綠林三記甜品 (已結業)

🍉西瓜凉粉上枱外貌唔错，份量都算几大碗，但系西瓜🍉唔算甜，凉粉正常，以汤水甜品类嚟讲，呢碗其实有点儿逊色，但小编转个角度，呢碗都算系健康之选😉🥭芒果珍珠冰芒果少甜，珍珠有口感，冰🧊真系大大块，清凉之选，但系都系唔够甜，小编钟意甜，唔钟意无味道嘅汤水甜品🥹或者…中式糖水可能会好啲…🥲…查看更多

【深水埗区】【三记甜品】喺深水埗𠮶边食完饭，自然想食吓甜品。𠮶头其实都几多选择，有求学时期成日食嘅松记，平靓正啱晒任何阶层。之后有一段时间我系比较中意另一间好似系叫三姐松记嘅，因为冇咁逼、食得冇咁赶时间同埋啲雪糕好食啲。好耐冇过嚟呢边之下，见到八仙饼店近油站𠮶边仲有间叫「绿林三记」嘅糖水舖，作为八卦精嘅我梗系入去叼碗 $33 嘅「杨枝甘露」感受吓。唔系讲笑，街坊糖水嚟讲佢呢碗算唔差，所以一直都想等下次有机会再嚟食先写嘢。点知下次去到连名都改埋叫「三记」，不过啲设定完全一样，似换汤唔换药。一望餐牌，「杨枝甘露」变咗 $37，哗！算喇，食个 $34 嘅「芒果班戟」睇睇，𠮶吓有啲想食，上菜见佢系外卖胶盒放返上碟，但都整得几好食㖞。唔知仲有冇机会再嚟，叫多个 $24 嘅「豆花布甸」嚟睇吓。味道又几特别，真系有豆香嘅布甸，而且系冇违和感嘅，都几好。总括而言呢间嘢嘅出品都系唔错嘅，难怪我两次去到都见到佢哋堂食同埋外卖嘅生意都几好。。。（地址：深水埗元州街9号景业大厦地下）…查看更多

从味食过咁难食既香蕉贼船，苦味朱古力雪糕，个雪糕球超细个，牛奶公司雪糕好食过佢，毕生难忘，永不光顾，好伏！！！个雪糕既苦味好似食紧一个冰硬的心太软。难食度似大陆九十年代士多买的雪糕样，毫不香甜。阿爸吃了番蕃薯糖水又不够热无姜味，极度失望。。。@@…查看更多

今日和家人到深水埗，经过绿林三记甜品店，见到店舖干净企理，地方宽敞，便入内帮衬。店内有很多款甜品可以选择，我们点了椰汁芋头西米露、红豆小丸子凉粉，以及麻蓉汤丸。西米露甜度恰到好处，芋头香甜輭糯。小丸子烟靭有口感，凉粉清爽，红豆够腍，配上雪糕很好味。麻蓉汤丸有很香芝麻味。街坊店舖有如此水准，令人惊喜，下次去深水埗会再帮衬。…查看更多

甜品款式好多选择、价钱合理、味道适中，份量充足，食物好快上枱，芝麻糊够杰身，唔会水汪汪，几香黑芝麻味，鲜奶桃胶，桃胶煲到啱啱好，好多桃胶，服务几好，几有人情味的糖水店.…查看更多