緣聚西日餐廳 (西裕街) (已結業)

今晚同🧔🏻兩個拍拖仔👩‍❤️‍👨去咗食放題～刺身食咗兩轉～全部野食都中規中矩～每位加一收費～其實飲多幾杯啤酒條數都喺返度～最好食竟然係個野菌龍蝦粥😂😂…查看更多

話說就快半年無食呢間野啦，大瀛喜又食到厭咗，咁今晚咪就同另一半食返呢間，點知估唔到半年後差別咁大囉，痴線未試過食野難食到要寫差評，真係難食到爆炸，笑死。真係唔建議大家嚟食呢間，質素差咗勁多，無眼睇…啲刺身又唔新鮮，特別係三文魚，好似霉霉地，跟住啲牛肉又孩，天婦羅又粉到阿媽都唔認得，海膽少到好似鼻屎，真係以後都唔會再有下次，總之就係好難食啦。第一次難食到要寫差評，第一次嘅差評風險比緣聚，真係多謝曬。價錢同質素根本差天同地，咁嘅價錢咁嘅食物質素，我寧願鋸牛排好過🙂食咗咁耐剩係點過三次野食，冇諗過放題都可以難食到咁嘅樣。大家真係唔好再幫襯，除非想做劣食勇者啦。真係絕對唔建議再嚟食囉。好彩用餐飲卷姐，如果唔係個荷包仲痛😇…查看更多

唯一好的地方我覺得係上野快，海膽系列簡直呃人，海膽帶子壽司上面只有丁丁海膽，食兩個鐘鵝肝一共拿到三件，烤生蠔超細隻，仲有幾隻係臭嘅，好彩冇加百幾蚊去食生蠔同蟹腳。…查看更多

上個禮拜去咗，食物質素差咗好多，最差係刺身蝦又細隻個樣好似霉霉爛爛咁，三文魚同吞拿魚都唔錯，其他有些魚生類好似冇乜味，食物種類好多，芝士蠔好食但係比較細隻，中午去食兩個鐘差不多$200落樓，…查看更多

緣聚都開左好多年 一直都以平價黎做招徠 雖然話食得放題都唔邊預有咩高質野食 但好老實質素其實仲好過某d收得貴又麻麻既日式餐廳 近期又經常搞d新優惠 酒類飲品又任飲 就算假期如果晚上7點前埋單都係220左右已連加一 小弟食過屯門同元朗店 感覺元朗店做得比較好 因為元朗店經常搞新優惠 係社交平台留言就得 同埋食物質素都比較好 店員收碟既速度都好快 算幾勤力 …查看更多

Having lunch at here today and it was really bad service because many orders are no show on table!!Asked waitress to check missing orders but seems NO ONE IS CARING. The long leg Crab is horrible and look like dead for long time already... tasted like it’s rotten, better not expecting it too much. NEVER again.…查看更多

用咗Openrice coupon，連服務費每人$168。呢個價錢真係3個鐘放題??  我地confirm咗幾次，真係食3個鐘!  邊有咁so? 坐低一輪衝鋒，幾round刺身，質素唔錯，以放題嚟講非常OK~  其他熟食、天婦羅都好好~  又有梅酒、加士伯任飲，已經覺得值回票價。食食下，見到有兩部生啤機，有Asahi, Somersby。以為係另外課金order嘅，多口問下侍應姐姐，原來可以自己隨便斟!  WHAT THE!!?  $168生啤放題，酒客嚟到，飲兩三杯，加少少炸物，根本已經值回票價，其他食物質素根本不用考究 (但當然都唔錯   )電話落單，唔係寫紙仔，好清楚。有少少漏單，但可以接受。因為人真係好多、好多單、侍應人數又好似唔係好夠。但態度都唔差，起碼無黑面。女經理一個打七個，反應非常快，又有禮。食咗兩、三round 甜品，韓國雪條好正，食到飽飽才兩個半鐘，撇~…查看更多

今次已經係第三次食together, 聽講有新鮮龍蝦，即刻bk檯嚟食！Dinner 有兩round, 我哋食頭轉，準時入場，食兩個鐘！一坐低就有店員自動波擺低新鮮龍蝦，肉質爽口彈牙，食得出嘅新鮮！當然唔係任食，得一round, 跟人頭！今次仲有燒牛肉，好似食buffet 咁，中間有張檯，出去排隊拎！肉質ok，燒得都啱好，不過好快清晒，下一round 轉咗德國腸！其他嘢食就正正常常，選擇唔算太多，但絕對係對得起個價錢！掃QR code 嗌嘢食，好方便！總括嚟講，次次食都好滿足，嘢食ok，服務ok，間唔中有漏單，但唔多，CP value 極高，值得一試！…查看更多

朋友生日, 佢揀左食呢間加埋一差不多三百了，芝麻雞翼無，吞拿魚蓉壽司打到變肉泥，食物種類少到我以為食緊百幾蚊果啲？主打有蟹腳，但落單同我地講賣哂...無乜好寫，都幾耐無食過cp咁低既放題。。。。。。。。。。。。系統要我200字先提交到個post, 我唯有盡量寫下啦！其實真係無乜野食到落肚，所以真係無乜好寫茶啡係OK的刺身帶子細細粒，爭鮮都大粒過佢咁，無鮮味甜品得廖廖數款，我無食我下次都係去返形點食第間啦。。。…查看更多

食物OK 飲品OK服務十分OK三小時，任飲任食，超盡興除了中間有三四隻海蝦不夠新鮮其他食物都很美味，特別是燒大頭蝦，雞脆骨，串燒都超級棒。和朋友慢慢吃慢慢喝，超時了工作人員也完全不崔我們離開。…查看更多

