綠茶餐廳 (希慎廣場)

营业中

休息中

Lunch 唔洗等入到去，茶無得選擇($12位)，QR code 落單，叫咗1. 江南定勝糕 $28 (四小舊)2. 宋嫂魚羹 $48 (只能用漿糊形容，搵條魚絲都無，得幾條冬菇絲，幾條粉絲)3. 高湯蝦乾煮時蔬 $58 (正常，但應該係蝦米仔幾粒)4. 紅酒糟圓子 $38 (又係另一漿糊，無酒味)坐低食到埋單只用咗30分鐘，因為樓面會光速收嘢，最後收埋你個碗，你話仲唔走咩？明嘅就明。好一條過江龍…

好耐無食過中菜，但依間餐廳喺門口聞到香味，就忍唔住要入去啦😂首先是東坡仔排🍖，這道菜的肉質鮮嫩，醬汁濃郁，完美地融合了五香和甜味。每一口都能感受到豬肉的鮮美，彷彿在口中融化，讓人欲罷不能。接下來是板栗燒鴨🦆，這道菜的鴨肉外酥內嫩，搭配香甜的板栗，味道相得益彰。鴨肉的油脂與板栗的甜味交織，令人回味無窮。最後是老紹興蔥油腰花🌿，這道菜色澤誘人，腰花滑嫩，搭配香濃的蔥油，口感清新。每一口都充滿了獨特的香氣，讓人感受到傳統的魅力。

今次我地過左黎銅鑼灣行街，去左希慎呢度睇下野，順便食飯，呢度都勁多選擇，經過呢間綠茶餐廳去睇下，原來係中菜黎，門口都幾多人等位，就入左去食😆餐廳坐位幾闊，坐得舒服，店員立即幫我地開左壺龍井綠茶，同一般茶樓飲既普洱壽眉唔同，另外仲有凍飲既龍井檸檬茶，紅寶石琉璃可以嗌🍵龍井烤雞（$138）呢個龍井烤雞係採用三黃雞用龍井茶葉煙燻整出黎既，有一陣陣既茶香，上碟時先原隻送上比客人，之後店員再幫手將佢剪成細件，雞皮夠脆，雞肉又嫩滑多汁，個人覺得係必食之選🐥板栗燒鴨（$118）呢個烤鴨門口排隊見到係新品上市，做得招牌菜相信都唔差，叫番碟試下，個鴨雖然有寫係辣既，但唔算好辣，唔食辣既都食到，個汁做得幾好，杰杰地好入味，餸飯一流🦆尖椒臭豆腐（$68）佢同一般小食既臭豆腐有d唔同，配上尖椒同肉碎一齊煮，惹味得黎，仲有d汁撈下，又係一個餸飯之選😋蛤蜊絲瓜（$78）食中菜就叫個菜類完整d，我地揀左蛤蜊絲瓜，係用上湯煮既菜式，絲瓜清甜，仲有大量蝦米同淡菜係裡面，清得黎帶點鮮🥒🦐綠茶餅（$28）我地叫左份呢度既主打甜品綠茶餅，一共4塊，外層佈滿芝麻，用綠茶做個皮，裡面係芋泥做餡，外脆內軟既口感，好好食，果然係主打

見過幾個blogger分享呢間餐廳 個個都讚不絕口今晚就約左個friend去食😋😋好彩早到 唔洗等位 7點零鐘就開始坐滿人餐牌啲甜食比例超高 樣樣野都好吸引🤤🤤🥘狀元芋頭煲超有心機手工菜芋頭切到一片片 再夾住豬腩肉 一片一片咁砌滿一大煲芋頭入口溶化 超正😍😍超大煲 兩個人係食唔晒😂🍜杭式片兒川一人份量 好中式嘅麵條🍲蝦湯泡飯‼️‼️呢個必食‼️‼️個蝦湯超濃郁 仲有碗脆米溝住食 超高質🫶🏻🫶🏻🌰桂花糖水板栗超多桂花糖水 超好食🤤 只係有啲爆得唔夠開需要多少少時間去處理個殼🍪綠茶餅記得要即食 係外脆內糯架😍😍加埋外圍嘅芝麻 超香口 🍧西湖桂花藕粉好特別 好似一碗漿糊 帶有少少甜香港好少地方有得食值得一試餐廳出左啲新野飲 幾特別龍井檸檬茶▶️龍井茶葉 +香水檸檬紅寶石琉璃▶️石榴汁+馬蹄爆珠下次一定要空肚食 咁先唔會浪費食物😄

