紅豆冰室

城门水塘行完山，坐小巴落到荃湾，嚟咗红豆食午餐，嗌咗一个午餐系咖喱牛肉饭，咖喱都系一般茶餐厅嘅味道，但系都够香滑有咖喱味，个午餐跟咗一个罗宋汤味道一般啦，下午茶餐叫咗一个干炒牛河及焗芝士鲜茄猪扒饭，干牛河炒得好够透好够热，洒了一啲芝麻，卖相好睇好香又好食；个焗猪扒饭焗得好透，炒底饭啲鸡蛋都好多，猪扒够厚；饮品方便两杯冻柠茶就普通啲，而杯热茶走就好香滑，整体嚟讲都算抵食，凭单买佢个面包外卖仲可以减两蚊，可以一试。…查看更多

第一次帮衬呢间红豆冰室, 下午茶多选择最后叫咗个咸牛肉汉堡包跟沙律, 冻柠茶少甜少冰真心好难食, 汉堡包好烘, 冻嘅,汉堡包入面块芝士, 一块正方形,冇熔, 咸牛肉同个蛋都只系暖, 极度难食, 冻柠茶小冰, 啲冰都有半杯,下次唔会再嚟, 应该话系永远唔会再嚟…查看更多

入去嘅时候佢话𠮶边卡位，原来要行过一啲碗碟嘅餐车系厨房门口，顿时都已经觉得冇胃口喇。以为正正常常夜晚食一个二人餐168蚊。叫个葱油鸡菜炒牛肉，二维码里面揾唔到菜炒牛肉只有青菜，叫个侍应帮我哋落佢都肯落。不过全程好似欠咗佢十万九千七咁。葱油鸡有雪味鸡肉完全冇味，咪就系葱加油加埋啲冇味嘅雪鸡。西兰花炒牛肉好似浸咗油咁样。走嘅时候𠮶个员工拦住我哋要喺佢𠮶度畀钱乜唔系喺门口counter畀咩？咁点解门口又有counter搞到成间舖头咁复杂，仲要畀钱嘅时候毫无表情真系好似欠咗佢咁样多谢都冇声。香港人唔好自己搞死自己啦，唔通真系钟意你哋茶餐厅恶伙记嘅特色！…查看更多

野食就一般茶餐厅野冇咩特别，特别在早餐记得唔好点菠萝油餐，我点过4-5次每次都要等20分钟以上催先有人拎比你，仲耐过叫个面餐，我通常星期日早上8-9点去，人唔系特别多，刚刚又去完，情况一样，野饮都饮完都未拎到个面包黎，叫个阿姐改外卖，佢仲扮哂野问人边个负责呢区，真系咪玩啦，我见都见到你晌我面前行过6-7次，咪佢负责呢区啰😑…查看更多

外卖咗个瑞士鸡翼捞公仔面 斋睇颜色都已经㶶咗问落仲有少少苦味 食落完全唔系瑞士鸡翼嘅味 完全冇甜味 剩系得豉油味同埋㶶咗嘅苦味 根本上就系豉油鸡翼 啲面上面个汁都有浸苦味 个师傅咁样都拎出嚟俾人食 靠害啊…查看更多