紅葉茶屋 (D2 Place TWO)

营业中

休息中

嗰日同朋友去咗呢間餐廳食晚餐，餐廳的裝飾同氣氛令人好似置身日本。我哋點咗【燒花魚一夜干定食】，經過精心炮製的花魚，鎖住咗魚肉的鮮甜同油脂，表皮經過炭火燒烤至微微焦脆，入口時感受到魚皮的香氣同內裡細緻柔嫩的肉質，配埋酸甜清新的檸檬，清爽又提味。跟住係【芝士雞肉番茄忌廉烏冬】，濃郁的奶油湯底帶住微酸的番茄香氣，烏冬面的口感滑順Q彈，麵條吸收咗醇厚湯汁的精華，加埋嫩滑的雞肉，簡直係色香味俱全。之後食咗【炸一口芝士】，外層炸得金黃酥脆，一咬開入面的芝士就濃香四溢，口感酥脆柔滑，好好食。最後仲食咗【刺身五點盛】，每一片刺身都切得厚薄適中，入口時感受到海鮮的清甜味，口感細膩，配埋山葵更加突出刺身的美味。

⏱️每到午餐時間，我同朋友一定好快衝出去，就為咗食紅葉茶屋嘅定食🍱🍱🍱，因為每次人特別多，慢少少就冇位坐。今次我哋非常幸運，揀到咗風景優美嘅座位，一邊食一邊欣賞，特別放鬆！ 呢度嘅照燒雞肉好有特色🐓🐓🐓，食多都唔會膩，尤其係雞肉嘅肉質，滑嫩香軟，配埋其他配料一齊食，雞肉嘅香味更加明顯，特別啱餸飯🍚🍚😋。令我朋友眼睛發亮嘅一定係呢碗牛肉烏冬面🥩🍜🍜。牛肉都唔輸雞肉，非常鮮嫩多汁，同烏冬面一齊食，香軟十足，再配埋濃湯一齊放入口，一絕！仲有脆卜卜嘅蝦子炸物🍤🍤🍤。蝦子大隻又肥美，食落好有嚼勁。尤其係外皮，炸得金黃酥脆，而內餡就十分香軟，口感極為豐富！鍾意海鮮嘅朋友千祈唔好錯過。 😋😋😋⏱️ 時間過得非常快，又係時候返去工作啦！

見最近推出左2人餐所以試下，前菜非常精緻，有四宮格同埋沙律，由於太想食壽喜燒嘅關係煮食叫咗兩份壽喜燒，牛肉偏韌，湯底偏淡，如果可以改善就更好，但整體感覺唔錯，成個餐最好食嘅就係佢嘅甜品，抹茶味嘅提拉米蘇一定要試！ 食落去完全唔同嘅感覺，雖然主食已經食得好飽但係都食得落。最後仲有2杯抹茶雪糕，真係大滿足，2個人食得勁飽！人均$250左右，性價比都還好，而且食得10分飽，大食嘅非常之抵，十分推薦朋友下次一齊去試

〰️海鮮丼茶漬飯〰️睇落啲刺身就好新鮮肥美，三文魚入口油脂豐富，仲帶有鮮甜味🤩慢慢倒入溫熱嘅茶湯後，可以好好咁帶出米飯嘅甘甜，同時都中和咗刺身本身帶住嘅油脂感，令成個味道同口感更加平衡同清爽，唔會過於厚重😋鮭魚卵更加係畫龍點睛嘅存在，粒粒晶瑩飽滿，一咬就破，鹹鮮嘅味道喺嘴裡爆發，為呢碗茶泡飯增添咗獨特嘅層次感，正💯〰️芝士雞肉番茄忌廉烏冬〰️呢道烏冬麵我真係好鍾意！烏冬麵Q彈有嚼勁，充分吸收咗濃郁嘅忌廉醬汁，食落去每一啖都帶有奶香味同番茄香氣～🤤鋪喺麵上嘅溫泉蛋都充分發揮咗佢嘅存在，輕輕攪拌後，蛋黃同忌廉醬汁交融，令整體口感同味道更加絲滑濃厚，更增添咗一絲蛋香同滑順感，超美味😋總括嚟講，呢間日式餐廳裝修都好日式，木系嘅裝修風格令食客感覺好似去咗一個日本小旅行咁😆好食推介👍🏼

