紙飛機親子空間

女兒生日預約了紙飛機餐廳，環境優美，有波波，食物很好吃，小朋友放電好去處，點了雞翼，黑松露炒飯，炒菜，小炒王，咕嚕肉，調味很好，很適合小朋友吃，人不太多，下次會再黎…查看更多

雖然寫好評會有一杯嘢飲。但個好評都係真心嘅，環境乾淨企理，有好多親子設施俾小朋友玩。食物都好好味，份量都啱啱好，唔會太多或太小。附近就係郵輪碼頭，食完又可以行吓，散下步。有時間不妨過嚟一試。…查看更多

位於啟德郵輪碼頭位置方便泊車都好方便，仲有得充電罕有中菜食，仲要有鑊氣好好食今次叫左豉油雞，宮保雞丁同埋年糕牛柳仲有無鹽兒童料理魚湯泡飯好岩一家大細加埋長老黎👍…查看更多

這間餐廳給我的整體印象相當深刻，不論是環境、服務還是菜式水準，都展現出相當高的質素。首先，店內的裝潢以簡潔溫暖為主調，燈光柔和，不會過於刺眼，讓人坐下來便自然放鬆。桌與桌之間的距離恰當，不會感到擁擠，私隱度亦算不錯，是適合與朋友小聚或情侶約會的地方。至於食物方面，我點了招牌主菜和兩款小食，表現都相當令人滿意。主菜不只在味道上有層次，食材的新鮮度亦感受得到，每一口都能吃出細膩的調味。尤其是醬汁的處理十分出色，不會過咸或過甜，與主食材相輔相成。小食部分則以炸物最為出色，外層酥脆、內裏仍保持嫩滑，油膩感亦控制得很好。服務方面，店員態度親切，能主動留意客人需要，補水、清桌都做得十分自然，不會讓人感到被忽略或打擾。以價位來說，整體性價比相當高，是一間值得推薦、亦值得再次造訪的餐廳。若要挑剔的話，大概就是熱門時段需等位，但食物質素確實值得等待。…查看更多

好適合小朋友一家老小黎挽！衛生程度好好！唔比著鞋食飯係有小小嚇親但內部空間優美！員工態度10分好嘢食，好味嘢飲好飲，啟德環境優美，啟德嘅地點都選址10分好出到去露台仲有太陽加海與陽光玩遊戲！非常合適假日嚟一家渡過！感覺好似去咗國外咁…查看更多

「紙飛機親子空間」絕對係一個值得大力推介嘅親子放電天堂！無論係平日定週末，都係家長同小朋友嘅好去處。首先，成個空間環境設計得好明亮潔淨，令人一入嚟就覺得好舒服安心，唔使擔心衛生問題。場內更特別設有專為2歲以下小寶寶設計嘅軟墊遊戲區，設施安全，讓幼童都可以自由探索玩耍，爸爸媽媽可以輕鬆好多。講到美食，呢度嘅餐點絕對係一大亮點！廚師用心製作，款式多樣，無論係大人追求嘅口味，定係小朋友鍾意嘅卡通造型營養餐，都做得相當出色，保證大人細路都食到舔舔脷，真心好味到個個都讚！娛樂方面亦絕不馬虎，場內有各式各樣嘅小遊戲，動靜皆宜，男仔女仔都可以搵到自己心水活動，玩足一日都唔會悶。而且，這裡非常適合包場舉辦生日派對，提供一個私密又歡樂嘅空間，讓您同小朋友創造難忘回憶。最後，地理位置超級方便，餐廳就喺停車場上面，駕車前來完全唔使擔心搵位問題，輕易就能到達。無論係平時放電，定係週末慶祝，「紙飛機親子空間」都係您嘅不二之選！…查看更多

有個女老闆咁既女人好無禮貌，開得親子餐廳黎又管客呢樣果樣，咁不如唔好做服務業，不值得遠來光顧。 1.放d玩具係層架賣，小朋友拎黎睇下諗住岩唔岩買，佢就叫小朋友唔好拎黎玩， 未拆點拎黎玩！2.不停管制小朋友，唔好把玩具點點點，放一兩件生果玩具係車仔到扮送貨，都話我小朋友唔好咁快，好似自己d玩具有寶咁。3.大人檯面未食完d野，走過黎問人食完未，話未食完，夠膽死叫人把未食完既野放去另一隻碗到，佢要收碟。4. 不停問人食完呢樣未果樣未，大人放低小朋友放電，傾住計食都要管制你。5.重覆話仲有幾多分鐘完要離開，又驚死你留多一分鐘阻住佢收工咁。…查看更多

有野食，有野玩重點係一般親子餐廳既食物都一般般呢間親子餐廳既食物難得地好吃服務員的服務態度同質素又好小朋友玩得開心之餘大人又食得開心駕車過黎非常之方便強烈推薦呢間餐廳…查看更多

親子生日飯之日 有得食小朋友有得玩野食擺盤好靚，不同菜式都好好食，兒童餐已經一黎比個仔食左所以無影到，但調味唔會咸好岩小朋友食。記住叫個babycinno 比小朋友飲呀！…查看更多

非常適合一家大細外出食飯嘅好地方 小朋友一跑入嚟已經好開心😂 大人可舒舒服服享受美食 地點很方便泊車之後搭電梯就可以直到 而且服務很好 職員親切有禮 上食物的速度也很快！ 推薦！遊戲部份 餐廳有教育性玩具* ：積木、繪本、角色扮演，啟發創造力。亦有分齡區域* ：嬰幼兒與學齡前兒童各有專屬空間，避免混亂。舒適座位讓我們能放鬆片刻，餐廳夠大亦可舉辦生日會各類活動，是有小朋友的家庭舉辦活動可前往的好地方，而且門外就是寵物有善公園，吃完飯去散散步了很有樂趣。…查看更多