見到新餐廳又有咁多好評，就訂左九位，為家庭成員慶祝生日。訂位的時候已經知道用餐時間1.5小時，其實完全冇問題。最惡劣的是，由入餐廳到用餐時間只係過了一個小時，就有三個不同的侍應係咁同我哋講用餐時間1.5小時，大佬淨係食咗一個鐘，就逼我哋切蛋糕，枱上面嘅嘢都未食完，就話出邊有客，唔係一個半鐘嘅咩？！😡😡😡😡最後忍唔住同佢講，等我哋食完嘢先啦！搞到勁尷尬仲要嗰個見到隔籬枱個客人未食完嘢，就係咁逼佢埋單.其實食物質素一般般唔係問問題，咁嘅服務體驗，只可以算得上係茶餐廳。千祈唔好有特別日子嚟，當茶餐廳就算啦，懷疑佢哋要追quota🙂‍↕️

🍽️ 綠茶餐廳 - 銅鑼灣希慎廣場12樓 🍽️🌟 深圳綠茶餐廳呢個大品牌喺內地廣為人知，最近佢哋終於喺香港開設咗分店，打響頭炮！今次我過到嚟見到佢哋嘅裝修非常華麗，感覺非常高級。佢哋門口有古箏，門口嘅知客小姐仲識得彈古箏，讓人感覺特別典雅。🍴 **菜品介紹**：- 🦆 **板栗燒鴨**：呢個燒鴨嘅皮脆肉嫩，搭配香甜嘅板栗，味道層次分明，每一口都係極致嘅享受。- 🐔 **龍井烤雞**：龍井茶香滲入雞肉，香氣撲鼻，口感滑嫩，非常有特色。- 🥓 **麵醬餅五花肉**：五花肉煎得剛剛好，外脆內嫩，搭配麵醬餅，味道豐富，非常有驚喜。🌿 綠茶餐廳嘅裝修非常華麗，好靚，而且價錢唔算貴，性價比極高。無論你係想試新嘢定想感受高質素嘅用餐環境，呢度都非常適合。📍 地址：銅鑼灣希慎廣場12樓#綠茶餐廳 #銅鑼灣美食 #希慎廣場 #板栗燒鴨 #龍井烤雞 #麵醬餅五花肉 #古箏演奏 #高質素餐廳 #香港美食 #餐廳推薦呢間高質素嘅綠茶餐廳，絕對唔會失望！🍴😊✨

🌟 今晚探索咗銅鑼灣新開嘅浙江菜館，感受到滿滿嘅江南風情！🍃🏮 餐廳裝潢簡約明亮，用淺木系打造出空間感，仲有即席古箏演奏，氛圍超正！🎶🍲 推薦必試【雪菜酸湯魚片】湯底酸辣醒胃，魚片雪白嫩滑，無骨無腥味，底下嘅腐竹吸哂湯汁，超入味！🐟🍤 【蝦湯泡飯】用新鮮大蝦熬製，金湯濃郁，加埋脆米一齊食，暖胃又滿足～🍚🍗 【金沙雞翼】外皮脆脆，鹹蛋黃包裹住雞翼，炸得好酥脆，肉汁豐富，唔試唔得！🤤📸 #杭州美食 #綠茶餐廳 #雪菜酸湯魚片 #蝦湯泡飯 #金沙雞翼 #銅鑼灣美食有機會記得去試下，感受下最地道嘅杭州滋味！😘

E間餐廳應該好多人都唔會陌生, 佢係內地開超過420間店, 主打新派浙菜, 就算未食過都應該會聽過, 價格相宜, 款式多, 難怪開業之後經常滿座!⭐桂花糖水板栗睇個名就好想試下, 秋天就最岩食栗子, 一粒粒飽滿嘅栗子淋上桂花蜜糖, 好貼心咁栗子係連穀的, 因為如果唔係所有蜜糖就會黏哂係栗子本體, 最後會變得相當甜膩⭐江南熏魚熏魚肉質厚實, 食落甜甜地幾開胃⭐蝦湯泡飯上網見到好多人叫e個泡飯, 湯汁濃厚, 配搭脆米同食, 口感極豐富⭐粉絲裹蝦熱辣辣嘅粉絲口感軟身爽口, 食落超香又入味⭐麵包醬香五花肉外型好靚, 一件件捲住五花肉, 食落口感豐富唔膩, 感覺有少少似片皮鴨咁, 幾特別