「豪華海鮮丼茶漬飯」果然豪華！各種新鮮嘅刺身滿滿咁鋪喺米飯上面，三文魚帶子鮭魚卵等等，全部都非常鮮美，帶住柔軟細嫩嘅口感，入口即化～我個人會鍾意先食原味，再慢慢將茶湯加入，咁樣兩種唔同味道同口感都可以試到😌倒入茶湯後米飯更加濕潤，淡淡嘅茶香同鮮味令成個味道都非常清爽，好啱鍾意清淡口味嘅朋友～ 「和牛肉壽喜燒定食」和牛肉質細嫩而且帶有豐富嘅大理石紋油脂，輕輕涮一涮就熟，配合住壽喜燒醬汁嘅鹹香味，食落去帶住濃郁嘅肉汁同油脂嘅甘甜，正啊😍配菜都好味，洋蔥同豆腐都充分吸收咗壽喜燒醬汁，同和牛形成美妙嘅對比🤩配搭埋日本米飯一齊入口，香甜可口，食慾大增！ 「炸物盛和」我哋仲叫咗一碗炸物，入面有蝦同廣島蠔，麵衣已經炸得金黃酥脆，但係入面仲保持非常滑嫩嘅口感☺️炸蝦口感彈牙，廣島蠔飽滿多汁，兩者一點異味都冇，非常新鮮～ 「熱芒果&西柚紅茶」本來我以為會怪，但係味道卻莫名地夾🤩紅茶香香醇微澀，同西柚嘅酸甜果香仲有芒果嘅芳香巧妙融合，入口清新爽口，係一款奇妙嘅配搭～

水要自己出去斟，用QR Code落單，但係埋單卻要收加一❛ 火炙三文魚鰻魚茶漬飯 ($168)有得揀昆布湯或香濃蝦湯，揀左昆布湯清淡D唔會蓋三文魚鰻魚嘅味，昆布湯淋到飯上食幾開胃鰻魚都有半條，但係好似燒耐左有D乾三文魚嫩滑有3塊❛ 海鮮蕃茄拉麵 ($108)都幾大碗，幼拉麵好掛湯，但就好快索晒D湯無乜嚼勁，口感較似上海麵多過拉麵唔係正宗日式拉麵蕃茄湯底清新開胃唔太鹹唔膩海鮮有蜆、墨魚、蝦仁｜蜆肉都幾大鮮甜｜墨魚同埋蝦仁食得出係急凍嘅無乜味—ʜᴋᴅ $100-200 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? no𝙤𝙫𝙚𝙧𝙖𝙡𝙡: 6.5/10—📍 紅葉茶屋 MOMIJI-CHAYA荔枝角長順街15號D2 Place TWO 1樓110-111號舖

D2 Place two嘅紅葉茶屋( ¨̮ )小店以明亮木色主打日式料理二人set好豐富飽到傻咗 尤其紅葉四點盛配搭有創意之餘都幾好食！而且價錢都好划算而且飽肚幾推介嘅小店♡︎ ♪ Starter前菜-紅葉四點盛&龍蝦沙律龍蝦沙律好爽口超大碗沙律bowl薄脆之餘酸酸甜甜原來都幾夾.ᐟ.ᐟ紅葉四點盛好特別仲有炸蝦、芝豆、八爪魚、刺身每樣好fresh口感好豐富&開胃 ♪Main Course主食照燒雞熱辣辣嘅，非常好👍🏻！雞扒厚切大塊肉質嫩滑，佢嘅飯仲要係好味嘅珍珠飯，照燒雞扒都正常，啖啖肉😋真係抵食。鹽燒鯖魚，魚身嘅切口有助檸檬汁滲入肉內，魚皮脆身，魚汁都鎖喺內。鹽燒所以不沾鼓油都可，好送飯。 ♪Dessert甜品-抹茶白玉&黑蜜抹茶蕨餅食完一連串嘅主食🔥之後食翻個甜品埋尾～抹茶白玉精心製作，餡料係抹茶，軟糯清甜，難得並不過甜；黑蜜抹茶蕨餅-凍凍地，質感Q彈順滑，味道香甜，有幾香濃嘅抹茶🍵味，有淡淡嘅黑蜜香氣，配埋出面嘅抹茶粉🍵味道更加濃郁

紅葉茶屋 位於 D2 2 Place 🍁 日式和風 cafe 🎏🥗 龍蝦沙律龍蝦肉球 鮮甜彈牙 特製醬汁 帶酸清爽 開胃清新🍱 紅葉四點盛炸蝦 酥脆不膩 枝豆 豆味鹹香八爪魚 彈性咬勁 刺身 片片新鮮🍜 北海道味增叉燒野菜拉麵味噌口味 湯底濃郁 鮮嫩叉燒 拉麵滑溜 口感彈牙 🍖吉列豬扒 外皮香脆 厚實軟嫩 入面多汁 配廣島蠔 帶海水鮮🍰 抹茶雲石紋芝士蛋糕兩層芝士 夾層抹茶 口感幼滑 濃郁奶香 甘苦抹茶🍃鐮倉紅葉茶屋抹茶提拉米蘇照牌甜品 順滑忌廉 芳香抹茶 苦甜平衡 不會過膩

