紅豆烘焙 (華美大廈)

营业中

休息中

經過呢間舖頭，見到佢有最近好流行嘅開心果味車輪麵包，跟住見到$22平平哋可以試一試，就買咗個返屋企啦。個賣相好靚，頂頂有好多開心果醬同埋開心果仁。加返熱之後，個酥皮都係淋，第一啖食落去好重開心果味，好多醬，不過點知食到一半嘅時候發覺，原來嗰張剩係得上半部份有，下便嗰一層，原來係冇嘅。。。。。發現咗之後，都冇再食埋下半部份，因為本身食唔到酥皮既口感，仲要下邊冇醬，會乾爭爭。。。感覺有啲失望，不過$22都冇乜要求。。

平日夜晚去唔洗排隊，仲有好多款選擇👍🏻流心法式布甸麵包好多時呢啲包包好快會有酸叔味佢無喎reheat 後外脆內軟，剛好creme brulee 好香但牛油方面落多咗少少🤏🏻

買左個特色榴槤泡芙，20元，同一個原味布丁，個榴槤泡芙，完全冇一點兒任何榴槤肉，全部吉士甜醬，又凍又勁甜，仲要甜到嘔，又硬又凍，食左1啖已中伏，仲要20元唔係平，雜哂大譜，唔明點解會得獎，咩網紅店，其實用左幾多錢去落廣告，不如用心做包，打手勁多，A1 bakery 6元一個都食好過佢1萬倍，不知所謂，仲難食過街市入面面包店， 超超超級難食，真心勸大家唔好俾佢厄，垃圾到一個點，難以形容，個布丁又係極品，面包勁多，中間個啲甜醬又係難食到嘔🤮🤮🤮🤮🤮🤮

27-5-2023 (Sat)晏晝,同老公喺旺角睇戲前食少少嘢,行到嚟見到呢間麵包店,係有好多選擇,老公見到楊枝金露布甸包,亦有好多唔同咪,但我唔太餓,冇乜興趣.之後佢就用$24.00買咗個藍莓泡芙食,呢喥嘅泡芙大大個,食落,外面脆到接近硬,夾雜埋佢內層因受潮嘅口感食,都幾難頂.但佢嘅cream滑同唔算好甜,呢喥又加返啲分嘅,而藍莓都唔少.食完後見佢都有曲奇賣,不過sorry,我冇乜信心.評分係:味道 : 3.5    環境: 4     服務: 3    衛生: 4   抵食:  3    ｏｋ

Didn't expect to find the tempting custard buns and creamy mochi breads, which are trending among the town, in this local styled bakery. With the affordable price and their jumbo size, it's worth trying when you are nearby. 😋.▪️開 心 果 布 甸 麵 包 $20 👍🏽𝑷𝒊𝒔𝒕𝒂𝒄𝒉𝒊𝒐 𝑪𝒖𝒔𝒕𝒂𝒓𝒅 𝑷𝒖𝒅𝒅𝒊𝒏𝒈 𝑩𝒖𝒏The bun itself was just average, but the pudding was unbeatably good. The strongly pistachio-flavored custard would ooze out at the first bite, yet not being too fluid and making a mess..▪️榴 槤 麻 薯 $20𝑫𝒖𝒓𝒊𝒂𝒏 𝑴𝒐𝒄𝒉𝒊 𝑩𝒓𝒆𝒂𝒅▪️香 芋 麻

紅豆同嘉多x完全無可比性，紅豆極難食，極淡口，包皮極硬，唔知擺咗幾耐，以為係法包，真係唔誇張，我肯定用黎掟人絕對會瘀其實今次係第二次食，諗住俾多次機會佢，呢間咁出名，冇理由咁硬咁難食架，仲以為係我自己儲存得唔好，結果原來真係可以咁硬⋯