放題係意思係任食啊 定要三吹四請請不停咁嗌不停咁嗌佢先會都係嚟一兩舊左右嘅放題疫情下都要咁樣質素對待客人所有嘢第一次嗌都係唔足份量第二次都係人頭數 都比唔足究竟每個人收$270係要好似食法國餐咁每樣野食小小連最基本最普通番薯仔都只係俾咗九粒😂絕對唔係話依間公司服務態度問題只係覺得唔需要比客人填幾多件數應該每樣只係✅跟人頭出數量 咁就唔會令客人誤會放題意吹左兩次 第一次話已經本緊 15分鐘後再吹竟然要10分鐘😂😂 你個番薯仔需要超市買定要去分店拎？…查看更多

琴日生日，咁啱食肆開番堂食到十點。但因為啱啱開番堂食，唔想去油尖旺區太多人，於是搵下元朗有咩自助餐食。搵到呢間好似ok，就決定黎試下。間野係西箐街，係嘉城廣場後邊。如果搭輕鐵可以係康樂路落車往中銀方向行，經過公園去到嘉城廣場，兜去後邊就見到有指示牌。一黎到，侍應好細心安排左係間隔開既房仔入邊，環境同氣氛我覺得唔錯。我差唔多六點去到，人唔算多。坐低會俾張有QR code既紙仔，直接用手機掃Code就可以落單。呢度D蝦刺身，三文魚刺身唔錯。可以叫埋邊爐但款式唔多，湯底我要左番茄芝士。我都叫左幾多野食，其中羊架、魚、生蠔我覺得ok，生蠔要蒜蓉果隻。甜品一定要試，好好味。同埋野飲我會飲荔枝烏龍茶，同d野食幾架。值得間中黎下，唔知係唔係因為啱啱開番，野食款式唔算特別多。會再來試，希望可以再多d選擇啦。…查看更多

雖然放題食物唔可以話十分高質，但勝在選擇夠多，呢個價錢食到過百款食物，仲有打邊爐，雖然2次都係2個人所以真係食唔到火鍋，但都見到幾多客人打邊爐，外面仲有清酒梅酒任飲。刺身都算新鮮，但切得大小不一得好緊要，都算高分之選，推介可以一試油甘魚，希靈魚，甜蝦，生蝦刺身，象拔蚌。壽司，軍艦，卷物，手卷都麻麻地，可以唔洗試，但左口魚不防一試。外邊食物枱上既食物，基本都可以唔洗試，太乾太硬同一定凍哂，冷盤泡菜同頭抽珍菌可以拎少少做前菜，其他沙律都可以唔洗試，蒜蓉金菇好咸。蟹粥蟹肉梅哂，粥都okay, 蒜蓉燒蠔好咸，燒多春魚，燒墨丸極度乾燥，不建議叫，清酒煮蜆都麻麻，不試也罷。羊架唔錯天婦羅太厚粉，汁太咸，可以唔洗試。最滿意係海鹽牛奶雪糕，焦糖牛奶雪糕都唔錯。乳酪雪糕都唔錯，焦糖餅雪糕有d怪怪地，似藥水味。…查看更多

My family and I went to a restaurant called "Together" (緣聚西日餐廳) located in Basement, Kam Fook Court, 5-11 Sai Yu Street, Yuen Long元朗西裕街5-11號金福閣地庫.The buffet dinner costs HKD$238 per adult.Arrays of Japanese cusines,sashimi, western cuisines and dessert that are provided on sn unlimited basis! Beer, drink are free flow too!!"Sesame fried chicken wings" (back)芝麻脆炸雞翼(後)Crispy golden skin with nice seasoning！Yum！"Pan fried Australian serloin" (front)煎澳洲西冷(前)"Sake shrimp"清酒凍蝦Cold appetizer！The shrimp is sweet with a hint of sake flavour！！Nice"Garlic beef cubes" (front)香蒜牛粒(前)intense flavoue, tender and soft."Grilled chicken cartilage skewer" (後)燒雞軟骨(back)Loveeeeeeeee this skewer！！flavourful with a bit！not to soft！"Japanese beef udon"日式牛肉烏冬The soup is delectableee！！The beef is soft and tender！…查看更多

放工後,有人話想食放題,記得之前在千色店附近見過呢間所以嚟試吓,估唔到又幾多元化,價錢又實惠餐廳環境寬敞,坐得舒適,而且仲用QR Code 點餐, 既環保又可快捷查單放題種類多, 有沙律、刺身、壽司、手卷、炸物、燒物、西式食品、火鍋、飲品、甜品 等…任食兩小時$248再加一自助區有火鍋配料、冷盤、飲品和甜品飲品區有紙裝、罐裝汽水和啤酒,如果唔啱 飲也可選擇凍檸茶、熱檸水或其它可選擇甜品區有多款啫喱、布甸、蛋糕、雪條,仲有大人細路都愛玩的甜筒機刺身我覺得三文魚和北寄貝最好食,肥美又鮮甜,好有口感前菜有八爪魚、中華沙律、三文魚沙律等壽司全部即叫即做,紫菜脆,唔錯炸物每款炸得非常鬆脆,個人喜歡食榴槤炸彈餡料足又有濃濃榴槤味,雞翼脆口有肉汁蒜蓉焗蠔焗嘅時間剛好,令蒜蓉帶出蠔嘅鮮味,燒粟米串很香,粟米甜,羊架熱辣辣夠惹味最後食多兩支雪條,滿足的一餐…查看更多