前幾日同屋企人去咗荔枝角紅葉茶屋食午餐，環境幾舒服，座位算闊落，午市套餐選擇都幾多，價錢合理，主食仲有前菜同小食。🍜 蜆肉烏冬烏冬彈牙，湯底清甜帶少少柚子香🍋，飲落幾清爽，加埋蜆肉同香蔥。蜆肉新鮮無腥味，食落幾舒服，適合想食啲烏冬同埋蜆啲嘅人😋🥩 壽喜燒牛肉飯牛肉炆得夠腍，醬汁甜甜地好惹味，配埋白飯好易入口。份量適中，仲有配菜平衡返味道。個汁撈飯食特別正🤤🥗 蕃茄沙律蕃茄幾甜🍅，醬香濃但唔會搶味，配埋爽口生菜，簡單清新，幾啱配搭其他味道濃啲嘅主食。呢度環境舒服，食物水準穩定，份量啱啱好，價錢又平🔥！

【荔枝角紅葉茶屋🍁高CP值嘅日式午餐🍱】-前幾日中午同屋企人去咗【紅葉茶屋】食lunch，呢間日式餐廳裝修簡單乾淨，坐得幾舒服，午市人流唔少，不過等位時間尚可，翻枱幾快。🔹 蜆肉烏冬湯底帶少少柚子香，入口清爽，味道唔會太腥，飲落幾舒服。蜆肉新鮮，夠哂味道。烏冬煙韌度OK，食落順口。🔹 炸物拼盤炸蝦外皮薄脆，唔會太厚粉，咬落去仲有少少彈性，點蛋黃醬幾夾。廣島蠔炸得剛剛好，外層夠香脆，但裡面仲保持到少少蠔汁，食落唔會乾。加少少檸檬汁味道更平衡，整體炸得幾乾身，唔會太油膩。🔹 壽喜燒牛肉定食牛肉切得薄，油脂適中，口感軟腍，醬汁滲入牛肉，鹹甜味適中，唔會太搶口，配飯幾夾，成個定食簡單但夠味。呢間日式餐廳價錢合理，午市選擇都幾多，啱晒約朋友或者屋企人食個簡單lunch✨。

呢間餐廳嘅嘢食將經典同創新結合，帶嚟豐富嘅味覺享受，每一碟料理都係精心挑選食材，呈現最正宗嘅和風美味。和牛壽喜燒定食▶️油花細緻分佈嘅和牛，肉質嫩滑且帶有濃郁嘅牛肉香味。壽喜燒醬汁帶有微甜同鹹香味，令牛肉喺鍋中吸附滿滿嘅醬香，食落去入口即溶。配搭粒粒分明嘅白飯，米粒吸收肉汁同醬汁嘅精華之後，每一啖都充滿滿足感。明太子忌廉烏冬▶️帶來別具特色嘅口感體驗。烏冬麵條彈牙順滑，忌廉湯底濃厚而不膩，鹹香鮮味嘅明太子點綴其中，帶來豐富嘅鮮美口感。旬之野菜▶️就用咗鮮嫩嘅蔬菜，以簡單嘅方式料理，保留天然鮮甜同爽脆口感。每一啖都能夠感受到食材魅力，清爽解膩。餐廳位於荔枝角長順街15號D2 Place TWO 1樓，大家不妨嚟試吓呢餐美味嘅晚餐。

當我哋每次都唔知食咩嘅時候，我同老公都會去附近嘅日式餐廳。因為呢度環境優美，又好靜。當然呢度嘅食物味道又好💚令人胃口大開。今次叫咗牛肉茶漬飯，飯上面放咗好多牛肉同海苔，睇落好有食慾。牛肉食落非常滑嫩，配飯非常夾。最精彩嘅部分就係淋上咗蝦湯，食落更加鮮美無比。明太子忌廉烏冬麵食落香甜，湯底香濃十足，一口面一口湯，真係好爽口！麵條煮得啱啱好，唔會太軟或者太硬，食多都唔會膩！仲有炸物，熱辣辣食，真係好脆！而且入面仲帶出咗芝士嘅咸香味道，令人難以忘記，食到停唔落，一口接一口。我哋食到好開心，好幸福附近有間咁正嘅餐廳！下次仲想帶埋屋企人一齊嚟試下。

