紅馬海傍餅店

营业中

休息中

之前同朋友入左長洲慶祝生日，甘生日又點可以無蛋糕呢?? 但無理由係IFC買一個拎入去GA，甘麻煩。所以事前就做定RESEARCH，網上面有人講紅馬可以訂CAKE，所以一早就打去紅馬到話要訂。小店好有人情味，我地只係電話到落實，唔需要訂金，真係講個信字(如果放佢飛機，佢就真係大獲)。蛋糕係傳統既鮮果蛋糕，好多料，好多CREAM，CAKE亦好軟熟，美中不足係芒果有少少酸，不過呢，除此之外都好滿意。價錢唔記得，不過唔會過$100。大家如果入長洲同人慶祝生日，都可以係呢到訂CAKE呀!!

在香雪海飲茶後，見距離集合還有點時間，又沿海傍往相反方向走，一面走一面對發現有不少有趣的店，可惜不是未開門就是太飽了吃不下，畢竟卻在這家麵包店門前停了下來。櫥窗擺滿了各式各樣的麵包，都是典型的港式麵包。這裡有迷你包出售, 每個賣 $2.2, 3 個就售 $6。三個太多了，便買了椰絲奶油包和腸仔包各一在路上吃。久違了的椰絲奶油包幾乎是一口就可吃完，奶油是很古早味的牛油忌廉，又濃又滑，算是彌補椰絲包較為乾硬的不足。腸仔包嘛就跟隨便一家市區的麵包店的水平差不多。

接近1700, 去到一個人也沒有..見餅櫃剛好還有2件巴黎撻 @$4.5買了回家當宵夜撻的表面有層類似糖漿的東西..少少的.之下是一塊口感像陣風的餅皮..有點似硬了的棉花糖, 入口溶化的感覺, 幾得意再下面是蛋糕, 是牛油蛋糕那般實的質感蛋糕部份不太甜..可惜表面 和 撻底都有層醬..實在太甜..起碼要減一半甜度..撻皮沒有牛油味, 幸好也不油膩..

今日小妹同班FD入左長洲一日遊~行到肚餓去到海傍路見到間餅店都幾多人, 聞到香噴噴, 引死人, 就行去睇下.就係見到一推撻新鮮出爐, 唔係蛋撻, 唔係椰撻, 佢叫巴黎撻.聽店員講巴黎撻原名叫巴黎撻蛋糕,但老闆娘驚D客以為真係蛋 糕 ,所以而家改佢 做巴黎撻.佢係有香脆嘅曲奇撻皮包著焦糖鬆軟既蛋糕合而為一~外脆內軟既口感都幾正架~$4個幾抵..成班FD 1人1個~除左個巴黎撻呢, 佢仲有個忌廉卷筒都幾好味, 入面滑既忌廉, 幾香口鬆脆, 都係3$比市區D餅店仲平~

今年家姐生日, 揀咗長洲食海鮮+踩單車, 起初以為安排唔到生日蛋糕, 因為唔熟長洲架步, 點知响 Openrice 見到有食評話"紅馬" 可以電話訂蛋糕, 雖然唔算咩特別, 但都營造到一個大驚喜 芒果蛋糕半磅 ($40) ~ 因為當晚主打食海鮮, 所以盡量訂個迷你蛋糕, 但估都估唔到竟然半磅都可以接受訂做, 真係我訂咁多蛋糕o既先河, 雖然只係普通一個平價雜果蛋糕, 但佢哋服務真係好好, 不厭其煩答我真係半磅都訂得, 仲問我駛唔駛加名同 HAPPY BIRTHDAY… 至於味道方面, 真係唔比美心差, 蛋糕一上枱, 家姐真係有d驚訝, 因為佢無預計到會有蛋糕, 同埋佢留意唔到有人靜雞雞離開大隊幾分鐘… 哈哈 ! 大家爭相影完相, 一開波唔夠十秒, 個蛋糕己經落入一班黃蟲肚裡面, 大家都話估唔到咁好味添 !

入長洲緊係試下啦!個巴黎撻我第一次食ja, 真係好好味!外層好脆, 內層係軟綿綿既蛋糕, 個對比感好強!! 又香又甜!買左5個番黎俾屋企人試, 食之前再焗一焗佢, 熱辣辣, 都係咁好食!!!個阿姐重好有禮貌添!!!

見到佢個櫃都開心到爆, 是關滿是麵包, 而且種類多, 個子又大, 叫我麵包精睇到心花怒放 香蕉蛋糕 $3: 由於太飽, 留待早餐食, 蛋糕仔用銀色杯仔載著, 陣陣香蕉味, 微濕濕的質感, 但出乎地好味, 亦無牛油蛋糕的油膩感 , 可以叫平靚正

一行13人去長洲兩日一夜, 實則只是一天, 當天還有兩位朋友生日, 正煩如何給他們一個驚喜生日會. 先要想的是一個生日蛋糕, 在外買去,既無驚喜, 又不方便. 後來上網找到長洲餅店的電話. 在出發早上致電訂磅半. 下午他們就有準備了一個蛋糕還寫上生日名牌. 蛋糕是當天做的, 生果新鮮. 味道不比美心差,而價錢才115呢. 我個人覺得very good, 看見大家都吃得那麼開心. 心裡很滿足. 我發現那有有未切的麵包, 那麼燒烤時, 也可以跟他們買特厚多士來烤. 可是當天的食物, 己訂齊了, 所以沒機會試, 下回再試.