榴連麻薯 ($20) 吉士係榴連味，一咬開入面嘅吉士醬爆曬出嚟，榴連唔重，冇果肉的，應該只係榴連油，不過味道唔假，外皮香脆可口，中間嘅麻薯煙韌有口感，我覺得值得一試仲有其他口味 ，同埋好岀名但大量存貨嘅布甸包，唔使排隊同排長龍，但係好好食的下次都一定會再買試埋香芋，仲有朱古力。不過衛生就差少少囉，因為店舖冇門，昆蟲好容易飛晒入去，但我覺得整體都不錯的，經過旺角佐敦都可以試下嘅。😋 美味指數: 7.5/10

好想試呢間曲奇餅，但好想走塑。膽粗粗拎住自己個食物盒問店員可唔可以用佢裝曲奇。店員姐姐都幾好人，佢話：「咁呀！磅左你個盒幾重先啦。」我將個盒交俾姐姐，仲問買半磅，可唔可以揀幾隻味？佢話：「得呀，無問題，你揀啦」我買左牛油曲奇、咖啡味曲奇、伯爵茶曲奇。購買過程好順利，多謝佢哋！半磅曲奇$50，正常價錢啦。總括，曲奇的口感係鬆脆的，偏脆口嘅。如果要食鬆化口感的，呢隻唔夠鬆。但係唔太甜，所以可回頭再買。P.S. 咖啡曲奇，加左提子乾，我唔鍾意食提子乾，所以唔會再買佢呢個味。唔食提子乾的老饕，要留意啦！

買過幾次麵包，布甸麵包是可以的，麻糬餡料太多，有膠質感覺，覺得麻麻哋。第一次去的時候，店員態度差，以為咁啱啫。點知第二次去，又係咁。再去都係咁。其實買麵包啫，唔係要求你好好禮貌，但唔好講嘢態度咁差，語氣惡劣。令人都幾唔開心。有冇其他人咁樣覺得呢？

近期法式布丁麵包掀起一股熱潮，不少街坊麵包店亦爭相仿效，而其中一間較為人熟悉的正是紅豆烘焙。較早時期，還有很多人大排長龍的～但我較愛食麻糬波波 所以買了香芋味麻糬波波。坦白說，香芋味麻糬波波香芋味欠奉，香芋夾心的口感介乎流心和麻糬之間，就像一堆紫色的醬，有點奇怪（香芋味連麥當奴都不如）食後只有膩感和罪疚感　（畢竟人家用在食的配額有限吧>< )，十分失望 🤦🏻‍♀️🤦🏻‍♀️🤦🏻‍♀️可能下次買人氣的法式布丁麵包會比較好吧!店名: 紅豆烘焙地址: 旺角西洋菜南街146號地鋪旺角站B2出口，行1分鐘環境: 外賣價錢:4/5味道: 2.5/５

早排去開旺角又見到呢間麵包店，諗住買個布甸包食下，估唔到佢哋新出咗泡芙，仲要超好食🤤 趕住要快啲分享畀大家🤙🏻原味脆皮流心布甸泡芙($20)攞上手已經feel到好聚手，一搣開個泡芙啲吉士餡好澎湃咁湧出嚟，好彩有用個碟墊住🥰 食落好香吉士同蛋味，口感都好滑，比較甜，但唔算好膩，同埋因為拎咗返屋企用焗爐翻熱，個皮外面嘅曲奇皮脆脆地，泡芙本身就軟軟地，食落真心好正🫶🏻另外佢哋嘅布甸包($15)都唔錯，今次揀咗焙茶味同原味，自己印象中另一分店好似有伯爵茶味都好香☕️ 自己覺得食布甸包一定要用焗爐翻熱還原返佢出爐個口感先正😛 法包烘過之後都好脆口，厚度適中，麵包同布甸漿比例都拿捏得幾好🤪原味布甸雲尼拿味都好出但唔膩，焙茶味就有層次，自己比較鍾意焙茶多啲❤️自己覺得佢哋嘅甜品整體都係比較甜一啲～如果唔係鍾意食甜嘅朋友可能未必咁啱，不過自己覺得真係好正🥰 另外翻熱布甸包到有少少Tips，如果雪凍完之後翻熱嘅話，烘5分鐘就會外邊法包熱，內面布甸係凍嘅，自己覺得呢種冷熱交融嘅口感都唔錯🤣 如果將布甸包擺喺室溫度返熱嘅話就會係還原出爐口感，布甸就會更加流心🫶🏻🤪大家可以根據自己喜好試吓～