前幾晚同男朋友去咗荔枝角紅葉茶屋食晚餐，呢間餐廳環境幾舒服，氣氛比較寧靜好適合我地傾下密解，我哋食左幾款主菜同小食😋成個dating都好舒服，呢度菜式選擇夠多，中意食日式料理嘅朋友可以黎試下 🌟牛肉壽喜燒壽喜燒鍋上枱嗰陣香氣十足，牛肉係煮到好嫩，吸滿曬壽喜燒汁嘅甜味🍲配埋蔬菜同豆腐，啖啖都係精華，陪咪白飯真係超正 🌟卡邦尼烏冬配溫泉蛋烏冬好煙韌，帶少少奶香。加埋溫泉蛋撈埋一齊，每一啖都好creamy🍝但又唔會覺得膩🌟炸蝦配蛋黃醬紅葉四點盛入面嘅炸蝦炸得香脆，蝦肉夠彈牙，仲要系成隻🦐配埋蛋黃醬又香又脆，芝豆炸到外脆內軟，八爪魚好新鮮，食落去就冰冰涼涼，好有嚼勁 🌟龍蝦沙律呢個沙律擺盤幾靚，份量啱啱好，配埋清爽嘅沙律菜🥗上面仲有一粒龍蝦球，好特別🌟期間限定軟雪糕呢個雪糕係當晚嘅小驚喜🍨奶味香濃，質地好滑🌟抹茶提拉米蘇同熱抹茶抹茶提拉米蘇幾正，帶少少微苦嘅抹茶味平衡咗芝士嘅甜，入口即化🧁熱抹茶飲落去暖笠笠仲有陣抹茶既清香🌟冰奇異果雜莓茶呢杯茶清新酸酸甜甜🥝好解膩

出嚟做嘢後，大家都各忙各，今日啱啱有時間，就同大學好友約咗出嚟食嘢，大家一致推薦咗呢間日式餐廳。我點咗和牛壽喜燒定食，壽喜燒嘅湯底好香，甜鹹適中，牛肉片唔薄唔厚，切得啱啱好，每片涮煮後食落口，真係忍唔住想繼續食。湯底仲有豆腐同蔬菜，豐富嘅壽喜鍋配埋好香嘅米飯，每一口都好好食。朋友就點咗芝士雞肉番茄烏冬，烏冬面煮得啱啱好，唔會太軟又唔會太硬，配埋芝士醬，再加上番茄嘅酸甜味，好開胃。仲點咗一份清酒煮蜆，蜆肉好新鮮又好飽滿，清酒香氣滲入其中，令人忍唔住連湯都想飲晒。我朋友仲加咗一份炸雞拼盤。呢個拼盤有外皮金黃酥脆嘅炸雞，外酥內嫩，蘸上特製嘅日式辣醬後更加好食，更加美味。最後我仲點咗一杯熱抹茶，抹茶味道好濃郁，而朋友就點咗冰涼嘅薄荷紅茶，都好解膩又清爽。呢間餐廳大家都覺得好好食，滿足咗大家嘅味蕾。我哋邊食邊傾偈，好開心。

今日去咗紅葉茶屋食晚飯，叫咗個二人套餐，真係食到好滿足！一坐低，侍應就送上前菜，個龍蝦醬沙律真係大大份，新鮮彈牙，配埋蟹籽醬，香濃得嚟又唔會太漏，啲生菜爽脆，食落好開胃！跟住仲有紅葉四點盛，樣樣都係新鮮刺身，特別係隻蝦，肉質爽甜，毛豆清甜可口，八爪魚夠韌夠新鮮，刺身厚切夠晒誠意，配埋醬油，正！香辣燒牛肉真係一流，牛肉切得薄薄地，入口即溶，香辣醬汁夠香夠惹味，辣度啱啱好，唔會辣到標眼水，食完仲想再叫多份！溫泉蛋卡邦尼烏冬係另一個層次，啲烏冬彈牙有嚼勁，溫泉蛋流心，同卡邦尼醬汁完美融合，creamy嘅質地配烏冬真係絕配，食落唔會覺得漏。最後嘅抹茶提拉米蘇都係一絕，抹茶味香濃唔會太苦，雪糕夠滑，抹茶同雪糕嘅層次分明，食落層次感十足！整體嚟講，呢個套餐真係超值，份量十足，質素都好高！最欣賞佢哋啲食材新鮮，每樣嘢食都做得好細緻。餐廳嘅環境都幾舒服，裝修日式風，好有feel。如果想食日本嘢，呢度真係一個好選擇，一定會再嚟！