純寿司

营业中

休息中

平時商場平日下午時段，除咗飲茶之外，都唔見坐滿座，所以冇諗過要訂位，估唔到這間店舖竟然滿座了，幸好只等了一張枱邊有得入座。朋友話想食日本嘢，所以第一次嘗試這間店舖，裝修很不錯，樓底高地方闊落，見到有午市套餐，想不到刺身幾新鮮，真係可以encore😮因為OpenRice好少見有評價，真係有少少surprise我叫了一個刺身午市套餐一($159)，套餐很豐盛，還可以加錢配烏冬或者蒸蛋，不過我有點飽，所以只叫了套餐，想不到刺身新鮮，份量亦很不錯，食日本嘢又多了一個選擇

Yoho mall 食肆選擇真係好多揀咗純壽司 唔多唔少為咗極尚大盛軍艦而幫襯已經第二次食, 質素仍然keep到👍🏻都係咁足料有三文魚腩, 魚子, 吞拿魚蓉, 蟹肉一啖滿足四個願望！$55 有三大件 性價比高👍🏻另外食咗好多款壽司其中醋鯖魚, 赤貝, 帆立貝, 蝦三味都唔錯但油甘魚, 鰻魚比較遜色😬另外敗筆就係南蠻炸雞$58炸漿唔好食, 🫢而且比較濃味環境唔錯, 座位闊落服務亦正常, 冇乜特別最後兩人埋單大約$420

又搵到平靚正Tea set 好地方 好多時日式料理都會有落場時間 咁岩睇到哩間純壽司仲有下午茶 即刻入去試下 點知又估唔到有驚喜喎 火炙壽司件件都好大嚿 而且仲有小食同烏冬跟餐 味道一d都唔hea 架！ 哩個價錢食個碟頭飯都唔得架，好味又高質。

元朗最難食嘅壽司沒有之一，放工去食飯，見到打算入去試吓，嗌咗三文魚刺身三文魚頭同埋拉麵，拉麵湯底好淡上面舊叉燒好似百佳嗰啲減價豬手咁嘅味道，硬得嚟有陣蘇味…最精彩係個三文魚….本身嗌三文魚刺身食完之後突然有浸腥味湧出嚟，已經知道心知不妙最後大佬係個三文魚頭，腥得黎有一陣Gas 味，貪玩之下擰轉個魚頭一體「生勾勾on舊舊」，真係好難食！仲有嗰個炸雞鹽焗雞嘅味道，但鹽味重過雞味..鹹到飛起，從未試過食完壽司要即刻去買薄荷糖食😖

第一次食純壽司，我冇諗過會寫食評，所以食前冇影相，叫咗個assorted sushi、炸雞、蟹籽沙律、拉麵，竟然壽司最差，比爭鮮更差，其他只是勉強接受。上嚟OpenRice打算寫食評 ，原來已經有人講過呢間係爭鮮水平，只怪自己冇先睇食評。

每次同朋友諗唔到食乜嘢，都好大機會會食呢一間，原因係CP值真係好高，相比起要排隊嗰一間壽司舖，呢間相對好食啲，坐又坐得舒服啲，食咗咁多次，每一次刺身都係新鮮嘅，另外推介係佢個豆腐沙律，好食！值得一試平時食屯門分店比較多，原來元朗分店座位係咁舒適

純壽司@yoho mall地下記得初時在二樓新開張時，排隊等位好誇張，起碼排一個鐘，之後搬咗落地下，重新裝修，今次第一次幫襯，環境寬敞，座位選擇多，坐得舒適！今次午市不用等位，直入，又多個午市套餐選擇，有漬物有沙律有湯，好豐富！-極尚壽司套餐-擺盤精美，份量充足，有多款不同的壽司：特大海鰻魚、吞拿魚、鯛魚、蟹柳、油甘魚、三文魚、三文魚腩、墨魚、帶子、千尋海老、蔥粒吞拿魚卷環境方面⭐️⭐️⭐️⭐️⭐️座位舒適⭐️⭐️⭐️⭐️⭐️食物種類⭐️⭐️⭐️⭐️食物質素⭐️⭐️⭐️⭐️服務質素⭐️⭐️⭐️⭐️性價比⭐️⭐️⭐️⭐️

去親Yoho想食壽司，都一定會揀呢間餐廳，因為價錢合理，而且又有質素😋星期六夜晚7:30左右，門口已經有好多人等位，大約要等半個鐘先入得。後尾先發現可以用The Point個app拎定飛排隊，下次要醒目d先。-最愛帶子，大大粒好滿足😌鰻魚壽司都唔錯，但食到有一條骨😅軟殼蟹卷，略嫌軟殼蟹唔夠肥美火炙墨魚鬚壽司，正常發揮蟹籽沙律，份量好多，大滿足千尋海老壽司，都幾新鮮，味道ok兩人埋單$370，人均$185左右，絕對性價比高👍🏻

大失所望。搬了店後水準下降 ，大失所望。 同味爭鮮有得揮。 套餐的種類又少 ，以前的餐 以前的餐牌有炸雞套餐和很多選擇。現在只得壽司套餐 ，不大如前令我非常失望。 魚生不生鮮，飯有點凍和硬 。沒有下次了。以前品質在元氣之上，現在就……希望他們會改進。

