綠茶餐廳 (希慎廣場)

餐厅装修雅致，座位之间少少逼。餐牌都有d 新意，都有会引起好奇心未试过嘅菜式。主菜龙井鸡好清香嘅味道，茶叶味唔系好浓，味道清淡。有啲人可能觉得唔够咸唔够味，但我自己系钟意呢种淡淡清香嘅味道嘅。 葱香脆皮烤鸭 唔系广东烧鹅嘅味道。而系比较多五香粉嘅香味。个肉几嫩，皮唔算特别脆，但系整体好香口。伴住碟有一个似XO酱加橄榄酱嘅酱料，同埋大量有盐味嘅香葱。无论捞埋烤鸭一齐食，或者就咁攞捞白饭都非常之惹味。份量唔算大，但整体系几惹味香口好味。汤👌🏼陈皮菜蒲头老鸭汤 淡淡地老火汤嘅味道，唔算咸但系够味，感觉冇味精。❌老鸭汤太咸啦！饮落系金华火腿加油鸭腊肉嘅味道。蔬菜:)蛤蜊丝瓜 汤底最好味，系夹杂着丝瓜嘅甜同埋蚬肉嘅鲜，再加d 虾干嘅香味，好鲜甜。不过丝瓜反而冇想像中咁甜，冇咩味。至于啲蚬肉更加系煲得好耐冇晒味，唔需要食。油渣菜好油！菜炒得太油腻，食唔到菜嘅香甜味，同埋都食唔到油渣𠮶种香味。主食👌🏼雪菜酸汤鱼片啱啱送上枱，有啲觉得份量咁少嘅？因为平时食开啲酸菜鱼都系好大只碟，显得份量好似好多咁嘅样。汤底方面，系比较直接嘅酸味，但系酸得来又唔会太霸道。唔算太辣，味道颇温和。加咗少少蒜蓉，喺酸嘅味道度多左少少嘅层次。鱼片非常爽口，冇骨，唔似有啲地方会做得太腍好难夹起或者好易烂。整体鱼肉比较结实同埋爽口。🤔黑松露牛肉粒炒饭闻起嚟几香，但食落就唔多觉得有黑松露嘅味道。👌🏼雪菜黄鱼面 同平时食嘅雪菜黄鱼面完全唔同味道。汤底唔系鲜甜白色嘅鱼汤味，而系比较浓味嘅酱油味，完全系另一种风味。冬菜鲜肉包麻麻地，有个杰杰地嘅酱喺入边。甜品👌🏼西湖雷峰塔$28卖相好靓。绿色嘅汁其实就系甜甜嘅奶味。Menu话材料系用鲜山药，但系食唔到淮山嘅感觉。…查看更多

来到位于铜锣湾希慎广场的绿茶餐厅晚饭，星期六的晚饭时段有不少人候位。如果超过2人walk in，建议还是先预订座位。2人枱的入座速度很快，而我们一行3人，等位至少30分钟。餐厅内以竹林设计为主题，灯光柔和，座位宽阔，感觉舒适。餐牌内容选择丰富，还有香港限定的菜式。餐牌图文并茂的介绍每一道菜，只是用的纸张是薄薄的宣传小册子用纸，不是坚实的一本餐牌。茗茶 ($12/位) 不是一般酒楼的普洱、香片，而是九曲红梅，味道醇厚，微微甘甜。宋嫂鱼羹是浙江杭州的一道传统名菜，来到浙菜餐厅，少不了一碗宋嫂鱼羹。材料包含鱼肉、金菇、香菇及木耳，汤羹呈琉璃奖，芡的比例恰好，汤羹不会厚如粉浆，亦不会太过稀薄水漾。鱼肉鲜嫩爽滑，配上口感爽脆的木耳及柔软的菇，口感丰富。粉丝裹虾，放在Gas炉上即时烹煮，约5分钟后可享用。虾仁份量充足，口感弹牙，粉丝吸满蒜香十足的酱油，整体够镬气又惹味。面饼酱香五花肉的摆盘卖相不错，以面饼卷著炸五花肉、炸腐皮、青瓜丝及葱丝，香浓的五花肉夹杂青瓜的清爽，面饼外皮脆身不会稔。但整体口感偏干身，如能搭配酱汁，更为对味。龙井烤鸡选用三黄鸡，一送上桌就茶香扑鼻。以浙江龙井茶嫩芽来烤熏，鸡只外皮金黄焦脆，肉质保持嫩滑多汁，又渗出淡淡甘香的龙井茶香。西湖藕韵，甜糯米酿入莲藕孔之中，炸莲藕片与酿莲藕梅花间竹摆放，口感丰富。浇上桂花蜜，这道莲藕冷盘香甜清爽。蛤蜊丝瓜，白玉丝瓜和蚬肉煮成的一道菜，丝瓜清甜软嫩，蚬肉饱满鲜味，加上少量虾干略略调味，汤汁鲜甜无味精，清爽解腻。东坡仔排，东坡肉的浓厚酱汁，以排骨代替五花腩，惟排骨稍稍偏肥，吃到中段稍为觉得有点腻。细节位是这道菜以烛火一直温著，避免菜式冷却后的油脂凝固。西湖雷峰塔，雷峰塔是浙江杭州的一座塔，以鲜山药及纯牛奶制成雷峰塔造型的奶冻，甜度适中，充满奶香，口感细滑。酱汁以青豆泥制成，味道微甜又没豆青味。茶香奶冻，香脆的焦糖面配以香滑奶冻，奶冻入口带淡淡茶香，好吃的一款甜品。江南绿茶饼以打碎的绿茶叶制成面饼，包裹芋泥内馅，外层煎至微微金黄并沾上白芝麻。绿茶与芋泥都是我爱吃的口味，惜这道绿茶饼既尝不出绿茶香，芋泥的香甜软糯亦不够突出。绿茶餐厅的几杯饮品都配上小熊冰，适合打卡用。选了龙井柠檬茶，绿茶底味道不涩，加入青柠片，味道酸爽清新。食物有特色之余又有质素，难怪有不少人候位，只是要预订座位会比较好。…查看更多

茶香奶冻好味道好可爱🥰虾粉丝煲，大虾鲜嫩，粉丝吸满高汤精华，微甜鲜香但稍软；水煮鱼，川味麻辣，草鱼片薄嫩，红油花椒过瘾，配菜心豆芽解辣；烧肉炒饭，肥瘦适中，带蜜汁甜香，饭粒分明带松露味，烟火气足；嫩鸡面，鸡丝滑嫩，面条Q弹，鸡汤底清淡雪菜提味，家常温暖；杨枝甘露，芒果布甸清甜，西柚粒酸爽，顺滑解腻但份量略小。整体从海鲜到甜品搭配均衡，辣度可调，适合不同口味。适合拍照打卡。…查看更多

绿茶餐厅第一个感觉系环境舒适，食物质素高，价钱合理，最重要系干净！值得推介俾朋友去试吓。第一次去一定先食只龙井烤鸡，好有龙井茶叶味，个面包诱惑好软身。绿茶饼做甜品都好香，有特色，唔洗好似食其他餐厅都会有嘅食物。…查看更多

餐厅环境舒服，座位够阔。食物精致，饮品好靓又好饮，雪糕多士砖小朋友好中意。炒饭炒得几好，粒粒分明烟韧，食物真系唔错呀，上菜又快。楼面态度好正常，经理有礼貌，有提示楼面要留意既事。整体唔错呀。:)…查看更多