放工走到銅鑼灣買野，正考慮緊食咩嘅時候，地鐵站出口就有大大個招牌，竟然見到我鍾意的綠茶竟然在希慎廣場開了店。環境裝修得太靚了，好有中國園林韻味，放置了許多翠綠的植物，很有自然氣息。睇得出餐廳在裝修花了不少心思。QR code下單，點了3個菜和3個甜點。龍井烤雞上枱一刻就有滿滿茶香，木鍋底下煙燻著龍井茶葉。雞烤得金黃香脆，雞肉嫩滑，尤其皮薄，所以雞皮食落没有太多肥膏。狀元芋頭煲芋頭切成一片片薄片，是手工之作，夾著五花肉，面頭灑上了青翠的香葱，成鍋上黎香氣撲鼻。芋頭質感粉嫩幼滑，好好食，加上五花肉的肥美，兩者融為一體，單食或者送飯都一流！蝦湯泡飯熱辣滾燙上枱，橙黃的蝦湯香濃鮮甜。入面有粒粒菜心和蝦仁，食前加入脆米，卜卜脆。$88有這個份量和質素，我滿意了。江南定勝糕造型小巧精緻，有綠茶、奶黃、紅豆和芝麻4種口味，食落帶米香，口感煙韌。桂花糖水板栗秋冬正是板栗當造之時，面頭的桂花糖水添了香甜味。簡單卻又可口的甜點。西湖桂花藕粉糊仔狀的甜品，食落一啲都唔甜，而且清熱解膩。埋單時侍應話餐廳推出午市優惠會送免費江南綠茶餅，又或者試下香港店限定的新出品茶飲。咁好服務，下次經過一定會再黎試！

入門口見到有個古箏，感覺已經好有中國風，入到餐廳內，擺設咗好多盆景造型🪴以及好像月亮嘅燈飾🌕，整間餐廳充滿濃濃嘅清新中國風，並播放著古箏彈奏嘅音樂🎶。🥢杭椒毛豆炒牛肉 $118牛肉軟腍鮮嫩，其他食材有三色椒、雪菜、毛豆、豆乾及筍片，整體惹味香口。🥢蝦湯泡飯 $88煲上熱辣辣，脆米直接倒落黃金橙色嘅蝦湯，泡飯與脆米索滿濃郁蝦湯，雙重口感雙重滋味😋。🥢粉絲裹蝦$108即場將鮮蝦煮熟，揭開蓋一刻香味爆發💫，蝦嘅生熟度剛好，爽彈多汁，仲有好多隻蝦添；整體蒜蓉味激濃超正，粉絲Q彈索滿醬汁好惹味👍。🥢蛤蜊絲瓜78蛤蜊鮮嫩，絲瓜清甜並配合蝦米嘅鹹香，煲出嚟嘅 湯頭鮮甜濃郁，簡單嘅食材卻食出原味道😋。🥢海苔松仁芝麻球$38黑芝麻流心食得多，海苔流心第一次食，超有驚喜🤩，確實好香海苔味，裏面仲有好多一粒粒嘅松仁，外表芝麻香脆，而內裡Q彈口感，讚👍。🫖有龍井綠茶及九曲紅梅茶可選擇，我哋揀咗龍井，香氣清香淡雅，飲落甘香爽滑，茶位$12可惜剛剛已埋單，見隔離枱叫咗兩杯好吸睛嘅飲品，原來係新品推出叫龍井檸檬茶及紅寶石琉璃，唯有留待下次午市再來喇，點解係午市？因為午市惠顧有江南綠茶餅送呀😆。

今日到訪位於銅鑼灣希慎，古色古香嘅江浙菜餐廳🤗 裡面裝修充滿中國古代氣息，山山水水畫意十足，連職員配合主題，穿著古代唐裝😆 風情萬種😘 好有氣氛👍 㨂咗幾款特色食品😚 首先當然要試下餐廳力推嘅綠茶餅😎 圓碌碌嘅綠茶餅上枱時勁香茶味😚 圍邊嘅芝麻又香又脆😋 中間嘅綠茶餡甘甜香口，有特色又美味❤️ 再㨂咗一客桂花糖水板栗🤭 超級大盤份量勁多👍 板栗連殼原汁原味，加上桂花嘅清香同埋糖水嘅甘甜滋味，食落粒粒滋味十足😆 食唔停口咁正🤝 另外㨂咗個五彩繽紛嘅江南定勝糕☺️ 好靚仔好啱打卡影相📸 食落軟綿綿好可口🤤 裡面有紅豆或者奶皇餡🌟 各具特色一樣咁正😋 主食㨂咗東坡仔排同埋黑松露牛肉炒飯❤️ 東坡仔排煮得濃稠惹味😋 夾埋清清地嘅炒飯一齊食，超夾啱啱好🤭 甜品試咗幾特別嘅茶香奶凍，同埋餐廳超出名嘅麵包誘惑🤩 奶凍好滑好嫩口😋 食落甜美中帶有茶嘅醇香👍 好有深度層次😎 麵包誘惑好大座勁壯觀😍 麵包早已切好一口大小方便食用😋 每一粒包包都有勁香牛油味😈 溫熱嘅麵包配上冰涼香滑嘅雲呢拿雪糕🤩 冰火交融嘅口感真係令人欲罷不能🥳 

