜甜，咬落爽口，用嚟做前菜非常岩5）🍤炸北海道甜虾 - 唔好睇佢细细碟，其实入面好多虾。炸得金黄色，好香脆，作为佐酒料理非常好！👍🏻6）☕热杂莓&香橙红茶及热蜂蜜姜红茶 - 饮落好舒服，少少甜，好驱寒暖胃7）🍰谦仓红叶茶屋抹茶提拉米苏 - 餐厅嘅招牌甜品，抹茶控至爱，食落好多层次，有蛋糕、芝士，仲有抹茶，好松软及幼滑。呢度甜品完满了整顿晚餐！！😋
继续阅读
之前系尖东分店食过下午茶觉得唔错今次带姑妈去海之恋分店食dinner豪华吉列滑蛋丼(猪扒&广岛蚝) $138份量十足，蛋香软滑仲有爽脆洋葱垫底吉列猪扒好厚，粉浆唔会太厚，肉质嫰滑广岛蚝都几大只，一咬爆汁热泡沫咖啡$20奶泡丰富，咖啡香浓仲有石头朱古力伴碟，好有儿时回忆鹿儿岛黑毛一口和牛定食$128牛味浓郁，肥瘦适中，送饭一流味噌汤热辣辣，前菜青瓜＆萝卜爽脆多汁热鲜奶咖啡 $20同样有石头朱古力，虽则无拉花，味道都唔错炸北海道甜虾$58炸到好酥脆，连虾头都食得，起码有8只，好抵烧味琳鱼干 $48呢个正，热辣辣，烟烟韧韧，蘸埋蛋黄酱不得了士多啤梨朱古力新地 $68牛奶雪糕＆朱古力雪糕真系几时都咁啱key除左士多啤梨仲有蓝莓，脆片燕麦等等AFFOGATO $58呢个系我至爱之一，滚热既espresso淋落牛奶雪糕度，形成既分层真系好靓，咖啡超浓郁，同埋比出面既大杯，好满足装修日系，当日坐塌塌米，有3只熊猫陪坐，忘忧既一餐
继续阅读
镰仓红叶茶屋本店位于游客胜地镰仓小町通商店街，进驻香港后成为人气和风Cafe，今次就来到荃湾海之恋商场分店，采用日式木系装潢 ，以简单朴素的室内设计带出柔和感，设有榻榻米座位和落地玻璃窗，可以饱览荃湾海旁景色，季节限定二人前套餐价钱为$488，包括2款前菜、2款主食、2款甜品和2杯$45以内的饮品。前菜红叶四点盛集齐刺身3点、炸北海道甜虾、芥末章鱼和枝豆，刺身3点包罗三文鱼、蓝鳍吞拿鱼和带子，肉质新鲜爽滑，带软壳的炸甜虾入口酥脆，芥末章鱼微辣惹味，枝豆开胃无负担。小龙虾沙律揉合海洋风味和清爽蔬菜，唤醒沉睡的味蕾。三文鱼他他芝士脆片 +$20三文鱼他他肉质弹滑，三文鱼籽的粒粒脆感瞬间在嘴里爆开咸鲜滋味，并以轻薄的芝士脆片垫底。主食吉列猪扒&广岛蚝每份定食附上日本产米饭、两款配菜及面豉汤，炸成金黄的面包糠外层酥脆无比，猪扒肉质纤细易嚼，肉汁丰满，吉列广岛蚝外脆内软，细嫩多汁。照烧鸡扒厚切无骨鸡扒啖啖肉，烤焗期间把烧鸡油份迫出，肉质嫩滑。日式照烧汁甘甜香醇，吃出传统和风家常料理的味道。升级镰仓红叶茶屋抹茶提拉米苏 +$10镰仓红叶茶屋最出名的甜品就是盒子提拉米苏，日文汉字是「枡」，原本是承装酒饮的玻璃杯下的木质容器，以和式美学的木盒盛载，印有红叶茶屋的标志，表面撒上宇治森半抹茶粉，与一般常吃到的提拉米苏不太一样，将提拉米苏的甜奶油味与抹茶融合在一起，最底下还有松软蛋糕，清幽茶香在味蕾尾韵缓缓窜出。升级抹茶蕨饼新地 +$20以花型窝夫脆筒盛满抹茶雪糕、牛奶软雪糕、抹茶蕨饼、红豆蓉、糖渍车厘子和粟米片等，雪糕质感软滑，抹茶蕨饼烟韧软糯。餐饮雪糕牛奶抹茶茶香浓郁，散发抹茶的微沥回甘，加上一球云尼拿雪糕份外冰爽透心凉。
继续阅读