壽司食材新鮮，價錢亦都合理呢個「純玉子」中規中矩呢個「極上龍珠卷」性價比好高，好足料，我都朋友都覺得好有驚喜，中間係軟殼蟹，上邊係鰻魚、吞拿魚同埋蟹籽，價錢只係$99呢個係「極尚大盛軍艦」，吞拿魚份量好多，面頭仲有三文魚同埋三文魚，仲有少少蟹棒絲，價錢係$55茶碗蒸裏面有好多材料，味道不錯，價錢係$38，呢個炸吉備奈子，好抵食，味道都唔錯，價錢係$39，份量都好多炸蠔係咁多樣嘢之中最普通，唔算大隻，價錢係$39

下雨天總想入商場搵嘢食，今次入左去元朗商場一間日本餐廳食個午餐。點了一個午餐setA,另外點了個熊本拉麵套餐有吞拿魚手卷好驚喜，但反而無左佢地自家「純」玉子，有點可惜。小朋友一人前食晒又夠飽肚餐廳佈局猶如置身日本，幾打卡able；另外佢有個小角落可以比食左兒童餐既小朋友去抽獎換小禮物🎁，真係好似喺日本嘅餐廳食完兒童餐之後可以攞禮物嘅心情咁開心😃

今日去食晏基本上無人，記得以前好多人，不過價錢係平，刺身定食$168，但當然亦反映喺食物質素上，you get what you pay. 刺身定食嘅刺身質素好平庸，就係爭鮮嗰種，但又室溫，帶子係一舊片開三片但只畀兩片你嗰種，北寄貝係無味食膠嗰種，吞拿魚有血腥味嘅。最勁係沙律，係用炸物墊底嗰啲唔洗嘅椰菜加天婦羅蝦甩出嚟嗰啲炸漿，如圖。其實無沙律我係ok，見到反而諗尋晚嗰餐，人哋嗰餐。個湯係麵豉湯，好大碗。飯，好食。

又嚟到最頭痕既環節——諗食咩諗起純壽司既蒜香三文魚飯，食過一次之後對佢念念不忘🤣但係純壽司每逢假期門口都大排長龍，次次都要等一個鐘以上，抱住試下既心態上The Point App到諗住㩒張飛，咦！？竟然唔洗點等🤣唔知係米撞正Yoho Mix同Yoho Plus新開幕，啲人走晒去新商場呢？大概等左一陣就到我地入座，一坐低已經迫不及待叫左個蒜香三文魚飯先🤣由於我地4點先食完午餐唔係太肚餓既關係，我地今次只係叫左一個蒜香三文魚飯，一份壽司二人前，一客海膽帶子壽司同埋一份蒸蛋首先係蒜香三文魚飯，唔洗多講🤣就係因為佢先嚟食，5分鐘極速KO之後係壽司二人前，唔知係米錯覺，覺得今日既賣相同新鮮程度都冇第一次嚟食咁好🥲然後係海膽帶子壽司，因為小妹唔食海膽，所以兩舊都係老公食晒，但係老公話啲海膽好唔新鮮，完全唔知食緊咩🥶最後係蒸蛋，我地催左幾次先拎上枱，仲要拎到上枱話唔小心蒸耐左問我地o唔ok，一係cancel一係等多10分鐘，咁我哋其他野都已經食晒好耐，當然就算啦叫職員照放低，但當然味道就冇咁好啦。。。最後埋單承惠$343，今次整體感覺比第一次嚟食差，無論係味道定服務方面都係。。。

搬左黎元朗咁耐，都未食過依間純壽司，每次都見到好多人排隊，一於今日的起心肝試試佢我地6點幾差唔多7點拎飛，等到差唔多9點先入到座有得食，途中好想放棄唔等，但又未試過，最後都決定等落去🤣🤣入到座我地急不及待叫野食，等左個幾鐘真係超肚餓，我地叫左個二人壽司，一堆單點既壽司，三文魚手卷，蒸蛋，三文魚茶漬飯，野飲等等私心推介蒸蛋同三文魚飯，超好食👍🏻👍🏻👍🏻👍🏻我下次去都一定會叫翻依2樣野食總體黎講我覺得純壽司好食過樓上元氣好多🤣大家都差唔多價錢，等既時間又差唔多，但純壽司既蒸蛋同三文魚飯真係good good👍🏻👍🏻👍🏻有下次

搬舖後第二次食同第一次食差好遠上次嚟仲一邊食一邊講緊咁多年都keep到水準但今次基本上一路食一路嘆嘆氣個嘆魚生基本上都食唔到有味真係同以往有嘅”鮮”差好遠連切魚生嘅刀工都好差 同之前落差太大真係好失望最出色都算係軍艦塊紫菜咁耐以嚟出完餐都係脆嘅今晚就算未食飽都唔想再嘥錢叫嘢食由舊舖開始已經食咗好多年一直都係好推介人嚟食但今晚真係跌哂眼鏡希望有人見到可以改善吓俾返以往嘅質素俾大家唔想又少咗一間原本性價比高嘅食堂