發現好少人講呢間嘅泡芙 等我同大家分享下🤣一次機緣巧合之後發現咗呢間喺朗豪坊後面嘅麵包舖發現有賣泡芙 即刻買咗個試下-脆皮流心布甸泡芙(原味/朱古力) $20 [👅9.5/10]攞上手號重手 個皮酥酥脆脆 入面軟綿綿一搣開係勁！爆！漿！🥰多醬到可以啜嚟飲咁😂又好香吉士同蛋味 好滑 唔會好甜入面有一粒粒嘅嘢 朋友話係煮醬嗰陣有啲嘢無攪勻😂但係唔影響口感！朱古力味同樣好食 朱古力味香濃 另一位朋友覺得朱古力味好食過原味🍫如果價錢平啲就好喇🫠🫠ps 喺條街食呢個真係會食到好捩𠾍🤣-📍紅豆烘焙旺角分店: 上海街華美大廈地下A2-A3號舖旺角分店: 西洋菜南街146號地舖佐敦分店: 寶靈街12號地舖

Let's Go 為你搜羅吃喝玩樂情報〰️流心法式布甸麵包｜ 爆漿麻糬波波-#letsgo香港美食 #letsgo香港美食情報 #letsgo香港好去處 #letsgo旺角美食 #letsgo美食 #爆漿 #流心 #麻糬波波. 「紅豆烘焙」於旺角及佐敦設有分店，主要售賣傳統中式麵包及西式糕餅，除此之外，店鋪用自家配方加以改良，推出不同口味流心法式布甸麵包，口味包括：原味、朱古力及焦糖，高峰時每日賣出 600 個；最近亦新出爆漿麻糬波波，口感煙韌！香芋麻糬芝士波 $18芋泥香濃軟滑，有芋頭粒，麻糬皮煙韌有咬口，咬開內裡爆漿，一件都好飽肚，最好 2人開心Share！.🏡環境舒適：/😋好味指數：😋😋😋🏼親切服務：👍🏻👍🏻👍🏻📸打卡able：📸📸📸-📍紅豆烘焙@redbeanbakery地址：旺角上海街 520A - 522 號時間：星期一至日 06:30 - 22:00地址：旺角西洋菜南街 146 號地舖時間：星期一至日 06:30 - 22:00地址：佐敦寶靈街 12 號地舖時間：星期一至日 06:30 - 22:00-𝕎𝕙𝕒𝕥𝕤𝕒𝕡𝕡：5715 3205𝔽𝔹：Let's Go Couple

每次晨咁早去嘉多x排隊都買唔到布甸麵包🥲今次係朗豪坊食完下午茶見到呢間紅豆烘焙都有布甸包買～仲要唔洗排隊～即刻買佐2個返去😋😋焙茶同楊枝甘露味估唔到焗返熱後都幾好味wor 👍🏻👍🏻推薦楊枝甘露 👍🏻

麻糬香芋芝士波$18  ✨：6/10  成件事就係泡芙+忌廉嘅variation 不過呢個 一咬係不受控咁爆出嚟 而且麻糬波本體煙韌 所以食到勁狼狽 prefer就咁食麻糬波波(ToT)個餡唔係忌廉(所以好重手) 反而類似custard食唔出香芋味 而係接近cream cheese+奶黃味  好甜好漏 本身仲有4成戰鬥力去掃街 被佢一下ko咗可能揀其他口味(e.g 阿華田) 會好食啲不過呢間店其他包都好吸引(๑´ڡ`๑)得閒會再試