我哋喺荃湾海之恋商场行街时，经过见到呢间日式餐厅，发现佢地嘅二人餐好抵食。餐厅内有三张榻榻米座位，好有日本风情，仲摆满咗好多可爱嘅熊猫毛公仔🐼，感觉温馨又舒适。唔单止可以享受美食，仲可以一边观赏美景，绝对系一个难忘嘅用餐体验🥰。🍁红叶茶屋二人前 $488（每人二款前菜、主食、甜品同饮品）🧡前菜🥗龙虾沙律小龙虾份量十足，有一球雪糕嘅份量，味道咸香鲜甜。沙律菜新鲜爽脆，搭配清新嘅柚子汁，令人开胃。 🍱红叶四点盛我哋特别钟意炸虾，炸至香脆咸香！芥末八爪鱼带有wasabi嘅辣味，口感黏滑，越吃越开胃！刺身有三文鱼、带子同红虾，红虾滑嫩鲜甜！仲有枝豆添，我地秒速清哂😆！🧀三文鱼他他芝士脆片 追加+20芝士脆片非常香脆，芝士味浓郁！上面系三文鱼粒混合三文鱼他他同三文鱼籽，一啖食落去，口感好丰富！🧡主食🍲牛肉寿喜烧 乌冬及面豉汤食寿喜烧定要配乌冬，所以我地加$10转清汤乌冬😋，烟韧弹牙好吸汤啊！牛肉份量都唔少，肉味浓郁唔鞋口，寿喜烧恰到好处，唔会过咸。🐷吉列猪扒&广岛蚝 日本产米饭及面豉汤两款都炸得非常酥脆，而且粉浆又唔会太厚身👍🏻 吉列猪扒口感柔软，而广岛蚝咬落去系爆汁！🧡甜品🧁镰仓红叶茶屋抹茶提拉米苏 +$10Tiramisu入口好滑，系清香淡雅嘅抹茶味，唔会苦涩。质地轻盈绵密，比起传统Tiramisu更清新。🧀抹茶云石纹芝士蛋糕+$10抹茶云石芝士蛋糕真系出色！口感好软滑，带有淡淡嘅抹茶香气，仲有啲独特嘅芝士香。🧡饮品🍵雪糕抹茶拿铁抹茶香浓唔苦涩，搭配云呢拿雪糕球，令抹茶多咗浸奶香味，饮落好顺滑。🍵雪糕白玉抹茶拿铁 +$8呢杯多咗大大粒嘅白玉，口感烟靭，同雪糕冷热交融。📍 红叶茶屋 荃湾大河道100号海之恋商场3楼3012号舖
继续阅读
抹茶控嘅我，今日拣咗呢间红叶茶屋试下。餐厅地方唔算好大，以木色日本装修为主。餐厅将最入位置分间开，内有三张枱系榻榻米座位，好有日本风。红叶茶屋二人前 $488前菜有红叶四点盛、龙虾沙律四点盛有：刺身、芥末八爪鱼、枝豆、炸虾刺身竟然有3款咁多，三文鱼、吞拿鱼、带子。刺身新鲜，细细件但都几厚，可以俾我过下口瘾。芥末八爪鱼芥末味都几重，好钟意。龙虾沙律都系前菜，但份量都几多。龙虾粒混入沙律酱，再配上新鲜沙律菜、洋葱、红黄椒，清新开胃。三文鱼他他芝士脆片 +$20芝士脆片细细件，一口一件。脆片好脆口，芝士味浓，配上三文鱼籽嘅咸鲜，好夹。红叶松叶蟹味噌拌面 钟意食蟹嘅朋友，可以试下呢款主菜。拌面连蟹盖上枱，卖相好吸精。旁边另上两小碗，一碗蟹膏，一碗蟹肉。将蟹膏同蟹肉混合拌面，蟹膏蟹肉令拌面提鲜，碟边洒上辣粉，可以按照个人口味，自行混入面条内。牛肉寿喜烧套餐配有日本米白饭同面豉汤，锅里有牛肉、豆腐、冬菇同杂菜。牛肉嫰，寿喜烧甜度调得刚好。冰忌廉抹茶拿铁好好饮～ 抹茶拿铁味道超浓郁，满足晒抹茶控嘅我。抹茶甜品有五款选择，好可惜侍应话当日软雪糕机坏左，唯有下次再试新地甜品。镰仓红叶茶屋抹茶提拉米苏 +$10Tiramisu用个盒仔装住，面层铺上抹茶粉。 入口散发啖啖抹茶味，忌廉好滑，蛋糕柔软绵密。抹茶云石纹芝士蛋糕 +$10芝士蛋糕抹茶味唔太浓，但芝士味重，都好食。
继续阅读