小兒六歲生日 ，來到紙飛機慶祝生日！這裡食物選擇豐富，飲品種類也很多。有兩款兒童餐選擇一個飯一個麵，也有適合大人吃的食物有辣有唔辣。我選擇了黃魚煨麵，和點了一杯百香果益多多。黃魚煨麵麵魚湯，上枱的時候熱辣辣很新鮮，很鮮味魚炸完之後很爽口很美味。百香果飲品非常之清新清甜。由於味道美味，很快就飲完了。環境佈置非常之清潔乾淨。到處都是生日的慶祝裝飾，很適合生日打卡，影相合照。真是一個非常完美的生日慶祝地方。非常推薦大家來用餐慶祝。…查看更多

媽媽們留意喇❣️紙飛機親子空間係近年新開嘅親子餐廳，位於九龍郵輪碼頭，郵輪碼頭就可以泊車，揸車搭車去都超方便😍場內遊戲設施都好新淨，玩具同遊戲區都唔算少，啱晒小朋友放電。場內遊戲區都鋪晒軟墊，大人小BB都可以放心大玩特玩。⭐️波波池⭐️瀡滑梯⭐️閱讀區⭐️畫畫區⭐️Costume Area⭐️超級市場Area今次同小BB一齊去，又食又玩，試咗餐廳嘅兒童餐，大人親自試過，兒童餐冇乜調味，賣相吸引之餘食落又健康。小童仲可以免費送一杯寶寶奶泡添 ！另外有多款中菜選擇，我哋試咗雲吞沙鍋雞、比目魚豆腐煲，兩款菜式都好有驚喜。雲吞沙鍋雞嘅湯底好濃味，真係非常足料，雞髀啖啖肉，肉質嫩滑。比目魚豆腐煲都好入味，魚肉鮮甜，冇乜細骨。整體而言菜式選擇豐富，而且主打健康菜單，兒童餐的款式也很吸引，絕對係大人小朋友都適合的親子餐廳。…查看更多

[紙飛機親子餐廳 ] | 4000呎自然的木系風遊戲室親子餐廳👥🌈今日趁暑假小朋友放假去了郵輪碼頭的Origami Kids Cafe 玩，玩5:15時段，入到去環境好舒服，直頭包場，地方冷氣夠好乾淨高級，好多遊戲玩具，玩具種類都非常多元化，小朋友可以盡情玩😍家長可以喺餐廳食嘢，而且味道好好食，比想像中驚喜好多🤣另外要讚一讚場內工作人員同埋姨姨都好好人好有愛心有耐性❤️💕紙飛機的設計走簡約自然的木系風，這種反璞歸真的風格，令人感覺好舒服。而且Origami Kids Cafe採用的全是高品質品牌的木製玩具，安全又耐玩！😆小朋友 一入到Cafe已經9🤪九秒九跳咗入去遊戲區玩，咩類型的煮食具同電器都有，連我都忍唔住入去一玩吓啲玩具😆✨滑梯和攀爬架啱哂好動的小朋友。📚場內還有一個閱讀區，提供不少時下流行的繪本。小朋友見到滑梯已經不斷無限輪迴地玩🤣🚗玩具房內更有其他玩具: 車車，搖搖馬，變裝區，化妝枱，雪糕車，小帳篷，洋娃娃等，完全唔夠時間玩😂當然男孩子最喜愛玩車，仲有超大嘅公仔可以瞓喺度玩😆😋另外值得一讚的係，餐點方面令人有驚喜，是少油少味精的健康中菜式，真係比出面嘅餐廳更加好食每位小朋友仲可以免費送一杯寶寶奶泡🥛好啱大小朋友食！點咗BBQ菠蘿咕嚕肉🍍（肉細細舊好入味）福建粉絲煲🍲（真心炒得好香）嵊州小籠包🥟（類似迷你版生煎包）青瓜拌海蜇🥒（開胃小吃）上湯鮮茄有機豆苗🥗（啱晒我健康人士清清地）最後加咗個蒜香骨🍗（小朋友要食香口嘢）另外點咗三杯咖啡都令人驚喜又幾大杯好飲入味☕️@origami_hk #紙飛機親子空間 #紙飛機餐廳 #親子餐廳推薦 #啟德郵輪碼頭#foodiepatpat…查看更多

自從發現咗呢間餐廳之後每個星期都嚟，唔單止BB啱玩，啲嘢都好啱大人食。頭幾次食魚湯飯，BB同大人都可以食。小朋友食唔晒就加啲鹽自己食。之後都係叫小童餐，啲食物好多種類，又有嘢飲又有生果。放電+ BB食飯好去處…查看更多

十分欣賞餐廳環境，小朋友玩得好開心，兒童餐味道唔會太濃，小朋友食兒童餐都食得好滿足。餐廳職員都好Nice，好有禮貌。食物都有水準，幾好味。我哋去嗰日上奏去，有冇咁多人 ，所以感覺餐廳個環境都好寬敞，亦十分欣賞餐廳內嘅遊玩設施，都算乾淨同整潔，小朋友都喺遊樂設施度玩到唔捨得走，同埋遊樂設施都有唔同嘅區域，小朋友都可以安心咁喺唔同嘅角落度玩，好欣賞有個位係特別設俾2歲以下嘅bb玩。出面環境都唔錯，打卡一流。會再帶小朋友黎玩同食下野。…查看更多