希慎廣場嘅🆕新食店🌟綠茶餐廳🌟，主打江南菜式，裝修典雅不失時尚感👍🏻！閒日晚市要等位，人氣旺盛🔥！🐓龍井烤雞 $138烤至雞皮脆口，入面嘅雞肉嫩滑兼多汁！木碗有玄機，難怪食嘅時候仍傳出陣陣龍井香，不愧為招牌菜式！🫔麵餅醬香五花肉 $98麵餅香口，醬香怡人！入面嘅京蔥同埋青瓜份量啱啱好，正好中和五花肉嘅膩感！🍞麵包誘惑 $68烤至脆身嘅麵包粒配雪糕，冰火感覺真係好正！中間嘅麵包粒都有搽牛油，極具誠意！💚綠茶餅 $28圍邊嘅芝麻好香口，中間軟綿美味，真係又平又大件！午市惠顧仲會免運送你一份，優惠期至11月19日！♨️黑松露牛肉炒飯 $88炒至乾身，帶適量黑松露香氣！🫖茶介 $12/位可選九曲紅梅或龍井綠茶！仲有幾款潤飲江南系列嘅凍茶特飲，價錢都係廿零蚊！

我和媽媽喜愛食新派浙江菜，今次打算來到銅鑼灣覓食，享受美食的情趣，上網看見「綠茶餐廳」香港首間分店登陸希慎廣場，由杭州米芝蓮星級名廚俞斌擔任首席顧問。最近推出了限定日期的優惠，中午惠顧可半價享用麵包誘惑。龍井烤雞招牌菜之一，木盤底部煙燻用龍井茶，把茶葉清香進入烤雞中，雞肉很嫩，外皮金黃酥脆，每一啖都美味。蝦湯泡飯泡飯味香，湯底濃郁，蝦十分爽口，讓人回味無窮。板栗燒鴨板栗清甜，燒鴨肉質彈牙，帶微辣感，食到停唔到口。江南綠茶餅新推出的綠茶餅，綠茶脆皮，外層是芝麻，入面是芋蓉，充滿優雅不膩的滋味。龍井檸檬茶近排推出新飲品「潤飲江南」，其中一款是龍井檸檬茶，主料：龍井茶葉，輔料：香水檸檬，熊熊冰在上面好可愛，飲落解渴。綠茶餐廳（銅鑼灣）地址：銅鑼灣軒尼詩道500號希慎廣場12樓1202號舖

Introduced by my family trying out this newly opened oriental restaurant. I was lucky enough coming with no queue. Staff were all friendly and efficient. Quite great service.Menu options were okay. Not a lot of small dishes/ appetisers for a light meal. Food took a while to be served. Beef filet sauteed with Hangzhou pepper and green soybean came freshly made. Whole dish was flavourful with appropriate portion. Beef filet was soft and juicy. Well coated with sauce but not oily. Love the slices o

呢間餐廳以江南地區嘅經典竹元素為主調🎋主打嘅「浙江菜」由黑珍珠同米芝蓮名廚打造🏵️💗龍井烤雞($138)三黃雞用浙江龍井茶煙燻烤製，烤雞外皮金黃酥脆，皮下脂肪少，肉質嫩滑Juicy🍗食起嚟有陣陣茶香嘅煙燻味，味道特別豐富🍂💗雪菜酸湯魚片($128)雪菜湯底酸味重帶微微麻辣，美味醒胃，魚片份量多，魚片雪白脆嫩，最值得讚係完全無骨啖啖肉，而且冇腥味🐟底下仲有吸哂湯汁嘅腐竹，非常入味🍲💗黑松露牛肉炒飯($88)炒飯炒得乾爽而且粒粒分明，食起嚟有好多牛肉碎，唯一要挑剔嘅係完全食唔出黑松露香味🍛💗綠茶餅($28)用上江南綠茶葉做成麵餅，再沾上芝麻，口感外脆內軟，中間夾住綿密嘅芋泥，整體唔會太甜🍠